بما ان اليوم جمعه ومن السنة الاغتسال , قلت خلني استغل المناسبة واتصفح نشرة الاتحاد الرياضي قبل الترويشة , بس للاسف , وجدت أشياء ازعجتني واغاضتني , وقلت خلني ابلغ الشباب اسويلهم برسنك قبل النهائي>>>>>>>> الي وصفته الصحافه (( نهائي الحلم وفي رواية أخرى السحاب )) .

صراحة اليوم قريت اشياء استعحبت منه , كلام المفروض ما يخرج من كتاب مقالات يومية , للدرجة ان احد الكتاب اسهب مقاله كامل عن هذي القضية واخذ يسترجع التاريخ الهلالي وانها ظاهرة ترعرت في البيئة الهلالية , واخذ يكيل التهامات على لعيبة الهلال , وان يوسف من زرع هذي البذرة في البيت الهلالي وسامي هو الذي سقاها طول سنوات تواجده و اصبحت في الوقت الحاضر نخله شيطانية , جذورها في الارض وفرعها في سماء نادي الهلال , تغدق على الاجيال الهلالية , طلع من الحيلة والمكر والخبث , ليستعينو به , أثناء خوض المباريات . ولو ذكرت لكم ما يقصده الكاتب لاستعجبتم اكثر واكثر , مايريد ان يذكره صاحب المقال الذي افرد مقاله للحديث عنها هو الهوليوود الهلالية او بمعنى اخر اكاديمية الهلال للتمثيل

صاحب المقال يريد ان يقول , بأن لعيبة الهلال دائماً ما يلجون الى التمثيل والتحايل على الحكم , من اجل احتساب الاخطاء , ولابد من لعيبت الهلال ترك هذا السلوك في مباراة هذه الليلة <<<< على باله ينصح ابو الشباب , لكن المثل يقول (( عجز يساوي ذنبه قام ورماه على غيره <<<< ترى المثل ماهو من اختراعه ابد , ياولد انفقع راسي وانا ادور مثل احتج فيه , قلت ما بدهاش غيرك ما هواحسن منك , الحاجة ام الاختراع )) , الكاتب عارف(ن) ان لعيبت فريقه حقين دفاشه ومتشربين قاعدة تقول : لا عد الاعب لا تعدي رجله , فراح يحذر وينذر الهلاليين من التمثيل , انا مادي وش يبي ذا الكاتب , هل يبي تفاريس يصنع لكيتا او ياسر يساند تكر ومنتشري <<<<<< عش مع كتاب الرياضي رجباً يشيب راسك .

الكاتب الثاني هو اسمه عبدالرحمن الناصر , ذا الكاتب رافع ظغطي من زمان , قسم ما ينفع لو منسق صفحات جريدة , ولا ومن شين النفس رازن صورة فوق المقال , مع انها ما راح تكون في يوم من الايام مسوقه للجريدة , وجه يجمع التناقضات كريه ونجس وتحس ان المراهقه الى الان ما فكته لا با سلوب طرحه ولا بملامح وجهه , اما مقاله مثل وجه مافيه شي شين الا وذكره بحق الهلال ولعيبته , انا يوم قريت كلامه قلت ذا يتكلم عن فريق سدوس مدري فريق نجران , قسم تسفيه وأفتراء على الهلال ما راح ولا جاء أسمع : (( هلال ينتظر القشه الي تنقذه ))<<< الي يسمعه يقول الهلال ما تصدر الدوري , (( الهلال يقتات على أخطاء المنافس ))<<< واكبر دليل مباراة الاتحاد والوحدة الماضية , (( الهلال يلجا للحركات الاستفزازية ))<<<نصب عينك عينك , (( دفاع الهلال هش ))<<< ترى الهلال يعتبر أفضل دفاع على مستوى الدوري بنسبه للولوج الهداف على مستوى الفرق , (( الدعيع يعاني من ضعف في الحراسه ))<<< اتفق جميع النقاد والرياضيين من داخل الحدود ومن خارجها على بارعة الدعيع هذا الموسم , بس يبدو حضرته له راي اخر :p .

أخيراً بعرج على شحذت المشجعين مدري تاجير المشجعين , الجريدة كاتبه ان النصرويين يقفون اليوم مع الاتحاد ويساندونه من الملعب , ما اقول الا التم المتعوس((الاتحاد)) على خايب الرجاء((النصر)) ومن ذا المناصرة واكثر ان شاء الله , وراح يعلمه اليوم الزعيم اصول لعب بأذت الي ما تنام عينه .

نقطة اخيره قبل اتروش , قريت منشت بجريدة لفت نظري هو (( يقاهرهم : يعيش البلوي يعيش الاتحاد )) , ذا المنشت ما ذكره لا مشجع ولا حاجه يعني الجريدة هي واضعته على اساس ايش الله أعلم , بس يذكرني بشعارات الحكام العرب الي يعتقد ان كل شي من ملك الريس , حتى فيه أغنيه سمعتها أخيراً للاتحاد تقول (( الاتحاد موفق ورئيسه منصور )) , عني انا ماراح استغرب اذا سمعت القرني الليلة ينشد : (( بروح بدم نفديك يا منصور خخخخخخخخ ))