#1  
قديم 25/04/2007, 12:59 AM
زعيــم متواصــل
تاريخ التسجيل: 19/04/2006
المكان: الـقـو K.S.A يـعية
مشاركات: 85
Talking سالفتي مع خويي النصرااوي !!<- الرآويه التي رثى حآلي فيها الفناان مزعل فرحـان

اعرفكم على نفسـي انا متهاوش مع نفسـه حبيت اكتب لكم قصه انطلها بالشلـه وهي قصه قصيره كعربون محبه وصداقه بيني وبينكـم
وترى القصـه كآتبهآ وانآ مستعجـل والدليل شوفوني لأبس شمـاغ وعقآل ابي اروح للدوآم < صآرحوني انآ مآصـل ؟
وعلى فكـره ترى اول قصـه اكتبها بأسلوب سآخر بالمنتديات يعني تبون تقرشعـونه قرشعوه عـااادي .. واذا القصه بآيخه عـادي جدا معي عذري اول مره اكتب .. واذا تبـون تتبنـون مهوبتي احلى كـلااااااام
اربطـو الآحـززمه نبي نقلع بالقصـــــه
بطـل القصـه : فتى النصـر <- معروف بحـأرتنا بأسم (( الفقراوي ))
والبطـل الثـااني انـاا وكلي فخـر صنآعه سعـوديه < يسمع بالدعآيـاات

