#1  
قديم 09/05/2007, 06:49 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
Thumbs up خــربـــتـــهــــا و قــررت اتــزوج (( وجه مستحي ))

ايه وش فيكم !!
خربتها وقررت اني اتزوج !!
ادري انكم منتب مصدقين مثلي لكن هذا الصدز !!






الحين كل الشباب تزوجوا واللي عنده ولد واللي اثنين واللي ثلاثه واللي 6 ما شاء الله << هذا من دفعة قديمه ..
طقت برأسي هاك اليوم وانا راجع من الاستراحة الساعة 2 بالليل لان كل الشباب عندهم دوامات << تراه من كثر ما يغيب يحس انه عاطل .. اجل قد خبرتم احد ماكمل 3 اسابيع متواصله من دون غياب !!
اقولكم طقت برأسي هالفكرة اني ليش ما اتزوج واستقر خلاص ..
يكون عندي بيت وعيال .. واكون اسرة صالحة لمدة 6 شهور من تاريخ الإنتاج وتحفظ بعيداً عن الشمس ..


واول ما وصلت للبيت .. رحت للوالدة الله يحفظها واقولها .. خلاص اني قررت اكمل نص ديني واطلق العزوبية !!
قالت تكفى طس منب فاضية لخرابيطك !!
قلت وانا صادز يا اميمتي هماتس قبل تصجين(ن) وتقولين متى تتزوج متى تتزوج ؟؟!!
وما بقيتي بنت الا مدحتيها لي ؟؟!!
قالت طيب ياثور خلاص بنزوجك بس مهوب الحين اجل جايني الساعة 2 بالليل وتقول انك تبي تتزوج !!
والله من زين الوقت بعد انت وهالخشه ؟؟!! !!

اثري كنت متحمس مع هواجيسي وتوني راجع من الاستراحة ونقزت للوالدة مثل المر
وصحيتها من النوم وقلت لها عن هالقرار الخطير !!

قالت لي خلاص اذلف الحين وباتسر اذا اصبحنا يحلها ربك بس طس عني بنام لي شوي قبل الفجر ..
قلت خلاص ولا تزعلين ايتها الغالية الحنونه .. تامريني شئ قبل لا امشي ؟؟!!
قالت ولعنه طس الله يخلف علي قسم بالله مدري وشلون تحملتك 9 اشهر !! !!
من يومك وانت عله !! اجل فيه مخلوق يرافس وهو بالشهر الرابع ؟؟!! !!؟؟

المهم طلعت من عند الوالدة عشان ترتاح شوي ..
ويوم وصلت غرفتي ويالله يالله امشي .. من الحوسة اللي فيها !!
<< حالف(ن) على اهله اللي يحرك شئ في غرفته يبي يقص يده !!<< شديد هههههههههههههه

بعد ما انسدحت بالسرير ابي انام الا هذا ابليس قدامي ..
يقول هلا ابو امس !!؟؟!!
قلت تكفى يابو الابالسه منب رايقن لك طس عني خلني بنام ..
قال اصبر قبل لا تنام ابي اتفاهم معك بموضوع خطير !!
قلت يبو متلاحقين باتسر ان اصبحنا نسولف بموضوعك الحين دايخ وابي انام ..
قالت لا واللي يرحم اثنين جابوك الموضوع ضروري بالحيل ..
قلت يعني ما يحتمل التأجيل ؟؟!! (( صورة واحد دايخ ويبي ينام ومتوهق بواحد نشبه )) !!
قال ايه ما يحتمل ..
قلت يالله انجز علينا وش عندك ؟؟!!
قال الحين صدز تبي تتزوج ؟؟!!!!!! !! قالها باستغراب اكثر منكم لو تشوفون خشته قسم تضحكون ما ينفع عليه الاستغراب ابد شف لا صرت بالماسنجر وحطيت السمايل هذا (6) << كل واحد يروح للماسنجر ويحط هالسمايل عشان يعرف وش اقصد .. المهم لا حطيت هالسمايل وشفته تخيل انه يكون مستغرب !!
قلت الحين صاجني ضروري وما ادري وش وآخرتها هذي سالفتك ؟؟!! طس لا الله ابو خشتك يا تسلب فارق خلني بنام لا اتعوذ بالله منك الحين وتتوهق من تسولف معه ..

قال لا اصبر تكفى .. الحين صدز انت لا تزوجت نعنبو ابليسك من يبي يسهر معي ؟؟!!
من يبي يحش معي بالبارق << وش اسوي لازم كل ما اشوفك من باتسر اجيب طاريك بموضوع ..
من يبي يدشر خلق الله ؟؟! !! ومن يبي يلعب بحسبة خلق الله غيرك ؟؟!!
وبعدين تدري انت يا ابو امس ان تزوجت .. خلاص ما عاد فيه طلعات وروحات مثل قبل !!
مهنا جلسات للفجرية مع الشباب بالاستراحة ومهنا سهر ومعسل وشراب التفاح << ترانا نشرب سيزر مهوب خارجي ..
تبي تجلس تقابل البيت وبنت الناس ناشبه لك بكل عاير .. وتبي تتوهق ..
مصاريف وغثى وعوار رأس .. وصجة بزارين وودنا لبيت امي وودنا للسوق ..
وابي اروح بيت اختي وابي اروح بيت اخوي .. وخرابيط مالها سنع ..
همن لا جاك الصيف قالت نبي نسافر !! تحسب انك اذا سافرت تبي تنبسط مثل سفرتنا ؟؟!!
لا يا ابو امس ماتمشي متر الا هي معك تقول خذني معك وين ما تبي .. !!
تتوقع تبي تصبر على هالحاله ؟؟!!
صدقني منتب صابر ولا شهر .. اعرفك انا .. وفوق كذا ياخي راحم البنت اللي تبي تتزوجها << انتم متصورين هالشئ ابليس راحم عروس المستقبل << بلاك خويه وعارفك زين ..
مشى من عندي وقالي شف فكر في الموضوع وقلبها في رأسك .. وانت وهواك ..
على العموم انا بمشي الحين وبعدين نبي نتواجه .. ..
قلت له اصبر قبل لا تمشي
قال هاه عساك هونت تكفى ؟؟!!
قلت لا .. بس تكفى لا تنسى تصك الباب وراك اهم شي !!
حسيت ابليس وقتها يقول والله اني حمار منب ابليس اللي مخاويك !!


طلع ابليس من هنا .. وانا اهوجس بكلامه .. الله يخس ابليسك با ابليس !!
قلت صدز الحين يا صدى لو تزوجت وش تبي تسوي ؟؟!
تبي تتوهق .. الحين اهلك وهم اهلك ما استحملوك .. تبي بنت الناس تستحملك ؟؟!!
وبعدين انت راعي سهر ومباريات واستراحه .. وشوله تتزوج ؟؟
يعني الحين انت اذا رجعت البيت الساعة وحده يضيق صدرك تقول وراي راجع مبكر !!
وانت دايم تسهر وما تقوم الا العصر والا المغرب !! << نوم الظالم عباده << بس وقسم اني منب انام تسذا !!
وانت الحين كثر خيرك اذا شفت جماعتك بالسنة مرة وحده !! اجل باتسر تبي تروح تسلم على فلان وعلان !!
والا يا زينك وانت جارن حرمتك معك ورايحن تسلم على خالك والا عمك والا اخوانها !!
ياشيخ افلقني اذا مريت اهلك بالشهر مره !!
والا هقوتك انك تبي تروح للاستراحة من عقب العشاء وترجع على 11 !!
ياشيخ ما يكمل شهر الا وجايتك الجلطة << الله يحفظنا وكل مسلم .. ..
وبعدين صدز لو تزوجت وش تبي تسوي بالماسنجر اللي مليان بنات << يحلفون ما عندك الا التماسيح وكلهم صاكينك بحظر بعد .. << وانا اقول وش فيه الماسنجر ما يفتح مع الشباب دايم اوف لاين خخخخخخخخخخخخخخخ

المهم مالكم بطولة السالفة << ترى كل هذا وما طول ..

يوم صحيت الا الوالدة تقول تعال الحين نتفاهم معك انت وخشتك مهوب الساعة 2 ..
قلت سم امري يا اميمتي وش تبين ؟؟
قالت الحين انت صادز انك تبي تتزوج ؟؟!!
قلت من يقوله ؟؟ ؟؟ !! !!!
قالت انت ؟؟!!
قلت لا يا اميمتي ما طريت الزواج ولا ابيه !!
قالت امس انت مصحيني من النوم وقايلن لي هالكلام !!!
قلت لا يا اميمتي يمكن انتي محلمه بهالشئ من كثر ما تفكرين فيه .. والا انا على خبرتس ابد ..
واقول بقلبي الله يخسك يا ابليس خليتني اتسذب على اميمتي !!















الزبدة نار العزوبية ولا جنة الزواج ..













(( الموضوع تسجيل حضور لا اكثر ولا اقل .. وعشان ننفي تهمة شوفة النفس بعد العمادة ))
وتكفون اللي عنده اوراق والا شئ يبي يوقعها لا يجي الا المغرب بس .. الصبح لو شفت احد بتوطى ببطنه ))
<<< عمدة عله




قسم بالله يالتوقيت يدل على اشياء واجد صح والا لا ؟؟
ههههههههههههههههههههههههههههههههههههههههه










العميد صدى الامس .. ..
اضافة رد مع اقتباس
  #2  
قديم 09/05/2007, 07:36 AM
زعيــم مميــز
تاريخ التسجيل: 30/12/2003
المكان: في بيت امها
مشاركات: 2,108
على ذا الصبح سادح موضوعك الرايق
يالله صباح خير
قلت اكيد بيقول لي ياعيون الزعيم اخطبي لي ؟
لي عــوده
اضافة رد مع اقتباس
  #3  
قديم 09/05/2007, 07:48 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
لي عودة ... بعد الحجز وتسجيل الحضور

على البركة الزواج ... تتربى بعزك إن شاء الله

====================================

باكيشن:

هلا وغلا بعودة عميد الدجة ياكلك هبّه هبّه..

إقتباس
ايه وش فيكم !!
خربتها وقررت اني اتزوج !!
ادري انكم منتب مصدقين مثلي لكن هذا الصدز !!

أول ما قريت هالسطور استغربت..!!

مو لأنك خربتها وتزوجت..!! لا...!!

بس استغربت من اللي قبلت فيك؟ لأنها هي اللي خربتها مو أنت

إقتباس
قالت طيب ياثور خلاص بنزوجك بس مهوب الحين اجل جايني الساعة 2 بالليل وتقول انك تبي تتزوج !!
والله من زين الوقت بعد انت وهالخشه ؟؟!! !!

ثور؟ مدري ليه يوم قريت كلمة ثور تذكرت محمد نور؟

أنا قايل أنك من يوم صرت عميد وأنت متغير منتب على بعضك;)

أنت الحين وين ساكن بعد هالعمادة؟ لا تقول لي انك شديت الرحال إلى جدة :p


إقتباس
قالت ولعنه طس الله يخلف علي قسم بالله مدري وشلون تحملتك 9 اشهر !! !!
من يومك وانت عله !! اجل فيه مخلوق يرافس وهو بالشهر الرابع ؟؟!! !!؟؟



ــههههههههههههههههههههههههــ

الله يرجك أنت وإبليسك... والله حلووووووووووة عسسسسسل هالنكتة


إقتباس
بعد ما انسدحت بالسرير ابي انام الا هذا ابليس قدامي ..
يقول هلا ابو امس !!؟؟!!

حركااات

لا ويدلعك بعد هالابليس يقول لك : ابو أمس

عسى ما تدلعه أنت وتناديه: أبورجيم :p

إقتباس
شف لا صرت بالماسنجر وحطيت السمايل هذا (6) << كل واحد يروح للماسنجر ويحط هالسمايل عشان يعرف وش اقصد .. المهم لا حطيت هالسمايل وشفته تخيل انه يكون مستغرب !!

ــهههههههههههههههههههههههههههههههههههههههههههههههههههــ

والله موب لايق على إبليس

الله يرج إبليسك بس



إقتباس
قال لا اصبر تكفى .. الحين صدز انت لا تزوجت نعنبو ابليسك من يبي يسهر معي ؟؟!!
من يبي يحش معي بالبارق << وش اسوي لازم كل ما اشوفك من باتسر اجيب طاريك بموضوع ..
من يبي يدشر خلق الله ؟؟! !! ومن يبي يلعب بحسبة خلق الله غيرك ؟؟!!

في هذي معاه حق

إقتباس
وبعدين تدري انت يا ابو امس ان تزوجت .. خلاص ما عاد فيه طلعات وروحات مثل قبل !!

لا يا حبيبي ترى ينصب عليك والله..واسألني أنا ;)

<<=== متزوج وله من الأبناء ثلاثة (ما شاء الله) :p

إقتباس
تتوقع تبي تصبر على هالحاله ؟؟!!
صدقني منتب صابر ولا شهر .. اعرفك انا .. وفوق كذا ياخي راحم البنت اللي تبي تتزوجها << انتم متصورين هالشئ ابليس راحم عروس المستقبل << بلاك خويه وعارفك زين ..
مشى من عندي وقالي شف فكر في الموضوع وقلبها في رأسك .. وانت وهواك ..
على العموم انا بمشي الحين وبعدين نبي نتواجه .. ..

يا رجال ترى ابليس الملعون مكبرها ومطولها وهي قصيرة..

طع شوري وما بتندم ان شاء الله : ;)

خذ لك واحدة من حارتكم... وإذا ما حصلت.. رح دوّر بالحارة اللي وراكم ( أظن اسمها الكرنتينة إذا ماني واهم)

صدقني ما راح تندم أبد لأنها راح تتفهم وضعك وتخليك تسهر بكيفك..وبعدين أنتم من نفس الطينة (بتحبوا العميد)

إقتباس
وبعدين صدز لو تزوجت وش تبي تسوي بالماسنجر اللي مليان بنات << يحلفون ما عندك الا التماسيح وكلهم صاكينك بحظر بعد .. << وانا اقول وش فيه الماسنجر ما يفتح مع الشباب دايم اوف لاين خخخخخخخخخخخخخخخ

عادي واناخوك... وش فيها إذا كنت متزوج وعندك بنات بالماسنجر؟ لا تعلمهم أنك متزوج وكمّل اللعب على عقولهن

بس ما ظنتي عندك بنات بالماسنجر.. ما أظن فيه إلا واحدة -اللي تحبها- ونكنيمها هو : بنت هوساوي هبّه هبّه

إقتباس
قلت لا يا اميمتي ما طريت الزواج ولا ابيه !!
قالت امس انت مصحيني من النوم وقايلن لي هالكلام !!!
قلت لا يا اميمتي يمكن انتي محلمه بهالشئ من كثر ما تفكرين فيه .. والا انا على خبرتس ابد ..
واقول بقلبي الله يخسك يا ابليس خليتني اتسذب على اميمتي !!

جحدة

بس وراك ما علمتنا وش أكثر سبب خلاك تجحد الوالدة ( الله يعافيها ويشفيها مما فيها ويعطيها الصحة طول العمر) ؟

بالمناسبة: كيف الوالدة الحين؟ بشّر ...!!

إقتباس
(( الموضوع تسجيل حضور لا اكثر ولا اقل .. وعشان ننفي تهمة شوفة النفس بعد العمادة ))
وتكفون اللي عنده اوراق والا شئ يبي يوقعها لا يجي الا المغرب بس .. الصبح لو شفت احد بتوطى ببطنه ))
<<< عمدة عله

كفوو

زود لنا من تسجيل هالحضور يا بعدهم..!! أنت مجرد سطرين منك -ماشاء الله- تغنينا عن مواضيع كثيرة

تقبل مروري وتحياتي... واعذرنا إن حصل قصور بالرد..!!


المواطن المخلص لكم:

المشاغب

اخر تعديل كان بواسطة » الـمـشـاغـب في يوم » 09/05/2007 عند الساعة » 05:31 PM السبب: عــدنــا
اضافة رد مع اقتباس
  #4  
قديم 09/05/2007, 09:56 AM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
إقتباس
الرسالة الأصلية كتبت بواسطة صدى الامس

بعد ما انسدحت بالسرير ابي انام الا هذا ابليس قدامي ..
يقول هلا ابو امس !!؟؟!!
قلت تكفى يابو الابالسه منب رايقن لك طس عني خلني بنام ..
قال اصبر قبل لا تنام ابي اتفاهم معك بموضوع خطير !!
قلت يبو متلاحقين باتسر ان اصبحنا نسولف بموضوعك الحين دايخ وابي انام ..
قالت لا واللي يرحم اثنين جابوك الموضوع ضروري بالحيل ..
قلت يعني ما يحتمل التأجيل ؟؟!! (( صورة واحد دايخ ويبي ينام ومتوهق بواحد نشبه )) !!
قال ايه ما يحتمل ..
قلت يالله انجز علينا وش عندك ؟؟!!

" شوف يا سعادة العميد !
كلامك ثقة ! عشان كذا قلت باقرأ الموضوع كلمة كلمة ! معقولة الرجال عقل ؟!
و يوم وصلت للكلمة الملونة بالأحمر قلت ما دام الرجال يحكي عن إبليس مو إبليسه و يقول قالت !!
الظاهر إنه صدق خربها !!
لا مو كذا و بس ! في وحدة في باله يفكر فيها !!

إقتباس
الرسالة الأصلية كتبت بواسطة صدى الامس

قسم بالله يالتوقيت يدل على اشياء واجد صح والا لا ؟؟
ههههههههههههههههههههههههههههههههههههههههه
العميد صدى الامس .. ..

و لكن !
و لأنه ما يصح إلا الصحيح و بعد توجيه سعادتكم بملاحظة التوقيت تأكدت أكثر و أكثر إنك راح تصير لواء و أكثر و أنت عزوبي !
و إنه ممكن بيوم من الأيام يكتب إبليس موضوع في المجلس العام عنوانه قررت أتزوج و في موضوعه يقول جاني سعادة العميد و هونت ! "

شكراً لك عميداً لهذا المجلس كما تتجدد ..
اضافة رد مع اقتباس
  #5  
قديم 09/05/2007, 11:37 AM
زعيــم جديــد
تاريخ التسجيل: 18/07/2005
مشاركات: 41
يعطيك العافية على الموضووووووع وانا معاك في كل شي قلته والنتيجة صحيحه
اضافة رد مع اقتباس
  #6  
قديم 09/05/2007, 12:19 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
ما اظن بتتزوج وانت عميد .. وان حصل بتكون زفتك بالكرنتينا
اضافة رد مع اقتباس
  #7  
قديم 09/05/2007, 01:24 PM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
إقتباس
الرسالة الأصلية كتبت بواسطة سهل
ما اظن بتتزوج وانت عميد .. وان حصل بتكون زفتك بالكرنتينا



هههههههههههههههههههههههههههههههههههههههههههههه

أبو أمس .. أجل لو يدرون عن سالفة الميرندا ..

أثرها من عقب العمادة يا عميد..

قال إيش قال شوفت النفس ..

أقول .. شهادة حق تراه أمس اشترى لي ميرندا الأزرق <--- ما يعرفه ..

بس استمرت المشكلة وهي إني عشيته ..




ملاحظة .. البرفسور بخير ولا به خلاف ..بس لا تشغل سهل ..
اضافة رد مع اقتباس
  #8  
قديم 09/05/2007, 01:38 PM
زعيــم مميــز
تاريخ التسجيل: 11/10/2004
المكان: الريــ ( حيث الزحمة ) ـــاض
مشاركات: 7,051
يا كثر الشباب اللي يوافقون آرائك
اضافة رد مع اقتباس
  #9  
قديم 09/05/2007, 01:54 PM
زعيــم فعــال
تاريخ التسجيل: 06/11/2006
المكان: تايه بعدك يا سامي
مشاركات: 367
إقتباس
الرسالة الأصلية كتبت بواسطة سهل
ما اظن بتتزوج وانت عميد .. وان حصل بتكون زفتك بالكرنتينا

ههههههههههههههههههههههههههههههههههههههههههههههههههههههههههههههههه
اضافة رد مع اقتباس
  #10  
قديم 09/05/2007, 01:54 PM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
>>

<<

لوووووليشن كلووويشن لوولوووووووو>>زغروطة للمنتديات

الف الصلاه والسلاام عليك ياحبيب الله محمد
طربق طربق >>دخلت جوووو

هلا والله بالعميد من طول الغيبات جاب الغنايم ندري ان المنصب الجديد اخذ منك وقت كبير بس لاتقطع خفت نسال عنك تقول يحتكون بالعميد:p

وراك هونت الله من قريت العنوان وانا استرجع البنات الي اعرفهم القصيميات ناويتة اخطب لك وحده مزيونة لتكون زوجة العميد

اعوذ بالله من ابليس بس يامفتري على شبابنا وبناتناا خلهن يعرسن وش تبي بهم

إقتباس
هذا (6) <<

جربتة وابي اجيبه هنا ماقدرت

الحين من قال لك ان المتزوجين مايسهروون هذاك اول الحين مايجي ياخذها من اهلها الا تالي الليل :p
تصدق كنت الوم الشباب بس لما قريت هالمغريات لحياه العزوبية قلت ماينلامون

طيب انت قلت مغريات العزوبية
خلني اقولك بعض ميزات الزواج كودك تغير رايك :p ادري اني بجيب العيد بس لازم نوضح لهم مميزات الزووواج >>>>
وحدتن تغسل ملابسك وتفكك من روحه المغاسل :p >>>امحق
وحده تصبحك على كلمة حلوة وتلاقي فطورك جاهز
تهتم فيك تقول لها وش مضيق صدرك تشاركك همومك واحزانك
تروح الدوام اول ماتوصل تتصل عليك:p لما ترجع تستقبلك بالخشة المبتسمة وتقول نورت البيت يالعميد (ماضمن لك هالنقطه لاني اتوقع الزوجة المصون تكون نايمتن هالوقت)
عيال صغنونين يقولون بابا بابا ابي حلاوة وتوديهم الملاهي وتشوفهم يلعبون وانت تناظرهم بكل محبه وسرور بتدمع عيونك بتقول ذولي عيالي والله وكبرت وطلعت رجال >>اجل عيال الجيران
في حفل الاباء حق المدرسة ينادون ولدك مع المتفوقين وتلاقيه يشوفك وهو مستانس تخيل الشعوور:p
اهم شي تفتك من كلمة العوووائل وتدخل الي تبي تروح الي تبي



ودي اكمل بس خايفه اني اجيب العيد
هاه عساك غيرت رايك والا تبي مغريات زياده

الله يوفقك ويرزقك البنت السنعه والذريه الصالحه
بس انت اخلص ترى العمر يمرر
والحين العنوسه ماصارت للبنت بس حتى الرجال
لان كل ماتاخر الشاب بالزواج بدت الشكوك حولة ومحد يبيه اكيد انه لاعبن بيدينه ورجليه


عودا حميدا صدىى





الهنوووف

كانت
هنا
ورحلت

اخر تعديل كان بواسطة » الهنوووف في يوم » 09/05/2007 عند الساعة » 02:14 PM
اضافة رد مع اقتباس
  #11  
قديم 09/05/2007, 02:59 PM
زعيــم مميــز
تاريخ التسجيل: 09/09/2005
المكان: في حلم الزعيم
مشاركات: 1,545
هلا والله اخوي صدى منور والله


وانا اخوك انا متزوج والله اني مستقر ولله الحمد لكن الله يعينك اذا جاك عيال
وخصوصاً عمر بنتي 12 شهر والله انك بتنغث غثا لكن هذي الحياة


اما بالنسبه لزواجك فالله يوفقك وانا اخوك ترى الزواج مو لعب وتذكر ان وراك بنت ناس
ماتتحمل طلعاتك ايام العزوبيه واذا كنت راعي وناسه فعز الله انك بتروح في خرايطها /ههههههه ابس اخوفه
بس تدري مافيه احلى شي بها الدنيا انك تشوف بنتك او ولدك قدام عينك والله تسوى الدنيا ومافيها


والله يوفقك في الدنيا والآخره



تحياتي لك
ولك ارق تحيه
اضافة رد مع اقتباس
  #12  
قديم 09/05/2007, 03:06 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
هلا بكم كل ابوكم

ياشينها اذا صرت مواصل وتبي تنام وتذكرت مباراة الهلال وتخاف تفوتك ما تدري وش تسوي !! !!






هلا ][ عيون الزعيم ][ ..


إقتباس
على ذا الصبح سادح موضوعك الرايق
يالله صباح خير

شكلتس ماتدرين عن مواضيعي ما تطلع الا مع زقزقة العصافير << قسم مدري وش تبي هالكلمة

إقتباس
قلت اكيد بيقول لي ياعيون الزعيم اخطبي لي ؟

ما بعد انهبلت

تحياتي لتس ..



هلا الـمـشـاغـب ..


إقتباس
لي عودة ... بعد الحجز وتسجيل الحضور

وراك موقع متأخر !!
بس تكفى لا تحرص على العودة خل حجزك ذهاب بس !!



إقتباس
على البركة الزواج ... تتربى بعزك إن شاء الله

وشو زواجه ووشو حشيشوه ..
الحين بس يوم كتبت الموضوع وتخيلت اني متزوج حامت تسبدي اجل وشلون لو هو صدز !!


تحياتي لك .. وماشاء الله عليك شعلة الاولمبياد قصدي شعلة بالمنتدى ..
بس انتبه لا تهب عليك وتطفي <<< مصالة واحد مواصل !!




هلا abu_riman ..




إقتباس
" شوف يا سعادة العميد !
كلامك ثقة ! عشان كذا قلت باقرأ الموضوع كلمة كلمة ! معقولة الرجال عقل ؟!
و يوم وصلت للكلمة الملونة بالأحمر قلت ما دام الرجال يحكي عن إبليس مو إبليسه و يقول قالت !!
الظاهر إنه صدق خربها !!
لا مو كذا و بس ! في وحدة في باله يفكر فيها !!

انت قلتها يا ابو ريمان معقولة الرجال عقل ؟؟!!
انت خابرني وعارفني يعني لو تشوفني بالكوشه لا تصدق
تراه واحد يشبه لي مهوب انا


إقتباس
و لكن !
و لأنه ما يصح إلا الصحيح و بعد توجيه سعادتكم بملاحظة التوقيت تأكدت أكثر و أكثر إنك راح تصير لواء و أكثر و أنت عزوبي !

ياخي قسمن هالعزوبية شئ خيالي بس مشكلتكم ما عرفتوا تعيشونها
ابو ريمان عندي استعداد اني اعطيك توصيات للعزوبية ياشيخ ان تدبل عمرك العزوبي

إقتباس
و إنه ممكن بيوم من الأيام يكتب إبليس موضوع في المجلس العام عنوانه قررت أتزوج و في موضوعه يقول جاني سعادة العميد و هونت ! "

هههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههه

خبل كثر شعر رأسك


إقتباس
شكراً لك عميداً لهذا المجلس كما تتجدد ..

العفو ما سوينا شئ هذا واجبنا كـ عميد

تحياتي لك ونورت الموضوع بطلتك الشينة ..




هلا lll_waham_lll ..

حياك ربي ..


لي رجعة ان شاء الله لـ بقية الداجين << احد قال سهل و ابو ميرندا مالي خلق ارد الحين
اضافة رد مع اقتباس
  #13  
قديم 09/05/2007, 04:19 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
الف مليون مبرووووووك سعادة العميد صدى

وهذا افضل قرار اتخذته >>> رد واحد مطفي انواره

صراحة اخوي صدى انا يوم شفت العنوان جيت مدرعم ابي اعرف تفاصيل القضية

ولا انكر اني انصدمت من هول المصيبة ;) الى درجة اني بغيت اصيح

>>> يالحبيب تراك فاهم الموضوع غلط

بس كويس ابليس ما قصر من جد الصديق وقت الضيق ههههههههههههه

عاد تصدق سعادة العميد قبل ما اقرى موضوعك قريت خبر يقول ..

ان سوداني لقى مصرعه بعد ابتلاع ثلاث حبات فياغرا ليلة زفافه من دون استشارة طبية !!

عاد حبيت احط لك الخبر هنا عشان لاتتحمس زيادة على اللزوم (( وجه يقول وش يبي ذا ))


إقتباس
الحين كل الشباب تزوجوا واللي عنده ولد واللي اثنين واللي ثلاثه واللي 6 ما شاء الله << هذا من دفعة قديمه

ولد والدين اوكيه بس 6 ماشاء الله هذا يدل انك بلغت من العمر عتيا
ودام الوضوع كذا تزوج يابو امس وما عليك من ابليس قبل ان يفوتك القطار
الا على طاري القطار ما ودهم يحطون في الرياض مترو انفاق

إقتباس
قالت ولعنه طس الله يخلف علي قسم بالله مدري وشلون تحملتك 9 اشهر !! !!
من يومك وانت عله !! اجل فيه مخلوق يرافس وهو بالشهر الرابع ؟؟!!

لووووووووو ووووووووووووول

اجل ترفس من الشهر الرابع من جد قلق لكن الحمد لله انك طلعت في الشهر التاسع الا في بزارين ما يطلعون الا واعمارهم سنتين


إقتباس
ويوم وصلت غرفتي ويالله يالله امشي .. من الحوسة اللي فيها !!
<< حالف(ن) على اهله اللي يحرك شئ في غرفته يبي يقص يده !!<< شديد هههههههههههههه

الله يرج ابليسك عاد تصدق اني مثلك دايم اقول لا احد يلمس شي بغرفتي ولا احد يرتبها
بس صراحة الوالدة ما تتحمل بشاعة الغرفة وتخليهم يرتبونها ..
عاد انا اجي اشوفها مرتبة استانس بس اسوي نفسي زعلان ;)
وادور اي غلطة حتى اذا رموا منديل اقول لية ترمونه يمكني كاتب عليه شي >>> الله من زود الثقافة

إقتباس
قال لا اصبر تكفى .. الحين صدز انت لا تزوجت نعنبو ابليسك من يبي يسهر معي ؟؟!!
من يبي يحش معي بالبارق << وش اسوي لازم كل ما اشوفك من باتسر اجيب طاريك بموضوع

ههههههههههههههه صراحة من جد ابليس يكسر الخاطر :p
وعلى طاري البارق اجل تقابلتوا امس يالداج ولا علمتوني ;)
بس اهم شي عساك عشيت البارق على حسابك والا زي العادة هههههههه

إقتباس
الزبدة نار العزوبية ولا جنة الزواج

الزبدة الحق القطار لا يروح >>> جازت له سالفة القطار

بصراحة موضوع خنفشاري نمبر ون
يوم قريته حسيت اني شباب ههههههههههه
والله يرزقك مدام صالحة تتفهم وضعك وتعطيك جوك وتونس اهلك
وعلى طاري المدام >>> مو كنك زودته حبة ونص
الا على طاري الحبة والنص ترا مطعم ميرا يضبطونه الا على طاري مطعم ميرا البخاري
ترى عندي رقمهم اذا ودك تطلب لنا عشاء >>> برا

اذكر مدرس مصري الله يذكره بالخير كان يقول لي ياماقد انت اذا لقيت مدام كويسة فهي مصيبة واحدة
واذا لقيت مدام مش كويسة تبقى مصيبتين ومنيلة بستين نيلة هههههههههههههه

الله يرزقنا واياك مدام كويسة

حبيب قلبي صدى الامس ...

والله امتعني حضورك وموضوعك وحديثك فالله درك
دمت لنا عميداً وعيداً وسعيداً :p

>>> اخلص يخرب بيتك >>> ما وده يقفل الموضوع

والف مشكور يالغلا ولي عودتن ان شاء الله
اضافة رد مع اقتباس
  #14  
قديم 09/05/2007, 04:41 PM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
ولــكم باك صدى
قبل لا ادخل الموضوع كنت مجهزه اني اقولك منك المال ومنها العيال والله يعطيك
خيرها ويكفيك شرها وان شالله تكون حسب المواصفـات المطلووبه <<سياره ..وأختمها (كلللللوش) بزغروطه
صغيره اوي اوي
هذا قبل لا قرا الموضوع;)

لكن بعد ماقريت
قلت عميـدنا خربهاا

بس ياعمري ياامك رايح تصحيها الساعه 2 تقول لها تبي تعرس وآخر شي تشككها بنفسها تقول لها انها محــلمه
بس وراك قلبت 180 درجه كنت وش حليلك تبي تستقر وتكون اسره وتصير بابا وعندك مدام;) صدق ان ابليس يوسوس عذب الله منه:p
بس ماعليك منه كمل نص دينك واعرس وجيب بنت سمها رعبوبة:p
قبل لايفوتك القطار وتصير عااانس

بعدين محد يبيك كل مارحت تخطب وحده بتقول شايب مانبيه
والعمر فاني والواحد يستانس بحياته مدامه شباب قبل لا يشيب ..<<تبي تحببك بالزوااج غصب
ومثل ماقالت الهنوووف للزواج منافع كثيرا والواحد يشوف من الجوانب الإجابيه ويترك السلبيه;)
ولا شو رايك;)


إقتباس
الزبدة نار العزوبية ولا جنة الزواج

والله ابليس له مفعوول خطير على عميدنااا
ماعليك منه تراه مايبي الا الخراااب مايحب يشوف شي يســعد
الله يسعدك ياارب



عوداً حميد اخوي صدى
والله يعطيك العـــافيه على الموضوع الرووعه ..
مبدع كما عهدنــاك..


خيتك:رورو;)
اضافة رد مع اقتباس
  #15  
قديم 09/05/2007, 05:13 PM
زعيــم مميــز
تاريخ التسجيل: 17/03/2002
المكان: الرياض
مشاركات: 2,196
افا

وين راح الـ (A)

بس تصدق
اول مره ابليس يسوي شي خير فحياتو:p



ابوريمان
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:06 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube