#1  
قديم 03/06/2007, 12:23 PM
زعيــم فعــال
تاريخ التسجيل: 18/01/2005
مشاركات: 424
Thumbs down الادارة فاشلة و اللي ماعاجبه براحته .....

السلام عليكم

ادري ان كثير من الاعضاء راح تكون ردة فعلمهم عكسية و سلبية على الكلام اللي ابي اقوله ، وادري انهم بيتكلمون وبيحكمون بعاطفتهم الجياشة ...... لكن لازم اتكلم ..... وارضى بردة الفعل ايا كانت ....



في البداية اعتقد ان الادارة سبب رئيسي في الخسارة في النهائي ، ليه ... ؟ ، الامير محمد بن فيصل يقول ان الاعداد كان سيء ويقول ما فيه دعم من اعضاء الشرف ،،، طيب وش كنتوا تسوون في أسبانيا.... سياحة....؟ واذا ماعندكم دعم مادي ،،، ماهو شرط تسوون ( المعسكر ) في اسبانيا ،،، روحوا لأي مكان مناسب وتتوفر فيه احتياجات المعسكر ( الوحدة مثلا معسكرة في مصر ، وتعرفون وين وصل الفريق الوحداوي )

بعدين من هم اللاعبين المحليين المؤثرين اللي تعاقد معهم النادي خلال رئاسة الامير محمد ... ؟ بتقولون ياسر القحطاني ... بقول لكم صحيح .... ولكن من غير ياسر .....
لاحظو الاسماء التالية ( مع احترامي الشديد لهم جميعا ) : ياسر إلياس ، خالد العنقري ، عبداللطيف الغنام ، ( عبدالرحمن العصفور سابقا) ....................... من منهم اصبح لاعبا له وزنه في الفريق ... ومن منهم يستحق أن يأخذ مكانا يمكن ان يأخذه احد اللاعبين من شباب النادي ....

يجب ان نستغني عن : العنقري ، الياس ، الخثران (لاتنسون انه جانا من نادي الشباب وشوفوا اللي الحين يلعب مكانه) ، العنبر ...... يقولون لاعب كبير .... والله انه لاعب طويل .... واللي خلاه كبير هدف كوريا ..... ترى و الله اللاعب ماعنده سالفه ......وتراه زي ألفان ( خرفان )....... لكن وش نقول ...................ادري كثييييييييير من الجمهور يبي يعصب علي .... بس انا من البداية قلت ابي اتحمل .........

وين : سعد الذياب ، احمد الحربي ، مشعل الموري ، بدر الدوسري .... واخيرا فهد سرور ....

والمشكلة الكبرى اننا في هذا الموسم تعاقدنا مع 4 مدربين ...... هههههههه ....4 مدربين ..... وآخرهم ( الداهية ) باكيتا .... وعلى ذكر الغالي باكيتا ... والله العظيم كنت من أول المطالبين - كعاشق للزعيم - بعدم التعاقد معه ... ولكن الجمهور غلبة عليهم العاطفة ... وقالوا مدرب كبير ..... و الظاهر انه فعلا طلع كبير ........

لا ، و الادهى و الامر معسكر العين المضحك ..... يعسكرون للنهائي ويرفضون الحديث حتى لوسائل الاعلام ... قال ايش ( تهيئة نفسية ) ..... و اعضاء الشرف يتحدون وما دروا ان اللي قدامهم فريق يبي يفوز مثلهم ..... و الدريل رده اللي في الملعب ..............والنتيجة يجون قبل المباراة بليلة و متأخرين ..... و الاتحاد من يوم الاحد في الرياض ...... شي محزن ....

والصراحه والله العظيم من يوم شفت تصريحات الامير محمد قبل المباراة ، عرفت اننا خسرانين ، حسيت انه ما هو متفائل .... ويبي يدور عذر ....( أعضاء الشرف ) ...... يا صاحبي اعضاء الشرف تبيهم يلعبون معك في الملعب .....انت وصلت للنهائي .... واذا عندك شي في نفسك قوله بعد انتهاء المباراة .....

لا ويقول انا جاملت هذي السنة عشان جمهور الهلال .... ( هذا هو المضحك المبكي ) يا عزيزي لا تجامل من اجل الزعيم.... الله يكثر خيرك ..... انت ترأس نادي اسمه ( الزعيم ) ..... ومانبي مجاملة و النتيجة سلبية مثل ما شفنا ........


حيل الله اقوى ...............


ادري طولت شوي ...... لكن فيه نقطة وحدة بس ابي اقولها ..... وتذكروها زيــــــــــــن ......


لا تحلمون بالبطولة الآسيوية
لا تحلمون بالبطولة الآسيوية
لا تحلمون بالبطولة الآسيوية



تذكروا كلامي زين .......


ولكن ،،،،

( سيبقى الزعيم زعيما )
اضافة رد مع اقتباس
  #2  
قديم 03/06/2007, 12:34 PM
زعيــم متواصــل
تاريخ التسجيل: 16/04/2007
مشاركات: 56
والشي اللي يجمع كلامك كله هو

المجاملات.

اول مرة اشوف موضوع يتكلم عن مشاكل الزعيم بشفافية وبصراحة

تسلم
اضافة رد مع اقتباس
  #3  
قديم 03/06/2007, 12:52 PM
زعيــم فعــال
تاريخ التسجيل: 01/12/2006
المكان: نجد العذيّـه
مشاركات: 453
ابو سلطان ,,

والله العظيـــم .. كنت ناوي انزل موضوع شبيه بموضوعك ,,

لكن كفيت ووفيت ..
اضافة رد مع اقتباس
  #4  
قديم 03/06/2007, 02:40 PM
زعيــم فعــال
تاريخ التسجيل: 17/04/2007
مشاركات: 341
انا والله سمعت من اكثر من واحد كبير وفاهم ان ابو سلطان له سنه مادفع ولا فلس وانه مواعد النادي ب 50 مليون وايضا واعدنا بالاسيويه ومشى وخلانا وانا ماني متأكد من الكلام ذا ..؟
اضافة رد مع اقتباس
  #5  
قديم 05/06/2007, 02:43 PM
زعيــم فعــال
تاريخ التسجيل: 29/04/2007
مشاركات: 214
مشكوووور اخوي على موضوعك الرائع

لكن خلاص اللي راح راح
اضافة رد مع اقتباس
  #6  
قديم 05/06/2007, 02:51 PM
زعيــم مميــز
تاريخ التسجيل: 19/05/2007
المكان: الرياض وقلبي سدير
مشاركات: 2,614
وربي حرام عليك الحين ابو سلطان مو عااجبك
ترى يوم يجي كنا على زمن الخمسات نبي نخسر بفرق هدفين اهوون وصرنا نخسر بالخمسات لين جانا ورجعنا للبطولات على اقل أشكره بموضوعك يعني معقووله ثلاث سنوات ولاسوى اي شي يشفعله عندك ،،،
وربي انك تقهر ياااسر من جااابه تفااريس وطاارق جايبنهم عيال الجيران الظااهر
بدال ماتنزلون مواضيع تشكرونه تقولون كذا الحمدلله اني مو رئيس عندكم ،،
غلطه وحده تنسيكم أيــام الظااهره ،،
آآآآآه وربي شي يقهر رجاء رجاء اي مواضيع تمس أبو سلطاان لحد ينزل لأن جماهير (الزعيم) ماترضى عليه ،،،
اضافة رد مع اقتباس
  #7  
قديم 05/06/2007, 02:58 PM
زعيــم مميــز
تاريخ التسجيل: 15/05/2007
مشاركات: 1,670
نسيت البرقان....
اضافة رد مع اقتباس
  #8  
قديم 05/06/2007, 03:10 PM
موقوف
تاريخ التسجيل: 14/08/2005
المكان: جــــدة عـــروس الـــبحر
مشاركات: 1,107
كلامك عين العقل يا ابو سلطان وموضوع يستحق التثبيت

وبعدين محمد بن فيصل الله يعطيه العافية راح بخيره وشره وانا بصراحة ما توقعت انه بيروح بهذي السهولة وفي الوقت

هذا بالذات لان الهلال محتاج (رجال) توقف معه في الوقت هذا مب بس في الفوز والبطولات .

وبعدين ابو سلطان هدم كل الي بناه في 3 السنوات الي راحت في دقيقة وحدة .

وبعدين الي رافع ضغطي كل ما انتكس الهلال حطها في اعضاء الشرف واعضاء الشرف يعني اذا فيه خلافات

كنت اتمنى انها تنحل داخل النادي مب قدام الاعلام وليعلم محمد بن فيصل ان اعضاء الشرف هم داعمين ومتطوعين

ولا تقدر تجبرهم على اشياء معينة او مبالغ معينة وشكرا
اضافة رد مع اقتباس
  #9  
قديم 05/06/2007, 03:21 PM
الصورة الرمزية الخاصة بـ الهلال السهم القيادي
زعيــم مميــز
تاريخ التسجيل: 28/05/2007
المكان: لاشجــر،، لانهــر،،لابحــر،،(آهـ ما ارق الرياض)
مشاركات: 3,119
والله انا اتفق معاك في اللي قلته و فعلاً ما احد انتقد بصراحه وشفافيه زيك،،،

الهلال يا صديقي الكريم لا يحتاج الى مجالمة من يكون والهلال زي ماتعطيه تاخذ منه (ما راح اوضح اكثر من كذا)

على العموم اللي راحوا راحوا بخيرهم وشرهم الله يوفقهم ،،

والزعيم ان شاء الله كبير برجالاته وجماهيره ولاعبينه واسمح لي اخي العزيز اختلف معاك خلاف الأحبه واقول

أسيـــــــــــــــا لنا بأذن الله

وشكراً
اضافة رد مع اقتباس
  #10  
قديم 05/06/2007, 03:28 PM
الصورة الرمزية الخاصة بـ Hictar
كاتب مثقف بالمجلس العام
تاريخ التسجيل: 18/04/2007
المكان: مازلت على ذلك الجرف.
مشاركات: 7,823
لا تعليق
إذا كان الموضوع يمس محمد بن فيصل
لا تعليق
اضافة رد مع اقتباس
  #11  
قديم 05/06/2007, 04:23 PM
زعيــم متألــق
تاريخ التسجيل: 08/04/2007
المكان: الــــــــرياض + الخــبـر
مشاركات: 1,413
المفروض الجمهور الهلالي يشكر ابو سلطان على كل الي سواه موضوعك هذا خلاص ماله لازمه الحين لانه الي راح راح وانشاااله اسيا بنحلم فيها وراح نحقق الحلم وتذكر كلامي زين
اضافة رد مع اقتباس
  #12  
قديم 05/06/2007, 04:45 PM
موقوف
تاريخ التسجيل: 10/01/2006
المكان: قلب الهلال
مشاركات: 209
إقتباس
الرسالة الأصلية كتبت بواسطة the minister 2



اول مرة اشوف موضوع يتكلم عن مشاكل الزعيم بشفافية وبصراحة

تسلم


يحق لك تستغرب


لأن المتعاهد عليه ان الحقيقه تحارب


والمدح والتطبيل يثبت


ياخي بعض المشرفين كبار بعقليه وراعين
اضافة رد مع اقتباس
  #13  
قديم 05/06/2007, 05:23 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
إقتباس

( الوحدة مثلا معسكرة في مصر ، وتعرفون وين وصل الفريق الوحداوي )

يعني معسكر مصر هو الي وصل الوحدة للمربع؟ طيب ليش ما وصلهم لنهائي كأس ولي العهد وكأس الأمير فيصل؟؟ ماله علاقه بمستواهم عناصر فريق الوحده ومتوسط العمر بعد توفيق الله طبعا هو الي وصلهم ولكن مو المعسكر خلونا واقعيين شوي


إقتباس
بعدين من هم اللاعبين المحليين المؤثرين اللي تعاقد معهم النادي خلال رئاسة الامير محمد ... ؟ بتقولون ياسر القحطاني ... بقول لكم صحيح .... ولكن من غير ياسر .....

ياسر يكفيك ويريحك من هم الهجوم لمده طويله لوما جبنا الا ياسر
يكفي
إقتباس


لاحظو الاسماء التالية ( مع احترامي الشديد لهم جميعا ) : ياسر إلياس ، خالد العنقري ، عبداللطيف الغنام ، ( عبدالرحمن العصفور سابقا) ....................... من منهم اصبح لاعبا له وزنه في الفريق ... ومن منهم يستحق أن يأخذ مكانا يمكن ان يأخذه احد اللاعبين من شباب النادي ....


زي ما قال الأمير عبد بن مساعد مشكلة الجمهور انهم يبون فريق كامل كله يوسف الثنيان يا عزيزي ارجع وشف كم للعناصر هذي مشاركه مع الفريق ياخي فيه فتره ما تقل عن السنه عشان يوصلون للنضوج الكروي ولا تنسى المنتخب الأولمبي شتت اللاعبين بإختلاف المدربين...وانت تحمل معسكر العين جزئ من الخساره طيب حمل اختلاف المدربين والمنتخب جزئ من تدني مستواهم لا !!!!!!!!

إقتباس
يجب ان نستغني عن : العنقري ، الياس ، الخثران (لاتنسون انه جانا من نادي الشباب وشوفوا اللي الحين يلعب مكانه) ،


على كلامك هذا تبي تشيل الأظهره وتفاريز بيروح بعد ست شهور والمفرج ما يقدر لحاله وين بتعوض الفريق منه خط دفاع كامل ؟؟؟؟ من بنده؟ ......المسئله مو بالسهوله هذي ولاعب دافع عليه فلوس لازم تعطيه فرصه يخدمك


إقتباس
وين : سعد الذياب ، احمد الحربي ، مشعل الموري ، بدر الدوسري .... واخيرا فهد سرور ....




حتى هذولي تتوقع بيجونك جاهزين؟؟؟ شفت فهد سرور كانت المباراة اكبر من قدراته ما استوعبها جته كوره وسوا حركة رونالدينو بس نسى ان رونالدينو يكملها مو يسويها ولا يدري بعدها وش يصير هذا اسمه نقص خبره عن دوره في الملعب
إقتباس
والمشكلة الكبرى اننا في هذا الموسم تعاقدنا مع 4 مدربين ...... هههههههه ....4 مدربين ..... وآخرهم ( الداهية ) باكيتا .... وعلى ذكر الغالي باكيتا ... والله العظيم كنت من أول المطالبين - كعاشق للزعيم - بعدم التعاقد معه ... ولكن الجمهور غلبة عليهم العاطفة ... وقالوا مدرب كبير ..... و الظاهر انه فعلا طلع كبير ........





بوسيروا غيروه بناء على طلب مدربين المنتدى ومدربين الصحافه وباكيتا كان اقرب خيار للإداره بوقتها واشوف ان اختيار باكيتا كان بالإجماع وبمباركة اغلبية اعضاء الشرف ولو ما طالبوا مدربين المنتدى والصحافه بإقالة بوسيرو ماكان اضطرينا لباكيتا



إقتباس
و الادهى و الامر معسكر العين المضحك ..... يعسكرون للنهائي ويرفضون الحديث حتى لوسائل الاعلام ... قال ايش ( تهيئة نفسية ) ..... و اعضاء الشرف يتحدون وما دروا ان اللي قدامهم فريق يبي يفوز مثلهم ..... و الدريل رده اللي في الملعب ..............والنتيجة يجون قبل المباراة بليلة و متأخرين ..... و الاتحاد من يوم الاحد في الرياض ...... شي محزن ....



صحيح الي بيدور العله سهل عليه..... الحين العالم تاركه تغييرات المدرب وتاركه العواجيز الي ماسكين مكان في الإحتياط على حساب غيرهم من باب التكريم وحاطين ان لو ما تأخرت رحلت العين كنا فزنا ...هذا منطق؟؟؟؟


إقتباس
والصراحه والله العظيم من يوم شفت تصريحات الامير محمد قبل المباراة ، عرفت اننا خسرانين ، حسيت انه ما هو متفائل .... ويبي يدور عذر ....( أعضاء الشرف ) ...... يا صاحبي اعضاء الشرف تبيهم يلعبون معك في الملعب .....انت وصلت للنهائي .... واذا عندك شي في نفسك قوله بعد انتهاء المباراة .....


لا ويقول انا جاملت هذي السنة عشان جمهور الهلال .... ( هذا هو المضحك المبكي ) يا عزيزي لا تجامل من اجل الزعيم.... الله يكثر خيرك ..... انت ترأس نادي اسمه ( الزعيم ) ..... ومانبي مجاملة و النتيجة سلبية مثل ما شفنا ........


طيب انت بنفسك ليش انتظرت كل الفتره هذي بما انك عارف ومتأكد من كل هالمعلومات عشان تحلل وتنتقد كنت تجامل مين؟؟؟؟




اضافة رد مع اقتباس
  #14  
قديم 06/06/2007, 09:49 AM
زعيــم متواصــل
تاريخ التسجيل: 08/05/2007
مشاركات: 90
تحياتي ( ابو سلطان )..

والله انك كبير بفكرك وتفكيرك..
كلامك جدا منطقي..
كفيت ووفيت وحطيت النقط على الحروف..

شكرا على الواقعية والبعد عن المجاملات والتطبيل للادارة الفاشلة..
التصفيق للادارة اللي تخبطت كثيرا بدءا من تغيرات المدربين الى التصريحات الغير مسئولة.. الى تخدير لا عبي الهلال وذلك بتهميش والتقليل من امكانيات الفرق الاخرى. واخر التخبطات معسكر العين ..
يعني عشان الشباب عسكر بالعين وعطانا ثلاثة العام الماضي بالنهائي..
اعتقدت الادارة ان اللي انهزمنا به نقدر نهزم به..

يا جماعة وش هالتفكير السلبي..حراااااام هذا حال الهلال..
اضافة رد مع اقتباس
  #15  
قديم 06/06/2007, 09:58 AM
زعيــم فعــال
تاريخ التسجيل: 08/11/2000
المكان: المملكه العربيه السعوديه
مشاركات: 416
إقتباس
واذا ماعندكم دعم مادي ،،، ماهو شرط تسوون ( المعسكر ) في اسبانيا ،،،

مشكور على موضوعك الجميل بس ياريت تذكرني متى الهلال عسكر في اسبانيا كل اللي انا اتذكره ان عسكر في تونس بالفريق الرديف؟

ولك تحياتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:52 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube