#1  
قديم 02/06/2007, 04:59 AM
زعيــم فعــال
تاريخ التسجيل: 04/02/2006
مشاركات: 477
للخساره اسباب وحلول .. رايك بهدوء وعقلانيه لعل وعسى احد يعبرنا !!!!!!

بسم الله الرحمن الرحيم


الحمدالله على كل حال .. نقول الف مبروكـ للاتحاد وهاردلك الهلال

تمنيناها هلاليه ولكن ..!

ما كل ما يتمنى المرء يدركه تجري الرياح بما لاتشتهي السفن

بس حبيت نجمع بهالموضوع اراءكم للخساره وحلولها بهدوووووء
وبكذا يكون كلامك له فايده ونقدر نوصل الفكره للاداره

الكل سمع كلام الامير محمد بن فيصل وهو ياكد ان كل المشاكل ماديه
وانه ما فيه سيوله حتى نجيب مدرب ثاني
وانه حتى مدرب اللياقه مو قادرين يجيبون
وان باكيتا هو اللي رضا يوقع بدون مقدم عقد!!
وانهم وقعو مع روريغاو قبل بخمس ساعات من انتهاء المده المحدده

بس اللي انا مو مستوعبه بيسيرو ليه يشيلونه !! يمكن بمباراة او مباراتين ما بدع شالوه !! يمكن مو بالمستوى ؟؟!عالاقل افضل من بااااااااكيتا !!!!!

باكيتا الكل مجمع على انه ما سوا شي .. يمكن بوجة نظر محمد بن فيصل انه يبني اكثر من فريق للهلال وان هذي ميزته الوحيده ؟؟ مو معقوله هذي الميزه الوحيده اللي عشانها تخلي مدرب انت بنفسك قلت انه مو تكتيكي وماعنده مزايا باستثناء هذي الميزه وتشيل عشانه بيسيرو !!!!!!!!!!!!!

روريغاو يمكن اليوم ما لعب بس فيه كم مباراة لعب فيها وسجل اكثر من هدف

المشكله مو بردريغاو الكل اليوم كان مو لاعب اقرب شي ياسر ابد مو بمستواه ولا التايب اللي كل الضجه الاعلاميه عشان يلعب بهالمباراة وبالاخير !!!

يعني ما نقول لاعب معين ولا نقول الاعبين كلهم فاشلين

المشــكله كلها باللياقه والمدرب

والقهر اللي الكل تكلم عنه وانا كنت احسب بس انا اللي ملاحظه

الغنام جاي غلط وبقوووووه بين الغامدي وعزيز

بجد غلـــــط

وثلاث محاور ويسمونه داهيه ؟! بس تراه بجد داهيه !

المدرب ما فيه جدال هو السبب لخسارتنا

بس ما ننسى اللياقه اللي هي السبب الرئييييسي بنظري

بصراحه ما كنا نشوف كوره

يعني ياسر بجد شكله مانام احسه بس يدور الفراش

الغنام باين عليه نفس الحاله ارهاق كبيييييير

تفاريس وانتبهت من برنامج رده فعل انه بجد وبقوه تفاريس الشد ما يجيه الا نادرا او بالضبط انا ما اذكر انه جاه !!وبمباراة اليوم؟؟!!!


معسكر العين الكثير علق عليه واتوقع كثير قال الله لا يعيده من معسكر ؟!!!!!

تاخر الطياره بسبب الظروف الجويه ... هذا كان كلامهم والطياره ما تاخرت الا كم ساعه ؟؟ كانت اساسا الساعه ثمنيه موعدها بس مو كان ثمنيه متاخر شوي ؟؟! الا كثيييييير ؟!

