اخواني واخواتي العزيزات اسعد الله مساءكم بكل خير
موضوعي هذا حبيت ان اوجه نصيحة انا ما سمعتها زين بل وطنشتها وقلت لنفسي انا الصح وغيري خطأ
والنتيجة معاناه ما بعدها معاناة . والله يا خوان اني ناصح لكم لا تقعون فيما وقعت به
اشتريت كيا اوبيروس موديل 2004 بـ 60الف ريال مستعمله اكثر من 8 الاف كيلو متر ) وكان سعرها بالوكالة حوالي 89 الف ريال ومن قبل الشراء استعلمت عن السيارة وسالت عن طريق شخص بالمرور وعن طريق سيرة السيارة بالوكالة وعن طريق السيدة صاحبة السيارة بعد ما حصلت على الرقم من المعرض وكل شي اوكيه اوكيه والسعر مغري طايح فيها اكثر من 29 الف وهي تعتبر جديدة .( وهنا المصيبة والفخ الذي اوقعني )
وبعد كل 5 الاف كيلو اشييك بالوكالة ( الحاج علي حسين وكيل فورد) وعلى هالحال الي ان احترق على القير وهي ماشية 65 ألف كيلو فقط ومواعيد ومرمطة صلحوه على الضمان تصليح وليس تغيير ثم اصبحت السيارة كل يوم صوت وكل يوم مشكلة .وهات السطة وجب السطحة والله اني خزنت رقم السطة بجوالي .وكل ما اسئلهم وش في السيارة يقولون تعليمات الشركة ما تسمح طيب وش غيرتوا يقولون انت جربها الان تمام التمام وما عليك .
وجاءت الطامة الكبرى ان فيه شخص لطش الوكالة من الحاج وهي شركة كيا السعودية ( سرقوا الوكالوة من الوكيل الاول ) وخدماتهم جدا زفت وما يعرفهم الواحد الا بعد اول زيارة للصيانه كانك في حراج كل مندوب قاعد في جهه يتهاوش ويتلاعن مع عميل__ نصب واستخفاف بعقول الناس ___ والله العظيم والله العظيم جاء عندهم وزير احد الامراء المعروفيين جدا جدا جدا وقعد يسب ويشتم وما فيه شي الا وقاله لهم لانه ماخذ اكثر من سيارة واثرها فيها عيوب مصنعية . لا ويشرح لهم ان هالاشياء ما تخرب باي سيارة حتى لو حرقتها ( والله فاهم )
انا ما كتبت هالموضوع الا بعد ان شرء ولد عمي مثل سيارتي2006 وحاولت ان انصحه بعدم الشراء منهم ولكنه طاح بالفخ مع العلم انه كان يعرف معاناتي ورحت اجيب سيارته انا وياه بعد ما مشت 5 الاف كيلو وجلست السيارة 3 ايام وكل يوم بكرة قلنا خل نوصلهم نشوف وش السالفة صارت السيارة فيها عيوب مصنعية وتحتاج قطع من جدة او الامارات بعدها رفض يستلمها وراح اليوم للبنك للتفاهم على فسخ عقد التاجير المنتهي بالتملك .علما انه استلمها من معرضهم وهي جديدة وفيها بعض الملاحظات والنواقص وواعدوه عند اول صيانه يغيرونها له وجحدوووووه
وصدفة رايت احد الاطباء معي بالعمل واخذ يحذرني من التعامل معهم ومن سياراتهم فقلت له ااني من الملعوب عليهم من سنتين .قال لي الدكتور جملة الي الان وانا افكر بها ( قال انه عندما يحضر اليهم في مقرهم يحس بضيق وبملل وعدم الراحة ) فعندما اخبرته بقصة اغتصاب الوكالة من الوكيل الاول قال اذا عرف السبب بطل العجب .
الكلام كثير وغير مرتب بس احسست ان من واجبي تحذير اخواني واخواتي من هالوكالة والله يعيني اصبر عليهم لاني مقصد منهم .والحال مو قد كذا للتغيير
هذا رقمهم في دبي (0097143326661)
وهذا رقمهم بجده (0264145678)
انتبهوا يا اخوان والزيارة لمقرهم بطريق خريص يثبت كلامي .
والقهر ان لديهم قوة بيع شديدة لكن الوعد في قادم الايام .

مشكوووووووووووووووووووووووووووووور
بس كيا ما تعجبني سيارة مو حلوة

مشكوووووووووور

يا خوان تراها امانة وحملتكم اياها حذروا من الكيا .

تسلم حبيب قلبي شموخ الزعيم على النصحية الغالية من شخص غالي

وبصراحة أنا رحت لفرع كيا على طريق الملك فهد قبل وزارة الداخلية

وقلت خلني أشوف الـــ ( اوبرس ) شوف وليس شراء أنا معي أكورد 2007

ويوم دخلت للوكالة قام يرحب بي العامل هناك ويوم شفت السيارة وقربت من عندها

قام يسرد لي مواصفاتها وسعرها وكانت السيارة فل كامل ثم قال لي سعرها 85000

ويوم قلت له أنا خلاص بشتري كم تنزل لي في السعر قال خلاص بخليها لك بــ 78000

مع العلم بأني منيب شاري مجرد إختبار للعامل هناك

والمضحك في القصة هذي إني يوم قلت له وش أفضل الأكورد وإلا الــ اوبرس قال

ما يبيلها كلام الـــ اوبرس تتحمل أكثر وتصبر معك أكثر وإذا جيت تبيع تجيب سعر

أكثر من الأكورد .... ويوم قال ذا الكلام على طول قمت أطول صوتي عليه وقلت أنت ما تخاف

الله كل همك البيع تلعب على الناس شايفهم أغبياء ما يعرفون الحقيقة ويوم سمع ذا الكلام

قال هذا مجرد إختلاف في الرغبات ...

وقلت له الرغبات تخلي سيارة أقوي وأصبر وأرغب في البيع من السيارة الثانية



وبعدها وصلت عنده وقال لي أنت بتشتري وإلا لا ... عاد أنا حبيت أهبل به وقلت أيه ناوي

أشتري بس يوم شفت أخلاقك كذا خلاص هونت ..

بلله وش رايكم بالوكالة هذي ... قسم بالله سوااااليف يقولون الــ اوبرس أفضل وأزين وأرغب

في البيع من الأكورد .. (( الحمد لله اللي عطانا عقل نعرف نميز فيه ))

ومشكور أخوي على موضوعك وإهتمامك والله يصبرك على سيارتك ويكون في عونك

ويرزقك السيارة الزينه ... نصيحة أشتر أكورد والله انه موتر وبس

تقبل تحياتي لك يالغالي

صراحه ما في زي الالماني و الامريكي مرغوبه في كل بلد بذات الالماني سيارات تعتمد عليها بلا كوري بلا صيني بلا ياباني بلا فرنسي صراحه الالماني و الامريكي و بس

شكرا على مروركم الكريم بس الي قاهرني ان الناس الي الان يقولون انها سيارة تمسك السعر والكوري كله يطيح فيه اكثر من 60% من قيمته . واعدادها في زيادة كبيرة والشوارع تشهد على ذلك
اما مقارنتها بالاكورد فهذي نكتة الموسم .
المهم ان حنا كشباب ننبه بعض لمثل هذي الامور ......... وخاصة ان قيمة السيارات ما تجي بالساهل .
(((( انحش عن الكوري )))))