:. صحيح لا جديد .. والميلان يعيد الكرَه .. ولكن معاك يامانشستر على الحلوه والمره .: - نادي الهلال السعودي - شبكة الزعيم

5Faya · #1 03/05/2007, 02:12 AM

السلام عليكم ..

اولا اعزي نفسي واعزي اخواني المانشستراوين على الأداء الضعيف امام الميلان ..

ميلان صال وجال اليوم وسجلوا 3 بينما اضاعوا 3 ربما ..

( خلوني من اللغه الفصحه تراها بتضيع معي بعد شوي )

مانشستر قاعد الحين يدفع ثمن عدم وجود البديل الكفؤ لا يوجد احتياط ..

فريق ينافس على 3 بطولات ما عنده البديل الناجح !!

عفوا لو كان المان ينافس على بطولة واحده كميلان يمكن يكون لوضع عادي او شبه عادي ..

ولكن مانشستر ينافس على كل البطولات الي يشارك فيها والاعبين البدلاء ماهم بالمستوى المطلوب والوضع ليس بالشبه مضروب ولكنه مضروب بأكمله ..

والله اني اكتب هذي الكلمات وكلي حرقة من خسارتنا الكبيره امام ميلان ..

ولكن نجد العذر لــ ( لاعبين ) مانشستر مو ( إدارة ) مانشستر لأن الاعبين وصلوا الفريق لدور نصف النهائي وخرجوا من الإياب ومن ميلان وغيرنا ماكان ينافس إلا على هالبطولة وما قدر يوصل للي وصلناه ..

كريستيانو - روني - قيقز - سكولز - كاريك .. لاعبين ابدعوا في كل مباراة لهم ولكنهم بشر والبشر لهم طاقة وطاقتهم لم تسعفهم اليوم ومعهم كامل الأحقيه ..

كريستيانو محرك مانشستر يونايتد في كل مباريات الموسم .. للي شاهد مباراة مانشستر وإفيرتون شاهد كيف كان مستوى رونالدو كان سيء لأنه بشر والبشر له طاقه ولكل بداية نهاية وهذي بداية نهاية الطاقه ..

روني مهاجم مانشستر الوحيد حتى لو كان ساها مهاجم لأن روني المهاجم الفنان الوحيد في المان رغم انه مو مهاجم صريح ( أصلا )

قيقز اتذكر قبل يمكن شهر قريت تصريح للسير يقول ان قيقز الأن ما يقدر يلعب إلا مباراة واحده في الأسبوع والسبب كبر سنه وقلة لياقته ولكن لعدم توفر البديل شفناه يلعب في الأسبوعين 4 مباريات واكيد ماراح يقدم المستوى المطلوب ..

سكولز كن في يومك يكون مانشستر في يومه ولكن اعيد واقول لتحمل الإرهاق حد والعمر ماعاد يساعد يا سكولز للأسف ..

كاريك اليد الوحده ما تصفق شفناك اليوم تحاول تنقل ولكن ..!! واكيد للإرهاق دور كبير ..

والله مانشستر الأن قاعد يدفع ثمن الأصابات وعدم توفر البديل ..

بديل فريق في دور الــ4 في دوري ابطال اوروبا .. ريتشاردسون - إيغلز ...

آآه على زمن كان بديلك تيدي شيرنغهام - اولي غونار سلسكاير الي كان على عزه ..

آآه على الزمان الي خلا احتياطك إيغلز - ريتشاردسون - سولسكاير الي ما ودك تشوفه الحين وتتحسر على ايام اول

..

آآه من الإصابات الي اربكت الفريق .. ريو مو موجود فيديتش تو راجع من إصابة قويه .. غاري نيفيل مصاب نهاية الموسم ..

آآه على فريق ظهيره الأيمن جون اوشي الي طريق سريع لكل لاعب يواجه ..

لكن ارفع القبعه احتراما لــ ( لاعبي ) مانشستر وليس ( إدارة مانشستر ) فريق يلعب على 13 لاعب يأخذ الدوري ويصل لنهائي الكأس .. ودور الــ 4 من دوري ( ابطال ) اوروبا ..

كبيره والله 3_ 0 ولكن هذا حال الكوره تفوز 7 على روما .. تخسر من ميلان 3 ..

يفوز ميلان 3 يخسر بــ4 هذا حال الكره ..

صحيح يا فيرغسون انك كبير ومافي عاقل ينكر ذلك ولكن الحين خليتنا نبكي على ضياع دوري ابطال اوروبا بسبب اصرارك على الفريق هذا وعدم تدعيمه في فترة الإنتقالات الشتويه ..

ولكن رائع انت يا أسكتلندي وبإذن الله هذه اخر الخسائر ..

.. نقطه اخيرة ..

على كل مشجع مانشستراوي ان يتشجع ولايغادر المنتدى لفترة حتى تهدأ الأمور فمثل ما فرحنا بالفوز على روما ..

نقول الف الف الف مبروك لميلان وفعلا استحقوا الفوز في ظل ارهاق مانشستراوي فظيع ..

وكبير يا ميلان ..

وتبقى كبيرا يا مانشستر يونايتد ..

معاك يا مانشستر على الحلوه والمره ..