انا عندي سؤال واحد دايم اطرحه بس عجزت القى جواب له

ليش السعوديين دايم ملقوفين يشوف مكان زحمه لازم ينزل ويشوف ليش الزحمه هذي
يشوف حادث تلقى جمهور يغطي على مدرجات الاستاد

الحين انا بسالك سؤال هذا إذا كانت قصتك حقيقه ولا تزعل لانها موب راكبه مزاجي

وش هالفضول الي خلاك تطل على خيمه وانت ما تعرف وش فيها ومن فيها
افرض ان الي فيها عائله ترضاها على نفسك وعلى اهلك

ثانيا القصه الي ( اشك ) انك مألفها عشان تمجد الهيئه
ترى الهيئه مو محتاجين تسرد قصص وبطولات لهم

لانهم مع احترامي للقله منهم له سوابق مشينه ورفضه المجتمع ووجد ابواب الهيئه مفتوحه له ولاشكاله تضفه وتعطيه راتب

الامر بالمعروف والنهي عن المنكر حق على كل مسلم ومسلمه الي ابي اعرفه ليش الدوله تعطي رواتب للسنه هذي
المفترض يكون عملهم تطوعي لوجه الله حتى يكون العمل خالص

في الاخير تقبل ودي واحترامي لك كشخص بعيد عن موضوعك

روووعة


مشكووووووووووور

نظام الهيئه يعتبر تابع للحكومه

وكل قطاعات الحكومه الي تتعلق بالأمن تفحص سوابق المتقدمين اليها والشخص الي عليه سوابق مستحيل يتوضف او يلتحق فيها الا قطاع الهيئه رغم انه مركز حساس ويتدخل بخصوصيات الناس فتجد الهيئه توضف كل من هب ودب وهذا سبب المصايب الي نشوفها من بعض افرادهم

إقتباس الحين انا بسالك سؤال هذا إذا كانت قصتك حقيقه ولا تزعل لانها موب راكبه مزاجي وش هالفضول الي خلاك تطل على خيمه وانت ما تعرف وش فيها ومن فيها

هماه كاتب سمعت صوت عالي وغريب !!!....

مستر DL5 يعطيك الف عافية
والله موضوعك يوسّع الصدر

إقتباس انما اوضح دور الهيئة في البلد بعد ان اصبح الكثير يستنكرون ما تفعله الهيئة

جزاك الله خير ماقصرت
والهيئة على روسنا وروس الجميع
الله يديمهم لنا....ويحفظهم
ويفكنا من الي يحاربونهم
ويرد كيدهم الا نحورحم
مشكور

تحياتي....

إقتباس الرسالة الأصلية كتبت بواسطة مجـ ـ نونــهـ11 انا عندي سؤال واحد دايم اطرحه بس عجزت القى جواب له ليش السعوديين دايم ملقوفين يشوف مكان زحمه لازم ينزل ويشوف ليش الزحمه هذي يشوف حادث تلقى جمهور يغطي على مدرجات الاستاد الحين انا بسالك سؤال هذا إذا كانت قصتك حقيقه ولا تزعل لانها موب راكبه مزاجي وش هالفضول الي خلاك تطل على خيمه وانت ما تعرف وش فيها ومن فيها افرض ان الي فيها عائله ترضاها على نفسك وعلى اهلك ثانيا القصه الي ( اشك ) انك مألفها عشان تمجد الهيئه ترى الهيئه مو محتاجين تسرد قصص وبطولات لهم لانهم مع احترامي للقله منهم له سوابق مشينه ورفضه المجتمع ووجد ابواب الهيئه مفتوحه له ولاشكاله تضفه وتعطيه راتب الامر بالمعروف والنهي عن المنكر حق على كل مسلم ومسلمه الي ابي اعرفه ليش الدوله تعطي رواتب للسنه هذي المفترض يكون عملهم تطوعي لوجه الله حتى يكون العمل خالص في الاخير تقبل ودي واحترامي لك كشخص بعيد عن موضوعك

هلا والله بك ..

بالنسبة لجواب سؤالك الاول راح جاوب عليه باخر شي ..


اروح لم النقطة الثانية .. وهي وش خلاني اروح لم الخيمة واطل فيها .. اقول لك صوت اغاني تفقع راس الواحد ..
ويعني بالعقل في عائلة بتجي لم مخيم ويرفعون الاغاني ويرقصون الساعة 1 الفجر ..

وقلت لك صوت وكلام الي موجودين سكرانين .. والمثل يقول : (( الساكت عن الحق شيطان اخرص ))

طيب سؤال .. انت لو تشوف منكر قدامك واجب عليك انك تصلحه .. وانا حاولت باللي اقدر عليه ..

وانت اذا ترضى ان تشيع الفاحشة بين المسلمين فهذا شي ثاني ..



انا رحت لهم عشان اقول لهم ترا الثمامة ميب ثمامة ابوكم يوم انكم معلين ع الاغاني وفالينها ..

يعني معنا واحد ملتزم وتضايق من سماع الاغاني وكان يبي يرجع .. وش الحل ما فيه الا انا نروح ونقول لهم قصروا على المسجل شوي ..

امام بالنسبة لقولك اني مألف القصة .. اول شي انا ما اعرفك عشان اكذب عليك .. والهيئة تراهم في غنى عني وعنك انا نجي نمدحهم او نذمهم ..


طيب رح جب لي دليل ان فيه من رجال الهيئة من لديهم سوابق .. يا حبيبي لا تقعد تقذف خلق الله بدون ادنى دليل عندك ..

والله انا ما اعرف احد بالهيئة ولا شي عشان اجي وامدحهم او اسبهم ..

اما انك تبي رجال الهيئة يشتغلون لوجه الله وبلا رواتب .. فــ يالله ورنا شطارتك واشتغل بدون راتب وخل نيتك لوجه الله ..

تراهم اوادم مثلي ومثلك .. يبون فلوس عشان ياكلون ويبون فلوس عشان يشترون ملابس لــ عيالهم ..


المهم كانك ما صدقت فيه اختراع اسمه 905 اتصل عليهم وخذ رقم فرع هيئة الخليج .. واستفسر عن بلاغ جاهم يوم الخميس الفجر الساعة 1 الفجر ..
خلاص يا شاطر ..

بس ترا لازم تعرف ان تتهم خلق الله بلا دليل هذا حرام ..

بس اشوفك يوم جبنا طاري الهيئة عصبت وبغيت تنهبل .. سلامات ..

سؤالك الاول عن اللقافة .. والله لو انك بــ مكاني وتسمع صوت ناس سكارى .. ما ضنتي قلبك بيطاوعك تمشي وتخلي المنكر ..


المهم كان سالفتي انت ما صدقتها فــ ترا فيه اختراع ثاني اسمه الرجوع للخف .. تقدر تغطه وترجع بدون ما ترد وتقعد تكذب خلق الله ..

والله مدري هي لقافة فيك ولا لقافة لكن زين سويتو

إقتباس الرسالة الأصلية كتبت بواسطة مجـ ـ نونــهـ11 نظام الهيئه يعتبر تابع للحكومه وكل قطاعات الحكومه الي تتعلق بالأمن تفحص سوابق المتقدمين اليها والشخص الي عليه سوابق مستحيل يتوضف او يلتحق فيها الا قطاع الهيئه رغم انه مركز حساس ويتدخل بخصوصيات الناس فتجد الهيئه توضف كل من هب ودب وهذا سبب المصايب الي نشوفها من بعض افرادهم

اقول استح ع وجهك .. تراك مسلم ..


بعدين هذا ثاني رد لك ..


ولو تبين احلف انك لك سوالف مع الهيئة ..

ودليلي ان من يوم جبت طاري الهيئة وانت مغير تطامر وتكتب كلام العاقل او الي بدون عقل يستحي يقوله ..

مهما كان كبرك المفروض ترفع نفسك عن انك تسب خلق .. تسب ناس حافطوا ع شرف عوائلنا ..

المهم يالييت تبين لنا سبب كرهك العظيم للهيئة .. واكيد لك موقف معهم ..

شكلك نشبه

إقتباس الرسالة الأصلية كتبت بواسطة Msh3al_37 والله مدري هي لقافة فيك ولا لقافة لكن زين سويتو

ما شاء الله وش ذا النظام الجديد .. اي لقافة الله يهديك .. اقول لك اغاني وناس سكارى .. تدري وش معناه سكارى ..

وانا والله الحمد لله راضي عن نفسي اول شي .. وراضي عن الي انا سويته ...


المهم منيب قايل لك الله يجلعك تمر بــ موقف مثل ذا .. لكن باقول لك الله يبعدك عن مواقف مثل ذي يالغالي ..

إقتباس الرسالة الأصلية كتبت بواسطة هيلانينيو 10 شكلك نشبه

انا نشبه ...

طيب انت وش تطلع .. ؟؟


المهم فيه حديث يقول .. (( قل خيرا او اصمت ))

زين ماسويت



ياشباب اللي يقولون ملقوف ومالك شغل







معليش بقول كلام اتمنى انكم ماتزعلون




لو ان اللي في الخيمة السكرانين اختك مثلا ؟



ترضى انها كل اربعا وخميس يطلعون مع شباب ويسكرون بالثمامة ولا يجي واحد يبلغ عليهم ولا تدري عن اهلك وتتصرف معهم





اذا قلت انا مالي شغل مهيب اختي



اقولك تراها اختك بالدين


ويوم القيامة يبون يجون هاللي بالخيمة ويقولن لله هالانسان شافنا في منكر ومااصلحه



الرسول عليه الصلاة والسلام قال : اللي يشوف منكر قدامه يغيره بيده او لسانه او حتى بقلبه بالدعاء لهم بالهداية




اخونا كاتب الموضوع عن طريق تسلية مع ان القصة ان شاء الله تكون حقيقة واقوله جزاك الله خير اللي غيرت منكر قدام عينك وان شاء الله بتلقى اجرهم بوم القيامة باذن الله

السلام عليكم
تبي الجد والله معك حق بكل شي كتبته
وجزاك الله خير
بس تأأأأأأأكد بانه يوجد برجال الهيئة قله للاااسف
يحتاجون تاهيل ودورات حتى يفهمون وش معنى امر بالمعروف
واااكد لك من واقع بانه يوجد اصحاب سيرة سيئه لم تسجل بحقهم سوابق بالادله
الجنائيه ويعملون بعد التزامهم وكلاً حسب نيته بالالتزام وطريقته

اهم شي يوجد من يستحق ان نفخر بهم وونئتمن بهم على اعراض المسلمين
وهم كثر ان شاء الله بالهيئه

حفظ اللع اعراضنا واعراض المسلمين
مشكور اخوي

جزاك الله خير ماقصرت والي سويته عين العقل

هههههههههههههههههههههههههههههههههههههههههه

أخوي يزيد... أنا مشغول حالياً بالماسنجر مع الأصدقاء... قريت قصتك الروووعة وأسلوبك الأروع


لي عودة بإذن الله... ونصيحتي لك قبل ذلك: لا تلتفت لبعض الملاقيف اللي اتهموك باللقافة لأن بعضهم يحب الشكشكة


بررررررب