<<لاحظ الشطوب عزيزي القارئ الكريم (( الله يكرمكم))


مادعاني لكتابة هذا الموضوع المهمّ جدا وجعلّني
أتعاطف مع هالحملة هو أهميّة الموضوع


وتفشيّة بالبلد وبدأ يأكل الأخضر واليابس ولاعبن برجلين

شبابنا لعب !!!
صارت الشطوّب ظاهرة عالمية لم تسلم منها دولة ولا بلد ولا قرية !!!


يعنبو أبليسكم لا يهمّكم شبابنا هاللّي يتزكرتون
ويرّششون عطور ولابسين شماغ البساّم مقاس 64
ومليان نشأ وثيابهم اللّماعة الحلوة ويدورون بالفيصلّية !!!
اللّي لو تقول

لواحد منهم أرفع ثوبك خلّ أشوف السرّوال كان لقيتوة أصفر
ومكبوب علية ميرندا ووسخ

ولو يفسخ الشرّاب الجراريب كان لقيت رجلينهم كلّها شطّوب !!!

يعني من برّى اللّة اللّة ومن جوّا شطوب يعلم بيها اللّة !!!




أول حالة شطوب في تاريخ البشرّية

في عام 1777قبل الميلاد <<< يعني تقريبا قبل يبلغ المشااااااااااغب بكمّ شهر قام
العالم


السوّيدي جراهام بلّ بإختراع الكهرب !

وبعدة بكمّ شهر إكتشف العالم الالماني جريم دبل كيك


أولّ حالة شطوب في تاريخ البشرّية في مدينة مدغشقر الساحلّية

والسببّ كما يقال أنّ

الشطوّب لم تكن معروفة من قبل !!

ولكنّها إنتقلّت من التماّسيح تماسيح النهرّ الى الإنسان !

<<< يعنبو أبليس هالتماسيح نقص علينا من زمااان أثرهم زاد شوفو هالسحاّلي وش حليلهن ناعمات طيوّبات رقيقات !!!

<<< صحيح إنّ فية منهّن اللّى منفّخة براطمة وصايرن برطمة كنّة عقال عراقي بس ولو !!!

وصحيح منهن بعد اللّي مرّكبّة رموش صناعية !!!
لو يجي شوّية غبار من حقّ الرياض كان صارن رموشها في مهّب الريح !!!

واللّة مايرّد رموشه إلاّ شبك الثماّمة كانها من سكاّن الرياض !!


وطريق بوحدرية إنّ كانة من سكاّن الشرّقية

وكانة من أهل ينبع عاد اللّة يعينها تدوّر رموشة على طريق الساحل ! صوب أملج والوجة



<<< المقصوّد ورغم كلّ ذلك تبقى الأنثى أنثى رقيقة !!

<<< حلوة رقيقة ذيّ ذكرّتني بالخبز الرقاق

كلّش ولاالعربجي التمساّح الحرش السرّبوت اللّي الخشونة لاعبتن فية لعب من الذيلّ لين الزّقم

<<< وااااااااووو قشعريرة ماأحبّك ياخشن
<<< أقول ياحلاالات من حكّ خشمك بذيل ضبّ ياقليل الخاتمة

<<< مستلم أمّ الشنباّت تهزّئ وانت شنب ياحقير




الفرّق بين الشطوّب والمشقّ ؟؟؟

أنا عارف يبي ينقزّ واحد من هالملّقف !!!

ويبي يقول طيبّ وش الفرّق بين الشطوّب والمشقّ ؟؟؟


وأبي ألتفت علية وبضحكة مصطنعة تدّل على الخبث والزقاّقة
وأبي أقولّة ليش ماكنت معنا بالمحاضرة اللّي فاتت

المهمّ سؤال وجيهة والجواب كاالتاّلي .........



ملاحظه (( الشطوّب تطلع في جميع شهور السنّة .)) ........



أماّ المشقّ فيطلع في جميع أنحاء الجسم من أعلى الرأس الى أخمص القدّمين

ولا يجي المشقّ ولا يتسلّط إلاّ بالشتاء شفت الفرق هالحين

فرق شاسع بينهما !!!!!


وعلى فكرة المشقّ يمكن تدهن رجليك بفازلين وتلبس شرّاب وتطيب !!!


لكن الشطوّب معليش واللّة إنّ تبطي عظم ماأشوّيت
وطبت واللّة لو تدهن رجليك بفازلين الى عيدّ الضحيّة الجاي ماطبت من الشطوّب !!!

<<< أجلّ وشولّة حاطّين هالحملّة وهاالهيلمان
عن الشطوّب نبي نوّعي هالبشرّية
ونقولهم ترى الوقاية خير من ستيّن الف علبة فازلين

وقابلني وأفلقوني إنّ نفع الفازلين !!!!!!!!!!!!!!!!!




علاج الشطوّب (أحسن مافي الطبّ إنّة يتطوّر )

<<< طبعا يبي ينقزّ واحد من الملاقيف !!!

ويبي يقول طيبّ ليش أنت متشائم كذا ؟

مافية علاج للشطوّب يعني معقولة !!!!

وأبي ألتفت علية وأنا ماسكن بيدّي اليمين حلتيتة

وبيدّي اليسار بايسن <<< تناقض

لا من جدّ راح أقوّلة شوف ياأخّ الاعشاب هي الحلّ..........

حلتيتة +ودتسة +هريسة +حلبة
+سكرّ نبات +رشاد + زنود الستّ << وش جاب هالحلّى معهن

تحطّ هالمقادير بصفرّية مقاس كبير وتدهّسهن وتدهسّهن


وتدهسّهن لين ماتميزّ الحلّتيتة من زنود الستّ

وتحطّهن على نار هادية ثلاث ساعات ثمنّ تصكّ النار عليهنّ وتحطّهن بقارورة !!!

وكلّ يوم الصباح بدري على الرّيق تأخذ لك مقدار
كحشّة اليدّ لهوم تلّهمّها لّهم لمدّة 8 شهور
وأنا متأكد إنّك بعد 8 شهور راح تناقزّ زيّ الحمار من النشاطّ

<<< هي بصراحة واحد من إثنين ياإنّك تبي تناقزّ زيّ الحمار!!!


أو تبي تناقزّ زيّ الكنغر !!
بس أنت وش عليك أهمّ شئ أنّك تناقزّ
وتنعم بكعوب زيّ الحرير <<< مجرّبة جرّبوها لسنا الوحيدين لكننّا الأزّين مع حبّي
وتقديري العطاّر أبو ليل





إقتباس:
مشاهير الفنّ والرياضةّ يعانون من الشطوّب




كثير من أبرز مشاهير الرّياضة جتّهم شطّوب بكعوب رجلينهم .........

مثل فيروز اللّبنانية <<<< أماّ عاد <<<واللّة مهب سهلة الشطوّب وصلت حتّى لبنان !!!!

كذلك الفناّنة أصالة <<< يقولون إنّ شطوب رجلينة هي سبب
إنفصالها من زوجها الأخير

!!والعهدّة على الراوي فليحان جورج مراسلنا من دمشق

كذلك المذيعة فوزية الدرّيع صادها شطوب بس فوّزية
وضعها غريب ماجتها شطوب

برجلينها كاّلعادة لا ؟؟ جتها شطوب بالمناخر بس أشوّت بعد العلاج وللّة الحمد ....


كذلك من اللاّعبين اللّي لعبت الشطوّب دورّن في إعتزالهم اللّعب ماجد عبداللّة <<< يحلفون إنّ

الشطوّب برجلين أبو ابو هارون كاكا من
كبرهنّ تدّخل إصبع الإبهام بين الشطبّ والشطبّ

يعنبو إبليسة آخر شئّ لقو داخلّن برجلينة مفتاح عجل من كبرّ الشطوّب برجلية



كذلك الفناّنة أحلام عانت كثير من الشطوّب ويقال إنّ

أغنية ناويلك على نيّة كانت تقصد بالنيّة (الشطوّب ) وأبشرّكم طابت منها









الفناّنة عتاب جت الشطوّب تبي تلّعب بكعوب رجلّينة وتوّحشّت وهجتّ <<< ميد الشطوّب




وأخيرا شكرا من كلّ قلبي لكلّ من قرأ موضوعي وشاركنا الحملّة في القضاّء على الشطوّب


وتذّكروّ شعار حملتنا دائما وأبدا ( لا شطووووّب بعد اليوم )



مع تحياّت اللّجنّة الوطنيّة للشطوّب بالأشتراك مع
الحملّة الوطنيّة لمكافحة الشطوّب
بالعالم العربي <<< ولا يهون اليوم العالمي للشطوّب

هذا البرنامج برعاية فاااااااااازلين

أسئلة للمراجعة ........

س1 / متى أكتشفت أولّ حالة شطوب بالعالم ؟؟؟؟؟

س2/ مالفرّق بين الشطوّب والمشقّ ؟؟؟؟؟؟

س3/ إذكر ماتعرفة عن الشطوّب ؟
مبينأ أنواع الشطوّب وأكثرها شراسة
<<<الجواب بين السطوّر <<< عشان أرّيحكم بس
وأغششّكم بهاالسؤال ذا بس لإنوّة صعب !!

أشدّ أنواع الشطوّب وأصعبها اللّي يضرب الرّقبة. منقول