مالكم بالطـوويله بخش بصلب الموضوع
انا رجآل بلاني ربي بصـديق بالحـاره فتى النصـر معروف بلقـب ((الفقراوي)) وكان غبي غبي لدرجه ماتوقعونها تصدقون اخواني الزعماء مره ابوه راح يكشف علي مخه عند طبيب بلندن يوم كشفو راسه لقو ورقه مكتوب فيهأ اقرب تكسي لشهار وجنب الورقه قوطي تونه حولها دود < يالله جثـه حمـأر مهوب مخ ادمي
وفوق انه غبي وماله داعي بالحيـاة الا إنه ونـااسه وكل ماشفته احب اضحك عليه وازين مافيه مايزعل مدري ماعنده احسـااس او انه حبيب وااقرب شي انه حبيب
خوينا هذآ يآمعشر المسآطيل متعصب نصرآوي لآبعـد حد مايسمع بالنصـر هو صحيح انه مايعرف كينيدي من عبدالرحمن بن سعود الله يرحمه بس تحسب له انه متعصب للنصر
لدرجه انه يعتبر حمد الصقور احسن من كانافارو
وذآت يوم كئيب يأخواني الزعماء والجو حار وتعرفون جو السعوديه من الحر تطبخ الغدى على رصيف حارتكم ولو تطبخ لحمه حاشي فوق كبوت السياره شرط ان يطلع الحاشي من القدر يقول كلني بسرعه وفكني من حرارة جو الرياض
كنت جالس بالعصريه على رصيف الحاره والشمس تخدر كل افكـااري ومخي يطبخ ويطبخ ويطبخ لما نضـــــج .< بالله واحد يجي يدبغه يفكنا من مصوله
وانا جالس على الرصيف منسدح وحيلي منهد الي يشوفني يقول هذا من لأجئين فلسطين للأردن مر عندي صديقي الغبي الفقراوي على سيكل وقال لي هااي وضروسه طالعه قسم بالله لو تشوفون ضروسه من بعيد تقولون شايب ممدد رجوله بالشمس
رديت عليه وانا حايمتن تسبدي من جو الرياض وكنت افكر بجو ماليزيا والدول السياحيه الحلوه فجـأه يقطع حبل افكاري هذا الغبي الي بلأني ربي فيه لأوبعـد نزل من السيكل حقه ورفع ثوبه الرجال راعي طويله بيجلس معي على الرصيف وانا ماحبيت ابين له اني متضايق من جلسته سالته عن اخباره واعلومه وابيه يسولف يمكن يطلع لي بطلعاته الحلوه واضحك وتنفتح نفسي لليوم الكئيب
كنت جالس على الرصيف وساكت اشوف السياره الرايحه والي جايه وهو معي يناضر الي رايح والي جاي وهو يسعبل < نسيت اقولكم من كثر سعابيله اهله مركبين له عوامه
سألني خويي وين بتروح اليوم وين بتجي وقلت له مدري والله مساكين شباب الرياض وين يروحون ؟ الثمامه ؟ الحين اهل جده والشرقيه عندهم بحر يكبون همومهم فيه وانا متوهقين بطعوس الثمامه نروح نشكي لها ونكب همومنا عليها ؟ واطلقت ذيك الزفره مع الأهات من الضيقه والطفش وانا اناضره واقول مالوم شباب الرياض لأطاحو بالحشيش يوم نط لي بسؤآل وش قصدك تقول كذا وتناضرني تبي تطيحني بالحشيش؟ انا سكت ماقلت له شي بس عطيته نضره مثل الي تقول اسكت وعض الرصيف لا ادبغك
وجلست اهوجس وافكر وانا ساكت وهو ساكت بس هالمره نط نطه حلوه وقال ابي اجرب الحشيش ابي اشوف جوه التفت عليه قلت من جدك ؟ قال جدي من امي ولا من ابوي حدد ؟ < محشش خلقـــه
حامت تسبدي منه وقلت له مرني بعد المغرب بيجي الحشيش والفله وانا الحين بروح البيت قال اوكي
خوينا ركب السيكل وراح وكنت ارمقه بنضره ممزوجه مابين الرحمه والشفقه
كان يدرج ويحاول يتوازن لأن راسه كبير كنه مجسم للكره الارضيه وجسمه صغير وهذا ماسبب فقدان التوازن عنده وكنت اراقبه وهو يحاول يتوازن وشوي وتطيح دمعتي رأفه وشفقه وأسئل نفسي ليه عآيش ؟ عشان نصبر على غبائه وندخل الجنه ؟ ولا عايش عشان الناس تتسلى وتضحك ؟ بس كلمه حق يأهو طيب ومخلص للصداقه ويمجد الوفاء
وخوينا الفقراوي راح ودخل بيتهم وانا ضارب مشاريع افكر فيه وضغطت ستارت ووقفت افكاري ورحت للبيت دخلت وتروشت وتعرفوني يومي سنه فيما انا اتروش قد اذن المغرب وكنت اعدل شعري عند المرايه بالمغسله عند الباب واسمع صوت ابوي يكلم واحد عند الباب يقول له مادري اذا ولدي فيه بس انت تبيه ضروري عشان اشوفه لك ؟ سمعت صوت خوينا معك سلف يقول ايه ايه ابيه ضروري مواعدني بحشش انا وياه < ماجاب فيني العيـد الا جاب الكرسميس
انا خفت لأيدري ابوي اني احشش من الروعه طمرت الجدار مع ان الباب مفتوح اقدر اطلع < صابته عدوى خويه
طبيت عليهم من ورى الجدار وانا احاول اشتت تركيز ابوي وابي اصرف قلت له ايه ايه فيه حشيش للغنم يبيعه واحد من ربعي برخيص ونبي نشتري منه لأبو الرجال خويي الافدغ نط بحلق ابوي وهو يوخرني يحاول يبي يقنع ابوي ان ولده غلطان قال لأمهوب حق الغنم هذاك الحشيش الي يشربونه هنا ابوي ضرب تفتيش وبدى يعصب ولأ امداه يتكلم الا وانا قد جبت تصريفه ووطيت رجل خويي الافدغ ابيه يسكت هالحقنه لأيوهقني مره ثالثه قلت له يبه فيه شوربه ماتطلع الا برمضآن الي نشوفها قبل ماتجي طاش ماطاش وفيه شوربه إسمها (( يشربونه )) ماتطلع الا بالأجازه الصيفيه قال ابوي لأيكون من الدريررك ؟ < يقصد الدنمرك الله يرفعه بالعافيه
قلت لأ لأ سعوديه الله يحيك للوطن < ضـاعت علومي
وانا اتكلم مع ابوي كنت احاول ما اعطيه اي فرصه للمجال والنقاش وانا لأزلت ضاغط على رجل خويي يوم قال خويي وخر رجلك وش فيك واطيني خلني اعرف اتكلم زين وش هي شوربته يامباشر ؟ <- قسم بالله عقـوبه علي هالنصراووي
الزبده تداركت الوضع واقنعت ابوي انها شوربه وسكـت خويي ودخل ابوي البيت واول ماصك الباب انا صكيت خويي بطرآق خليته مايسمع الا بعد سنه ,, عآد هو حط يده على خده وعيونه شوي وتدمع وقال بطريقه مثل الي نشوفها بالمسلسلأت الخليجيه تمن علي بالحشيش يامباشر قلت وش امن خذه لك كله بس انقلع لأتفضحني بغيت تجيب فيني العيد وكنت اكلمه وانا معصب وهو صار ذكي وفهم انه مخطي وتعذر
ومشيت انا وهو لما وصلنا لمكان صااد شوي وجلسنا نضبط الحشيش ولما ضبط الحشيش عطيته الصاروخ قلت ولع .. خوينا من الحماس الزايد لأكتشاف الحشيش وجاااء ولع الصاروخ وشفط له شفطه من قوها انقلبت عيونه علأمه دولأر $ طبعـا مع الصوت (( تـرررنق )) :p
وقام يحشش ثم اخذت منه الصاروخ خفت لأينقلب مخه علي الحين واتوهق فيه وعطيته سؤآل ذكآئي بشوف للحين هو صآحي ولأمخه مغلق للتحسينآت ؟ قلت له عطيتك تفاحتين لون اخضر واحمر كم معك من تفاحه؟قال تفاحتين حمراء وتفاحتين خضراء يعني اربع !!! قلت اها شكلك اخذت تأشيره للقمر وما امداني اجيب طاري القمر الا نط بسؤآل قال الحين القمر هذا الي فوق هو نفسه القمر الي بالصين ؟ بيني وبينكم من سؤآله الغبي انسدت نفسي عن الجواب < شكلك انت ماتعرف الجواب بعد
جلست احشش وخويي يهرطق فوق راسي بأنواع الخرابيط وانا مطنشه لما قال شي شد انتباهي قال مادريت ماجد عبدالله بالمستشفى قلت سلأمات مايشوف شر وعساه تكفير لذنوبه الا هو وش فيه ؟ يوم عصب علي الملعون وش تقول يامباشر وش ذنوب ماذنوب هذا ماجد عبدآلله عميد لأعبين العالم فنان كوره اقوى لأعب بالعالمين ماعنده ذنوب < سبق وقلت لكم فاهم التعصب عكس
وانا الي اناضره نضره يبطي الزير يسوي مثل نضرتي قلت له اسكت لأيقولون دبغه بالحاره ومن قو الدبغ صار امام مسجد ومدرس حلقه بالعصريه وش الي ماعنده ذنوب مسوي تفتي بالدين انت وانا عصبت عليه وفك من رآسي الحشيش وقمت انطل عليه كلأم وانا مانلآم ماسك نفسي من اول العصر من يوم سفط ثوبه وجلس وبعدها يوم وهقني مع ابوي والحين مسوي هو وماجد عبدآلله ماله ذنوب هو ورااسه تقل كااس الخليج
المهم وانا متحمس واسب والعن مرت سياره شرطه جايه لنا خويي جاء بيقوم من الخرشه مسكت يده قلت اجلس لأتشبهنا خلنا كنا جالسين زينا زي اي عيال متكين وجب باقي الحشيش خله معي قدر اضبط وضعي اما انت الله يخلف عليك بغيت تعيد بي مع ابوي قبل تحشش شلون لو حششت ؟ وانا اكلمه الحكومه كل شوي تقرب تقرب لما لآحظ العسكري خويي وهو رافع يدينه للسماء ويقول بصوت جهوري اللهم اغثنى وارزق النصر بطوله < مسوي يبعد الشبهه
العسكري شاف خويي على طول وقف ونزل وشم ريحه حشيش قال مشاء الله وش عندكم وداهم خويي بسؤآل على طول وين الحشيش ؟ خويي معك سلف قايل لكم من اول غبي رد عليه قال والله يآعسكري مهوب معي مع متهاوش
ضحك العسكري عليه وانا بيني وبينكم من فرط غبآئه ماقدرت ولأحتى اركض وانحاش وسلمت امري واستسلمت وركبوني بالسياره ورحنا للقسم ودخلونا التوقيف واستدعو ابوي وأنفضحت
ولما كنت بالتوقيف جالس العن واندب حظي الشين ان معك سلف من عيال حارتنا وكنت اتسآئل هل كلمه (( لله في خلقه شؤؤن )) تنطبق على خوينآ ؟ يعني خوينا عبره لأصحآب العقـوول ؟ وانا افكر قطع حبل افكـااري صوت عسكري ينـادي بأسمي ولما جيت عنده قال امش عند الضابط ابوك هناك وطلعت من التوقيف وانا طالع لقيت خويي جاي ومعه عسكري بيرجع للتوقيف ثم وقف وقال لي ترى ابوك فيه وعلمته ان الحشيش مهوب شوربه وقلت له اني ابي اقولك بس ولدك واطي على رجلي ولأقدرت اتكلم لأشعوريأ تفلت عليه والعسكري ماقصر دبغني دبغ لما صرت اقول لجدران القسم كيف الحال ؟ وبعد الدبغ وداني عند الضابط وابوي وانا لأ اعرف مصيري المجهول واين اودي وجهي الوسيم من عين ابوي الكوستنآئيه
مآيستفــــــــــااد من القصـه
لأصار لك صديق غبي مثل فتى النصر عطه بالدنيآ بلــــــــــــوووك وان كآن عطيته دليـت انت الربحـاان

وبعدييين لاتصدقون سالفه الحشيش ترى والله حدي معسل ويخب وتعرفون هالسالفه
كلها نصب بنصب مثل جريده الرياضي


وتقبلوا شكشكه تحياتي

مباشر وحصري للمؤكلات السريعه
اضافة رد مع اقتباس
  #2  
قديم 25/04/2007, 01:29 AM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
ما شاء الله وايد

أنااا ما قريته الحين بس قريت العنوان وأول سطر

بعدين بكمله
اضافة رد مع اقتباس
  #3  
قديم 25/04/2007, 02:07 AM
زعيــم متواصــل
تاريخ التسجيل: 12/01/2007
مشاركات: 128
نعااااااااااااااااااام>>>>

>>>> طيب طيب >>>>

امي تناديني

شوي وراجعه
اضافة رد مع اقتباس
  #4  
قديم 25/04/2007, 02:15 AM
كاتب أديب بالمجلس العام
تاريخ التسجيل: 20/10/2003
المكان: جارة القمر .. الخبر
مشاركات: 1,650
انا قريته كله

الفكرة مستنزفة

والاسلوب كأول مرة جيد ولو انه حوى على كلمات اعتدنا عليها كثيرا في مثل هذه الانواع من القصص

بالمحصلة

أتمنى لك التوفيق في القادم من مشاركاتك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:51 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube