هذا مارأيت في مجمع ((غرناطه)) بالرياض يوم الاربعاء ...!!! - نادي الهلال السعودي - شبكة الزعيم

هلاليه@ميلانيه · #1 21/04/2007, 03:26 PM

السلام عليكم ورحمة الله وبركاته

كيفكم حبايبي ؟؟

إن شاء الله بخير .,.

يوم الاربعاء الماضي رحت انا والعائله لمجمع غرناطه بالرياض ,,

طبعاً طلعنا الساعه 9 وبالعاده نطلع قبل كذا لكن هالمره مادري ليييش ,,

المهم الي لاحظته انه كل ماتأخر الوقت كل مازادوا الناس

مع انه المفروض العكس

وعشان ماأطول عليكم ابقولكم الي شفته وحز في خاطري صراحه

السالفه يوم جينا بنرجع البيت بعد ما امتلئ السوووق مرررررره طبعاً لان الوقت تأخر

ويوم حنا بنطلع شفت بنتين شكلهم بثالث ثانوووي <<<<<ثالث ثانوي بالظبط لاحظوووا بس :p

لا يعني اهم شي انهم كبارالمهم كانوا طبعاً ماخلوا ولا علبة مكياج ماحطوها ويحسبون انفسهم

متغطين وهم يتغطوون عن الحريم بس ..!!

والله انقلبت الايه

المهم انا شفتهم من قدام والعبايه ضيقه ويمشون لكن يوم جاء مع ورا العبايه شفت شي بصراحه ماتوقعته ابد ...

كانت وحده من هذولي مخيطه على عبايتها من وارء مستطيل مكتوب عليه :

((م ل و 777 )) والثانيه ((م ن و 666 ))

فهمتوا وش قصدهم

يعني يقلدوووون لوحات السيارات

والله من جد مسخره يعني شفنا البنات يضيقون العبايه ويزخرفونها ويحطون حركات ومادري ايييش ...

لكن وصل بهم انهم يشبهون انفسهم بالسيارات والي وراء هذي لوحتهم

يعني انا الي ابي افهمه وش قصدهم

يعني إذا يبغون يلفتون النظر مالقوا إلا هالحركه :p

الله يعافيهم ولا يبتلينا والله يهدي ويستر على كل بنات المسلمين

تحياتي
هلاليه@ميلانيه

((الزعيــــــم)) · #2 21/04/2007, 03:33 PM

:p :p

هلال القرن الجديد · #3 21/04/2007, 03:53 PM

وانت وانا اخوك عينك ماجات الا على اللوحة الخلفية
الله يسعدك ...........

هلاليه@ميلانيه · #4 21/04/2007, 03:56 PM

إقتباس

الرسالة الأصلية كتبت بواسطة ((الزعيــــــم))


	:p :p

مشكووور على المرور

هلاليه@ميلانيه · #5 21/04/2007, 03:57 PM

إقتباس

الرسالة الأصلية كتبت بواسطة هلال القرن الجديد


	وانت وانا اخوك عينك ماجات الا على اللوحة الخلفية الله يسعدك ...........

اول شي أنا بنت .,.

ثاني شي وش اسووي وانا اختك انت لو تشوفها والله مررررره ملفته للنظر هالحركه

يسلموو على المرور

ولد وايل · #6 21/04/2007, 03:58 PM

اللوحه طويله والا قصيره:p

شبيه الذيب1 · #7 21/04/2007, 04:02 PM

طيب مالقوا الا هالحروف..
مادام الدعوى تميز ورى مااختاروا حروف احلى..
مثل ق م ر 999
لو ع س ل 111
او ملوخيه 839 هههههه

Al Qahtani 20 · #8 21/04/2007, 04:15 PM

الحمدلله والشكر

الحين لاقي زبيريات نسائية وبـ200 وفوق

((حبي الهلال)) · #9 21/04/2007, 04:18 PM

لوحــات ملكية ولا عاديه

جرح يشكي · #10 21/04/2007, 04:40 PM

كان دقيتي على المرور

ويقولون ان الشباب اهما اللي يطاردون البنات

اختي هلاليه

والله وانا اخوك هالبنتين ما عندهم رجال يدوس على خشومهن

والشرهه على ابوهن واخوانهن

الله يقوي الهيئه ويديمها

هلاليه من الرياض · #11 21/04/2007, 04:48 PM

وجع إن شاء الله قلة أدب....

مريضات نفسيات يبون يحسون ان الأنظار متوجهه لهم,أنا اللي ابي افهمه شي واحد اذا هي ماتخاف من ربها ولاعندها حيا أهلها وشلوون يرضون لها تطلع بالشكل هذا؟!!!!!!

الهلالي دائماً · #12 21/04/2007, 04:49 PM

والله اختي هلالية ....

الواحد من كثرة مايشوف من بلاوي صار كلش عادي !!!!!!!!!!
وزي ماقالو ا عش رجباً ترى عجباً

وما اقول الا الله يهدي شباب وفتيات المسلمين ....
شكرا لك اختي هلالية والله يعطيك العافية ,,,

الـساقي · #13 21/04/2007, 04:59 PM

' هلالية @ ميلانية " ,,

سلااااامـ

دائمـاً مواضيعكـ تشد الأنتبـاهـ .. وهذا يدلـ على حسكـ الرائع بما يدور حولنا ..!!

دائمـاً يفعـل الحركات هذي ناس يحبون شد الأنتباه .. يعني مثل البنـتين مع أنهن بمرحلة " ثـالث ثانوي " ويفعـلن هذي

الحـركات .. يمكن ماسويها إلا اللي عندهـ نقـص في حيـاته .. أو بيفرغن الشحنة اللي عندهن مثل البنـتين ..!!

مثل هذي الحركات لاتقـبل أبداً .. حتى الشباب يمكن يضحكون على تفاهة الأمور كهذهـ .. فما بالكـ بالبنات العاقلات والأمهاات ..!!!

أتوقـع سوء التربية وعدم التوعية اللتي تمر فيهن الفتيات ساهمـت وتُساهمـ في كثرة مثل هذي الأمور ..!!

هلالية أختي .. في هذا الزمـن لاتستغـربين من هذي الأشيـاء التافهـة ..!!

ونتمنى أن لانرى أو تنتشر مثل الحركات اللتي تصـدر من مراهقـين ومراهقـاات في في زمن تغيرت المفاهيمـ ..!!؟

؛؛
دمتـِ بخير

سليمااااااانـ