السلام عليكم ورحمة الله وبركاته

اولاً مبروك الفوز على باختاكور واهم شي رجعنا بنقاط المباراة ولله الحمد .

ثانياً الحمدلله اللي عادت بعض من الروح الهلاليه للفريق وان شاء الله راح تستمر في باقي المباريات .

ثالثاً بصراحة استغربت شي بعد نهاية مباراة وهو تصريح الامير محمد بن فيصل ! واللي يقول فيه ( بقيادة فهد المفرج ..الخ ) , وصحيح ان المفرج كان مستواه جيد في المباراة ضد باختاكور -رغم تحفظي على اشراكه واهمال المرشدي- ولكن مااعتقد ان مستوى المفرج يبرر لابو سلطان انه يقول بقيادة فهد المفرج اولاً لأن المفرج ماكان كابتن الفريق في المباراة والا كان لقينا عذر ولو بسيط , ثانياً لأن ابو سلطان هضم حقوق باقي اللاعبين عشان يثبت ان قناعته في المفرج صحيحه, وهذا من اكبر الاخطاء اللي يرتكبها -رئيس نادي-.

رابعاً بخصوص تصريحه عن الدوسري بدر , فأحب اقول لأبو سلطان اذا انت تبي تجدد له بـ سته مليون ماحد معارضك بشرط انه مايتم فرضه على المدربين , ولا يحق لك يا سمو الامير ان تقارن بين لاعب صاعد حتى الآن لم يقدم مايشفعه للبقاء في نادي الهلال بنجوم كبار مثل عمر الغامدي وخالد عزيز ولا تنسى يا طويل العمر انك رئيس نادي وليس مشجع عشان بعد كل مباراة يا تظهر لنا بتصاريح انفعالية لا تسمن ولا تغني من جوع , او تصاريح تعصبية مثل تصريحك بخصوص الدوسري والمفرج .

فاتمني من سمو الامير يراجع حساباته وياليت يقطع وعد على نفسه بعدم الخروج على شاشات التلفزة بعد مباريات الهلال طوال مدة رئاسته , الآن مرحلة حسم ولا تحتمل اخطاء -بدائية- قد تكلف الزعيم الكثير .


سلامي ,,

???

؟؟؟

كان ماكلفت على نفسك والا هي زيادة عدد في مشاركاتك

بالنسبة لفهد المفرج انا اخالفك ..

لأن كلامه بالعكس ليس فيه اهمال للاعبين الآخرين .. تدري ليش؟؟

لأن اللاعبين كلهم يدرون ان المفرج يمر بضغط جماهيري ويمر بمستويات هابطه جداً .. عشان كذا مايشرهون ويدرون ان الأمير محمد بن فيصل يبي يعطيه دفعه معنويه (( يريش به ))

أما بالنسبة لبدر الدوسري .. والله الكلام يخوف شوي وانا احس انه يقصد عمر الغامدي .. يعني لسان حاله يقول ياعمر لا تقعد تساوم وتقول ابي وابي والا ترى فيه غيرك محاور وممكن يكونون مثلك أو افضل منك مستقبلا ..

وبصراحة احس ان الكلام هذا كبير شوي بحق عمر الغامدي ..

عالعموم قد تكون وجهة نظري خطأ او صح ..

اخوي العزيز

اشكرك على موضوعك وياما تكلمنا وياما انبحت اصواتنا وحنا نقول ياناس حرام عليكم والله ذبحتوا الهلال وذبحتونا بالمفرج
اشكرك مره ثانيه وكلامك جدا سليم

وهذا رابط لموضوع يحكي نفس المعاناة

http://vb.alhilal.com/showthread.php...04#post5110704

إقتباس رغم تحفظي على اشراكه واهمال المرشدي

تعرف الحين الجو من أروع مايكون المرشدي ماهو فاضيلك ولا فاضي لتدريباتك بيروح يستمتع بالأجواء

بعكس فهودي الي من حبه واخلاصه للنادي لم يتغيب الا لأصابة او خلع في الكتف او او او او ,,,,,

اهلين اخوي زعيم زعيم زعيم ..

قد نختلف في الاراء ولكن نتفق في عشق الهلال والبحث عن مصلحته

وكلامك بخصوص المفرج منطقي واقنعني نوعاً ما , واما تجديد عقد عمر الغامدي فأتمنى ان لا يرتكب ابو سلطان نفس الخطأ عند انتقال الدوخي وهو كان يظن ان لدينا البديل للدوخي في الباك الأيمن ولكن ظهر العكس ! وبدأ طويل العمر في عملية ترقيع مستمرة حتى الآن دون حل , فأرجوا ان لا يتعلم من الماضي وان كان جدد لنواف بـ ست مليون -كما هو معلن- رغم تراجع مستوى نواف فأعتقد ان عمر من حقه ان يساوى بالأخرين بعد المستويات المبهرة اللي قدمها ومازال.

على كل حال شكراً لك على الرد ويعطيك العافيه اخوي

سلامي,,

مشكلة ابو سلطان عليه تصاريح الله يطول لي بعمره تجيب العيد

يعني مايدري انه بكلامه هذا الي يبي يدعم فيه ويرفع من معنويات المفرج
ممكن تترك حزازيات بين اللاعبين
خاصه الدعيع الي لولا الله ثم هو كان راجعين خسرانين المباراة

كلام رائع وسمو الامير ما يعرف يتكلم بعد المباراة لانه ليس لديه اي خبره صغير السن

اهلين اخوي احمد الهلالي ..

اطلعت على موضوع ورديت عليه اخي ,

كل الشكر لك يالغالي

ولا خلا ولا عدم ,,

اهلين هلابولي ..

المرشدي ما اعطي فرصة حتى نعاتبه على اهماله للتدريبات وانقطاعاته

من رجع المفرج والمرشدي ماطقها

عموماً تشكر على الرد

لا خلا ولا عدم ,,

عبدالعزيز الخالدي ..

وهذا اللي نقوله , الله يهدي ابو سلطان

مشكور على الرد اخوي

لا خلا ولا عدم ,,

اهلين النجم 14 ..

ابو سلطان ماقصر ومانهضم حقه ولكن لازم يراجع نفسه بخصوص تصاريحه

ولا اعتقد ان صغر السن مشكلة خصوصاً اذا عرفنا ان سمو الامير عمره حالياً 27 سنه تقريباً وهو سن نضج

مشكور على الرد

لا خلا ولا عدم ,,

إقتباس اهلين هلابولي .. المرشدي ما اعطي فرصة حتى نعاتبه على اهماله للتدريبات وانقطاعاته من رجع المفرج والمرشدي ماطقها عموماً تشكر على الرد لا خلا ولا عدم ,,

وشلون يعطى الفرصة وابو الشباب ياتلقاه في سباقات الرالي و يغيب عن التمارين انتظم والعب ولا الله لايهينه يرجع للجبلين