السكيورتي والمكالمة الغامضة..! - نادي الهلال السعودي - شبكة الزعيم

عاشق مدريد · #1 01/05/2007, 11:19 AM

بسم الله الرحمن الرحيم

السلام عليكم ورحمة الله وبركاته

صبحكم/مساكم الله بالخير انساتي سادتي

يالله حيهم كلن بنك نيمة

اكتب لكم هذه السالفة وانا توني مفطر فلافل عشان كذا اذا محد اعجبه الموضوع لحد يشره

سالفتي ياجماعة الخير ان قبل كم من يوم رحت لم البنك<<<بيجيني واحد ملقوف وبيقول اي بنك؟

وبقوله رحت لم بنك الرياض:p وبيجيني ملقوف ثاني وبيقول وش عندك في البنك وبقوله مالك شغل يابثر ياقرمبع

^
^
اقتباس من موضوع ام العنزين

الزبدة اطال الله في اعماركم جميعا على الطاعة اني دخلت لم البنك وتوهقت في شغلة من الشغلات

وكان جميع الموضفين مشغولون مع العملاء يعني محد معطيني وجه

واذا بي المح السكيورتي جالسا على طاولة وبيده سماعة الهاتف

قلت ياولد خل اشوف السكيورتي يمكن عنده العلم ويحل لي الشغلة

وجيت قربت لمه ودققت في وجهه وهو يكلم وكانت ملامح وجهه كذا

واسمعه يقول بنبرة تميلح (عشان تعرفين بس اني مداوم)

وطبعا الاخ اول شي ما انتبه لي اني فوق راسه

فجاة حس ان فيه احد فوق راسه ويوم شافني انقلبت معالم وجهه وصار وجهه كذا

قال سم اخوي امر وقلتله السالفة ولا قصر ورجع مسك السماعة

يوم بعدت عنه رجعت ملامح وجهه كذا

وجلست انا اشوفه من بعيد والله العالم انه كان*********** وجلس على ذا الحال حوالي ربع ساعة

عموما اللي ابي اوصله انه انا ماهمني من كان يكلم السكيورتي سواء كان يكلم امه او اخته او زوجته او خويته

وحتى ماودي ادخل في ذمة الرجال واقول انه يكلم خويته مثلا

لكن اللي ابي اوصله انه هذا الرجال موجود للحفاظ على امن البنك مب للجلسة وحط رجل على رجل وتكليم فلان وعلان

لو سمح الله وحصل سطو لهذا البنك اللي كنت فيه كيف بتكون ردة فعل رجل الامن هذا وهو كان حاط رجل على رجل وماسك السماعة ومبسوط ولا يدري عن شي

رجل الامن المفروض يكون متأهب ومستعد في كل وقت والمكالمات والخرابيط لاحقين عليها

عموما هذي سالفة مرت علي وابي اشوف وجهة نضركم عليها ياحلوين

قبل الختام

رسالة الى رجال الامن في جميع القطاعات:

(امن البلد ومنشئاته امانه في اعناقكم فلا تخونوا هذه الامانة )

برايفت لماجد مقبل

كان ودي اقول كنت تاكي وهرفي بس مالقيت لها محل بالسالفة

وفي الختام تقبلوا ارق التحايا واصدق الامنيات من اخوكم الصغير عاشق مدريد