#1  
قديم 14/04/2007, 02:02 PM
ناقد اجتماعي
تاريخ التسجيل: 05/12/2001
المكان: نيويورك - الولايات المتحدة الأمريكية
مشاركات: 2,053
لن تدوم أيها الحب المربوط بسلاسل !!

السلام عليكم ورحمة الله وبركاته،،


صبحكم / مساكم الله بالخير ...



يقول الشاعر : آآآه يا ألبي نقطه انتهى.


انشغل بالي في الايام الفائته بعدد من الظروف الطارئه والمواضيع الشاحبه كشحابة جو الرياض أمس البارح، وكانت هذه الظروف سبباً اضطراب نومي..

اتجهت الى الفراش وعيناي تفيض من دموع التثائب، وحين انبطح على الفراش يطير النوم !!

و دَخلك يا طير اليمامه وصل للغالي سلامي..

من الأساليب الحمقى للهج عن الارق هو متابعة التلفزيون وهو ما قررت أن أفعله في أحد الليالي الملاح..

أخوكم في الله مهوب راعي تلفزيون أبد ولا يعرف يتابع شي ، لدرجة ان التلفزيون اللي عندي بالغرفة ما فتحته لي أكثر من 3 شهور..

المهم شغلت البتاع وبديت أقلب بهالقنوات وما لقيت شي يحمسني اتابعه خصوصاً واني من عشاق برامج السياسه والرياضه وغيرها مالي خلق ..

المهم وانا مجلعد بالريموت وقفت عند أحد القنوات اللي اساميها ما أدري وش تبي ( شعار هالقناة يشبه توقيع أمي على الجواز) ، وفيها شات ومسخره وكان سبب وقوفي هو صوت مياده الحناوي الله يعفو عنا وعنها..

كنت أتصور اني ابدخل جو مع " يا من ملك روحي بهواه ... الامر لك طول الحياه... الماضي لك وبكرا لك وعيد الفطر واجازة القمه العربيه كل ابوهن لك.."

وبدال ما أدخل جو وأقعد احب واشتاق وأصيح جلست منسدحاً أكاد أتقطع من الضحك والقهقهه الممزوجه بالسخريه

هل تدرون لماذا أنا تقهقهت وضحكت


سامي أميره >>>>>> 92% علاقة حب هبااال

فيصل حنان >>>>>> 81 % علاقة حب جيد مرتفع

رامي أبرار >>>>>> 76 % يبي لكم شوي وتضبطون

مصطفى زيزي >>>>>> 70% تقارب كبير يا باشا

عثمان فاطمه >>>>>> 59% دوروا لكم جامعه تقبلكم

يوسف خديجه >>>>>> 40% يبي لكم شغل واجد

حمود فضه >>>>>> 9 % اختلاف النسب دامركم

الهاوي الشلهوب >>>>>> 99.9 % قلوبكم صافيه ( الـ 1% راحت للتايب )


ولاني على نياتي اعتقدت للوهلة الأولى ان اللي يرسلون لهالقنوات هم من فئة المراهقين والمراهقات ، ولكن عندما جاء بكرا وقابلت أحد الاصدقاء(و قد تجاوز سنه الـ 26 ) في ملحقه الواقع في منزله ، وكان يقلب في الريموت حتى مرت علينا أحد القنوات ، فتذكرت سالفتي وسولفت معه عن هالقنوات والخرابيط اللي يعرضونها، فقال لي بالحرف الواحد " ياخي بعضها حلوه وتخليك تعرف مدى التوافق بينك وبين خويك " ، فقلت له يابو عبدالله انت صادز أو انها مداعبه ؟!قال لأ صااادز ، وراح أثبت لك( طبعاً يمزح)..

قال لي وش رايك بي وحنا نعرف بعض من 8 سنوات أول ما دخلنا الكليه قلت اذا طلعت أقول لك ( بمعنى اني لن أمدحك في خشتك) ، قال تهقى اننا متوافقين قلت ايه قال أجل خلنا نصغر عقولنا شوي ونجرب نرسل أسمي واسمك ونشوف ( بدت حركات البزران على تالي عمر الله يخلف على أمٍ جابتنا )..

