#1  
قديم 10/05/2007, 01:51 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
Talking يا ردريقاو يا فنان ... يا مبدع يا خطير .. يا ضالة هجوم الهلال ..

بسم الله الرحمن الرحيم ..

عزيزي المواطن عزيزي المقيم : نتمنى قراءة الموضوع كاملا" قبل الرد .. وان ما جاز لك الموضوع فيه اختراع اسمه الرجوع للخلف وفيه اختراع ثاني احسن من الاول اسمه اغلاق الصفحة بكبرها .. وان جاز لك الموضوع رد بــ ادب واخلاق .. لان الاداراة الله يجزاها خير اي كلمة غير لائقة ع طول قفل الموضوع وانا الي باكلها .. لذلك نرجوا التقيد بالاخلاق .. عفوا "




انا
بعد مباراة الهلال امس ما بقى دعوة ما دعيتها ع مهاجمنا الخطير ردريقاو <<< << بدا حرق الاعصاب


وكل ردودي بعد المباراة كنت اطالب بترحيل هــ السباك الى افغانستان بــ سيكل ابو ثلاث كفرات ..


بعد المباراة وبعد ان هدات الاعصاب وروقت شوي .. قعدت افكر في ردريقاو وبين ياسر ..


المهم اقتنعت ان ردريقاو هو الي وصلنا الى ما حنا عليه من الادوار النهائية بعد فضل الله سبحانه وتعالى ..


شباب فكروا معي بالعقل .. وخلوا العاطفة ع جنب .. مهاراة ياسر وكعوبه فادت الهلال في شي في الوقت الحاضر ..
ياسر في بداية طريق الضياع .. حنا لازم نوجه ياسر ونلومه ع اداه الباهت .. ياسر يحسب الواحد ما يصير مهاجم الا اذا جاب في كل مباراة هدف خرافي وهدف ما عمره صار في السعودية .. ياسر لازم كل كورة يستلمها يقعد يجرجر له كم مدافع .. ارجعوا لم المباريات السابقة .. شوفوا ياسر وشلون يضيع كورات ولا في الاحلام .. يضيع انفرادات بالكوم ... ومع ذلك حنا نصفق له ..


ردريقاو يجيب اهداف وارجعوا لم مبارياتنا السابقة تلقون ردريقاو هو الي له لمسة في صناعة الاهداف لن لم يحالفه الحظ ويسجل .. بينما ياسر قاعد يفكر وشلون يسحب بــ المدافع الفلاني ..

ردريقاو ما احد ينكر انه محظوظ حظ موب طبيعي .. وانا كنت اردد هــ العباراة (( عطوني حظ ردريقاو وارموني في المحيط الهادي )) ..

بس اقتنعت انه فعلا" مبدع ...


مهاراة ياسر ما فادتنا بشي .. ردريقاو مو كل همه انه يسمع صراخ الجمهور وتصفيقهم له اذا سحب له الاعب الفلاني .. ردريقاو يبي يسمع الجمهور وهم يصارخون له ويصفقون له اذا سجل هدف ..


هدف الهلال في النصر من الي صنع الهدف للخثران .. ردريقاو صنعها للخثران بلعبة ذكيه .. من حسم مباراتنا مع الوحدة في كاس ولي العهد .. ومن صنع هدف ياسر في الاتحاد .. من حسم مباراتنا مع بختاكور في اوزباكستان وفي الرياض .. والقائمة تطول ..

الي يبون العنبر او الصويلح في الهجوم مع ياسر .. باقول له العنبر خلاص انتهى .. جاب هدف خرافي في كوريا الجنوبية وطيرناه وسميناه رونالدينهو العرب .. وهذا خطا نظرا لان اللاعب توه صغير وما يستحق كل ذا المدح ..
طيرناه .. والحيين مستواه يعتبر فاشل مع نادي الهلال ..

الصويلح مجتهد لكن يعتبر مجازفه انك تعتمد عليه في بطولة مثل بطولة اسيا ..

وزي ما شفتوا انتم امس وظلمتوا ردريقاو .. كل المحللين قالوا ان باكيتا كان قاصد يرجع ردريقاو للـوسط ويخلي ياسر والتايب في الهجوم .. وما ذلك ياسر يفشل في التسجيل ..

انا والله من اشد المحبين لــ ياسر لكن من مصلحة ياسر ان ننصحه و نوجه ونبعده عن طريق الضياع .. ومن قال انه يحب ياسر ويقول ان ياسر الحيين مستواه رائع فـ صراحة راح يثبت ان مشجع ما يدير الكورة ..

ياسر بطقاق سجل هدف في رديف الاهلي .. وهــ هو الحيين يرجع للصوم عن الاهداف ..


كل الي حبيت اوضحه لكم ان ردريقاو مبدع .. فكروا شوي بعيد عن العاطفة .. وصدقوني راح تقتنعون ان ردريقاو هو ضالة هجوم الهلال ..



ياسر اتمنى عودته زي اول .. ويترك البحث عن التسحيب .. ويقتنع فعلا" ان المهاجم الرائع هو من يسجل الاهداف من انصاف الفرص وليس من يفكر انه يسجل في كل مباراة هدف خرافي ..


ملاحظة : استروا ع ما وجهتم من اخطا املائية .. ترا كاتب الموضوع وانا توني مفطر على جبن منتهي تاريخه
..
اضافة رد مع اقتباس
  #2  
قديم 10/05/2007, 01:57 PM
زعيــم نشيــط
تاريخ التسجيل: 29/08/2005
المكان: الرياض<<>>سدير
مشاركات: 822
رودريقاو تمركز وخبرة وهذي الأشياء الي فادته ومثل ماقلت لولا الله ثم رودريقاو ما وصلنا هالمواصيل



ولكن ياسر أفضل منه إلا أنّ ياسر يمر في فترة ضعف في المستوى وهذا شيء طبيعي في كرة القدم



خصوصاً أن ياسر يواجه ضغوط جماهيرية
اضافة رد مع اقتباس
  #3  
قديم 10/05/2007, 01:58 PM
الصورة الرمزية الخاصة بـ abusaud
مشرف الأخبار في البوابة العربية
بالموقع الرسمي لنادي الهلال
تاريخ التسجيل: 16/03/2005
المكان: الرياض
مشاركات: 12,428
لاعب ممتاز .. بس مو مستوى طمووح الهـلال
اضافة رد مع اقتباس
  #4  
قديم 10/05/2007, 02:03 PM
الصورة الرمزية الخاصة بـ Carrick 16
استشاري سابق بمنتدى الرياضة العالمية والعربية
تاريخ التسجيل: 31/03/2006
المكان: الـ..ـريـ..ـاض
مشاركات: 4,925
الله يعطيك العافيه يابطل

استغرب من جمهور غير مقتنع بهدافه الاول !

لو كان محل رودريقاو لاعب ثاني كان ما سجّل ولا خمسة اهداف .. وارجعوا
للفاشلين اللي جبناهم في هالمركز وابرزهم جيلسون ودي سليفا .

لاعب مسجّل عشرة اهداف .. وصانع ومساهم في كم هدف ..

اظاهر لازم يلعب كم كوره بالكعب .. ويفتح كم مدافع بكوبري !

رودريقاو هداف اذا لعب بمركز رأس الحربه .. وحنا ما ينقصنا الا الهداف

بالتوفيق للزعيم
اضافة رد مع اقتباس
  #5  
قديم 10/05/2007, 02:10 PM
زعيــم مميــز
تاريخ التسجيل: 11/07/2005
المكان: وسط المدرجات
مشاركات: 7,319
وش تبينا نسوي يالغالي مع جمهور معاهم معاهم

يبون لاعب يسحب من نص الملعب ويسوي حركات و كعوب

وهذي النوعية عندنا منها كثير ومانبي زيادة
اضافة رد مع اقتباس
  #6  
قديم 10/05/2007, 02:11 PM
زعيــم متألــق
تاريخ التسجيل: 05/08/2005
المكان: آرفـايـن - مـخـرج 10
مشاركات: 1,381
asool حلوة سرور ولا المبارك ههههه .. اصلا سرور هو المبارك يعني فهد سرور المبارك
اضافة رد مع اقتباس
  #7  
قديم 10/05/2007, 02:13 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
إقتباس
الرسالة الأصلية كتبت بواسطة شلهوب يا موهوب
رودريقاو تمركز وخبرة وهذي الأشياء الي فادته ومثل ماقلت لولا الله ثم رودريقاو ما وصلنا هالمواصيل



ولكن ياسر أفضل منه إلا أنّ ياسر يمر في فترة ضعف في المستوى وهذا شيء طبيعي في كرة القدم



خصوصاً أن ياسر يواجه ضغوط جماهيرية


بس في فترة التعاقدات كان الهلال يحتاج للريال الواحد ... وكنا في فترة طفرة .. واعضاء الشرف كلن في ديرة ..

واعتبر اللاعب ممتاز نظرا لــ مزانيتنا في ذيك الفترة ..


وياسر يحتاج فترة راحة ومراجعه نفسه اكثر من مرة ..

والف شكر لك ع المرور ..
اضافة رد مع اقتباس
  #8  
قديم 10/05/2007, 02:18 PM
الصورة الرمزية الخاصة بـ Carrick 16
استشاري سابق بمنتدى الرياضة العالمية والعربية
تاريخ التسجيل: 31/03/2006
المكان: الـ..ـريـ..ـاض
مشاركات: 4,925
إقتباس
الرسالة الأصلية كتبت بواسطة asool
كان سرور ولا المبارك اوغيرهم كثير

ولاّ فهد
اضافة رد مع اقتباس
  #9  
قديم 10/05/2007, 02:22 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
إقتباس
لاعب ممتاز .. بس مو مستوى طمووح الهـلال


من تبي .. دروقبا ولا ساها ولا روني ولا ميسي ..!! ؟؟


قلنا لك دعم في الهلال ما فيه .. يعني اللاعب يعتبر ع قد حالنا .. اذا التزم اعضاء الشرف بوعودهم صدقني راح اطالب بافضل من ردريقاو ..
اضافة رد مع اقتباس
  #10  
قديم 10/05/2007, 02:23 PM
الصورة الرمزية الخاصة بـ O.s.A.m.A
زعيــم مميــز
تاريخ التسجيل: 24/10/2006
المكان: Khobar
مشاركات: 3,068
والله أنكـ صادق أخوي بكل كلمة قلتها

ألفان والله هذا اللاعب هو مانحتاجه بس لو يتمركز

والله إنه فنان

تحياتي
اضافة رد مع اقتباس
  #11  
قديم 10/05/2007, 02:29 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
إقتباس
الرسالة الأصلية كتبت بواسطة هلالي العوالي
الله يعطيك العافيه يابطل

استغرب من جمهور غير مقتنع بهدافه الاول !

لو كان محل رودريقاو لاعب ثاني كان ما سجّل ولا خمسة اهداف .. وارجعوا
للفاشلين اللي جبناهم في هالمركز وابرزهم جيلسون ودي سليفا .

لاعب مسجّل عشرة اهداف .. وصانع ومساهم في كم هدف ..

اظاهر لازم يلعب كم كوره بالكعب .. ويفتح كم مدافع بكوبري !

رودريقاو هداف اذا لعب بمركز رأس الحربه .. وحنا ما ينقصنا الا الهداف

بالتوفيق للزعيم


ما ازود ع كلامك شي يــ الغالي ..


جمهورنا تبي تصير عندهم اللاعب رقم واحد لازم تشق كم مدافع كوبري وتلعب لعبتين بالكعب ..


الف شكر لك ع المرور يا حبيب قلبي ..
اضافة رد مع اقتباس
  #12  
قديم 10/05/2007, 02:32 PM
زعيــم جديــد
تاريخ التسجيل: 08/12/2006
المكان: مكه المكرمه
مشاركات: 46
اخوي اللي يبغى الاسيويه مايجيب البنغالي رودريغاو لو يتحول للكره الطائره مع البخيت يكون افضل ولاعب طويل وينفع في حائط الصد اما كرة القدم اعتقد مله اي علاقه فيها لابد يلغى عقده بعد كاس الملك واعادة رودريقو الوسط لانه يوم انه كان موجود كان وسطنا اقوى وسط بالدوري ثم نحضر مالك معاذ مع ياسر القحطاني عندها يكون وسطنا وهجومنا مافيهم حيله وباذن الله ناخذ الاسيويه حتى كاس العالم وسيبوكم من التخلف ومدح البنغالي رودريغاو 99% وتسع من عشره من الواعين والفاهمين كوره عارفين ان رودريغاو ابو المقالب
اضافة رد مع اقتباس
  #13  
قديم 10/05/2007, 02:34 PM
زعيــم فعــال
تاريخ التسجيل: 05/11/2006
مشاركات: 241
اول مرة واحد يتكلم ويقول الحق
وانا معك اخى
بس لازم نعطى فرصة لياسر وانا سبق وان تكلمت فى موضوع سابق ان ياسر عليه ضغوطات من الجمهور والاعلام وياريت تخف عنه هذه الضغوطات حتى يرجع الى مستواه الحقيقى اما بالنسبة لردريقو فلا يختلف عليه اثنان انه هداف المجموعة وهدا يكفيه فى ظل وجود مهاجم من طراز عالى مثل ياسريلعب بجنبه وهو يسجل وياسر يسحب
اضافة رد مع اقتباس
  #14  
قديم 10/05/2007, 02:37 PM
الصورة الرمزية الخاصة بـ !!هلالي الرس!!
زعيــم مميــز
تاريخ التسجيل: 29/12/2006
المكان: الـ عـآصمة
مشاركات: 5,135
كلامك صحيييييييييح ميه على ميه


س\مامعنى كلمه مهاجم؟

ج\ معناه هو الي تحطه قدام الباب ولا تشوف الكوره الى من رجله للباب عدال أول من رجله للشبك

وهذا الجواب ينطبق على ردريقاو أما ياسر تسحيب وتجديع ومهارات همن حنى نبي هدف حنى وش نبي نبي هدف ياياسر
اضافة رد مع اقتباس
  #15  
قديم 10/05/2007, 02:38 PM
زعيــم مميــز
تاريخ التسجيل: 22/10/2004
المكان: الرياض..جبال طويق ....دفاع الهلال
مشاركات: 1,617
والله ليجي يوم نلقاااكم تقولون العكس ومااا يااسر لو انه احسن لاعب في العالم لو يلعب بجنبه لاعب فااااشل مثل

ردرقااو مااااعرف يلعب وليكن في علمكم ان في الهلال من هو افضل من بمائة مره انااا مدري وش معجبكم فيه يناااس ...

تابعو حركاااته وتثبيته للكوره ومناااولته ومراوغته وش يثبت انه لاعب اي لاعب حط الكوره قدااامه يجيب هدف بس

الحظ اللي تقولونه....... وينه قدااام الاهلي يوم ضيع الكوره قدام البااااب ....عجيب امركم




بس اللي استنتجته من بكيتا واقتناااعه بهالاعب انه يعرف يضيع الوقت ...ههه


علمااا ان الهلال في جميع مبارياااته يلعب بعشره لاعبين لان ردرقااااو مااهو لاعب بس منظر في الملعب لين الوقت

الضائع علشان يضيع الوقت
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:51 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube