05/05/2007, 01:50 PM
|
 | عضو سابق بلجنة الفيديو والصوتيات | | تاريخ التسجيل: 13/09/2005 المكان: تعبت أدور بالوجيه انساان يفهم لا حكيت
مشاركات: 4,930
| |
تكفى تعال توظف عندنا ,,ماطلبتوا شي جايكم :d
سسسلام عليكم كلو نفر 
مدخل:
والله أني قوي ..
من هاللي دعاء لي أبي ابوسه على خشته  تدرون جاني اتصال اليوم على جوالي وانا نايم الساعه تسع الصبح 
استغربت انا وش يبون هذولا كلهم من ارقام ثابته ..قلت يمكن شركتي الاولى يقولون تكفى تعال ارجع لنا شفت الرقم الاميز بينهم قلت خلني ادق عليه يوم دقيت طلعت شركة النشر والابحاث مدري شسمها قلت يمكن فايز في مسابقه ,,أخبر أني مشترك بمسابقه ام بي سي (حلم) <--طيب وش دخل النشر والابحاث في ام بي سي .. المهم رد علي سوداني قلت فيه أحد داق علي يابو الشباب قال ماادري قال عطني رقمك بشوف قلت استلم 0555
والباقي بعدين  قال بتصل عليك اليوم وبرد لك خبر ,,المهم سكرت قلت خلني ادق على الرقم الثاني,,ودقيت
قلت يمكن التنظيم المشترك يقولون تعال اخذ ملفك تراه مغبر عندنا المهم رد علي سعودي قال شركة الغااز والتصنيع
قلت وش يبون هذولا مااخبر اني اشتريت من اسهمه المهم قلت أخوي فيه احد داق علي اليوم قال من معي
قلت مسساري الاقرع <--يقاله مايعرفون اسمه الاعضاء ,,قال كم رقمك واسدح له رقمي كأني مرقم لي بنت
قال ايه أخوي سالم أنت من خريج ثانويه تجاريه قلت ايه نعم قال كيف اللغه الانجليزي قلت توني طالع من دوره انجلش
بس ماكلمتها قال طيب كيف الحاسب معك قلت ماعليك خبره قال اجل تعال بكره بملفك العلاقي  ,, صدق
السعوديين طماعين تدرون ليش ؟ لأني قلت له كيف الوظيفه وكيف الراتب قال أنت تعال وماعليك قلت هو مشوار يستاهل اني اروح له قال ايه قلت أوكي جايكم بكره الصباح ,,
وهذي هي السالفه,,
صدق أن الثانويه التجاريه نعمه ,,أخبر أني قبل لا اسجل بالثانويه التجاريه قالوا لي ناس كثير أن مالها مستقبل ولا يقبلونك بوظايف ,, بس سبحان الله اول ماتخرجت منها جاني عرض من شركة كنتاكي بالعلاقات العامه بس رفضت,,
وش هالدلع حركات أخبر الواحد يشيل ملفه معه ويطع بالشموس يدور وظايف ,, وانا نايم تجيني الوظايف <--اهب
,,,,
للمعلوميه أنا كنت ادرس أنجلش لمدة 14 شهر بس ماكملت المده ست شهور وسحبت وهالدراسه عن طريق التنظيم
المشترك على حسابهم وكنت مسجل أني موظف بشركة الصرح يعني اذا خلصت دراستي أشتغل عندهم,, بس يوم شفت
موضوع أحد الاخوان بالمنتدى العام عن وكالة الطيار وكيف تعاملهم البايخ قلت ياولد الصرح مو بعيده عن الطيار خلني
اسحب نفسي,, وسحبت نفسي ,, على فكره مو بس عشان الموضوع اللي قريته ,, للاسباب ثانيه بعد ومنها التماطل بالمكافأت الشهريه يعني نقعد ثلاث شهور مايعطوني المكافأه أنا ماهمتني المكافأه بس اذا هم يماطلون بالمكافأت
كيف اذا خلصت دراستي واشتغلت عندهم ,,
أحس أني قمت أهذري عليكم 
بس حبيت افضفض لكم
برايفت لكم كلكم: اللي يشوف له غلط مطبعي يسكت أحسن له
وسسسلام عليكم |
الوضع العادي