أرسلنا الرساله وجلسنا نترقب النتيجه والصمت والقلق والهدوء يحيط بارجاء المكان فلا تكاد تسمع سوى صوت صارور المزارع ، وبدأ العرق ينساب من أسفل الرقبه وكأننا ننتظر اختبار 106 ريض

وما هي الا لحظات ويتوقف التصويت لتظهر النتيجه!!



محمد عبدالرحمن >>>> 79% علاقة حب عظيمه

اللـــــــــــــــــه يالها من وناسه

طلعت أنا انا واياك يابو عبدالله عظيمين

قم أرجوك وخليني أخمك وارتمي بحضنك واروني من نبع حبك العظيم ودعني أغرف لك مرقوق غلاك

انه الحب ثمان سنوات وانا احبك ولا انتا داري ولا انا داري !!


لا أحد يضحك علينا صدقوني لو جربتوا ذلك الشعور لسويتم مثلما سوينا وأكثر


5000 رساله باليوم في 5 ريال للواحد رساله >>>>> 25000 ريال باليوم وبعد وحده

ويستمر اللعب والنصب على أصحاب الغفله وتستمر خمسات الريالات في التجول والتنقل بين القنوات!!

ما أري نضحك على أنفسنا ولاّ نضحك على أنفسنا ؟!!

لو شاف أحدنا أحد المساكين اللي بالشوارع يشحذون كان ما يعطيه ولا ريال !!

واذا سألته وش السبب وليش ما تتصدق؟؟

كان يقول هذولا نصابين ، ويمكن يكون معه الحق لأنه فرض انهم نصابين ( وانا اقول يمكن)....

بينما الدشير السرابيت أصحاب هالقنوات اللي كلها أغاني وحب وغرام ودردشة سخيفه ، ندري ونتأكد انهم نصابين ومع هذا نكز لهم خمسه ريال هوا ولا عندنا أي مشكله وأهم شي نستانس


الصراحه وللاسف الشديد ان 90% من هالجيل ضااااااايعين و تفكيرهم محدود جداً ، ما عندهم احساس بالنعمه ولا يعرفون يشكرونها..

تمادينا بقلة الحياء ، و أكثرنا من الذنوب والمعاصي الى ان صارت الجزء الاكبر من يومنا ، وأصبحنا نعصي الخالق بدون ان نشعر ، ونرتكب الذنوب بدون أي احساس بالخطأ والندم..

نحب الدنيا ونغرق في حبها ونتمسك بها وننسى الهدف اللي خلقنا له ..

ياااااااااااااالله انك تهدينا وتصلحنا وتغفر لنا استهتارنا وموت الوازع عندنا ..

لن تدوم النعم التي نعيش فيها ما دمنا لا نشكرها بطاعة الله والخوف من عقابه ، ولن يدوم حبنا للدنيا اذا فارقناها ، حينها نتمنى لو عدنا اليها لننساها ونتذكر الآخره ، ولنستمتع بها في طاعة الله طمعاً في جناته وخوفاً عذابه ..



كانت السالفه كوكتيل من السواليف وبالاخير هو تذكير لي قبل كل شي ، وتذكير لكم لعل الله يصلح حالي وحالكم



وفماااااااااان الكريم

اخر تعديل كان بواسطة » alhawey في يوم » 14/04/2007 عند الساعة » 02:15 PM السبب: القهقهه
اضافة رد مع اقتباس
  #2  
قديم 14/04/2007, 02:44 PM
زعيــم مميــز
تاريخ التسجيل: 17/03/2002
المكان: الرياض
مشاركات: 2,196
اهلين


إقتباس
انشغل بالي في الايام الفائته بعدد من الظروف الطارئه والمواضيع الشاحبه كشحابة جو الرياض أمس البارح

عسى بس انبك ضميرك على الي قطعت شبوكهم

إقتباس
اتجهت الى الفراش وعيناي تفيض من دموع التثائب، وحين انبطح على الفراش يطير النوم !!

ياللهول
:p
صدق انا ملاحظه الارق صاير منتشر كثير!
وحده من زميلاتي متصله علي تبكي تقول يومين ابغا انام مو قادره
شوفولكم حل الله يصلحكم وخلو قعده التلفزيونات

إقتباس
بدت حركات البزران على تالي عمر الله يخلف على أمٍ جابتنا



إقتباس
وجلسنا نترقب النتيجه والصمت والقلق والهدوء يحيط بارجاء المكان فلا تكاد تسمع سوى صوت صارور المزارع ، وبدأ العرق ينساب من أسفل الرقبه وكأننا ننتظر اختبار 106 ريض


قياسا على 101 ريض وصف ولا احلى

إقتباس
محمد عبدالرحمن >>>> 79% علاقة حب عظيمه

محمد يحب عبد الرحمن ولا عبد الرحمن يحب محمد؟ مافهمت

بس احس فشلا متحمسين تستنون ويطلع العكس مثلا
اش شعورك لو طلع 1.5%

إقتباس
لو شاف أحدنا أحد المساكين اللي بالشوارع يشحذون كان ما يعطيه ولا ريال !!

اي واللــه!!
اذا الي يشحذ نصاب اجل هالقنوات اش يسيرون
عالاقل هذولا تاخذ من وراهم اجر اما الثانيين اثم الله يغفر لنا


الهاوي ارجع لوحده من مواضيعك الي كتبت فيها حلول للارق

الا صح! انت محمد ولاعبد الرحمن؟

اخر تعديل كان بواسطة » تغريد في يوم » 14/04/2007 عند الساعة » 03:16 PM السبب: باك
اضافة رد مع اقتباس
  #3  
قديم 14/04/2007, 02:44 PM
زعيــم مميــز
تاريخ التسجيل: 29/10/2005
المكان: زمن اغبر
مشاركات: 2,790
أصحــــــاب العقول في راحـــــــه
والا تتوقع الي يرسلون علشان يشوفون هالخرابيط لهم عقول؟؟؟ مستحيل والأدهى والأمر نصهم من الشعب السعودي


صحيح يجينا حالات مع الفضااوه وماادراك ماالفضااوه نتفرج بس ماقد فكرت ارسل أحس خساره وحرام فيه الريال.!!

المشكله ابي اعرف هالكم الهائل من الرسائل يوميا وعلى قنوات ماادري وش اسمها وكل يوم طالعه قناة مين يرسلهم..؟؟ ونصهم من السعوديه مااتوقع عندها هالكميه من الجهله.؟؟

والمشكله ينتظرون موضوع والا مشكله والا اشاعه تطلع علشان يرسلون عنها..

بس دام اصحاب القنوات يشوفون هالاقبال والمكسب من الشباب , شي طبيعي راح يزيد عددها.

مووووضع في الصميم لأنه من جد شي يقهر الواحد لما يشوف حالنا ننتظر قلبين مليانات والا نص !!

,, ندفع لهم علشان ينصبون علينا!. بس عجبتني حمود وفضه كشخه.


تسلم الهاوي ,, تحياتي
اضافة رد مع اقتباس
  #4  
قديم 14/04/2007, 09:40 PM
زعيــم مميــز
تاريخ التسجيل: 05/08/2005
المكان: الرياض
مشاركات: 5,886
يا حظك تحبه لك 7 سنوات من قدك وانا شهر وتخب

تقبل مروري
اضافة رد مع اقتباس
  #5  
قديم 15/04/2007, 12:33 AM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
هلا بالهاوي المهوي يالله انك تحييه وتجيب له النوم

اجل تحب التايب من ورى الشلهوب اشوفه جته اصابه ..
ما شاء الله عليك تصلح امام خطبه بمسجد محطه على الطريق السريع
والله يهدي هالمرتزين على قنوات الشات اللي تشعرك بالقهر وانت بس تشوف
من كثر هالرسايل ( ما ودك نفتح لنا قناة )

وبالنسبه للمساكين المحتاجين والله الريال ما يضر يقول تعالى في كتابه الكريم
( وَأَمَّا السَّائِلَ فَلَا تَنْهَرْ [الضحى : 10] )

والله يصلح الحال .
اضافة رد مع اقتباس
  #6  
قديم 15/04/2007, 12:41 AM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,847
إقتباس
الصراحه وللاسف الشديد ان 90% من هالجيل ضااااااايعين و تفكيرهم محدود جداً ، ما عندهم احساس بالنعمه ولا يعرفون يشكرونها..




من جد ..اتفق معك بالوصف .. بس النسبة اتوقع واتمنى ان فيها مبالغة

تذكر قصص الف ليلة وليلة

شهبندر التجار من يوم تجيه الاموال يبني في هالقصور ويجمع جواري ومرجان

وفي النهاية يطلع دلخ وبطنه متفوخ .. رقص بالليل ونوم بالنهار

لا علم ولا عمل ولا شغل ..بس عالة ع الدنيا

واذا جاو الغزاة طبوا على ديرتهم واحتلوها كانها شربة مية


شفت ذا الوصف اللي فوق،

مدري اذا فيه مبالغة بس في ناس في مجتمعنا صايرة نسخة من كذا


قال تعالى: (وإذا أردنا أن نهلك قرية أمرنا مترفيها ففسقوا فيها فحق عليها القوم فدمرناها تدميراً )

قال عليه الصلاة والسلام: ((لا إله إلا الله، ويل للعرب من شر قد اقترب، فتح اليوم من ردم يأجوج ومأجوج مثل هذه، وحلق بإصبعه الإبهام والتي تليها، قالت له: يا رسول الله أنهلك وفينا الصالحون؟ قال: نعم إذا كثر الخبث))


مشكوووووووووووور سنيور الهاوي
اضافة رد مع اقتباس
  #7  
قديم 15/04/2007, 02:10 AM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
أسلوب جديد من أساليب الاحتيال انتشر بشكل كبير ..
تدني مستوى الوعي لدى المتلقي يجعله يهتم بمثل هذه الأمور ...

ولو كنا واعين بالدرجة المطلوبة لما انسقنا خلف هذه الترهات ..

الهاوي دمت للواقع ملامساً ..
اضافة رد مع اقتباس
  #8  
قديم 15/04/2007, 02:28 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
هــلا فيك الهــاوي ..

نورت بطلتك الحلوه .. وموضوعك الاحلى ..
في البدايه انت يبي لك جلسه طبيه نفسيه مع الارق .. وما اثاره عليك ..
يعيني يبي لي اجلس معك واشوف لك حيل كوني بروفيسور ..في علم النفس ..

اما مايخص الموضوع فللأسف هذا اللي قاعد يصير ..
كثير من الاموال تصرف في مكان غير مكانها .. وكثير من المراهقين . "ومن يدعون المراهقه"
ضاعت اوقاتهم .. واموالهم .. هباءً منثورا .. وفي كثير من الاحيان ذهبت عقولهم ادراج الرياح ..

هذي الامور اللي ذكرتها سواء الشات السفلي او النسب خلتني اكره القناة او اكره التلفزيون
بكبره .. وكلها امور مثل ماقلت نصب واحتيال ولعب على عقول الناس .. وبدون اي فائده تذكر
هاللي يصير ..

وسبق وان كتبت موضوع بخصوص الرسائل .. يعني كفييت ووفييت فيه ..
وعلى طاري النسبه .. سبق وان كتب احد الاشخص اسمه واسمه شخص ثاني وطلعت النتايج
" حب سينتهي بالزواج "هههههه !! << شر البلية مايضحك ..

عموماً اصحاب القنوات اخذوا فوائدهم مضاعفه .. وهذا اكبر هدف لهم ..
ومراهقينا ضيعوا اوقاتهم واموالهم .. وهذا المؤسف ..

للمعلوميه//
"عندك 100 الف .. تعال وافتح قناة وسوي شات والعاب " !!

عموماً الله يهدي الجميع ..

شكرا على طرح الموضوع الحساس ..
مثل ماعودتنا باسلوب رائع وممتع ..

وتقبل ارق التحايا ..
دمت بخير .. يــا مميز ..
اضافة رد مع اقتباس
  #9  
قديم 15/04/2007, 08:35 AM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895

هلا وغلا اخوي الهاوي ...

مشاء الله تبارك الله أجل علاقة حب عظيمة

الله يديمها ويرفع نسبتها الى علاقة حب هبال ههههههههههههه

من جد اخوي محمد مدري عبد الرحمن ;) الشات هذا زرف على كيفك على غير سنع ...

وفي كثير من المهبل يراكضون وراه لعلهم يظفرون بعلاقة حب عظيمة مثل بتاعتك

والمشكلة انك بعض الاحيان تشوف شياب طايحين بهيك مواضيع وهيك بلاهات

ولا حول ولا قوة الا بالله ...

المووووهم

سلامتك ياخوي من الارق وماتشوف ارق انشاء الله بعد اليوم وذكرتني بالمتنبي ...

ارق على ارق ومثلي يأرق ** وجوى يزيد وعبرة تترقرق
وعذلت اهل العشق حتى ذقته ** فعجبت كيف يموت من لايعشق
وعذرتهم وعلمت ذنبي انني ** عيرتهم فلقيت منهم ما لقوا ..

حبيب قلبي الهاوي اسعدني تواجد الجميل والرائع ...

ودمت بخير وعافية ,,,
اضافة رد مع اقتباس
  #10  
قديم 15/04/2007, 12:55 PM
ناقد اجتماعي
تاريخ التسجيل: 05/12/2001
المكان: نيويورك - الولايات المتحدة الأمريكية
مشاركات: 2,053
تغريد

هلا ومسهلا فيك..

إقتباس
عسى بس انبك ضميرك على الي قطعت شبوكهم

شبوك !! أي شبوك يا تغريد لست فاهم شي >>>>> يمدحون ضرب الحوِله بهالمواقف >>>>أشك انك تعرفين وشلون ضرب حوله

إقتباس
وحده من زميلاتي متصله علي تبكي تقول يومين ابغا انام مو قادره

لا حول ولا قوة الا بالله تبكي!! قولي لها تترك المناكير وتطويل الظفور وتقرا قرآن وتصلي لها ركعتين واذا خلصت تكلمك ، واذا ما قعدت تضحك افلقيني ببلكه

إقتباس
محمد يحب عبد الرحمن ولا عبد الرحمن يحب محمد؟ مافهمت

سبحان الله ما تغيرين طبعك لازم تلقين شي ما فهمتيه

إقتباس
اش شعورك لو طلع 1.5%

ابترك له البيت وامشي

إقتباس
الهاوي ارجع لوحده من مواضيعك الي كتبت فيها حلول للارق

كنك داريه اني طبقت نفس الخطوات ونمت

إقتباس
الا صح! انت محمد ولاعبد الرحمن؟

انا القلب المتيم المحلوت في البركاني


تشكراتي على مشاركتك وتواصلك


_______________________________________



دلع-20

إقتباس
والا تتوقع الي يرسلون علشان يشوفون هالخرابيط لهم عقول؟؟؟ مستحيل والأدهى والأمر نصهم من الشعب السعودي

اي والله هذا اللي يحز بالنفس ان نصهم من السعودية!! لامبالاة وقل تربيه وترف ماله سنع ، تلقين ثلاث أربع مراهقين ببيت واحد وكل واحد منهم عنده تلفزيون وريسيفر بغرفته وكل واحد معه جوال اذا ما كان جوالين!!

إقتباس
مااتوقع عندها هالكميه من الجهله.؟؟

لا وانا اخوك بالعكس عندنا عدد كبير من الشباب والبنات اللي رايحين وطي ولا نرجي منهم شي ينفع ، ما غير عقولٍ فاضيه لو حطينا فيها ديزل شربته، غير ان أمورهم زينه ومقتدرين مادياً ..

إقتباس
,, ندفع لهم علشان ينصبون علينا!

هنا مربط الفرس وهذا هو أكثر شي رافع ضغطي يستسخفون عقولهم عينك عينك وهذولا مبسوطين يدفعون وما عندهم مشكله


الله يسلمك وتشكرااتي لمشاركتك


_______________________________________


ملـــــ الهلال ــــك

إقتباس
يا حظك تحبه لك 7 سنوات من قدك وانا شهر وتخب

قل لا اله الا الله لاتنحتنا وبعدين شهر عسل أحلى من 7 سنين طحينيه;)


تشكرااتي لمشاركتك


_______________________________________


سهل

الله مير يحييك ويبقيك ، هلا وغلا بالشايب النشيط >>>> ما شاء الله تبارك الرحمن

إقتباس
اجل تحب التايب من ورى الشلهوب اشوفه جته اصابه ..

بس يعجبك التايب اذا شافني غارق مع الشلهوب يسوي باص عيون يقالي مناااب لمكم

إقتباس
ما شاء الله عليك تصلح امام خطبه بمسجد محطه على الطريق السريع

مالك حق

شف لي تكفى مسجد محطه بس يصير فيه بيت للأمام بيني وبينك ماسكه معي هاليومين عرس

إقتباس
والله يهدي هالمرتزين على قنوات الشات اللي تشعرك بالقهر وانت بس تشوف
من كثر هالرسايل ( ما ودك نفتح لنا قناة )

آآآمين الله يهديهم حرااام أوقاتهم وفلوسهم تطير على مسخره..

ومن ناحية مشروع القناة والله ياهو يبي يدر علينا مصاري ونبدا نطق هالبشوت وراح الشيخ سهل وجا الشيخ الهاوي وطال عمرك والسامعين ..

إقتباس
وبالنسبه للمساكين المحتاجين والله الريال ما يضر

الا ينفع ويدفع البلاء ، لكن حنا الله ما غير ناكل ونشبع ونفسق وناسين ان فيه حولنا ناس محتاجه العيش..

تسلم يابعدي وتشكراات على المسمار عل الله ينفع بخطيب المحطات ويرزقني واياك على قدر نياتنا

_______________________________________




راااجع للغالين باذن الرحمن ،،
اضافة رد مع اقتباس
  #11  
قديم 15/04/2007, 09:34 PM
الصورة الرمزية الخاصة بـ عـز الهلال
زعيــم مميــز
تاريخ التسجيل: 06/04/2005
مشاركات: 3,352
>>> [ وعليكم السلام ورحمه الله ] <<<

هلا والله بـ الهاوي .. كم أحب مواضيعك والله
عــزالهلال مواضيع الهاوي >>>>>> 100 % ( فلّه والله ) .

::
::

بـ خصوص قنوات [ النصب ] فــ أنـا جتني فتره طحت فيها :p
وكـل شوي رساله من جـوالات أخوياي , وخـذ يـا أستهبال .

كونقليزا رايس ( واحد من أخوياي ) >>>>>>> 67% ( منتب قدها ;) )
وعلى هذا النحـو .. !!

::
::

إقتباس
ن تدوم النعم التي نعيش فيها ما دمنا لا نشكرها بطاعة الله والخوف من عقابه ، ولن يدوم حبنا للدنيا اذا فارقناها ، حينها نتمنى لو عدنا اليها لننساها ونتذكر الآخره ، ولنستمتع بها في طاعة الله طمعاً في جناته وخوفاً عذابه ..



أيـه والله ..

سلاميشو ...
اضافة رد مع اقتباس
  #12  
قديم 16/04/2007, 12:33 PM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
وعليكم السلام ورحمة الله وبركاته


يالله حيوه واسعدوه
من طول الغيبات جاب الغنايم


إقتباس
انشغل بالي في الايام الفائته بعدد من الظروف الطارئه والمواضيع الشاحبه كشحابة جو الرياض أمس البارح، وكانت هذه الظروف سبباً اضطراب نومي..

ماعليك شرهه كانك ناوي تعرس:p قازتها من ردك على سهل



إقتباس
من الأساليب الحمقى للهج عن الارق هو متابعة التلفزيون وهو ما قررت أن أفعله في أحد الليالي الملاح..

تبي نصيحتي
خذ لك كتاب ولو كان قرآن أفضل;) واقعد أقرأ فيه
كلها دقيقتين ويجيك النوم:p
وقل فرصه ماقالت



إقتباس
أخوكم في الله مهوب راعي تلفزيون أبد ولا يعرف يتابع شي ، لدرجة ان التلفزيون اللي عندي بالغرفة ما فتحته لي أكثر من 3 شهور..

زين مب أنا بلحالي اللي كذا
آخر أهتمامي وآخر تفكيري يكون التلفزيون ;)
جدي الله يحفظه يسميه تلف عيون



إقتباس
قال أجل خلنا نصغر عقولنا شوي ونجرب نرسل أسمي واسمك ونشوف ( بدت حركات البزران على تالي عمر الله يخلف على أمٍ جابتنا )..

تصير عادي:p ...
بس ماقد سويتها;) ...
اذكر مرة كنا مجتمعين بجلسه عائليه شبابيه في الصبحيه قبل لاننام:p ....
فتحنا على ذيك القناة اللي تقرأ رسالتك ...
ياعليهم تحريف بالكلام مب طبيعي ماتقدر إلا بس تمسك بطنك من قوة الضحك ....
عاد خالي أرسل لهم رساله بيشوف وشلون بيقرونها له ....
مدري كم سعرها بس كانت بذيك العدة ...
وياليتنا أننا شفناها عاد ملينا ولابعد نزلوا الرساله وطفينا التلفزيون ورحنا نفطر
<<< كني مسكت خط



إقتباس
الصراحه وللاسف الشديد ان 90% من هالجيل ضااااااايعين و تفكيرهم محدود جداً ، ما عندهم احساس بالنعمه ولا يعرفون يشكرونها..

مب كن النسبه كبيرة شوي ....
أنا أشوف أن الأشخاص هم نفسهم اللي يرسلون لكذا قناة ;) ...
وبعد لا تنسى أن القناة نفسها ترسل مسجات ترد فيها على المغفلين
وتسوي فيهم مقالب لأنهم بعض الأحيان يردون عليهم بأسماء بنات
وهاتك يانصب والواحد يخق مع بنيه يحسبها معطيته وجه :p
وبالأخير يكتشف أن اللي يرد عليه الكونترول حق القناة




إقتباس
كانت السالفه كوكتيل من السواليف وبالاخير هو تذكير لي قبل كل شي ، وتذكير لكم لعل الله يصلح حالي وحالكم


الله يجزاك خير على اللي قلته ....
وأحلى تذكير والله يعطيك العافيه







سلاااااااااااااااااااااااااااااام ,,
اضافة رد مع اقتباس
  #13  
قديم 16/04/2007, 03:38 PM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544


\

وعليكم السلامورحمة الله وبركاتة

هلا والله فيك .ويالله ان تحيه وتبقيه


اولا سالفه الارق وانا ااختك الظاهرر كثير يعانون منها وانا اولهم
والحين ارد عليك لان ماجاني النوووم فرصه ننتظرالصلاه وننام
ماغير اسوي تمارين لرقبتي وراسي التفت يمين يسار لين يجيني النوم :p
مشكلتي انا احيانا تجيني حالات ملل بالسرير شوي واصيح وماقدر انام

تهقى هالابيات الي جابها ماجدالسبب ;) :p

ارق على ارق ومثلي يأرق ** وجوى يزيد وعبرة تترقرق
وعذلت اهل العشق حتى ذقته ** فعجبت كيف يموت من لايعشق
وعذرتهم وعلمت ذنبي انني ** عيرتهم فلقيت منهم ما لقوا ..




وسالفه التوافق والنسب شي يضحك
تحط بنت وبنت او شاب وشاب ويطلع زواج:p :p
واتووقع لوتحطرواحد واثق انه يحبك لدرجه الجنون ويطلع لك كره او العكس واحد يكرهك يطلع حب لدرجه الجنون والهبال والصرقعه:p

استخفاف بالعقووول وجلب للاموووال وعلى هالحال

ومشكلة هالعدد الهائل الي يرسل لهالدرجه ماتعرف هالي حاطه يحبك اولا فراغ عاطفي


لا وفيه تحليل الشخصية وخرابيط مدري وشي

وسالفة المسجات والخرابيط
انا استغرب الصراحه لهالدرجه ناس فاضيه
ليل نهار صبح عصر تلاقي هالمسجات تمشي غريبة والله
لو فرضنا الشباب مع اصدقائهم هالبنات وين اهلهم
ويضاا تعدتكونها تسليه الى تعااارف وصداقاات بين الجنسين وخرابيط

هالخرابيط الي صايره كلها بسبب العطاله والفرااااااااااغ والفراغ العاطفي

الله يكفينا شرهم
للاسف ماحسنو استغلاله فهذا الكم الهائل من شبابنا وبناتنا تعدو مرحله المراهقه وللاسف اجسام البغال واحلام العصافير
نلاحظ هالاجيال تفكيرها دون المستوى ثقافه حياتية دون السمتوى كل شي دون المستوى للاسف
يبي لهم فرمته

وايضا اللوم على هالقنوووات الي ماتفكر الا بالمال والربح

اطلالة متميزة كما عهدناكـ
وجزيت خيراوزوجت بكرا;) :p على هالتذكير >>ماينقال لهم شي

ود يليق بك اخي
الهنوووف

كانت
هنا

ورحلت
اضافة رد مع اقتباس
  #14  
قديم 16/04/2007, 07:23 PM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376

هلا والله ومسهلاً ..

أخبارك الهاوي ! هاه كيف الوضع الحين رجعت ع حالتك الاولى .

إقتباس
قال تهقى اننا متوافقين قلت ايه قال أجل خلنا نصغر عقولنا شوي ونجرب نرسل أسمي واسمك ونشوف ( بدت حركات البزران على تالي عمر الله يخلف على أمٍ جابتنا )..

يقطع ابو الفضاااااااااااااااوه يـ ناس ، من جد الفراغ يشتكي منكم

إقتباس
وبدأ العرق ينساب من أسفل الرقبه وكأننا ننتظر اختبار 106 ريض

وما هي الا لحظات ويتوقف التصويت لتظهر النتيجه!!

ليت النتيجه ع هـ الانتظار كانت مرعبة ---->>شريره
وااااااو لو طلعت 0% كراهية للابد وش بيكون موقفك اتجاهه وهو امامك " متعوب عليها وهو امامك :p "! او طلعت ان علاقتكم خداع ... صف لي شعورك فـ هذه الحالة .

إقتباس
محمد عبدالرحمن >>>> 79% علاقة حب عظيمه

ارشح اسمك يكون محمد ، تدري ليه لأن يوم كتبت عن علاقتك مع الشلهوب .. حطيت اسمك بـ الاول ثم موهوبنا
لا لا بديت ارجع في كلامي شكل اسمك عبدالرحمن ، لان اللي ارسل المسج خويك .. وقايل انه بيرسل اسمه واسمك ، يعني هو الاول ثم انت ------>> لايكثر قامت تحلل .


إقتباس
ثمان سنوات وانا احبك ولا انتا داري ولا انا داري !!

بلا نصب شلون ماتدرون عن بعض وين راحت المشاعر الصادقه .. لأ تدرون عن حبكم والا كان ماستمرت علاقتكم بس كل واحد يبي يتغلى ع الثاني .

إقتباس
لو شاف أحدنا أحد المساكين اللي بالشوارع يشحذون كان ما يعطيه ولا ريال !!

واذا سألته وش السبب وليش ما تتصدق؟؟

اول كان اغلبية الناس تعطيهم والحين صارت الاغلبيه تتحاشى انها تعطيهم ، بعدين المسؤولين في القنوات اذكياء .. نصابين من الدرجة 1 ، يقدرون يلعبون ع اصحاب العقول الخفيفه وياخذون منهم ..

ع العموم كلهم يلعبون ع اصحاب العقول والقلوب الرهيفه !

إقتباس
تمادينا بقلة الحياء ، و أكثرنا من الذنوب والمعاصي الى ان صارت الجزء الاكبر من يومنا ، وأصبحنا نعصي الخالق بدون ان نشعر ، ونرتكب الذنوب بدون أي احساس بالخطأ والندم..

صدقت والله

إقتباس
ياااااااااااااالله انك تهدينا وتصلحنا وتغفر لنا استهتارنا وموت الوازع عندنا ..

اللهم آمين ... وجزاك الله كل خير .










سي يا خيو




فيّو
اضافة رد مع اقتباس
  #15  
قديم 16/04/2007, 07:46 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
موضوع مهم بقالب فكاهي<<< اعقب

والله طرح رايع

بس ما أعرف أناقش ولا كان حجرت لك

بس تدري وش اكتشفت

إن عمرك فوق السته وعشرين

ما تبي تعرس ياوليدي

وتعزمنا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube