#1  
قديم 08/04/2007, 04:03 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
Exclamation رسميا .. اعلن اعتزالي عن تشجيع الهلال حتى تحقيق بطولة تراضينا !!!

بسم الله الرحمن الرحيم ..

مساكم الله بالخير ..

اول شي وقبل كل شي .. الحمد لله على كل حال ..

وثاني شي هاردلكم يا شباب ..

ادخل بالموضوع ع طول وبدون مقدمات ..

صراحة انا استغربت من بعض الجماهير المحسوبة ع اسم جماهير الهلال ويتواجدون هنا بالمنتدى بكثرة ..

وهم ..


جماهير فوز .. فوز ولا غير الفوز ..



اذا انهزم الفريق او طلع من بطولة انواع السب والي يحلف انه ما يحضر للملعب الا اذا فاز الهلال وحقق بطولة ..

اول شي اذا انت هلالي من قلب .. فــلا تمن ع الزعيم بحضورك للملعب ...

بتحضر فــ اعرف انك ساندت الزعيم .. وافرحت قلب ابو سلطان ..

صراحة امس في الملعب الجماهير متوسطة .. وهذا شي غريب صراحة ع جماهير بنو هلال ...

انا رايح من العصر الساعة 5:20 وانا بالطريق معي اخوياي قاعدين نهوجس وين بنقعد فيه .. الا يقول مالنا الا وراء المرامي والي يقول خلونا ندخل مع حقين الاهلي لين الشوط الثاني ونرجع لم مدرج الهلال ..

كنا شايلين من راسنا انا نقعد في الواجهة ع انها فل ..

المهم يوم وصلنا لم الملعب .. واناظر الا الي فيه من الجماهير يعني وسط وموب ذيك الزحمة ..

المهم رحنا بنشتري تذاكر .. قلت شكلي منيب لاقي الا تذكرة او تذكرتين ..

لكن الحمد لله لقيت تذاكر .

جيت وخذت الــ 4 تذاكر ورحنا يوم دخلنا لم الملعب وكلي امل بانه فل ...

الا القى جمهور متوسط !!!

انا ما استوعبت صراحة .. والله لقينا اماكن حلوة .. والله شلت بــ خاطري ع جماهير الزعيم ..


نصف نهائي وهذا الحضور ..

لكن الحمد لله ع كل حال ..

طلعت بعد المباراة .. وانا بالطريق الا انواع الازعاج بـ جوالي (( مشكلة ذا الفقراوين اذا سمعوا طاري خسارة للزعيم ))


كلمني و احد من اخوياي .. محسوب ع اسم جماهير الهلال .. اذا فاز الهلال حضر للملعب واذا انهزم الهلال صار اهلاوي


وهذا حوار المكالمة ..


انا : هلا والله ..

هو : هلا بك ..
هو : فشلتونا يالهلاليين بها المستوى (( المشكلة انه هلالي ..!! ))


انا : اصلا لو فيك خير كان حضرت المباراة !!

هو : انا اصلا مالي وجه احضر مباراة للهلال من عقب مباراتنا مع الاهلي في جدة ..!!

انا : طيب وراء ما تقلب وجهك وتشجع الاهلي !!؟؟

هو : لا لا انا ناوي اصير نصراوي !! (( يقاله بيرفع ضغطي وبيقهرني ما درا اني ما جبت له خبر لا هو ولا الفقر ))

انا : طيب الوعد يوم الاحد ان شاء الله ..

هو : اقول يزيـ .. طوط طوط طوط طوط .!! (( قفلت بوجهة ))


____________________________________________________


والله عندي سؤال لكل من هو الحيين توه ماكل حبتين بنادول .. والضغط عنده H .,, كل هذا بسبب الخروج من نصف نهائي كاس ولي العهد ..

طيب يعني اذا قمت تسب فلان وعلان من اللاعبين بيتنقلب الدنيا ويتاهل الهلال بدال الاهلي ..؟؟

بل كل حساناتك الي جمعتها راحت بسبك للاعبين ..

هدا اعصابك وروقوا شوي يا جماهير الزعيم ..

ولا تنسون حنا متصدرين الدوري وقدامنا بطولة اسيا ..

والحيين في هذا الوقت من الخطأ سب اللاعبين او سب المدرب او الجهاز الاداري ..

العنوان للاسف اغلب الجماهير رددته امس من عقب خروجنا من بطولة كاس ولي العهد ..


وانا اشوف انها خيره لنا .. عشان يكون تركيزنا ع بطولتين بس وهي الدوري وكاس اسيا ..


تكفون يا جماهير الزعيم .. لا تخربون الي بنيناه طول الموسم بــ سبب خروجنا من بطولة ..

والحيين صدارة الدوري للزعيم ..


فمن خلال هذا الموضوع .. سجل تجديد ثقتك باللاعبين .. واعلن حظورك لدرة الملاعب يوم الاحد القادم باذن الله ..


وانا اول مجددين الثقة في الفريق كــ كل .. واعلن حظوري مباراة يوم الاحد امام النثر ..
اضافة رد مع اقتباس
  #2  
قديم 08/04/2007, 04:10 PM
زعيــم مميــز
تاريخ التسجيل: 10/10/2001
المكان: نادي الهلال
مشاركات: 1,941
النسبه للحضور لا تشرهـ عليهم .. أغلبهم إختبارات ومتشائمين .. يعني تعتقد إذا انتهت مباراة جده بالتعادل هل بيكون الحضور كذا !! ...

لا تنسى ترا جماهير الهلال تخوف .. تخوف اللاعبين والادراه .. جماهير ماتبي غير الفوز ماتبي غير الذهب ..
اضافة رد مع اقتباس
  #3  
قديم 08/04/2007, 04:23 PM
موقوف
تاريخ التسجيل: 16/09/2005
مشاركات: 1,169
يابن الحلال بصراحه كلامك صحيح ولازم نساند الفريق
لكن من ناحيه ثانيه مو حرام يضيع مجهود السنه كلها في اسبوع بسبب او من غير سبب
والله حرام
لكن الحمدلله وان شاء الله الجاي احسن
اضافة رد مع اقتباس
  #4  
قديم 08/04/2007, 04:51 PM
زعيــم فعــال
تاريخ التسجيل: 11/08/2005
المكان: باريـــ نجد ـــس
مشاركات: 389
كلامك بالصميم ونحن باقين لمساندة الزعيم


دمت بود
اضافة رد مع اقتباس
  #5  
قديم 08/04/2007, 04:54 PM
زعيــم فعــال
تاريخ التسجيل: 07/02/2007
المكان: البيت
مشاركات: 242
يعطيك العافية

كلامك صحيح لازم نقف مع الهلال في كل الاحوال

وان شاء الله تكون هالخسارة خيره

ونحقق بطولة آسيا والدوري
اضافة رد مع اقتباس
  #6  
قديم 08/04/2007, 05:00 PM
زعيــم مميــز
تاريخ التسجيل: 09/10/2005
المكان: HILAL CLUB
مشاركات: 1,910
كـلامك صحيح خلنا مثل الجماهير الأوربية

تخيل فريق ليفربول كان خسران 3-6 ويشجع لأن عارف ان الاعبين يبذلون كل شي عندهم وهذا اليوم مو يومهم


على العموم موعدنا دائما في الدرة
اضافة رد مع اقتباس
  #7  
قديم 08/04/2007, 05:07 PM
زعيــم مميــز
تاريخ التسجيل: 28/08/2006
المكان: وين ماراح الزعيم
مشاركات: 2,769
والله انا معاك يامستر
دلخ بكل كلمة قلتها
وأنا اشهد في جماهير مهيب كفوو
تصير مشجعة للهلال
ومشكككور
ويعطيك العافية
اضافة رد مع اقتباس
  #8  
قديم 08/04/2007, 05:08 PM
زعيــم مميــز
تاريخ التسجيل: 07/05/2005
المكان: جدة
مشاركات: 6,148
يعطيك العافية

كلامك صحيح لازم نقف مع الهلال في كل الاحوال

وان شاء الله تكون هالخسارة خيره

ونحقق بطولة آسيا والدوري
اضافة رد مع اقتباس
  #9  
قديم 08/04/2007, 05:09 PM
زعيــم متألــق
تاريخ التسجيل: 23/10/2004
المكان: الــقــصـــيم
مشاركات: 1,460
والله إنك صادق والله خلعتني أحسبك أنت الي راح تعتزل والله يانا محهزلك كلام
اضافة رد مع اقتباس
  #10  
قديم 08/04/2007, 05:25 PM
زعيــم جديــد
تاريخ التسجيل: 12/01/2007
المكان: في قلوب المحبين والمحبات ترفق يا{اليسا}
مشاركات: 19
والله ذولا مايستاهلون ذهب المبارهباقي عليها اكثر من 20 دقيقه ونصهم طلعو >>>>من كثرهم عاد لاكن والله ذولا موب كفو بطولات انا اروح الملعب لو نزل الهلال درجه10000000000000000000 موب ماخذ الاول بالدوري والثاني بكاس اسيا والله حرام
اضافة رد مع اقتباس
  #11  
قديم 08/04/2007, 05:28 PM
زعيــم مميــز
تاريخ التسجيل: 13/10/2005
المكان: قلب الزعيم
مشاركات: 1,944
على الجماهير أن تتقبل الخساره كما تتقبل الفوز والفوز ليس ملازم لأي فريق في العالم ( يعني مافيه فريق ماينهزم)
اضافة رد مع اقتباس
  #12  
قديم 08/04/2007, 05:34 PM
الصورة الرمزية الخاصة بـ هلالي جامعه البترول
مشرف سابق في منتدى الجمهور الهلالي
تاريخ التسجيل: 02/05/2006
المكان: Khobar
مشاركات: 9,324
صدقت يالغالي مستر دلخ هههههههههههه


والله ياكثرهم هالاشكال .


موضوعك جا بوقته .

بس تبي الصراحه ماحنا متعودين ننام بدري زي البارحه.
اضافة رد مع اقتباس
  #13  
قديم 08/04/2007, 05:41 PM
الصورة الرمزية الخاصة بـ عـيـونـي 9 لـــك
زعيــم نشيــط
تاريخ التسجيل: 20/03/2007
المكان: الرياض
مشاركات: 782
والله ان جمهر امس فعال اكثر فعاليه من جمهور اللي حظر مع الفريق الكويتي

اضافة رد مع اقتباس
  #14  
قديم 08/04/2007, 05:42 PM
زعيــم مميــز
تاريخ التسجيل: 13/07/2005
المكان: الرياض
مشاركات: 3,333
أما بالنسبة للجماهير الي ما حضروا أمس بصراحه عليهم عتب كبير لحد يقولي اختبارات ولا مدارس الي يحب الهلال يحضر
مهما صار

أن شاء الله يكون الفوز من حليف الأزرق في ما تبقى من مباريات
اضافة رد مع اقتباس
  #15  
قديم 08/04/2007, 05:47 PM
زعيــم مميــز
تاريخ التسجيل: 02/05/2005
مشاركات: 2,644
يعطيك ألــــــــــــــــف عاااااااااااااافيه ياخوي MR.DL5

انا اوحيك كل روووووووح الرياضيه واسلوب التشجيع للزعيم


ولازم ياجمهوووووور زعيم القارة الأسيوية نقف مع الزعيم ونوساندة في مشوارة الكروي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:56 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube