#1  
قديم 22/05/2007, 09:12 PM
زعيــم فعــال
تاريخ التسجيل: 26/02/2003
مشاركات: 279
كلنا الفن ..كلنا الهليل..كلنا سامي

مرحبا يا زعماء..
اسعد الله (صباحكم \ مساءكم)

بصراحة يا جماعة انا عندي كم نقطة ودي اتكلم منها..

أول ما راح ابدأ معه..مشهد ممكن انه يكون حقيقي..!!

تخيل معي عزيزي..

الدقيقة 90..استاد الملك فهد الدولي..نهائي دوري كأس خادم الحرمين1428..النتيجة 0-0 بين الهلال و؟؟؟؟
رودريجو الفان يستلم الكورة ..انفراد تام مع حارس المرمى..الجمهور على اعصابه......وقف!!

في هذي اللحظة ..هل تعلم انه مجهود الهلال خلال هذا الموسم بين اقدام الفان..؟؟
هل تعلم انه لو الفان سجل هذي الكورة يعني ان الهلال بطل الدوري..؟

تخيل..الفان فكر..هذا الجمهور اللي من بداية المباراة وهو يستفزني وانواع الاستهجان علي ..لا ويبون يطلعون فرحانين بسببي..لا وهذي اخر مباراة لي..ما بقى شيء على رحلة البرازيل..
ايه طيب..والله لأوريكم..

نهاية مأسوية لهجمه خياليه ..كادت تهدي الهلال البطولة..

زبدة الكلام..شفنا تهجم خيالي من بعض الجماهير هداهم الله على الفان وكأنه لاعب يهودي..او انه لاعب بسببه اعتزل يوسف الثنيان:p
الآن ..ما هي ردة فعلكم وانت بأنفسكم ضيعتوا هذي الهجمه
زي ما كنتم انتم سبب الفوز في بطولات..؟؟

احب اترك المسألة كأسئلة..واتمنى انه يكون الفان عندنا..زي سامي.. ندعم الجميع بلا استثناء....لأن الجميع راح يكون سبب الفوز بعد توفيق الله وارادته
خالد العنقري..والهليل..والفان ..والياس..والمفرج..
الجميع سامي..كلهم سامي..كلهم القحطاني كلهم الشلهوب كلهم التايب..



على طاري التايب..العربية ضيقت صدورنا قبل شوي بتصريح مسؤول الاتحاد االليبي

على العموم..الخطأ موب من التايب..ولا من الاتحاد الليبي..ولا من الادارة الهلالية..
الخطأ من الجدولة..واللي ستحرم الهلال من اهم لاعبيه..وتخسره مبلغ المليون دولار "قيمة عقد التايب" لأنه التايب حرم من اهم مباراة ومصير الموسم كله يتحدد في هذي المباراة اللي ما راح يلعبها..!!

إذا لم يلعب التايب..فالمسألة تحمل 100% على الاتحاد السعودي والجدوله العبيطه..
المباريات الافريقية حددت من قبل حوالي السنه والنصف..ليش يصير غلط تافه زي هذا راح يحرم احد الاندية من اهم لاعبينها...؟؟

على العموم..انا اقول ..دايماً وابداً
(عسى ان تكرهوا شيئاً وهو خيراً لكم)

قد تكون عدم مشاركة التايب في النهائي ورقة ضغط عليه لأجل ان يجدد للهلال بقيمة اقل من المطلوبه
صحيح ان هذه المباراة تعادل الموسم باكمله ..ولكن الشكوى لله من قبل ومن بعد..
الموسم القادم امامنا بقسة ابطال آسيا..وبحول الله وقوته كأس العالم للأنديه
فإن شاء الله يتعوض هذا الموسم القادم..



نقاط اخيره..
اتمنى في المباراة النهائية يكون الدعم لجميع اللاعبين بلا استثناء
يا ريت يكون فيه لوحات بالبرتغاليه ل باكيتا وتفاريس والفان..
اتمنى انه يقدم قبل المباراة لألفان تصميم أو ان تكون لوحه في المدرجات يكتب عليها.."رودريجاو..نحن نثق فيك" صدقوني انه لو لعب الفان بحماس ممكن ينهي المباراة ..لأنه الباقين ما عليهم الخوف ..الخوف منه هو ..لأنه باختصار محارب!!


شاكر لكم مروركم مقدماً
والله يوفق الهلال فوق كل ارض وتحت كل سماء..
دمتم بحفظ الله ورعايته
اضافة رد مع اقتباس
  #2  
قديم 22/05/2007, 09:17 PM
زعيــم مميــز
تاريخ التسجيل: 19/10/2006
المكان: شبكة الزعيم
مشاركات: 2,167
كلام جميل بس والله لويسويها الفان ما ألومه
على الكلام اللي كتبوه جمهورنا العزيز
لابعد مسوين فيه قصاد
خخخخخخخخخخخ
اضافة رد مع اقتباس
  #3  
قديم 22/05/2007, 09:20 PM
موقوف
تاريخ التسجيل: 22/12/2002
مشاركات: 640
ذا لعب الفان فافلقني ان اخذنا البطولة؟؟؟؟؟؟؟؟؟يعني ناقصين لاعب
اضافة رد مع اقتباس
  #4  
قديم 22/05/2007, 09:37 PM
زعيــم متواصــل
تاريخ التسجيل: 09/02/2007
مشاركات: 156
كلامك عين العقل
اضافة رد مع اقتباس
  #5  
قديم 22/05/2007, 09:38 PM
زعيــم متواصــل
تاريخ التسجيل: 22/05/2003
المكان: باريس نجد
مشاركات: 197
بالنسبه للجدوله اتوقع الامر ذا يصدر من الديوان الملكي يعني لا عبد الهادي ولا نواف ولا سلطان لهم دخل


خلنا واقعين شوي

عمزما حنا ماننكر مجهود والفارق الي يبي يسويه التايب لو لعب لكن الحين الي اشوف من الجماهير كأنهم يولمون العصابه قبل الفلقه

والله يستر
اضافة رد مع اقتباس
  #6  
قديم 22/05/2007, 10:33 PM
زعيــم فعــال
تاريخ التسجيل: 26/02/2003
مشاركات: 279
شاكر للجميع المرور والتعقيب

أبو شلاخ:الحمد لله ان الفان ما يعرف يقرأ عربي..

السبله:بعد اقول الحمد لله انه ما يعرف يقرأ عربي..
الظاهر نسيت انه باكيتا هو المدرب..يعني الفان يبي يلعب.. ناقصين لاعب ولا عشرة..لاعبين الهلال فيهم الخير والبركة
وبالنسبة لي ..بإذن الله نبي نفوز ..حتى لو الفريق كله الفان..

هلالي متعجب..شكراً لك على تشريف الموضوع

ولد عينزه: مهما كان السبب في تحديد موعد النهائي..يعتبر شيء يعيب الدوري..
وإذا كان الديوان زي ما تفضلت..فأتوقع انه يتم تحديد اكثر من موعد..يجب على الرئاسة أو الامانه مرعاة الموعد المناسب لكل الفريقين ولراعي الحفل..
المليون دولار قيمة عقد التايب ..وين راحت؟من يعوضها؟ وش الفايدة من التايب إذا اهم مباراة بالدوري ماهوب لاعب..؟؟

اتمنى فعلاً انه ما تكون المسالة توليم العصابه بقد ما تكون حرص وترقب من الجمهور ..لأن الثقة الزايدة ممكن تضيعنا

اشكر لكم جميعاً تشريفكم لموضوعي وتعليقاتكم..
ونتخلف لأننا نتفق على حب الهلال ...ودمتم
اضافة رد مع اقتباس
  #7  
قديم 22/05/2007, 10:42 PM
زعيــم مميــز
تاريخ التسجيل: 12/09/2004
المكان: الرياض ولو جوّها قآسي ..
مشاركات: 4,448
كلام رااااااااااااااااااااااااااااااااااااااااااااااااااااائع .. يا بطل ..



ايه نبي مثل هالكلام العقلاني .. مو بس حكي وسب عشان بس تكتب موضوع ..


تسلم عزيزي ..
اضافة رد مع اقتباس
  #8  
قديم 23/05/2007, 01:21 AM
زعيــم فعــال
تاريخ التسجيل: 16/01/2006
المكان: الولايات الحجازيه ...
مشاركات: 361
Thumbs up

كلااااااااااااام رائع ........
وحبكه دراميه مؤثره جداً....
بس لازم تعرف انو في جماهير
واعيه تحب الفان وماتتقصدوا
من بين اللاعبين وكانوا هو الوحيد
المسؤل عن اي اخفاق .....
وبأذن الله بيحسم النهائي ...
تحياتي لك ...
اضافة رد مع اقتباس
  #9  
قديم 23/05/2007, 01:27 AM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
لو يسويها صدقني مع اني من اشد المطالبين ببقائه بس لو يضيع هــ الهجمة صدقني بافقع خشته

يالييت جمهورنا يفهمون ان المهاجم هو الي يهز الشباك مو الي يلقم المدافعين كباري ويسحب فيهم ..!!
اضافة رد مع اقتباس
  #10  
قديم 23/05/2007, 01:33 AM
الصورة الرمزية الخاصة بـ أبو ميار
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 11/10/2003
المكان: العاصمة معقل فريق القرن
مشاركات: 15,938
كلام رائع

ولكن نتحدث عن خمسين ألف متفرج !!!!
اضافة رد مع اقتباس
  #11  
قديم 23/05/2007, 02:03 AM
زعيــم فعــال
تاريخ التسجيل: 12/05/2005
مشاركات: 217
حنا نحاول تفادي الكارثة قبل وقوعها ...

أطالب بأبعاد ( فهد المفرج - الفان - أبو سلطان )

إذا أردنا أن لا نخرج هذا الموسم خاليوا الوفاض ..

وجهة نظري الخاصة أرجو إحترامها ..
اضافة رد مع اقتباس
  #12  
قديم 23/05/2007, 08:14 PM
زعيــم فعــال
تاريخ التسجيل: 26/02/2003
مشاركات: 279
الجوهرة:
شكراً لك على ردك ومرورك

سيما:
تحمست المرة الجايه بكتب مسلسل..او مباراة كاملة
انا ما اقول لازم نحب الفان..أنا من الناس اللي احبه وادافع عنه..
ولكن المشكلة ان الهجوم يجي في وقت ما له داعي ابداً خصوصاً انه الجميع يدري انه دائماً لاعب اساسي والمدرب يعتمد عليه والحسم ممكون يكون في يده


مستر دلخ:p
أنا متفائل برودريقاو بالنهائي..
بحول الله وقوته
انه بيكون الفان احد اسباب حسم النهائي بعد توفيق الله

مولع بالهلال..
يشرفني مشاركة احد اعضاء اللجنه الاعلامية في موضوعي..
اخي العزيز..كلامك صحيح..ولكن للأسف لا يسمع إلا الاصوات النشاز..وللأسف
شفنا بعض الاعضاء يباركون لبعض صافرات الاستهجان بحق رودريقاو:mad بعد احد المباريات :


المارد..
انا احترم وجهة نظرك مهما كانت
ولكن ..
هل تعتقد انه في ابعاد لاعبين اساسيين ورئيس النادي قبل النهائي بحوالي اسبوع ..فيه تجنب لكارثة..؟؟؟
اسمح لي اقول لك..انه هي الكراثة بحد ذاتها



شاكر للجميع مرورهم الكريم وتعليقهم
وزي ما قلت..نختلف لأننا نتفق على حب الهلال..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:50 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube