|
أحسن تستاهلون الهزيمة يا هلالين يا جماهير الـ....... أرجو التثبيت والله متعوب فيه لا سلام ولا كلام وبدون مقدمات ايه نعم تستاهلون الهزيمة تستاهلون يا جماهير الـ...... وش اقول لا تلوموني اذا قلت شي وانا في ذا الحالة تستاهلون لانكم: أول شي: احسن انكم انهزمتوا خلكم الحين تعرفون قيمة المفرج قيمق فهد قيمة الانيق.. أنا عارف انه ما لعب لانه ما خذ كرت احمر لكن اتضحت الحقيقة الحين يوم ما لعب مباراة وحدة راحت بطولة كاااملة ثاني اهم بطولة وهي كاس ولي العهد.. لو كان فيه بدال احمد خليل في المباراة ان كان ما خلى ذيك الكورة تروح وتدخل هدف في نفس البطولة خلص هدف مليون بالميه هدف ابو فهيد (المفرج) وآآه يا فهد يخلص الكور بكل الطرق دبل كيك او مقص لو براسه او برجله او او او ناضروا وين وصلت نفسيته منكم يا جماهير التحطيم صارت حالته النفسية زفت كله منكم فهد انت الافضل لا يهمونك خلهم آخر همومك واصل ابداعاتك يا ابوفهيد وياسر القحطاني بنفسه يشن هجوم على كل اللي ينتقد المفرج ويقول هذا شي ما يأثر بفهد لحاله يأثر في اللاعبين كلهم ثاني شي: نواف التمياط.. تعب وهو يبدع.. واحد توه راجع من اصابة بدال ما تعاونونه تحطمونه يا جماهير التحطيم والله ما شاء الله عليه مهاري يعدي بفن يسوي حركات للنجوم العالمييين اللي هو منهم بكل صراحة يعدي.. يصنع لعب.. يرفع بالمليمتر على الراس.. ينقل اللعب بشكل اكثر من رائع.. يشوت.. وووووو....... يعني لازم يسجل اهداف ياما وياما هو حسملنا بطولات ولا تنسون ان اخر بطولة من قدمه الذهبية ابو بندر وآآآآآآآآآآه يا نواف يالفتى الذهبي لا يهمونك يا ابو بندر انت الافضل خلهم اخر همومك اللاعبين لو بدعوا طول حياتهم ثم يغلط غلط واحد قلبتو عليه توني ما طلعت اللي فيني مدري وشلون اطلعه اصارخ واقول نوااااااااااااااااااااااااااااااااااااااااااااااااااااااااااااف لا بهمونك والا وش اقول شف وش لون يلعب الكور يحطها للماهجم بكل فن لكن المهاجم ما يستغلها ثالث شي: روريقو فرنانديز _الجديد وردريقوو اقوارو _ القديم فرنانديز لاعب مهارات لاعب رائع لكن يلعب بدون اهتمام عادي عنده يلعب في المباريات المصيرية كأنه يلعب في مباراة ودية يلعب والله اعلم بدون اخلاص يلعب وبس اما اقوارو احس انه يفدي نقسه للهلال اذكره كان يلعب بكاس خادم الحرمين الشريفين في الدور الاول بكل قوه الاحظ انه يرمي بنفسه على رجول لاعبين الخصم بس علشن ما تضيع الهجمة اللي للهلال اقرب مثال ناضروا هدف التايب في النصر الدور الاول وشلون جا ياسر ناول للتايب وبغى ياخذها لاعب نصراوي راح اقوارو يرمي نفسه على رجل النصراوي علشان ما ياخذها وغير كان مرور اكثر من جيد شوفوا وشلون مر وصنع هدف لبدر الخراشي في مباراة الطائي في الدور الاول حتى رفعاته حلوه شفنا رفعته اللي لفت لفه مب صاحية في مبارتنا مع الاهلي في كاس خادم الحرمين الشريفين باختصار افضل من الفنان الرائع المهاري رودريقو فرنانيز الفان اللي ما يهتم اقوارو افضل من فرنانديز ما فيها كلام رابع شي: الكابتن محمد الدعيع الكثيرين اللي ما عندهم نظر يطالبون بابعاده لو الله ثم هو كان دخل مرمى الهلال اهداف لا تحصى ولا يعلمها الا الله بالله كم انقذ من كورة كم انقذ من هدف كم مرة حمى العرين الازرق احمدوا ربكم انه هو حارس الهلال والله العظيم انا اعتبره الان انه افضل حارس في المملكة اذا ما كان في اسيا خلاص ما ابي اقول شي عنه لاني اكيد بنقص من حقه خامس شي: وهي موجهه للادارة وهي عن الاظهرة عندنا 6 اظهرة 1-أحمد الدوخي 2-عبد الرحمن العصفور 3-ياسر الياس 4-عبد العزيز العبد السلام 5-خالد العنقري 6-كامل الموسى اول شي الدوخي انتهى عقده وراح للاتحاد مع ان المفروض ما فرطنا فيه ثما شرينا الياس من الانصار وعندنا العصفور يعني واحد احتياط وواحد اساسي وكلهم حلوين وآآآآآآآه يالياس ثما يروحون يجيبون العبد السلام منع اننا كنا مكتفين((داري انه كان في الدرجات السنية)) ثما يزيدون الطين بلة ويجيبون العنقري اللي من جد ما له داعي كامل الموسى المفروض شروا عقده ويكون احتياط للخثران العنقري هذا اللي المفروض ما جابوه لانه ضيق على الفريق لا مستوى ولا شي وعندنا الافضل منه اكيد بتقولون متناقض تو اقول لا تحطمون والحين اقول كذا على العنقري لكن فيه فرق اذا كان عندك 6 اظهرة من اروع ما يكون تروح تجيبلي واحد زيادة واقل مستوى منهم؟؟!!؟؟!! الحين افضل ظهير بالمماكة بلا مقارنة وبدون مبالغة هو ياسر الياس اللي الله يستر ما يدفنون مواهبة ياااااااااااااااااااسر الياااااااااااااااس افضل من العنقري والعبد السلام مدري وش فيهم الزين يبعدونه الدوخي باعوه العصفور شالوه الياس احتياط احيانا واحيانا ما يدخل المعسكر الموسى ما شروا عقده العبد السلام حطوه بدال اللي افضل منهم العنقري وخروا العبد السلام بداله لا تنسون وشلون اخذنا بفضل الله الموسم اللي راح 6 بطولات ووشلون تذكروا زين كان الياس اساسي والمفرج هو الاساسي ونواف كان لازم يلعب بالمباراة والدعيع هو الحارس سادس شي: افضل حارس واعد الكابتن فهد الشمري يستحق بكل صراحة انه يلبس شعار الهلال لكن مب بهذا العقد اللي اثر على النادي ولا استفدنا منه الى الان ما لعب ولا مباراة من يوم ما شريناه انا ما احب اتكلم عن العقود لكن نفس الشي للقناص عقده اثر على النادي ياسر المفروض يلبس شعار الهلال منذ نعومة اظفاره لكن قدر الله ولبس شعار القادسية قبل وشرينا عقده بمبلغ اثر على النادي يعني الشمري المفروض شريناه باقل من اللي اعطوه والقحطاني نفس الشي سابع شي: انتم يا جماهير الهلال الامير محمد بن فيصل ينفذ كل طلباتكم وانتم ما تنفذةن طلب واح بس وهو الحضور للملعب لييييييييييييييييييييييييييييش ثامن شي: رأينا الازمة المالية التي كادت تجعلنا نبيع عقود اللاعبين محمد الشلهوب وعمر الغامدي التي جعلتنا نقترض من البنوك التي عطلت كثيرا من مشاريعنا 000 ماودي أطول عليكم عندي حلول إن شاء الله بتحل هذي الازمة إليكم الحلول... 1-إصدار صحيفة يومية هلالية بمقدار ريالين 2-إصدار مجلة هلالية اسبوعية أو شهرية بمقدار مثلا 15 ريال 3-الاستفادة من الاعلانات،،مثلا بأن يتفق جوال الهلال مع أحد الشركات بإرسال إعلانات يوميا لمشتركي جوال الهلال بمبلغ يأخذ من الشركة المتفق معها يستفيد منه النادي 4- نقل اللقطات التي يطلبها الجمهور بشرط أن يأخذ من الذي يطلب اللقطة مبلغ ما،، مثلا أن يرسل رسالة تأخذ منه مثلا 5 ريال أو 10 ريال 5-إفتتاح قناة جديد للجوال بإرسال رسائل وسائط يومية بإرسال مثلا تدريب اليوم 6-إفتتاح محل تجاري يباع فيه أي شيء للهلال مثلا البدلات الهلالية والشالات وأشرطة الفيديو اللي للهلال وأشرطة البلايستيشن اللي للهلال والطواقي والجاكيتات وأكواب للهلال واي شي للهلال 7-هذي صعبة..بنيان ملعب لأحد الاندية الاوربية الكبيرة بشرط أن يكون الدخل المادي لدخول الجماهير النص بالنص 8- نحن الرقم الصعب لندعم النادي لكي نستطيع تنفيذ هذه المشاريع.. كيف ندعم النادي؟ البعض منا قال نحط صندوق تبرعات والبعض قال لا.. لكن أنا أقول ليش ما نحط صندوق تبرعات خصوصا إننا في وقت يمر النادي بأزمة.. يعني ما فيه غير هذي الطريقة بالمختصر وضع صندوق تبرعات واللي عنده طريقه ثانية تجعلنا ندعم النادي يقولها قـد يكون بعضها صعبا.. قـد يكون بعضها يحتاج إلى مبالغ طائلة.. لكن هذي المشاريع إذا سويناها ستدخل مبالغ طائلة بإذن الله أي واحد عنده إقتراح مثمر للنادي يكتبه هنا وأخيرا أرجو من الادارة ان تثبت هذا الموضوع لكي يستفيد منه النادي طبعا فيه اشياء صعبة لكن لو نسوي السهل فالصعب وهكذا ان شاء الله نكون اغنى نادي في العام يعني لو نسوي مثلا رقم 3 وكسبنا منها نبدا برقم واحد وكسبنا نبدا بالثانية وهكذا حتى نكسب ثما نسوي الاصعب فالاصعب آآآخيرا وليس آآخرا آسف إذا كنت غلطت بحق أحد وتقبلوا تحياتي أخوكم /الزعيييييييييييييييم لا تنسون وشلون اخذنا بفضل الله الموسم اللي راح 6 بطولات ووشلون تذكروا زين كان الياس اساسي والمفرج هو الاساسي ونواف كان لازم يلعب بالمباراة والدعيع هو الحارس |
كـــــــــــــــــلام رائع ويــاليــت ينفذون ولو بعض المشاريع اللي كتبتها |
مشكور على الموضوع صراحة معاك حق |
يعطيك العافيه على الكلام اللي ذكرته .. وسلمت يداك على المجهود المبذول .. |
اقول والله انه داج فهد وخليل وخل عنك والله اذا ما رجعو المرشدي بجنب تفاريس ان الدفاع ظايع ولاتنسى ان المفرج السبب في هدف مالك في جده الهدف الثاني يااالحبيب |
اقول والله انك مسكين اول شي المفرج لو كان موجود كان ماطلعنا من كاس ولي العهد:D وهو الي جاب العيد واتعبناء بمباراة الذهاب التمياط لازم يبقى احتياط ثالث للهلال بوجود التايب ومبارك والحربي :D لان الجهى اليسرى عنده تعبانه مثلك عارف مكان الرباط الصليبي الياس افضل ضهير بلمملكه ارحم عقلك شوي وحكم ضميرك والله عيب اذا انت مشجع هلالي وعمرك فوق سن الرشد تتكلم كذاء بعدين تره جاي من الانصار مو من الطائي الدوخي لو كان موجود انتهى خلاص والدليل العبئ الي مسويه على دفاع الاتحاد بشهادة ديمتري لان عمره33 عام وضهير يعني طالع نازل وعمره قصير في الملاعب |
والله العظيم انك صادق والله تحطيم في تحطيم لكن في شي سلبي .. فهد المفرج خلاص انتهى والله جيبوا المرشدي .. اما عن نواف والله نواف مبدع اكثر لاعب سعودي عانا من الاصابات يعني من حقه يخاف اما رودريقاو .. لاعب مزااااجي اذا دخل جو مباراة لعب صح اذا كان لا والله مايلعب صح مشكووووور اخوي |
الله يجزاااااك خير اكتب براحتك وانتقد براحتك وقل رااايك براحتك بس سلم اول شي وبالتوفيق للزعيـــــــــــــــــــــــــــم |
بالنسبة لروديقاو أتفق معك ، بالأمس يستعرض ولازم يمرر تمريرة حلوة ، يعني ضيعنا أتمنى تعطى الفرصة للاعب درجة الشباب عبد العزيز الكلثم |
اقوووووووووووووووول روقنا الصراحه ماااااااااااااااااااااااااااااا عندك سااااااااااااااااااالفه |
ياليتني ماقريت الموضوع لانه يطفش اجل بالله فهد المفرج لاعب ممتاز يمدحون والله حصادة بمزرعه وسط الخرج |
لا تنسى يابطل ان المفرج هو اللي جاب فينا العيد في الذهاب .. وصدقني لو انه لاعب امس كان اكلناها اربعه .. غياب المفرج امس صدقني بعد الله سبحانه حمانا من مطر أهداف.. |
شف بقولك شي دفاع الهلال كله على بعضه كديش ماعدا نجمنا المميز تفاريز وصراحه احس انها عقوبه من الله علينا لان اكثر اعضاء شبكه الزعيم كانو يتطنزون بالنيجيريين والتكرن لاكن طلعو افضل من دفاع الهلال بمليار مره .. |
وربي يستاهل التثبيت |
والله ودنا ينفذون لو اثنين من ارائك وتسلم يا الغالي |
الله يعطيك العافية كلامك أغلبه صحيح ولو كانت مؤثره فيه نتيجة البارحة الياس مع احترامي لرأيك مستواه عادي جدا الهلال يحتاج ظهير عصري بصراحه اش رأيك في ظهير القادسية الطريدي أو الموسى أفضل من الياس بمراحل ولو ان الياس مجتهد وحماسي لكن الحماس مو كل شي المفرج رغم أخطائه وجوده مهم المرشدي ياليت يأخذ فرصته يلعب 4 أو 5 مباريات متواصله راح يروح المنتخب بنية جسمانية حماس ولو انه ثقيل شوي انشالله الهلال يعوضنا مع بختاكور |
يعطيك العافيه اخـــــوي ارجو من الاداره التثبيت لانه اكثر موضوع يستاهل التثبيت |
ياسر الياس افضل ظهير في المملكه !!!!!!!!!!!!!!!!! قويه بصراحه و لا تروح بعيد جيرانا نادي الشباب عندهم حسن معاذ هو الافضل وبغيت اقول كلمه للاسطوره و مستقبل دفاع الهلال والمنتخب المفرج لايهمونك مااقول الا اااااااااااااااااه يالمرشدي |
نتمنـــى لــو ينفذون بعــض المشــاريــع التي ذكــرتهــا.. |
كلامك والله صحيح .. تسلم اخوي |
صدقني ياحبيبي ان المفرج اول المحظوظين من عدم مشاركته يوم أمس مهما كانت نتيجة مباراة امس في حال عدم تأهل الهلال كل السب والشتم والتجريح سيوجه للمفرج وحده كبش فداء الجمهور الهلالي من حق الكل أن ينتقدوا لكن الإنتقاد لايعني الإساءة وخصوصا لنجوم خدموا الهلال |
لو كان المفرج موجود انتهت المباراه بنتيجه تاريخيه وارجع لنهاءي الدوري العام الماضي اما نواف مستواه هابط والكل يعرف وعندنا لعيبه شباب زي الموري و فهد سرور يعني بدلاء للتايب والقول امس كان غلطة الخثران المفروض يغطي هيكل من شان ماتنعكس الكوره على المرمى اما العنقري يكفي انه يحمل رقم 15 |
اقول المـرشـدي الافضل بلا مفـرج بلا بطيـخ :) |
كلامك سليم .. وممتاز .. ولايهمونك اللي ردوا عليك .. ترا ما عندهم سالفه .. يستحق التثبيت .. لكن في شوية اغلاط .. ومشكــور علـ الموضوع .. |
إقتباس:
كلامك سليم .. والله يحمد ربه انه ما لعب .. ولا كان تلقا كل الصفحه الاولي سب وتجريح فيه .. الله يعيين بس .. |
والله لو بحلف ان ثلاثة ارباع الاعضاء ماقروا الموضوع اجل فهد مدافع ممتاز ؟؟ ياسر الياس جاي من الطائي وافضل ظهير في المملكه عبدالرحمن العصفور للحين ماعطوه فرصه ؟؟ والاخ مسنتر عند الزاويه اليمنى لفريق الوحده العبدالسلام ماتدري من وين جايبينه ؟؟ الدعيع لا يهمونك وليش مانعطي الشمري فرصه ؟؟ |
إقتباس:
:thumbup::thumbup: :thumbup: :thumbup: :thumbup: :thumbup: :thumbup: ابصملك على العشره |
اقول والله ان امورك مديعه... المفرج حرام والله حرام عليك... ودك تموتنا... اذكر الله وانشاء الله بيرجعون لمستواهم... امانواف سافته سالفه... مادري وش يبي... دراهم او ايش... اقول لو حنا بايعينه على الاتهاد كان ارتحنا... والله الموفق... |
ثما شرينا الياس من الطائي وعندنا العصفور يعني واحد احتياط وواحد اساسي وكلهم حلوين وآآآآآآآه يالياس ثما يروحون يجيبون العبد السلام وما كان له داعي نجيب سلامات يالحبيب وش اللي حلوين انت في منتدى الزعيم منت في متوسطه والياس من الانصار مو من الطائي ثانيا العبدالسلام صعد من الشباب ماجابوه معليش انت ماتدري وين هي هابه |
كل الشكر لك ياخوي الزعيييييييييييم كل كلمة قلتها ان معك فيها وخاصة كلامك عن اللاعب المقاتل فهد المفرج والله انه من افضل المدافعين |
أول شي شكرا للأعضاء اللي وافقوني وهم الحمد لله الاغلبية ثاني شي شوفوا بعض الردود؟؟ معوين تبغونا نفوز وفيه ذا التحطيم إقتباس:
إقتباس:
إقتباس:
إقتباس:
نواف سجل الهدف والمفرج انقذ هدف براسه مع ان راسه كان ملفوف بشاش يعني كان مصاب إقتباس:
|
إقتباس:
يا رجال استريح http://vb.alhilal.com/images/icons/icon11.gif |
اللهم لاتشمت بنا عدونا ولاحاسدا اللهم امين |
يا حبيبي المفرج لا يختلف عليه اثنان وجـــــــــه نكبه مع احترامي له في المباريات الحساسه مدري وش اللي يجيه ومشكووووووور http://www.rashedalmajid.com/Rashed-...i.Lahom/s6.jpg |
يسلمو بس ماشالله كم قعدت تكتب الكلام هذا كله ماشالله عليك |
هذا الكلام الي يبرد القلب والله يالزعيم ان انت صادق في كل كلمه قلتها |
انا معك في كل إللي كتبته بس ضدك في اللاعبين فهد المفرج ونواف التمياط واقترح على ادارة الهلال اعارتهم لاندية اخرى احسن لهم ولنا . |
الف شكر لك على الموضوع الرائع يستحق التثبيت تحياتي ,, |
شكلك كاتب الموضوع وأنت تركض :) كل كلامك منيح الا سالفة المفرج مع أحترامي لك وللمفرج وبعدين أنت ذكرت نص الحقيقة والنص الثاني وهو المهم ماذكرته النص اللي ذكرته وهو مطالبه أغلبية جمهور الهلال بتنحية المفرج والنص اللي ماذكرته وهو مطالبتهم بالمرشدي مهو أحمد خليل تقبل تحياتي |
وربي قلت الي في بالي .. يعطيك العافيه اخووي ... آآآآآآآآآآآآآه ياالمفرج :) |
العنقري سبب الضياع |
اتمنى انك متبالغ وين حسن معاذ فهمت قصدي |
العنقري سبب الضياع |
كلام جميل بس مايستاهل تثبيت |
الصراحة موضوعك لفت انتباهي بس يوم وصلت لكلامك بان ياسر الياس افضل ظهير بالمملكة عرفت انك والله ماعندك سالفة في الكورة,, علموه وشلون يثبت كورة صح ثم تعال تكلم مادامك كاتب موضوع ومتعب عمرك اكتب شي يدخل العقل ولا لاتكتب وخلوا عنكم حركات البزر؟؟؟؟؟ |
أنا معاك بكل كلمة أتمنى من الإدارة التثبيت |
انت شكلك منفعل من المباراة ومع ذلك كان كلامك جيد إلا في بعض النقاط المفرج مع اني ما أحب أتكلم على أي لاعب لكن لو كان موجود في مباراة الأهلي ماراح يتغير شيء وبالعكس خليل جيد نواف إلى في كل مباراة نقول راجع من إصابة إلى متى ؟ حتى ينتهى الدوري يا اخي نبغاه يقاتل اقل شيء على الكورة يحسسنا انه موجود في المباراة واذا انتقدنا مستوى لاعب يحق لنا مادام مافيها غلط و إساءة والأهم من كذا تعبنا من مجاملة بعض اللاعبين يا اخي وين فهد مبارك ما يلعب من يوم رجع من الإصابة ودرجة الشباب وين اللاعبين شف الأهلى مباراه بالأساسي والثانية بالشباب ومع ذلك مستواه ممتاز |
مشكور ع الكلام الرائع |
عبدالعزيز الهليل ليش ما يلعب مكانه الاساسي قلب دفاع جمب تفاريس الكل يذكر اول ما جاء الهليل و لعب مع تفاريس ضذ النصر وش سوا الهليل |
مشكور على الموضوع |
مشكووووووووووور |
مشكووووووووووور |
مشكور أخوي على الموضوع صراحه متعوب عليه |
المفرج = المتفرج = مخرج 17 |
مشكور على هذه الكلمات الخارجه من القلب فعلا يازين المفرج |
والله كلامك كله صحيح واحلى شي جريدة للهلال ياليت يسوونها بس ما فيه امل يصير الياس احسن من العنقري |
روعه ومشاريع مفيدة |
سلام يا الزعيييم افكارك حلوه بصراحه بس تفكيرك في المفرج والياس مع احترامي لك عليه شوي المفرج مميزات 1- قتالي في بعض الاحيان 2-حماسي " فيه احد لعب عليه وقال له انك صالح النعميه الله يذكره بالخير عيوب 1- عدم تركيز في منطقه 18 2- ما يضغط على المهاجم يعني بالعامي ما ينشب له اي مهاجم يقدر يعدي منه وبعدين المعروف عن مدافعين العالم انه يضرب بحترافيه يعني لعب رجولي مثال مباره الاياب في التشاميونز ليق قبل سنتين بين ميلان وانتر ميلان ستام دخل على ادريانو ولاول مره اشوف ادريانو يطلع بنقاله 3- عنده مشكله كبيييييييييره السبرنت عنده دماااااااااااااااار ما يقدر يلحق اللاعب بسرعه اذا كانت مرتده جسمه مره ثقيل زياده على كذا رجوله طوال ولا بنى عضلات لها التحامه مع المهاجم في مرتده لو عطاه كتف تكرفس ما يقدر يتوازن كويس 4- مشكلت الاساسيه انه اعتمادي تفاريس مشاء الله قاطع الموقع والكهرب عنه بس مشكله فهواته كثيره ياسر الياس مميزات 1- يعطي مجهود مو بطال 2- في الدفاع يمكن انه افضل الموجود بس مو زي العبدالسلام <------ يبي له خبره شوي عيوب 1- كظهير اول شي التقدم والرجوع بسرعه هذي الياس ما يطبقها بحذافيرها المدربين الي دربوا الهلال كلهم كانوا يثبتونه ما يتعدي خط النص الا فيما ندر ولعدة اسباب أ- كونك ظهير لازم يكون عندك الكيرف كويس فيه ناس بتسوي خفيفة دم وبتقول بلاي ستشين بس انا اسكتكم واجيب لكم امثله سلجاود ظهير ايمن ريال مدريد لما يدخل عاله على الفريق من طلع لين الحين وهو عاله مثال ثاني جيرمي كان في ريال مدريد وراح لتشلسي الانجليزي برضوا نفس المشاكل في تشلسي الحين ب- من مميزات الظهير انه يكون سريع ياسر الياس يقفد هالميزه وعلشان اثبت ذا الشي ارجع لمباره الهلال والشباب الي اخذما فيها الكاس وشوف منقا وش سوى به هو والمفرج وتعرف ان كلامي صحيح ج- اللياقه اللياقه اللياقه ياسر الياس ما فيه لياقه ولا كان يتقدم ويرجع مثل طيب الذكر الدوخي وخالد العقنري والعبدالسلام مو بس راجع ولا يتقدم اتمنى انك ما تزعل على ولا تقول هذا حاقد انا مانيب حاقد ولا شي بس فعلا هذا الي اشوفه انا ما ادري عن باقي الشباب بس وجهه نظري هذي هي ولو لا الاختلاف لا بارت السلع وكل واحد وله وجهه نظر وجهه نظرك احترمها بس كثير ما ايدها نشوفكم على خير جميعا |
إقتباس:
|
اغلب النقاط اذا مو كلها انا في بالي .... ولاكن متى يتم التجريح باللاعبين من الدخلاء على المنتدى ؟؟ |
| الوقت المعتمد في المنتدى بتوقيت جرينتش +3.
الوقت الان » 04:27 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd