|
رسميا .. اعلن اعتزالي عن تشجيع الهلال حتى تحقيق بطولة تراضينا !!! بسم الله الرحمن الرحيم .. مساكم الله بالخير .. اول شي وقبل كل شي .. الحمد لله على كل حال .. وثاني شي هاردلكم يا شباب .. ادخل بالموضوع ع طول وبدون مقدمات .. صراحة انا استغربت من بعض الجماهير المحسوبة ع اسم جماهير الهلال ويتواجدون هنا بالمنتدى بكثرة .. وهم .. جماهير فوز .. فوز ولا غير الفوز .. اذا انهزم الفريق او طلع من بطولة انواع السب والي يحلف انه ما يحضر للملعب الا اذا فاز الهلال وحقق بطولة .. اول شي اذا انت هلالي من قلب .. فــلا تمن ع الزعيم بحضورك للملعب ... بتحضر فــ اعرف انك ساندت الزعيم .. وافرحت قلب ابو سلطان .. صراحة امس في الملعب الجماهير متوسطة .. وهذا شي غريب صراحة ع جماهير بنو هلال ... انا رايح من العصر الساعة 5:20 وانا بالطريق معي اخوياي قاعدين نهوجس وين بنقعد فيه .. الا يقول مالنا الا وراء المرامي والي يقول خلونا ندخل مع حقين الاهلي لين الشوط الثاني ونرجع لم مدرج الهلال .. كنا شايلين من راسنا انا نقعد في الواجهة ع انها فل .. المهم يوم وصلنا لم الملعب .. واناظر الا الي فيه من الجماهير يعني وسط وموب ذيك الزحمة .. المهم رحنا بنشتري تذاكر .. قلت شكلي منيب لاقي الا تذكرة او تذكرتين .. لكن الحمد لله لقيت تذاكر . جيت وخذت الــ 4 تذاكر ورحنا يوم دخلنا لم الملعب وكلي امل بانه فل ... الا القى جمهور متوسط !!! انا ما استوعبت صراحة .. والله لقينا اماكن حلوة .. والله شلت بــ خاطري ع جماهير الزعيم .. نصف نهائي وهذا الحضور .. لكن الحمد لله ع كل حال .. طلعت بعد المباراة .. وانا بالطريق الا انواع الازعاج بـ جوالي (( مشكلة ذا الفقراوين اذا سمعوا طاري خسارة للزعيم )) كلمني و احد من اخوياي .. محسوب ع اسم جماهير الهلال .. اذا فاز الهلال حضر للملعب واذا انهزم الهلال صار اهلاوي :eek: وهذا حوار المكالمة .. انا : هلا والله .. هو : هلا بك .. هو : فشلتونا يالهلاليين بها المستوى (( المشكلة انه هلالي ..!! )) :upset: انا : اصلا لو فيك خير كان حضرت المباراة !! هو : انا اصلا مالي وجه احضر مباراة للهلال من عقب مباراتنا مع الاهلي في جدة ..!! :upset: انا : طيب وراء ما تقلب وجهك وتشجع الاهلي !!؟؟ هو : لا لا انا ناوي اصير نصراوي !! (( يقاله بيرفع ضغطي وبيقهرني :rolleyes: ما درا اني ما جبت له خبر لا هو ولا الفقر )) انا : طيب الوعد يوم الاحد ان شاء الله .. هو : اقول يزيـ .. طوط طوط طوط طوط .!! (( قفلت بوجهة :D )) ____________________________________________________ والله عندي سؤال لكل من هو الحيين توه ماكل حبتين بنادول .. والضغط عنده H .,, كل هذا بسبب الخروج من نصف نهائي كاس ولي العهد .. طيب يعني اذا قمت تسب فلان وعلان من اللاعبين بيتنقلب الدنيا ويتاهل الهلال بدال الاهلي ..؟؟ بل كل حساناتك الي جمعتها راحت بسبك للاعبين .. هدا اعصابك وروقوا شوي يا جماهير الزعيم .. ولا تنسون حنا متصدرين الدوري وقدامنا بطولة اسيا .. والحيين في هذا الوقت من الخطأ سب اللاعبين او سب المدرب او الجهاز الاداري .. العنوان للاسف اغلب الجماهير رددته امس من عقب خروجنا من بطولة كاس ولي العهد .. وانا اشوف انها خيره لنا .. عشان يكون تركيزنا ع بطولتين بس وهي الدوري وكاس اسيا .. تكفون يا جماهير الزعيم .. لا تخربون الي بنيناه طول الموسم بــ سبب خروجنا من بطولة .. والحيين صدارة الدوري للزعيم .. فمن خلال هذا الموضوع .. سجل تجديد ثقتك باللاعبين .. واعلن حظورك لدرة الملاعب يوم الاحد القادم باذن الله .. وانا اول مجددين الثقة في الفريق كــ كل .. واعلن حظوري مباراة يوم الاحد امام النثر .. |
النسبه للحضور لا تشرهـ عليهم .. أغلبهم إختبارات ومتشائمين .. يعني تعتقد إذا انتهت مباراة جده بالتعادل هل بيكون الحضور كذا !! ... لا تنسى ترا جماهير الهلال تخوف .. تخوف اللاعبين والادراه .. جماهير ماتبي غير الفوز ماتبي غير الذهب .. |
يابن الحلال بصراحه كلامك صحيح ولازم نساند الفريق لكن من ناحيه ثانيه مو حرام يضيع مجهود السنه كلها في اسبوع بسبب او من غير سبب والله حرام لكن الحمدلله وان شاء الله الجاي احسن |
كلامك بالصميم ونحن باقين لمساندة الزعيم دمت بود |
يعطيك العافية كلامك صحيح لازم نقف مع الهلال في كل الاحوال وان شاء الله تكون هالخسارة خيره ونحقق بطولة آسيا والدوري |
كـلامك صحيح خلنا مثل الجماهير الأوربية تخيل فريق ليفربول كان خسران 3-6 ويشجع لأن عارف ان الاعبين يبذلون كل شي عندهم وهذا اليوم مو يومهم على العموم موعدنا دائما في الدرة |
والله انا معاك يامستر دلخ بكل كلمة قلتها وأنا اشهد في جماهير مهيب كفوو تصير مشجعة للهلال ومشكككور ويعطيك العافية |
يعطيك العافية كلامك صحيح لازم نقف مع الهلال في كل الاحوال وان شاء الله تكون هالخسارة خيره ونحقق بطولة آسيا والدوري |
والله إنك صادق والله خلعتني أحسبك أنت الي راح تعتزل والله يانا محهزلك كلام |
والله ذولا مايستاهلون ذهب المبارهباقي عليها اكثر من 20 دقيقه ونصهم طلعو >>>>من كثرهم عاد لاكن والله ذولا موب كفو بطولات انا اروح الملعب لو نزل الهلال درجه10000000000000000000 موب ماخذ الاول بالدوري والثاني بكاس اسيا والله حرام |
على الجماهير أن تتقبل الخساره كما تتقبل الفوز والفوز ليس ملازم لأي فريق في العالم ( يعني مافيه فريق ماينهزم) |
صدقت يالغالي مستر دلخ هههههههههههه والله ياكثرهم هالاشكال . موضوعك جا بوقته . بس تبي الصراحه ماحنا متعودين ننام بدري زي البارحه. |
والله ان جمهر امس فعال اكثر فعاليه من جمهور اللي حظر مع الفريق الكويتي http://www.6rp.net/gallery/data/media/52/ronaldo65.jpg |
أما بالنسبة للجماهير الي ما حضروا أمس بصراحه عليهم عتب كبير لحد يقولي اختبارات ولا مدارس الي يحب الهلال يحضر مهما صار أن شاء الله يكون الفوز من حليف الأزرق في ما تبقى من مباريات |
يعطيك ألــــــــــــــــف عاااااااااااااافيه ياخوي MR.DL5 انا اوحيك كل روووووووح الرياضيه واسلوب التشجيع للزعيم ولازم ياجمهوووووور زعيم القارة الأسيوية نقف مع الزعيم ونوساندة في مشوارة الكروي |
| الوقت المعتمد في المنتدى بتوقيت جرينتش +3.
الوقت الان » 02:18 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd