حسبي الله عليك يا يزيد ,, قصيده شعريه ,, - نادي الهلال السعودي - شبكة الزعيم

الكناري الأزرق · #1 12/05/2007, 06:41 PM

السلام عليكم و رحمة الله و بركاته ,,

تمت كتابه هذا الموضوع في يوم الخميس الساعه الواحده ليلا في جو مشمس يميل للبروده و كانت شبكه الزعيم ما تفتح لي الباب منذ اسبوع و توه ترضى علي

صحيح ان الصفحه ما تفتح كامله بس مش حالك ,,

فإستلموا الموضوع و لا تشرهون على الاوقات اللي قلتها ببدايه الموضوع

------------------------------

ياله حي الشباب ,,

ابدخل بالموضوع دوووغري لان الساعه الان تشير الى الواحده ظهرا قصدي ليلا <<-- تراني كتبت ظهرا بكل عفويه عشان كذا قلت خل اخليها اوريكم هدارتي

المهم ,,

الساعه الان تشير الى الواحده ليلا ,,
و بكره ورانا صلاه جمعه ,,

و تعرفون ابوي ما شاء الله عليه ,,
قمت الرقه يجي يشوتن و مدري الا و انا لازقن بالجدار و يقول قم صلاه [[ تصدقون فيه بعرصي عند الجدار كل يوم جمعه يجهز القهوه و الشاهي عشان اذا قومن ابوي من النوم و شاتن عالجدار افطر عنده

]]
مشكله ابوي الله يهديه يقعد يتمغط بالصاله و اذا اذن يجيك مستعجل يقول فاتتنا الصلاه و الضحيه انا

المهم ,,
<<--- يا كثر مهماتك انت انت لو تكتب السلام عليكم قلت المهم

المهم ,, (( احسكم تقولون يا ليل مطولك اخلص علينا يا زلابه

)) ..

يا طويلين العمر يا اهل الوجيه السفره انا تخاويت مع واحد بدوي بالمدرسه اسمه يزيد و اثر فيني و بديت احس اني احب الاشياء البدويه مثل البر و زي كذا ,,
و لو منتم مصدقين انه اثر فيني شوفوا اول نص سطر من الجمله

المهم ,, <<--- وش رايك تسوي نسخ لهالكلمه ؟
خلاني اكتب قصيده عن البر ,,

كتبت ثلاث ابيات و نص <<--- حلاو هو ؟
كتبتها على كتابي و بعدين طنشتها [[ صراحه كتابي كان مابه غير للمتنبي و هالشله و يوم خاويت يزيد صرت ما تلقى غير عــاشـ حامد زيد ــق ,, منيف منقره شاعر المحاوره الافضل " ماني بلوي بس يزيد بلوي " ,, فانا اطالب وزير التعليم يخلي القصايد نبطيه ما نبي فصحى و خرابيط ما نفهم و لا كلمه ,, فمن يقف في صفي ؟ ]] ,,

المهم ,, <<--- يا زين اللصق زيناه

كملت القصيده امس ,,

استلموا و صح بدنكم مقدما

ملاحظة //

تراها اول قصيده جديه ,,
يعني عذرا عالاخطاء ,,

قفله //

انا ابركب مكيف سبيلت و يزيد الان يحاول فيني يقول المكيف الصحراوي ارجل لك وش ارد عليه

؟؟!!

السلام عليكم ,,