أنا صراحة تجربتي الشعرية لم تنضج بعد
ولكني أعمل عليها
وهذي القصيدة كتبتها وهي نص عاطفية وابي رايكم فيها:
بعنوان
حياتي في وصلك
على وصلك حياتي تشبثت لا تقطعه عنّي
ترى موتي في بعدك جا.. وفي قلة مراسيلك
شبح بين الحياه والموت .. أو اغرب من شبح كنّي
يمر الوقت واسمع الثواني تقول: "يا ويلك"
واصير اونّ طول الليل .. والا جا الصبح اونّي
عسى تسمع واشوف يذوب صعبك في تساهيلك
وانا ثوبي الأمل والحسن ساكن في جسد ظنّي
بعد ما أجدبت روحي يجيني في الهوا سيلك
ترى في جيتك لي زهر صدري فايح ٍ منّي
بعد ما كان صدري غبار .. تزهّر من ندى هيلك
وترى اجمل من لسان ٍ ذرب الا جت فرحتي يهنّي
وجودك في مدى عيني ولو عشت افـ غرابيلك
واصير اسعد بشر في صفحة التاريخ يوم انّي
اشوفك يا هوى قلبي بعد رجوى مواصيلك
واصير اضحك معا ضحكك .. ولاجل اطربك آغنّي
واقول الشعر في وصفك .. واموّل لك مواويلك
واذا شفت الفرح ياتيك شوف الفرح يسكنّي
واذا سالت دموعك هذي كفوفي مناديلك
ولو تقبل أهلي بك واخلي اسمك يرنّي
في اذن من ما سمع .. ومن قبل توصلني أنا اجيلك
واذا أقفيت تكبر حسرتي ولنفسي امنّي
واقول شوي وترجع لي .. وقلبك في الهوى خيلك
ولو طول رحيلك صرت اناديلك وانا اونّي
واقول شوي وتسمعني .. واونّ اكثر واناديلك
لأن بعدك يموتني .. ويغسلني .. ويكفنّي
وتحيا الروح في وصلك واذا رجعت مراسيلك
فيصل
الوضع الشجري
