أول شي احترم الأشخاص اللي وافقوني أو عارضوني ولكن كان في حدود الاحترام المتبادل والأخلاق وهذا الشيء اللي تربينا عليه الحمد لله
لكن فيه بعض الأشخاص للأسف ما كنت أتمنى يكون كلامهم كذا وخاص انهم في أرقى منتدى ...
مشكلة إذا كان قول الحقيقه يعيب الشخص !!
ومشكلة إذا كرامة الواحد تنداس ويجي أحد يقــول (( يـــاي ))
الكرامة فوق كل اعتبار ..
بالنسبة لحضور الجماهير وانهم يحضرون حتى لو بفلوس وأكبر دليل مباراة الترجي التونسي والإفريقي التونسي وجابيلو إيواتا وغيرهم أوكي كان الملعب Full ولا كان فيه مشاكل ، لان النوعيه اللي جايه الملعب 99% منضبطه ومحترمه نفسهــا ..
لكن إذا كان الدخول مجاني ، ماودك تدخل المباراه لان فيه ناس مايحبون الهلال ويخربون عليك المباراه ..
ومو التشجيع بطريقة (( السب واللعن والشتم )) فالتشجيع المثالي كلكم تعرفون وشلـــون .
أنــا ماكتبت هالموضوع علشان أخرب على أعضاء وأخليهم يتوترون ولا يروحون للمباراه ، لا والله بالعكس بس أنـــا من حرصي ونقدي في هالموضوع أبي من الجميع يكون حريص من إدارة نادي الهلال ، ومن إدارة الملعب (( النايمه )) و (( التعبانه بنفس الوقت )) .
ماودي احد يجي ويقول تعال بدري (( إذا انت ماعندك شغل )) ترا غيرك مايطلع من الدوام الا الساعه 6 المغرب
وعلى بال مايروح البيت ويريح وياكل كم أكله طبيعي راح يكون بالملعب قبل المباراه بنص ساعه .
اللي ودي فيــه ان الدرجه الممتازه يفهمون الناس ويعرفون انها بفلوس ولايزحمون الناس اللي دافعين فلــوس ، ماكبر الله الا الملعب .
المنصه تكون التذاكر مباعه على عدد المقاعد ،،،،،
لان بعض الأحيان الواحد يروح ولا يحصل مكان وبالأخير يطلع ويروح درجه ثانيه ولا غيرها !!!
أتمنى الجمهور الغير واعي يكون واعي ومثقف ومدرك ويحترم الغيــر ...
مافيه أحد مايقدر يدفع لو 20 ريال
نقطه أخيره
((
الدخول المجاني خلاني أشوف علبة مويه تضرب راس معــاق ))
إذا أحد من اللي خالفني برايي يرضاها ما أقدر أقول الا
حسبنا الله ونعم الوكيل