جمهور الهلال شين وقوة عيييييين !!!!!!!!! كل اللي كانو يهاجمون نواف بشده اليوم طالبو فيه ؟؟؟؟

نواف التمياط النجم اللي انظلم كثييييييييير اليوم كان جالس بالاحتياط

وعبداللطيف الغنام بداله موجود !
اتمنى يا نواف تنتقل للشباب من كل قلبي عالاقل بتلقى التقدير مع انك مو اللي حسمتلهم بطولات ولا اللي لهم معك ذكريات؟؟! وربي احسن له ويستفيد منه المنتخب ؟!..
قبل كنت اقول اللي يطلع من الهلال يضيع بس نواف غلط هذي المقوله ؟!
بتقولون نشرك لاعب مستواه طايح ؟!
يمكن خايف من ردة فعل الجماهير بعد العقد اللي صجيتوه فيه وما بقى سبه ما حطيتوها فيه؟! يمكن كره كورة القدم كلها بعد ما كان بطلها بسبة هالجماهير ؟؟!! يمكن قرر ينهي مسيرته وهو قادر يعطي ؟!

نواف الاعب الوحيد اللي جماهير الهلال انهته ؟؟؟!

كانت توقعاتي قبل بداية المباراة انه اخر الدقايق تحسم لصالح الهلال

تابعت المباراة اليوم وعلى توقعي بس المشكله ان لاعب الحسم ملطوع بدكة الاحتياط ؟!!!
كانت مباراة اليوم زي ما قال فيصل ابو ثنين مفروض تكون اثبات وجود لنواف التمياط ؟! واثبات للمنتخب انه غلط بعدم ضمه للقائمه ؟!
تحسرت ليمن قلت بس عبطل اسياااا بس ما باليد حيله كان املي هذي المباراة بس الحمدالله على كل شي

سامي الجااااابر اسم له ثقله عند كل الانديه

مفروض دخل اخر الدقايق صدقوني كان الوضع بيكون غيييير !!

وربي ما ادري وش اقول وش اخلي يا سامي بس اللي متاكد منه ما ادري كيف بشجع الهلال بدونك!!!!!!!!

ما انسى اشكر الغامدي اللي كان افضل لاعب هلالي بمباراة اليوم مع انخفاض مستواه!

الدعيع غلطك الوحيد يا ابو عبدالعزيز يالغلا كله اذا جتك ضربة مرمى ماله داعي تصير اخلاق بزياده وتعطيها حارس الاتحاد تيسير يعني احنا ناقصين !!!!


الشلهوووووووب مباراة اليوم اثبات ان مو اي احد ياخذ محلك للاسف كنا نتمنى نشوف الاحتياط بالمستوى !
تفاريس دموعكـ غاليه علي وانت غالي وضيقت صدري بخبر تركك للنادي
تمنيت تبقى بالهلال بس تاكد ان الهلال بيظل طول سنينه متذكر( صخرة الدفاع)

تمنيت نفوز اليوم اكيييييد وتمنيته بقوه عشان تكون نهاية سامي هالبطوله

بس قدر الله وماشاء فعل

الاهم الحين نفكر بالحلول

اتوقع لو الجمهور يترك التعصب والهجمات على الاعبين لان هذا يضر الهلال ما ينفعه
قل رايك باحترام ماله داعي تجرح بقوه بلاعب معين

بالاخير مارح تغير منه شي
بس الشي الوحيد اللي بتسويه نزول مستوى الاعب وبالتالي نزول مستوى الهلال والمنتخب

اتمنى بس انكم تفهمون هالشي

ان شاء الله يكون موضوعي بداية طرح عقلاني وليس تجريح لمجرد التجريح

وحاس ان الموضوع طويل بس خلاص هذا نشر للموضوع
اضافة رد مع اقتباس
  #2  
قديم 02/06/2007, 05:05 AM
زعيــم مميــز
تاريخ التسجيل: 24/07/2005
مشاركات: 14,960
حب دراهم والغرور


خربت لاعبينا
اضافة رد مع اقتباس
  #3  
قديم 02/06/2007, 05:33 AM
زعيــم فعــال
تاريخ التسجيل: 04/02/2006
مشاركات: 477
احتمال يكون العقود هي السبب وشتت ذهون الاعبين

بس السبب الابرز اللياقه !!!!!
اضافة رد مع اقتباس
  #4  
قديم 02/06/2007, 05:44 AM
زعيــم جديــد
تاريخ التسجيل: 30/05/2007
مشاركات: 4
الكل مسؤوول وذلك بناءا على المعادله التاليه>>> مدرس رياضيات على غفله
سوء الاعداد النفسي (الاداره)+ سوء في التعامل مع ضروف المباراه (المدرب)+ سوء في المسانده (الجماهير في الملعب)x لاعب متخاذل= خساره بطوله وضياع مجهود موسم كامل
اضافة رد مع اقتباس
  #5  
قديم 02/06/2007, 05:47 AM
زعيــم فعــال
تاريخ التسجيل: 04/02/2006
مشاركات: 477
الكل مسؤول بس صدقني لو يتغير المدرب ومدرب اللياقه تشوف كيف التحسن
اضافة رد مع اقتباس
  #6  
قديم 02/06/2007, 05:52 AM
زعيــم مميــز
تاريخ التسجيل: 14/10/2002
المكان: جدة
مشاركات: 6,039
والله العظيم اني اول مرة في حياتي احمل مدرب مسؤولية خسارة مباراة بشكل كامل


ولا تلوم اي لاعب لا التايب ولاغيره انت قلت بنفسك المدرب لاعب بثلاثه محاور ومهاجمين اش تبغى التايب يسوي لحاله في النص في غياب الشلهوب
اضافة رد مع اقتباس
  #7  
قديم 02/06/2007, 05:55 AM
زعيــم متواصــل
تاريخ التسجيل: 08/12/2006
مشاركات: 112
والله شيء يقهر ..

أنك تشوف أفضل لاعب في آسيا أحتياط ..
الله يرحم اثنين جابوك يا نواف ..
اطلع رح للشباب أو حتى الإتحاد أو النصر ..
والله ما يقدرك ويعرف فنك غيرهم ..

لاعب جدد معه الهلال بأكثر من ستة مليون وهو بهالسن المتأخرة
ليه ؟؟ عشان سواد عيونه ؟؟!!!!!!!!!!!!!

قسم بالله السبب الأول والأخير الجمهور ..
ما ألوم المدرب صراحه ..
لأنه من جاء والجمهور البزر غير راضي عن نواف ..

آآآآآآآآآآآآآآآآه بس وش أقول من القهر ..
اضافة رد مع اقتباس
  #8  
قديم 02/06/2007, 05:58 AM
زعيــم مميــز
تاريخ التسجيل: 08/09/2005
المكان: آلريـ k.s.a ـآض~..
مشاركات: 5,634
اخوي اللياقه ممتازة بوجود الحسيني


لكن العلة كلها اتوقع ان اللاعبين ارهقوا بعد مارجعوا من العين بيوم واحد يفصل عن النهائي ومن الامارات اكيد ارهاق


انا كنت متفائل بمعسكر العين عشان الحسيني كان موجود الموسم اللي راح مع الشباب وعسكروا بالعين قبل النهائي وافزوا علينا 3_0

وهالمرة ماكتبها ربك وراحت للاتحاد


صحيح ان باكيتا قهرني يوم قفل بعد الهدف مدري يحسب انه فايز ثلاثه او اربعه عشان يقفل

الفان موجود والصويلح موجود هذا اللي قهرني
يوم انك شفت ان ياسر انصاب اخر ربع ساعه
المفروض ياسيد باكيتا يدخل سااااامي ولا غييييييير سامي هذا ثاني نهائي ورا بعض مايلعب سامي خير ان شاء الله ؟؟؟


عالعموم من وجهة نظري الخسارة الحقيقية بعد مباراة النهائية هو رحيل ابو سلطان . ورحيل تفاريس للدوري القطري ان صح الخبر

وربي هذي اكبر خسارة


انا ماهمتني الهزيمة وربي كثر ماهمني ابو سلطان وتفاريس من بعدهم مدري وش بيصير بالهلال


الشلهوب انا متأكد مليوووووووووووووووون وترليوووووون بالمية انك تقدر تلعب اليوم والدليل معسكر العين ونزلت تسخن قبل المبارة يعني نفص لياقة ولااكثر والمفروض تنزل الشوط الثاني او نص الشوط الثاني


الغنام حرام على هالمستوى 12مليون وان شاء الله تتحسن
اضافة رد مع اقتباس
  #9  
قديم 02/06/2007, 06:00 AM
زعيــم فعــال
تاريخ التسجيل: 04/02/2006
مشاركات: 477
المدرب كان مرره مخبط

بس نفس الشي ما ننكر ان الاعبين كانو داخلين الملعب نايمين
انت شايف ياسر كيف عيونه رايحه فيها من اول ما دخل دايخيين فيهم النوم
اضافة رد مع اقتباس
  #10  
قديم 02/06/2007, 06:00 AM
زعيــم مميــز
تاريخ التسجيل: 08/09/2005
المكان: آلريـ k.s.a ـآض~..
مشاركات: 5,634
اصلا التايب قفل عليه كريري والسويد الشوط الثاني وهو لحاله بالوسط


ويوم طلع ياسر والفن ودخل العنبر لحاله هجوم هالرخمة وباكيتا مقفل وين معه تفوز بالله
اضافة رد مع اقتباس
  #11  
قديم 02/06/2007, 06:01 AM
زعيــم مميــز
تاريخ التسجيل: 08/09/2005
المكان: آلريـ k.s.a ـآض~..
مشاركات: 5,634
بعدين نور مستلج يبي يثبت لانجوس نجوميته واعتقد سوا اللي براسه
اضافة رد مع اقتباس
  #12  
قديم 02/06/2007, 06:17 AM
الصورة الرمزية الخاصة بـ أنا الهلالي والنعم
زعيــم مميــز
تاريخ التسجيل: 08/02/2005
المكان: فـي الـطائرة .
مشاركات: 16,010
السبب هو الحسيني ومعسكر العين وعدم حسم تجديد العقود ومدرب داهية بتشكيلته وتكتيكه اللي زي وجهه.
اضافة رد مع اقتباس
  #13  
قديم 02/06/2007, 06:17 AM
زعيــم فعــال
تاريخ التسجيل: 23/03/2005
مشاركات: 311
جمهور الهلال شين وقوة عيييييين !!!!!!!!! كل اللي كانو يهاجمون نواف بشده اليوم طالبو فيه ؟؟؟؟

نواف التمياط النجم اللي انظلم كثييييييييير اليوم كان جالس بالاحتياط

وعبداللطيف الغنام بداله موجود !
اتمنى يا نواف تنتقل للشباب من كل قلبي عالاقل بتلقى التقدير مع انك مو اللي حسمتلهم بطولات ولا اللي لهم معك ذكريات؟؟! وربي احسن له ويستفيد منه المنتخب ؟!..
قبل كنت اقول اللي يطلع من الهلال يضيع بس نواف غلط هذي المقوله ؟!
بتقولون نشرك لاعب مستواه طايح ؟!
يمكن خايف من ردة فعل الجماهير بعد العقد اللي صجيتوه فيه وما بقى سبه ما حطيتوها فيه؟! يمكن كره كورة القدم كلها بعد ما كان بطلها بسبة هالجماهير ؟؟!! يمكن قرر ينهي مسيرته وهو قادر يعطي ؟!

نواف الاعب الوحيد اللي جماهير الهلال انهته ؟؟؟!

كانت توقعاتي قبل بداية المباراة انه اخر الدقايق تحسم لصالح الهلال

تابعت المباراة اليوم وعلى توقعي بس المشكله ان لاعب الحسم ملطوع بدكة الاحتياط ؟!!!
كانت مباراة اليوم زي ما قال فيصل ابو ثنين مفروض تكون اثبات وجود لنواف التمياط ؟! واثبات للمنتخب انه غلط بعدم ضمه للقائمه ؟!
تحسرت ليمن قلت بس عبطل اسياااا بس ما باليد حيله كان املي هذي المباراة بس الحمدالله على كل شي



كلامك عين العقل .. لقد اصبت فيما كتبت ..



تفاريس دموعكـ غاليه علي وانت غالي وضيقت صدري بخبر تركك للنادي
تمنيت تبقى بالهلال بس تاكد ان الهلال بيظل طول سنينه متذكر( صخرة الدفاع)


8
8

وربي ان هذا اكبر شي خسرناه هالموسم ..



خالص احترامي وتقديري لصاحب هالموضوع ...

لاعدمناك يالغلا ,,
اضافة رد مع اقتباس
  #14  
قديم 02/06/2007, 09:44 AM
زعيــم فعــال
تاريخ التسجيل: 04/02/2006
مشاركات: 477
الغنام انظلم بهالمباراة

موقعه كااااااان هو اللي ما خلاه يلعب او خلاه يحوس بدون فايده

باكيتا هو اللي عليه اغلب اللوم والباقي على حال الاعبين اللي كانو منهكين
اخوي انا الهلالي والنعم اوافقك الراي

يا قاهرهم يا هلال فيه لاعبين وقسم بالله مظلومين

يعني العنبر ضحيه نفس الشي
العنبر ما يلعب المباريات البسيطه عشان يدخله هالمباراة
وبعدين حتى زياده دخول العنبر خطا لاننا كنا محتاجين سرعه وقتال عالكوره هذا ما يملكه العنبر اصلا الحماس معدوم يدخل العنبر !
وبجد تفاريس راح نفقده كثييييييييير هالموسم وراح نتعب بالدفاع
لازم ندور واحد مثل تفاريس جسمانيا ومثل حماسه وهذا صعب!!
اضافة رد مع اقتباس
  #15  
قديم 02/06/2007, 10:39 AM
زعيــم فعــال
تاريخ التسجيل: 04/02/2006
مشاركات: 477
بالنسبه لمحمد نور ..اصلا محمد نور لاعب خطير وحماسي وهذي احسن ميزه عنده ..و خالد عزيز المباريات اللي فاتت ما كان مخليه بس اليوم !!!!!!!!!!!!

وبمباراة نهائيه !!!!!!!!!!

ومفروض الادارة برئاسة الامير محمد بن فيصل تستمر .. وتحاول تعدل الاخطاء

لانه بصراحه نبي للهلال الاستقرار يعني عالبطوله الاسيويه بتترك ؟!

احنا بامس الحاجه لتعاولن الكل من الجهاز الفني والاداري واعضاء الشرف والاعبين والجماهير
ونوقف وقفه قويـه لحل المشكله

اعضاء شرف انتم رجالات الهلال وين الدعم ؟!
خليتو كل شي على الامير محمد بن فيصل

واذا ملاحظين الامير محمد بن فيصل قال حتى لو على سبيل المجامله اتصلو اسالو محتاجين شي
يعني لهالدرجه التطنيش

عالاقل وعد وعدته التزم به !!!
لاااازم بجد نعييييييد النظر

وحتى انتم يا جمهورر

انت عليك واجب انك تساعد الاعب ما توقف ضده عالاقل ما ننهيه

وحتى محمد بن فيصل اكد هذا الموضوع وجاب المثال عليه نواف وانه افضل من الاعبين الاجانب اللي يجيبهم الهلال ولا يستفيد منهم بس الله يهدي الجمهور !!!!!!!!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:05 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube