#1  
قديم 07/04/2007, 10:49 AM
الصورة الرمزية الخاصة بـ دمي أزرق موووت
زعيــم مميــز
تاريخ التسجيل: 27/01/2005
المكان: ® قـلـبـكـ ®
مشاركات: 1,515
حلمي البارح اللهم اجعله خير 00 تعال وسع صدرك :)

السلام عليكم ورحمة الله


طبعا اكثركم شاف موضوعي عن احلامي الاربعه

والمباراة من اسبوع قالبه مخي فوق تحت

البارح قبل انام كنت شايل هم الحلم

لاني متأكد مليون في الميه بيكون عن المباراة مثل الايام الاربعه اللي قبل


المهم رحت انام تقريبا الساعه ثلاث الفجر او اربع او خمس <<< اختاروا اي ساعه


طلعت لغرفتي قلت ياااارب ان كان حلمي عن المباراة ان الهلال

يفوز في الحلم ومن الحماس بغيت احط علم الهلال جنبي عشان اذا حلمت اشجع فيه


جلست افكر قبل النوم انواع الهواجيس اللي مدري وش تبي

طبعا مو مني من المباراة صدقوني لحست مخي الله يعيني


اول شي فكرت في المباراة وفي الجمهور وقلت اكيد الجمهور ماراح يقصر

بعدين تغير التفكير وقلت لو كل واحد من جمهور الهلال بكره يعطيني

عشره ريال كم بيصير معي <<<<< انواع اللحسه


جلست احسبها ونسيت المباراة ههههههههههههههههههههههه

المهم اني ضربت عشره في سبعين الف وجلست احسب بيدي

في الظلام وكل شوي اعيد مااشوف يدي

بعدين حسيت ان الناتج كثير من الحماس بغيت اشغل النور



المهم ماعرفت كم الناتج وقلت في نفسي وش التفكير هذا انت مريض نفسي ؟؟ <<<< اكلم روحي


رجع تفكيري للمباراة وادور شي افكر فيه بعدين دخل في راسي سؤال

مو طبيعي قلت لنفسي ليش لي ثلاث سنوات او اكثر في منتدى

الزعيم ماعمري رديت على اخبار الزعيم من الصحف اول واحد

مالقيت رد لسؤالي قلت ياولد بكره المباراة وجالس تفكر

تفكير غبي خلك رجال وفكر في المباراة


والله ويطري علي المفرج ويطير النوم

قلت الله يارب احلم اني منحاش من السجن والمفرج حارس السجن ويلحقني

والله مايمسكني لووووووووووووووووووووووووول


بعدين سميت بالله وربطت حزام الامان عشان انام الا ويدق جوالي

واطالع الرقم ويطلع اخوي النصراوي الغثيث

قلت نعم قال ليش مانمت اكيد تفكر في الاهلي

قلت لا افكر في المسيار

قال بتتزوج مسيار ؟؟

قلت لا افكر كم واحد من جمهور المسيار بيحضر بكره مع الاهلي

وسكر السماعه في وجهي

وسميت بالله ثانيه عشان انام

ونمت وانا مادريت

وحلمت بس والله العظيم حلم ماهو يم المباراة ولا يتعلق لها بصله <<< صله والا هاتريك


حلمت بتوم وجيري

يمكن عشاني محروم يوم كنت صغير من افلام كرتون

حلمت ان جيري اللي هو الفار ماسك توم ويصفقه وهو يضحك <<<< بالله هذا حلم واحد عاقل ؟؟

صحيت من النوم بروح للدوام وابي اتذكر حلمي اذا كان

عن المباراة عشان احطه في منتدى الزعيم وتذكرت انه عن توم وجيري

ونقدت على نفسي

قلت بالله بتروح تقولهم حلمت عن توم وجيري واليوم المباراة قسم بالله يتوطون في بطنك

بس قلت اكيد ان الزعماء نفسياتهم تعبانه من المباراة

والتفكير فيها ياولد خلني اوسع صدورهم واشيلهم من هم المباراة

ولو شوي

________________________

يارب تنصر الزعيم اليوم

فمان الله وان شاء الله ماعاد اقولكم حلومي ابد

لاني عارف انكم حقدتوا علي بس تحملوا

سي يو ليتر
  #2  
قديم 07/04/2007, 10:53 AM
زعيــم نشيــط
تاريخ التسجيل: 07/02/2006
مشاركات: 527
ياحرام توقعتك بتحلم هالمرة بـ سانشيرو البطل المغوار
اقول ان شاء يفوز الزعيم ويصير الحلم واقع
  #3  
قديم 07/04/2007, 10:59 AM
زعيــم فعــال
تاريخ التسجيل: 26/01/2004
مشاركات: 365
هههههههههه

تسلم والله

والله جالس أقراء الأخبار

كلها متفائله لكني متوتر

تسلم
  #4  
قديم 07/04/2007, 11:04 AM
زعيــم متواصــل
تاريخ التسجيل: 16/07/2005
المكان: مكة المكرمة
مشاركات: 142
باذن الله اليوم سوف ننام ونحلم بالبطوله الزرقاء
بعد تجاوز الاهلي
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:17 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube