الجمهور يمتنع عن حضور مباراة باختاكور!! تدرون ليش ؟ السلام عليكم ورحمة الله وبركاته ،،، كيف الحال ياعشاق واحد من أكبر أندية العالم s13s بالنسبة لمباراة الهلال وباختاكور يوم الأربعاء القادم بإذن الله أتمنى (( من قلبي )) ألا يكون الدخول مجاناً ... ففي مباراة الهلال ضد الكويت الكويتي دخلنا إلى الدرجه الممتازة (( وانتم عارفين كل شي مجاني إلا الممتازة والمنصه )) وكان عددنا أكثر من 9 أشخاص ولو تبوني أحلف لأحلف لكم إني مادخلت الا بعد ساعه !!!!!!!!!!!!!!!!!!!!!!!! عالم مجتمعين عند بوابة الممتازة ويبون يدخلون ببلاش !!! عالم مسكرين كل الطرق اللي تسمح لك تدخل جوا الملعب !!! لما وصلنا عند الأمن قال صعبه ادخلكم الحين لاني اذا فتحت السياج راح يدخلون كل العالم اللي تشوفهم !!!! وكل واحد يدف الثاني واللي يقول أبدخل بالغصب ،، أتمنى مايكون الدخول مجاني وإذا كان مجاني فأنا أقولها لكم ماراح أحضر أي مباراة للهلال ضد أي فريق كــان اوكي الهلال على عيني وراسي ، لكن أبي اذا رحت مباراة أحضر وانا مرتاح وأدخل بسهوله زي أي مباراة ثانيه ، مو فوضى ودف وكل شوي طايح عقالك ولا شماغك ينسحب وفوضى !!! أتمنى من محمد بن فيصل انه مايهتم لعدد الجمهور ولكن يهتم لنوعية الجمهور وفيه ناس كانوا حاضرين المباراه ضد باختاكور وماعندهم انتماء حقيقي للهلال ولكن هلالييون بالاسم فقط وسمعوا ان الدخول مجاني اللي يحب الهلال ماراح يبخل عليه ب 20 ريال للدرجة الثانيه اللي يحب الهلال ماراح يبخل علىه ب 100 ريال للدرجه الممتازة اللي يحب الهلال ماراح يبخل عليه ب 300 ريال للمنصه أعرف أشخاص عددهم (( كبير )) لن يحضروا المباراة لان الدخول مجاني ،، وللعلم كل المباريات التي يكون الدخول فيها مجاني (( تحصل فوضى و و و و و و )) تخيلوا (( منصه )) يصير فيها رمي على بعض الاشخاص اللي جالسين في أسفل المنصه !!!! (( أتوقع ماقد صارت )) والناس خلاص مافيهم حيل يتحملون أذية أكبر من كذا إذا كان الدخول مجاني فاعتقد الجلوس ومتابعة المباراة في البيت راح يكون الخيار المناسب ماراح أقولكم ماراح أحضر المباراة لان هناك مباراة بين تشيلسيs60s s60s s60s ضد ليفربول :mad: ولكن الهلال فوق كل اعتبار .... الهلال أولاً في كل الأحوال باستثناء ماذكرت فوزنا في مباراة باختاكور تعني التأهل لدور الثمانية بنسبة 80% مع حبي للجميع وبالتوفيق لهلالنا وان شاء الله الوصول لكأس العالم للمره الثانيه في تاريخنا ... |
لاتعليق |
سبعين الف ...اعتقد انه امر طبيعي لكي تحدث مثل هذي الامور وبالنسبه لي حتى لو دفعت تذكره منصه ولقيت هالزحمه اللي تقولها عادي لو رحت الدرجه الاولى اهم شي اني اشوف المباراه حتى لو كنت طول المباراه واقف ولا اعتقد ان هذا سبب مقنع لعدم حضور جمهور الهلال وجمهور الهلال الحقيقي بيجضر المباراه المهمه حتى لو في ملعب الصناعيه الثانيه تحياتي لك واحترامي لكل برستيجي هلالي |
إذا ماحظرت فيه سبعين ألف غيرك بيحظرون |
يإخي بأختصار ( الي يبي يشوف الهلال يدفع ) .. ما ذبحنا إلا جمهور ( المجان ) .. |
والله انك صادق بس وش نسوي ببلاش بفلوس راح نحضر والله يعيينا على الجمهور الغير هلالي |
أبو محمد إقتباس:
لان الدخول المجاني يحضر حتى اللي مايعرف كوره وراح تكون فيه حوسه وطق ومجالد (( هذي الصراحه )) يمكن لانك تروح الملعب قبل المباراه بأربع ساعات وماتشوف شي ، ولكن رح قبل المباراة بساعة على الأقل وتشوف الهوايل !! مجد الهلال إقتباس:
ياخي في اوربا يحضرون 100.000 ولا نشوف حوسه قبل المباراه والمشكله فيه ناس تقولهم الدخول هنا بفلوس وبافي الملعب مجاني يعابط والا يدخل اللي بفلوس ولكن ماراح يدفع !! ترضى توقف ساعه ونص علشان تجلس في مكان انت دافع عليه والسبب اللي مايخليك تدخل بعض الاشخاص للأسف واقفين عند البوابه ومسببين زحمه ولا تقدر تعدي من قدامهم يا أخي اللي يحب الهلال بيدفع فلووووس مو اللي يحب الهلال بيحضر حتى لو صار فيه طق وإهانة أشخاص لادخل لهم الا انهم اشتروا تذاكر بفلوس !! |
انا اكثر شي قاهرني ليش المندسين في هذا المنتدى كثير |
انا معاك في كلامك انا من بعد كاس ولي العهد العام الماضي في مباراة الاهلي .. بعد سرقة جوالاتي وتهشيم زجاج سيارتي حلفت بالله إني ماادخل مباراه للهلال فيها الحضور مجاني ... بصراحه الزم ماعلي راحتي وكرامتي .. اشوفها في بيتي معزز مكرم ... ولا اكون قشه مع السيل ] |
إقتباس:
الحين صار اللي يقول الحق مندس ... مااقول غير الله يشفي العقول المريضه |
سلمان إقتباس:
ياحبيبي تراني مشترك قبل ماتعرف شي اسمه منتدى زعيــــم :) :) والرجاء اختيار الألفاظ المناسبه :) إذا ما واجهت مشاكل مو مشكلتي ياحلــو ،، ولكن واحد أو 100 شخص يواجهون مشاكل وتجي تقول عنهم مندس !!! يارب لك الحمد والشكر قول الحقيقه في هالزمان صار شي عيب والمفروض ماينقال |
ان شاءالله لاحضرالمباراة لو التذكرة بـ1000ريال هذا الزعيم الغالي يرخص له |
ياخي كيف لو يحصل في ملاعبنا مثل ما يحصل في ملاعب الارجنتين وايطليا دفع ,اصابات ,مضاربات , كله في سبيل انهم يتابعون فريقهم المفضل وانت ياي يااااااااااااااااااااي ,,,, استح على لحيتك اتمنى الكلام هذا ما يطلع هلالي كفوااااا ياخي حلاة الملعب اذا كان مليان ,,,,,,,,,,,,,,,,,,,,, |
لا تعليق |
إقتباس:
انت في بلد مسلم محافظ وانا اخوك واذا عادي عندك كرامتك تروح في خرايطها لا وانا اخوك حنا مانرضى يا ياااااي الظاهر نسيت اللي كتبت عنهم اخونا (( السامي كسمو الهلال )) اللي انطعنو بعد هذولا ياااااي وراحوا ضحية تهور للمستشفى بعد ما صار فيهم طعن وغيره !!! ياخي فتح عقلك شوي انا مستعد ادفع 2000 ريال بشرط مايكون الدخول مجاني اتوقع كلامي وواضح ومفهووم يافهيم |
اهم شي تحظرون سواء مجان ولا لا اهم شي الحضور |
من جد مانبيه مجاني يجوونك ناس مطعسه الكوره يمين وهم يسار يعني يا اروح الملعب وانا مرتاح ولا البيت يشكي فراقي ترا جماهير الزعيم مهيب عاجزه عن 20 ريال يا suliman 9 شكلك فرحان توك تعرف كلمة مندس |
كلامك في محله يالغالي لكن ألحين ماينفع الكلام لأن مباريات الفرق السعودية في بطولة آسيا الدخول لها بالمجان بأمر من الأمير سلطان بن فهد وبعدين الفوضى راح تكون موجودة حتى لو كان الدخول بفلوس والكل يتذكر اعتزال يوسف الثنيان والمضايقات التي حصلت فيه على الرغم من أن التذاكر كانت بـ 30 مو بــ 20 لكن بالتوفيق للهلال إن شاءالله وياليت نشوف دور مجلس الجمهور في تنظيم الجماهير وتوجيههم قبل دخولهم الملعب وبعده وبث روح الحماس لديهم .. وتقبل مروري يالغالي |
اقول اهد الله يرضى عليك اهد الله يهديك هالحين انت صادق طيب فيه ناس جايين من خارج مدينة الرياض وانت قاعد تقول كلام زي كذا الحمد لله والشكر |
اجل اجلس ببيتكم وخل على يمينك ويسارك عشر مراكي وكبر راسك ولا تطب الملعب فيه 100.000 واحد بيحظرون بدالك |
فعلاً اللي يحب الهلال موضاره اذا دفع قيمة تذكرة واللي أعرفه وهواللي صاير بالعالم كله الجماهير هي اللي تدعم النادي مهو زي ماهو عندنا النادي هو اللي (( يكد )) على الجماهير راي شخصي وأظن انه واقعي تقبلوا تحياتي |
كلامك سليم اخوٍوٍوٍي |
كلامك سليم |
فعلا ما ذبحنا إلا الدخول المجاني |
يا اخي موضوعك ماله داعي كان احتفضت برايك لنفسك وقراراتك اتخذتها لك واخوياك ولا تحاول تثبط الناس اللي بتروح...ارجو منك حذف الموضوع ..مع خالص تحياتي |
ياحليلك أنا دفعت 100 ريال وجلست مروق قبل المباراة بساعة وشوي إلا يقتحمون المدرج هالحنوس ويخربون علي المباراة غير الطقاق عقب المباراة و و و و و.............. وأنا من عقبها حل ما أطب الملعب إذا صارت الدعوى ببلاش |
لا خلوها بفلوس عشان نفتك من جمهور المسيار وطقته وبالتوفيق للهلال ان شاءالله |
يداً بـ يد ضد الحضور المجاني |
إقتباس:
والله يااخوي انا دائماً احضر والملعب فُل...والحمدلله ماقد تعرضت للاشيااء الي قلتهااا... وبعدين احرص انك تبعد عن الزحام ...وبكر...وبعد يكون معك نااس يعني ماتجي بلحالك .. وفي الخروج خلك اخر واحد يطلع ... وانشاء الله سالم... |
الدخول مجاني والمباراة منقولة تلفزيونيا والخيار لك وحدك الدخول المجاني يزيد عدد الجماهير ويشعل المباراة واللي يبي معاملة خاصة عددهم قليل وكم عدد اللي بيقدرون يدفعون 100 ريال او 300 ريال واغلب الحضور صغار في السن كما اني لا اعتقد ان أحد بيجي للملعب الا اذا كان راعي كورة الحل: المفروض من ادارة الملعب تضع مسارات محددة لاصحاب التذاكر المدفوعه الخاتمه: لا تعقدون الموضوع أكثر من كذا.. الله يعين المسؤولين: لو ماخلوا الدخول مجاني كان قلتوا ليه وليه.. رجاء: الزعل ممنوع بين الأحبه فلا أحد يجرح في الاخرين |
اقسم بالله كلامك صح 100% .. يجونك ناس وربي مايعرف من الي يلعب ,, يجي يسوي مشاكل وبس ,, وانا منيب حاضر لهذا السبب .. في مباراه الكويت كفايه الي صاار .. |
يعني بالعربي اللي بيدخل لازم بفلوس ومو ذابحنا غير جمهو هذا حق المجان تحياتي |
إقتباس:
معليش على الرد الجاف بس هو خايف من المشاكل على نادي الهيلال !!!! يجيك بك نصراوي ولا إتشادي ولا غيره ويقول شفوا جماهير الهيلال وش زينو في المبارة ......... , وتلقاه يقول كلام ما تتوقعه !!!! ما أقول إلا حسبي الله على كل من حاس وخرب. الموضوع في محله صح ولا لا يا شباب ؟؟ 8 88 أبي جواب...... خلاص |
إقتباس:
تـــــــعــــجــــبـــنـــي واتـمـنـى ان نـذهـب لـلـمـلـعـب مـن هـذا الـمـنـطـلـق |
لاتعليق......! امور لن تتغير ولكن ريح نفسك واحضر بدري اعذب تحيه |
مع احترامي لوجهة نظر ك اخوي خاص الا انه مو في صالح الزعيم انت اخوي تدور راحتك وحنا ندور احتفالية الزعيم بالتأهل حتى لو كان اللي تقوله واقع لكن ناضر للملاعب في ايطاليا والارجنتين اهم شي الهلااااااااااااااااااال وانا خووووووووووووك بغض النضر عما يحدث في الملعب |
اوافقك الرأي تماماً المضايقات والتزاحم شي طبيعي يعني انت رايح ملعب منت رايحه استراحه ولا نزهه لاكن :: المشكــــــــــلة بالغوغائيين والدخلاء والمشاغبين بالعربي فيه ناس تنتظر مباراه مجانيه ... يلقاها فرصه تدفعه انه يحضر ليس حباً بالهلال ولا متابعه للكره انما لحاجه في نفس يعقوب .. اما يريد سرقات او مضاربات ومشاكل او ترويح عن النفس وبعد المباراة تكسير سيارات واحداث الكل يعرفها ... اتوقع الحل بالتنظيم القوي جداً وعدم التساهل مع الدخلاء ومن يحاولون زعزعة الامن واختلاق المشكلات من الجهات الامنية ومن المسؤلين بالاستاد خاصه ( سلمان النمشان ) ولعيون الزعيم حاضرين حاضرين تحياتي لك |
الله يعين وان شاءالله مايصير مثل ماصار في مباراة الكويت الكويتي |
كلامك سليم |
قالو لك وقفت عليك !! لاتحظر قال ابي اتفرج وانا مرتاح قال اصلا انت لو تحب الهلال وجمهوره ماكتبت هالخرابيـط ... خلك في بتيك ياحبيبي ولاتتعب وان شاء الله ترتاح اعتقد ان الزعيم عنده اكبر قاعده جماهيريه على مستوى اسيا .. والله موضوع تافه مع احترامي لك كشخص |
والله كلامك عييييين العقل وكلامك صحييييييح 100%100 |
ولله كلامك صحيح اخوي لكن وش نسوي لا صار القلب عاشق بجنون وانا بروح والله يعيني على الي بيصير لجل الزعيم تهون كل الظروف |
اقوووول خايف على شماغك خخخخخخخخخخخخخ خلني اكويه لك بعد المباراه |
انا معك يا اخوي واتمنى ان الادارة تهتم بهذا الموضوع وبشكل جدي لاني انا اعرف فوق الـ20 مايروحون للمباريات الجماهريه والمهمه الي تطلع منها بــ: 1- زحمه تكرهك المباراة 2- طقاق كانك مشجع مو فريق منافس الا اسرائيلي 3- وصاخه ما تتوقعها من جماهير محسوبين على الزعيم الملكي 4- عدم وضوح الرؤيا وتقعد المباراة تسأل عن نصها وشكرا واتمنى مره ثانيه من الاداره التدخل الجدي السريع لان حبنا للزعيم فرض علينا قول هذه الحقيقه المره عزيز |
ايه يقولونه |
يا رجال وسع صدرك بس .. اتحاد رئيسه سلطان بن فهد اغسل يدك منه ..!! |
والله انا من المؤيدين انه يكون الدخول بفلوس للأسباب الي انت ذكرتها تحياتي لك |
مشكور وانا معك واعرف ناس والله تطيق علشان الدخول مجانا بس والله انا نحضر علشان الزعيم وبس |
انا جاي من جامعة البترول وبغيب يوم الاربعاء لعيون الهلال وانا عندي اختبار من عشر درجات وهذي البترول يعني مو اي جامعة ما ترحم لكن كل شي يرخص للهلال |
شكلك مندس |
عادي عادي عادي اذا كان جمهور الهلال اوسخ جمهور فهو بعد ازين جمهور تراى جمهور الهلال كثيرين لدرجة ماتتوقعها يوم مبارة الكويت الكويتي كان هناك الالاف خارجد الملعب |
والله اتمنى انه يكون غير مجاني لأسباب 1- نوعية المشجعين 2-ظهور حب الجمهور للفريق بالحضور .... إلخ |
مشكووووووورررر |
مرحبا اخوي الخاص :D :D :D صدقت في كل كلمة قلتها بخصوص الدخول المجاني :thumbup: عندنا نوعيات تسيئ استخدام الشيئ للي يجي مجانا مثل الكتب المدرسية والأدوية وغيرها لكن ماتقدر تعمم على الجميع !! إقتباس:
أنا لم احضر مباراة بعد مباراة المنتخب مع الأمارات في كأس الخليج اللي اقيمت في السعودية رغم ان الدخول بتذاكر تمشكلت مع همج مستواهم اقل من ابتدائي !!! جايين من البر للملعب :upset: :upset: |
اتمنى تكون وجهات النظر بصوره افضل من اللي كتب في الردود يازعماء يجب ان نكون شخص واحد وخاصه في هذي الفتره والاخ خاص كتب الموضوع وكتب وجهة نظره وهو حر فيها ولا اعتقد ان احد يقدر يرد عليه بطريقه غير مؤدبه اتمنى من الجميع كتابة وجهة نظره بعيدا عن الرد لاي شخص اخر الزعيم في فترة حصد الالقاب والبطولات |
المشكله ليست في كون الدخول مجاني او لا المشكلة في التنظيم ليه مايكون فيه مواقف مغلقة وعليها حراسات ؟؟ حتى لو كانت المبارات مجانية المفروض توزع تذاكر تحمل ارقام المقثاعد وبكذا كل واحد راح يتوجه لمقعده بكل سهولة وعارف وين بيقعد محد راح ياخذ محل احد يعني شغلت الجية من العصر معد لها لازمه كل الملاعب الاوربية لاتحتاج ان تسبق المبارات بخمس ساعات حتى تجد مكان مناسب لمتابعتها بل تكتفي بالقدوم قبل بدايتها بخمس دقائق المشكلة ليست في الجمهور ولا في الدخول المجاني بل تكمن في التنظيم العشوائي اتمنى ان تهتم ادارات الملاعب في تنظيم مواقف السيارات وتنظيم اماكن الجلوس والاهتمام والتنسيق مع البلديات والمختصين في تطوير مداخل ومخارج والطرق المؤدية الى الملاعب لتلافي الازدحامات |
إقتباس:
كلامك هذا هو المفروض يصير لكن يبيلك مية سنة عشان يطبقونها ياخي نحن لا زلنا متخلفين في الكرة وهذه وجهة نظري |
والله انك صادق بس وش نسوي ببلاش بفلوس راح نحضر والله يعيينا على الجمهور الغير هلالي |
اخوي خاااص صااادق في كلامك وهذا اللي نسمعه من جماهير ماعندها شوي من الانضباط اهم شيء عندنا الفوز للهلال وتتأهل باذن الله |
اشكرك ياالخاص على موضوعك الجميل وأتفق بكل كلمة قلتها أنت وأتمنى ان التذكرة تكون 50 بدلا من 20 ريال عشان نفتك من بعض النوعيات التي تحضر في المباراة ومن ناحية الجمهور اللي بيدخل غصب سبحان الله غريبين هالأوادم الا بندخل في الممتازة بس تبي الجد ماعندك أحد حتى من ناحية الامن وادارة الملعب في مباراة الهلال والكويت احمد ربي ان جيت مبكر ودخلت الممتازة ويوم بقى على المباراة ساعة وتشوف هالعالم تناقز من الشبك اللي جنب الممتازة ليه ياخي فيه ناس دفعت 100ريال يوم دخلت لقت الاماكن مليانه ليش مو قهر يعني ليه طيب مارجعوا لنا قيمة التذاكر وش الفايدة اجل نروح ندفع في الممتازة ونقعد ورا البيبان والله مشكلة أخوي اكرر لك ان موضوعك جميل جدا وجا في وقته ياليت تكون مباريات الزعيم بفلووووووووس وبس عشان نستمتع بالمباراة |
الوقت المعتمد في المنتدى بتوقيت جرينتش +3.
الوقت الان » 06:28 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd