قصتي مع الاتصالات السعوديه (مهم) - نادي الهلال السعودي - شبكة الزعيم

عاشق الههههههلال · #1 16/04/2007, 10:13 PM

قصتي مع الاتصالات السعوديه (الفاشله )

كنت أخش النت زي كل واحد بـ (الدآيل آب ) وخطرت في مخي فكرهـ وهيـ الاشتراك بخدمة الدي اسئل عشان نسلم من الفاواتير والله مشكلهـ كلمت الوالد في بداية الامر رفض ثم وضحتها له وانها وانها آقل فواتير وافق ثم دقيت ع الشركه :

الاتصالت السعوديه 1\فضلا اختر احد الخدمات 2 فواتير .
اخترت واحد لخدمة الدي اسئل اظغط واحد اخترنا واحد

ثم انتظرت خمس دقايق عشان يرد واخيرا رد ودار بيني وبينه هالحديث:

................

الموضف : فلان الفلاني يتحدث
أنــــــــــا : السلام عليكم

................

الموضف : وعليكم السلام
أنــــــــــا : ودي اشترك بالدي اسئل

...............

الموضف : من صاحب الرقم
أنــــــــــا : فلان الفلاني ..

..............

الموضف : رقمك كم
أنــــــــــا : 01422******

..............

الموضف : المزود لايقبل ولايصلح ركب الدي اسئل
أنــــــــــا : طيب والحل

..............

الموضف : والله اصبر
أنــــــــــا : طيب السلام عليكم

.............

بعدهاا بيومين دقيت
وكلمني الموضف وصرفني
مثل الاول

.............

دقيت بعد يوم نفس التصريف

.............

دقيت بعد شهر واخيرا خذ المعلومات (الشارع- الحي-تلفون الوالد إلى أخ) .,الموضف ووعد خيرا قال بعد شهر

............

انتظرت ثم دقيت

............

الموضف : فلان الفلاني يتحدث
أنــــــــــا : السلام عليكم

................

الموضف : وعليكم السلام
أنــــــــــا : ياخي اشتركت بالدي اسئل والى الان ماجيتوو

الموضف : من صاحب الرقم
أنــــــــــا : فلان الفلاني ..

..............

الموضف : رقمك كم
أنــــــــــا : 01422******

الموضف :المزود لايقبل
أنــــــــــا : طيب متى انتوو وعدتوناا

................

الموضف :الحين بكتب لك طلب جديد
أنــــــــــا : طيب ...السلام

...............
بعد يومين دقيت
....................
الموضف : فلان الفلاني يتحدث
أنــــــــــا : السلام عليكم

................

الموضف : وعليكم السلام
أنــــــــــا : ياخي اشتركت بالدي اسئل والى الان ماجيتوو

...............

الموضف : من صاحب الرقم
أنــــــــــا : فلان الفلاني ..

..............

الموضف : رقمك كم
أنــــــــــا : 01422******

الموضف : بعد اسبوع بيجونك
أنــــــــــا : اوكي
...............

الموضف : خدمه ثانيه
أنــــــــــا : سلامتك

..............
وربي كان هذا بعيد الاضحى والى اليوم يصرفووني ويصرفوون المهندس تعبان المهندس بيجي ومن ذا لكلام وان اليوم في شهر اربعه والادهى منذالك
منزلين عرض الدي اسئل مجانا واحنا طالبين بفلووس ولاجاوو يعني ساحبين عليناا ومافيه خل الا يطلعوون شركه ثانيه عشاان تعرف الحين هي ضامنه المشتركين والله قهر الفواتر الف ورا الف بقي شوي وينج ابووووووووووووووووي
وحينا الشفا بالرياض 9 شهور طالبين الدي اسئل ولاجو الينا وواحد من اقاربنا دق وقالهم بنركب ماقعدو اربع وعشروون ساعه الى وهم جايين....
............

ابعث كلامي هذا لكل واحد معني بالامر سواء يشتغل في الاتصالات او يعرف واحد يتوسط لنا

..........

وياريت ماتحذفون موضوعي هذا لعلى وعسى يجي شخص معني بالامر يساعدنا

........

تحياتي كاتب الموضوع أبو عبوود

أبو راس · #2 16/04/2007, 10:20 PM

شكل كابينة التلفون عندكم ما تدعم الدي اس ال...

ولا اعرف ناس جتهم الخدمة في اسبوع

بس المفروض الموظف يكووون واضح ويشرح سبب التأخير

مو تلاحقهم ملاحقة كأنك تطرهم.. ترى ما نطلبهم صدقة .. الخدمة بفلوسنا

الله يعينك اخووووي

LBa your heart · #3 16/04/2007, 10:50 PM

أخوي عاشق الهلال هات رقم بيتكم على الخاص وبشوف لك السالفه

إقتباس

الرسالة الأصلية كتبت بواسطة أبو راس


	شكل كابينة التلفون عندكم ما تدعم الدي اس ال... ولا اعرف ناس جتهم الخدمة في اسبوع بس المفروض الموظف يكووون واضح ويشرح سبب التأخير مو تلاحقهم ملاحقة كأنك تطرهم.. ترى ما نطلبهم صدقة .. الخدمة بفلوسنا الله يعينك اخووووي

انا بأقل من أسبوع ركبت الدي اس ال

بس بالواسطه

وبعدين بقول لك شي يابو راس اذا كان لك عند الكلب حاجة قوله ياسيدي

عاشق الههههههلال · #4 16/04/2007, 11:39 PM

اذا ارسلت لك الرقم بتتوسط لناا

شفشينكووو7 · #5 17/04/2007, 12:34 AM

ياخي كلنا قسم بالله

انا الحين بعد شهرين بكمل سنتين وانا اطلبهم وكل شوي اتصل عليهم يقول الشهر اللي يجي

قسم بالله كأننا نشحهذهم

مشكور اخوي وياليت يعطونا وجه بس

اخوك

راشد ..

الغـ كله ـلا · #6 17/04/2007, 10:56 AM

اخوي قسم بالله انا سنه واربع شهور

لمن ركبووه لي

والمقسم عندي يدعم وكل شي

يعني مالك الا الصبر ولا تدور واسطه واحد من العيال ركبه فيه خلال ثلاث ايام باالواسطه

حمـ(الهلالي)ــد · #7 17/04/2007, 11:49 AM

انا طلبته وثلاث شهور وجابوه
بس باللعنة واخته
بالطقاق

مغمور · #8 17/04/2007, 10:56 PM

وانا جلست سنة كاملة على بال ماتكرموا بالخدمة

فتى الادغال · #9 18/04/2007, 11:37 PM

جلسنا سنة بعدين طفشان ز جبنا واسطة في إسبوعين جابوه

هــــــــــلال · #10 19/04/2007, 01:49 AM

هههههههههههههههههههه انا مثلك كل يوم يقولون اليوم الثاني وهكذا ...........................

مفروض ينزلون شركه ثانيه عشان يعرفون ان الله حق ويخلصون خلق الله بكل سرعه مو يقعدون يصرفونهم

عاشق الشلهـــ10ــوب · #11 19/04/2007, 02:34 AM

انا من اربع شهور ماجاني مع العلم اني اخوي بالاتصالات

وكل يوم ادق عليهم

وحيدالجزيرة · #12 19/04/2007, 01:38 PM

بس انا سنتين يالله جت بعد بالشكاوى

الزعيم الشقردي · #13 19/04/2007, 01:50 PM

لاحول ولاقوة الابالله

لازم يلقون حل لهاالازمة

$$مبدع$$ · #14 19/04/2007, 08:20 PM

شباب انا بعرعر

من العام وانا مشترك بالدي اس ال

طلبته السبت وثاني يوم ركبووووووووه

ملاحظه : <<========== عنده واسطه

جريح الصوت · #15 20/04/2007, 02:22 AM

الله يعينك

انا انتظرت لمدة 3 شهور ويادوب ركب

لا وابشرك كل بعد فترة ينقطع وانطق اسبوعين الا ثلاث

ومابين مزود الخدمة والاتصالات

الله لايحدنا لهالشركة

ويجيب لنا شركة افضل منها تحطنا فوق روسها مو تذلنا

والله يعينك اخوي ويعين كل من ماجاه DSL
وربي حاسس بوضعك