انكسرت يدي من يعزيني ..!! - نادي الهلال السعودي - شبكة الزعيم

Mr.DL5 · #1 29/05/2007, 06:04 PM

بسم الله الرحمن الرحيم ..

حياكم الله يا أعضاء المجلس العام ..

المهم انا الحيين اكتب لكم هـــ الموضوع بيد وحدة وعشان تسذا بدخل بالموضوع على طول منيب فاضي اكتب مقدمة ..

انا يا شيون من يوم الاربعاء الي راح وانا ساحب المدرسة عشان استعد لا اختبارات الوزارة

..

المهم امس وتحديدا في الساعة 9,00 توالت الاتصالات على جوالي ..

طلعوا هــ اللي يتصلون ومسوين زحمة كلهم اخوياي في الفصل .. يبون مني اداوم بكرة الي هو اليوم عشان مباراتنا النهائية على كأس ثالث ثانوي

,,

انا بديت استلعن وقمت اتليعن شوي واتغلى واقول منيب لاعب معكم

,,

المهم بعد تدخل أعضاء شرف بارزين في السالفة وافقت وارسلت لهم خطاب موافقتي على لعب المباراة

.. << موب عاقل التائب

المهم داومت اليوم وكنت ناوي العب المباراة ان فزنا او خسرنا فــ الله لا يعوق بشر ناوي استاذن وافقع لم فراشي وانوم ..

بدت مجريات المباراة سريعا وبان عليها الحذر من كل الطرفين ..

انا طال عمري تسببت في ركلة جزاء لــ فريقي و انا اتيقن 100 % انها ظلم وان البلنتي موب صحيح ..

بس وش اسوي حكمنا مفهي وحسب لي ركلة الجزاء ومنيب رادة واقول له تراها ميب بلنتي

..

المهم تقدمت كــ الاسد على فريسته لشوت ركلة الجزاء ..

انا احترت ما ادري وين احطها باي زاوية .. عاد الحارس الي قدامي عير وساد ابو الباب ..

توكلت على الله وشتها بوز في الزاوية اليمنى ..

ولكن حصل ما كان في الحسبان ..!!

جت قووووووووول

وبعد الهدف اعلن الحكم نهاية الشوط الاول من المباراة .. تراه كان شوط قوي ولي صولات وجولات فيه بس منيب فاضي لكم اقعد اقولها لكم

بدا الشوط الثاني ..

تهيات لي كرة عرضية رائعة في غفلة الدفاع وانا بالحالي ..

انا منذو يومني في اولى ابتدائي وانا حلمي اجيب هدف دبل كيك

قلت هذي فرصتي ومهيب متكررة لي مرتن ثانية ..

توكلت على الله ودبلت الكورة بس للاسف الكورة سطحت برا المدرسة الله مير يفشلني

عاد خبركم انا دلخ ومالي في الدبل كيكات المهم طاح كل ثقل جسمي على يدي وللاسف تحرك المفصل من مكانة ..

انا بلعت العافية يدي ما اقوى احركها ..

فزع لي واحد من الذيبان وطار فيني لم مستشفى دلة لانه كان اقرب مستشفى حولنا ..

جلسنا لين شرف الدكتور حق العظام طال عمره ..

كان قبلنا فيه شخصين ..

دخلت عنده والساعة تشير الى العاشرة والنصف صباحا ..

يوم شاف يدي قال ياساتر

قلت له وش فيها يدي قال المفصل متشلخ و متحرك من مكانة ..

قالي رح سو اشعة رحنا وسوينا اشعة وجيانه ..

تبي ازينها لك وارجع يدك الى مكانها الصحيح واعدل لك المفصل بدون بنج واجبس يدك كل ذا راح يستغرق تقريبا 45 دقيقة ..

او انك تتكي عندنا لين وقت دوامنا الثاني الي هو من الساعة اربع العصر وابنجك واقعد اسمكرها لك وانت ما تدري وش السالفة ..

قلت له بنجها لي الحين وظبطها ..

قال وانا ما اداوم الا عشانك وراي حالات في الطوارى يمكن في اي وقت ينادوني لكن العصر بيداوم دكتور العظام الثاني هو في الطوارى وانا هنا و ازينها لك ..

قلت له اجل زينها لي الحيين منيب فاضي اتكي الى الساعة 4 العصر ..

رحنا لم غرفة الجبس انسدحت على السرير .. المهم قال تحمل الالم شوي .. قلت افا عليك بس اصلا منيب حاس فيها

ناد خويه جاء مسك يدي وثبتها .. قال دكتور يالله نبدا قلت توكل على الله ..

المهم شدهل بقوة وانا اقول خلاص الله يرحم امك خلها العصر ببنج .. الرجال استمر في تضبيط يدي وانا متحمل هــ الالم الموب طبيعي ..

جلس يمكن دقيقة ونص وقال خلصنا الحمد لله .. جبس يدي و قال رح سو اشعة مرة ثانية اشوف مضبوط المفصل ولا تحرك من مكانه ..

سويت اشعة والحمد لله الفصل قضب ارضه ولا تحرك ..

قالي توكل على لم بيتكم وراجعنا الاسبوع الجاي اشوف وش وضع يدك ..

طلعت لم البيت والمفصل مورم وانا رايح فيها ..

وهذاني اكتب لكم الموضوع المفصل صاك راسي ..

بس اشوى انا اكتب البيد اليمنى والي انكسرت اليسرى ..

وان شاء الله قريبا انزل الصورة ..

خلاصة الموضوع :

1 \ اتمنى الدعاء لي في الاتبارات الجاية .. لانها اسئلة وزارة وراح اذاكر بيد وحدة ..!!

وتقبلوا تحيا اخوكم مستر دلخ .. للدلاخة عنوان ..

مغرور حدي · #2 29/05/2007, 06:11 PM

الله يشفيك يارب .. وخل عنك الكوره بس انتبه لدراستك احسن لك ..

بالتوفيق لك وللجميع

هلالي+المان يونايتد · #3 29/05/2007, 06:49 PM

الله يعيينك ويوفققك

وانا بعد معك في ثالث الله يعين بس والله ضايق صدري

هلالية حرة · #4 29/05/2007, 07:01 PM

كشخخخخخخخخخه اجل سجلت هدف بس تراك ماقلت بالنهايه من الي فاز
والحمد لله على سلامتك وماتشووف شر والله يوفقك بالإختبارات

مدريدي جداً · #5 29/05/2007, 07:02 PM

الله يشفيك و تفك الجبس و انت بأحسن حال إن شاء الله...

و الله يوفقك بدراستك...

Hilali88 · #6 29/05/2007, 07:12 PM

الله يشفيك ويعافيك ويوفقك في الاختبارات

dal3_uae · #7 29/05/2007, 07:23 PM

الله يشفيك و تفك الجبس و انت بأحسن حال إن شاء الله...

و الله يوفقك بدراستك...

LBa your heart · #8 29/05/2007, 07:35 PM

ماقلت لنا أي يد اللي انكسرت ,, وأي يد تكتب فيها

المهم ماتشوف شر لاتنسى نزل صوره ليدك :p

سور الهلال العظيم · #9 29/05/2007, 07:39 PM

خطاك الاش يالغالي

ماتشوف شر ان شاء الله

وطهور ان شاء الله

هامور البورصه · #10 29/05/2007, 07:43 PM

هلا والله بالدلاخه كل ابوها

ياولد اثرك لعيب وجايب هدف ومسوي دبل كيك والله لو يدري عنك باكيتا يضمك للمنتخب <====== كح كوح كيح قدييييييييم

وسلامات سلامات هذي مشكلت الدلووخ انهم اذا سوو شي ماتقنوها جاب هدف وصدق انه

الكبتن ماجد نعنبووك تسوي دبل كيك على صبه اتوقع ملعبكم صبه وحطين عليه فرشه خضراء لعبين عليكم يالدلووخ

على العموم ماتشوف شر وهذا من شرب البيبسي الي خلى عضامكم هشاش

مستر دلخ بالله ابي اوقع على يدك واكتب عليها عقبال يدك الثاانيه

الكناري الأزرق · #11 29/05/2007, 07:47 PM

السلام عليكم و رحمة الله و بركاته ..

ما تشوف شر , و طهور ان شاء الله ..
يوم قريت العنوان , قلت الله يجزى اللي كسر ايدك خير , عالاقل يبي يفكنا منك اسبوعين ..

لكن قلت حرام , الرجال ما يستاهل و اخاف الله يبلانا !! ..
عموما ما نقول غير ترجع بالسلامه ان شاء الله , و يا حظك يبي يحطونك مع المُعاقين بمباراة الهلال

هلالي@مدريدي · #12 29/05/2007, 08:06 PM

الحمد لله على السلامه

LBa your heart · #13 29/05/2007, 08:10 PM

إقتباس


	و يا حظك يبي يحطونك مع المُعاقين بمباراة الهلال

هههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههه يالكناري والله أنك مجنون

هلالي جامعه البترول · #14 29/05/2007, 08:56 PM

يزيد مساك الله بالخير يالغالي

ثاني شي وشلونك وش أخبارك ؟.

وثالث شي وش لك وش للكوره الدلوخ مايعرفون يلعبون كوره ( كني قلبت عليك

).

ماتشوف شر يابعد تسبدي............./////////

والله يعينك على الاختبارات كلنا عانينا منها ولازلنا نعاني خصوصا حنا ياطلاب جامعه الملك فهد للبترول اختبارات على طول بس شرهتك على اللي يذاكر أول بأول .

أذكر يايزيد يوم كنت بثالث ثانوي اني ماذاكرت الا قبل الاختبارات بااربع ايام والله والحمدلله عدت على خير الماده الوحيده اللي رحت وماغلقتها كانت ماده الأحياء الغثيثه بس الحمدلله الاسئله كانت زوينه .

وكان جدولي بالاختبارات اروح اختبر طبعا لازم ترجع من اختبار الماث ومالك خلق تذاكر اروح انام الى المغرب وعقب المغرب امسك خط الى الاختبار وهكذا وهكذا .......... أقول لايكثر .

شد حيلك يابعدي وأنتظرك ان شاء الله بجامعه الملك فهد تصير روميتي ( زهق من روميته )

.

الله يوفقك وماتشوف شر يالغلا .........../////

leo messi · #15 29/05/2007, 09:28 PM

إقتباس

الرسالة الأصلية كتبت بواسطة MR.DL5


	بسم الله الرحمن الرحيم .. حياكم الله يا أعضاء المجلس العام

الله يحيك يالدلخ

إقتباس


	المهم انا الحيين اكتب لكم هـــ الموضوع بيد وحدة وعشان تسذا بدخل بالموضوع على طول منيب فاضي اكتب مقدمة ..

وكل هالموضوع بيد وحده اجل شلون لو ثنتين؟

إقتباس


	انا يا شيون من يوم الاربعاء

طبعا ماتقصدني صح :p

إقتباس


	طلعوا هــ اللي يتصلون ومسوين زحمة كلهم اخوياي في الفصل .. يبون مني اداوم بكرة الي هو اليوم عشان مباراتنا النهائية على كأس ثالث ثانوي

,,
اجل مسوي معهم مثل حكاية التايب والنهائي هاه يالبرنس على غفله:p

إقتباس


	انا بديت استلعن وقمت اتليعن شوي واتغلى واقول منيب لاعب معكم ,,

لو انك كملت التليعن كان ماانكسرت يدك يادلخ

إقتباس


	المهم بعد تدخل أعضاء شرف بارزين في السالفة وافقت وارسلت لهم خطاب موافقتي على لعب المباراة .. << موب عاقل التائب

يلعن ابليسك كم عطوووك؟

إقتباس


	بدت مجريات المباراة سريعا وبان عليها الحذر من كل الطرفين ..

مسوين جس نبض يالميلان على غفلة :p

إقتباس


	بس وش اسوي حكمنا مفهي وحسب لي ركلة الجزاء ومنيب رادة واقول له تراها ميب بلنتي ..

شكل اعضاء الشرف سيروا على الحكم قبل المباراة

إقتباس


	توكلت على الله وشتها بوز في الزاوية اليمنى ..

ايه في هالمباريات ماينفع الا الظفــــر

إقتباس


	وبعد الهدف اعلن الحكم نهاية الشوط الاول من المباراة .. تراه كان شوط قوي ولي صولات وجولات فيه بس منيب فاضي لكم اقعد اقولها لكم

واضح ياكاكا

إقتباس


	تهيات لي كرة عرضية رائعة في غفلة الدفاع وانا بالحالي .. انا منذو يومني في اولى ابتدائي وانا حلمي اجيب هدف دبل كيك قلت هذي فرصتي ومهيب متكررة لي مرتن ثانية ..

ذكرتني بالكابتن ماجد يوم يبي يدبل الكورة ويجلس حلقتين مرا بعض بالهواء قاعد يتخيل

إقتباس


	توكلت على الله ودبلت الكورة بس للاسف الكورة سطحت برا المدرسة الله مير يفشلني

هههههههههههههههههههههه

ماعليك شره دلخ

إقتباس


	قلت له بنجها لي الحين وظبطها ..

ظبطها ماصارت يد ذي

إقتباس


	المهم شدهل بقوة وانا اقول خلاص الله يرحم امك خلها العصر ببنج

والله ان فشيله

إقتباس


	وهذاني اكتب لكم الموضوع المفصل صاك راسي .. بس اشوى انا اكتب البيد اليمنى والي انكسرت اليسرى .. وان شاء الله قريبا انزل الصورة .. خلاصة الموضوع : 1 \ اتمنى الدعاء لي في الاتبارات الجاية .. لانها اسئلة وزارة وراح اذاكر بيد وحدة ..!! وتقبلوا تحيا اخوكم مستر دلخ .. للدلاخة عنوان ..

الله يشفيك ان شاءالله وينجحك بس ماقلن لي من اللي فاز بالمباراة<< على اعصابه

عواااااااااااافي عالموضوع يالغالي وتقبل مروري