07/05/2007, 01:57 AM
|
| كاتب مفكر بالمجلس العام | | تاريخ التسجيل: 22/11/2005 المكان: في زمنٍ حياديّ
مشاركات: 1,847
| |
|
كتاب.. احذر.. خطر.!
هذي قصيدة تفعيلة لي.. أبي رايكم فيها
وفا .. وشقا
كتاب عن حال البشر..
لو تفتحه..
تلقى ورود وشوك وسموم ومطر..
هذا ينام وفي لحافه فرحته..
وهذا الغبن عنده قدر..
لو تفتحه.. وتقلب الصفحه ورا الصفحه شوي..
تلقى فصل كامل بعنوان "الوفا"..
(اسمي) وبالخط الجميل..
مكتوب يوفي طول ما شمسه افـ سماه..
وطول ما غطاه في الظلمه خفا..
ويوفي افـ حماه..
وفي أراضي اللي يحب..
وفي هجير اللي نساه..
يوفي ولو استعصى اللقا..
حتى ولو تقفلت في وجهه الأبواب..
وصار هو مفعول به..
والفاعل الظالم "جفا"..
يوفي بعد..
يوفي ولو تطعنه سكين الخيانة والغدر..
يعني انكتب بالمختصر: "اوفى خليل"
وتقلب الصفحه ورا الصفحه شوي..
وتلقى فصل ثاني بعنوان "الشقا"..
(اسمي) وبالخط العريض..
مكتوب أشقى من عشق..
مجروح ولا هوب المريض..
إلا مريض..
وجروحه ما امتد النظر..
حادث.. وراه حادث أمرّ..
ولا تسبب به أبد..
إلا تهور دون ما ينحى الحذر..
مسكين يا قلبه (تحب)..
مكتوب لك كل ما انجبرت شوي ترجع تنكسر..
دمك وبس اللي صفى.!
ما تدري ان درب الهوى مكتوب لك في اوله:
"احذر.. خطر.!"
ومكتوب لك في آخره إنك تموت من القهر..
ويقول كل اللي سمع عن حالتك:
"ميت ولله البقا"
فيصل |
الوضع الشجري
