بسم الله الرحمن الرحيم اليوم الاربعاء الزمان عشرة ونص صباحا
المكان المدرسة
التاريخ 1/ 4 / 1428 18/4/2007
انطلقنا
انا في المدرسة وعلينا الحصة الرابعة كيمياء وخوياي أبو ريما ناسي الدفتر حقي في بيتهم <<<< يمكن يطبخ العشاء او الغداء
واصبع خوياي سلطان مكسور والسبب ( شريف الحفلة ) وانا قاعد اكل بسكوت شاي و رفيق دربي واللي جنبي في الفصل معتز قاعد يكتب يزعط انه دافرها وهو من جنبها والوكيل الاستاذ يوسف كل شوي مخرعنا جاي يفتش على الجوالات والشعر
وخالد رفيق دربي واللي بيني وبينه عشرة عمر قاعد يستهبل على المدرس وعلى الطلاب وعبدالله راقد ويقولون ( نوم الظالم عبادة ) واستاذ فتحي قاعد يصحح الدفاتر وانا دفتري في بيت ابو ريما وابو ريما يحب ريما <<< جايب شي جديد
والمدير حاقد على صفوف ثوالث كلهم وصفنا اكثر << بلانا مطلعين ريحته
والرسن توه داخل من الصباح هايت <<< يعني منحاش
وانا متفق مع الشباب نروح نحضر مبارة المنتخب مع استراليا واتوقع ان المنتخب راح يفوز <<< بس ممكن مايفوز
وابو مشبب ما عنده الا قز الورعان من الدريشة << قز بمعنى يطالع شكله ماعاش طفولته
والاستاذ يهاوشه
والشيخ عامر ماعنده الا مناظرات ومحاورات مع الطلاب وخصوصا الفوزان وطراد توه يدخل من الصبح يقول انه في المرور
وحفلة التخرج بعد ثلاث اسابيع ومدير المدارس ناشب يقول الحفل في المدرسة ونحن نقول الحفل برا المدرسة وسعد الحسين ماعنده الا الحب( بفتح الحاء ) و النوم وصلاح طول عمره نايم ويقولون ( النوم صلاح )
وجاكي شان ( نايم واذا قام مايتكلم مع احد
والمجحم بايعها ب...... (؟؟؟ ) .. لاكتب الدفاتر ولا هم يحزنون
ومبارك يموت في شي اسمه هلال حتى فيصل الغايب بعد يعشق الهلال
وثامر يحب الرسم والحين قاعد يرسم المدرس وعتز بعص ( سرق ) من جيبي الجوال ويحسب اني مادري وخالد قاعد يسولف ويسولف ويسولف الى ما النهاية
وشاكر ناشب لفصلنا ويبغى يصحي عبدالله من النوم ويسألني من متى نايم ورده عليه عبدالله قال له انقلع عني وانتهت الحصة وجت حصة الفيزياء والدفتر موجود يعني باكتب الدرس والمجحم يبغى يستاذن ويطلع
وبعد الفيزياء دخل مستر لونلي ( وحيد ) مدرس الاحياء ونقلني قدام
وانا الحين وحيد لحالي قدام والفصل كله نايم <<< واضح ان نحن نحب الحصة
والمجحم استاذن وسلطان افضل حارس في المدرسة ومحمد رضا قاعد يمسح السبورة
وعنوان الدرس هو شعبة الحبليات <<<< مادري وش تبي ذي الحبليات
وابو ريما قال بيتين شعر وهي :
حبك حشرني حشرة القير باثنين
الضغط ستة والتواير صواليخ
والفوزان راقد جنبي وقاعد يشاخر
وصلاح مرسم
وانا الحين برقد
ا.هــ
القصة ومافيها اني
زهقان
مايستفاد من القصة :
لاتعطي واحد من اخوياك دفتر وهو ماهو ثقة
لا تكثر من بسكوت الشاهي
لا تجيب جوالك المدرسة عشان اخوياك ما يخلصون الرصيد عليك
شدك حيلك ان كانت اخر سنة لك وان ماكانت بعد شد حيلك
لا تشرب ببسي عل الرايق
نام بدري عشان ماترقد في الفصل
زبط الوضع مع المدرسين عشان الدرجات
يعطيكم الف عافية
وانا داري ان ما لي داعي بالموضوع هذا بس الزهق وما يسوي
كتبت القصة في الساعة الرابعة وعشرين دقيقة <<< توني متغدي في مطعم مغل <<< اكل هندي << بالعافية علي
يعطيكم الف عافية
الاربعاء << المدرسة << الاكل الهندي << لاتفوتكم 
الوضع العادي
