بسم الله الرحمن الرحيم
السلام عليكم ورحمة الله وبركاته
وبعد:
بيني وبينكم وما تعلمون أحد؟
وضع المجلس العام هاليومين ما عجبني أبد
ركوووووود ركووووود من الأعضاء ..... والزعيم موجووووود <<< ضيّع
وأغلب المواضيع جادة.. مافيها مواضيع توسع الصدر..!!

المهم:

والله ما في راسي شي أكتبه.. لا موضوع هادف ولا له مناسبة ولا هم يحزنون..!!
بس مسكت في راسي أضغط أيقونة إضافة موضوع جديد وتورطت...!!
فكرت وفكرت وفكرت <<< قسم بالله فكرت
بس ما عرفت وش أكتب؟
بالأخير قررت أستعيد ذكرياتي الخالدة أيام الثانوية العامة..!!
بس المشكلة هنا أن أغلب ذكرياتي بلاوي غير صالحة للنشر فاحترت..!!
وأخيراً اخترت الدفع بأخف الضررين :p وعزمت على كتابة موقفين لي مع الغش في الاختبارات..!!
المهم لا يكثر بس... خلونا ننزل تحت نشوف المواقف ونفتك:

__ __ __ __ __ __ __ __ __ __ __ __ __ __ __ __ __ __ __ __ __ __


الموقف الأول:


** في ثالث ثانوي كان علينا اختبار الشهر في مادة الجيولوجيا..!! مادة الجيولوجيا مثل مانتوا عارفين.. مادة غثيثة
ومدري وش تبي..!! المهم ذاكرت المادة زين.. وبعض المعلومات اللي تعيجزت أذاكرها برشمتها في ورقة صغيرة عشان أستخدمها إذا دعت
إليها الحاجة
جاء موعد الاختبار وكنت متفق مع واحد من جماعتنا -داج ماعنده سالفة- على أني أغششه الاجابات خصوصاً أن المدرس
دلخ ... أول ما وزع المدرس الأوراق... انقلب المدرس فجأة 180 درجة عن المدرس الخبل اللي نعرفه صار الأستاذ إذا حس
بالتفاتة بس يجي يفتش الطالب وياخذ منه الأوراق ويوقع على ورقته بالخصم المهم صاد الأستاذ أكثر من أربعة
طلاب ولأن مصائب قوم عند قوم فوائد.. كنت أستغل انشغال المدرس الدلخ بتفتيش الطلاب وأنقل من البرشامة اللي
عندي من نذالتي صرت أدعي إن الأستاذ يصيد أكبر كمية من الطلاب الغشاشين
تعرفون وش الواحد يسوي بعد ما يخلص من البرشامة صح؟ على طول أول ما خلصتها بلعتها ببطني
صارت بفمي مثل العلكة المهم بعد ما خلصت الحل في وقت قياسي بدأت بتغشيش ولد عمي الداج اللي قلت لكم عليه..
لكن ما مداني أعلمه بالسؤال الأول إلا والأستاذ جانا ونقل ولد عمي من مكانه ورجعه لآخر الصف عند الداجين
ما نفع مع الاستاذ استجداءات واستغاثات ولد عمي بأنه ما يقدر يفارق (ماصته) لحظة واحدة وبعد ما نقله واقتربت
الحصة من الانتهاء إلا ونسمع في الصف واحد يغني موال وصوته مثل وجهه كلنا التفتنا عليه.. وطلع ولد عمي اللي
خلاص خربها جاه المدرس وهدده اذا كرر الصوت انه بيسحب ورقته ويوديه عند المدير..!!
أنا لأني طيب القلب... رحمت ولد عمي... وقلت لازم أفزع له... لأني أخاف يصفقني بعد الحصة فرحت ويدي ترجف
وأكتب الأجابات على غلاف الكتاب اللي كنت مسند عليه ورقة الأسئلة.. ثم قطعتها بشويش حتى ما ينسمع الصوت..!!
وبعد ما قطعتها حسيت قلبي بيوقف من الخوف :p ما دريت كيف أوصلها له بآخر الصف.. لأني ما أقدر ألتفت أصلاً..!!
ولأن الحاجة هي أم الاختراع خطرت ببالي فكرة جهنمية.. بأني أحط الورقة في غطاء القلم وأرسلها له..
وانتظرت اللحظة الحاسمة... حتى اقترب المدرس من الباب ثم بحركة خطافية متعوب عليها مني رميت الغطاء تجاه
الداج ولد عمي.. ومن دلاخة ولد عمي ما كذب خبر فانحنى وأخذ غطاء القلم حتى شافه المدرس.. وانطلق صوبه مباشرة
أنا قلت خلاص انكشفنا بس المفاجأة اللي إلى الحين ما دريت كيف صارت.. أن المدرس ما مسك على ولد عمي
شي.. والحمد لله قدر ولد عمي بخبرته أنه يحل الأسئلة وأخذ 14 من 15 رغم أني أعطيته الأجوبة كاملة
وأنا أخذت 15 من 15...!! وعدت هذي المرة على خير..!!

__ __ __ __ __ __ __ __ __ __ __ __ __ __ __ __ __ __ __ __ __


الموقف الثاني:


** في نفس السنة من ثالث ثانوي كان علينا اختبار الشهر مادة الانجلش..!!
اتفقت مع داج آخر على أني أغششه لأني جيد نوعاً ما في هذه المادة... كان مدرس المادة مصري وكان بيني وبيني
ود واحترام..!! المهم بدأ الاختبار والداج خلفي.. بدأ المدرس بابعاد الطاولات عن بعضها لمسافة ما تسمح بالغش..!!
صارت مشكلة.. لأن هذا الداج يالله انه ينقل الاجابات بالعربي ومن مكان قريب... عاد كيف بالانجليزي.. لا والماصات بعد
متباعدة..!! المهم خلصت أنا إجاباتي قبل انتهاء نصف الحصة والداج اللي وراي ما كتب والله ولا كلمة غير اسمه بس:p
كان المدرس يمر على الطلاب ويشوف وش يسوون.. وأخينا في الله ما غير ماسك القلم ويلعب بخشمه الوسخ
حاولت أرفع له الورقة حتى يقدر يغش... بس الدلخ دلخ ما فيه فايدة حاولت وحاولت أقرب له الورقة بعد ما يعطينا
المدرس ظهره لكن ما نفع معه..!! عصبت عليه وقلت انقلع بس يوم سمعت كلمته يوم يقول تكفى سلطان تكفى!!
رحمته وبغيت أصيح .. وقلت: أبشر بعزك وأنا ابن غليص ثم التفت عليه بحركة لولبية خلال غفلة من المدرس
وسحبت ورقته وأعطيته ورقتي وبدأت بسرعة الحل في ورقة الدلخ الداج..!! ولما قربت أنتهي من الأجوبة
مر المدرس من جنبي.. فارتميت على الورقة وتحضنتها علبالي منهمك في الحل وأنا كنت أبي أغطي على الاسم
والأجوبة اللي شافني المدرس مخلصها من قبل..!! المهم المدرس مر من جنبي عادي وما لاحظ شي..!!
لكنه مر من جنب الدلخ666 اللي وراي على طول اكتشف أننا تبادلنا الأوراق
تدرون ليه؟
لأن الدلخ الغبي جالس طبيعي كأنه في كوفي شوب مرتاح ومخلي الورقة عادي وحاط يده على الاسم مغطي عليه
الشرهة مهيب عليه الشرهة على اللي يغشش الدلوخ..!!
المدرس ما ينلام... شاف ورقة الدلخ بيضاء وبعد أقل من خمس دقايق يلقاها كلها زرقاء
المهم المدرس طلب الورقة من الدلخ يبي يشوفها.. والدلخ رفض.. وحاول يسحبها المدرس.. لكن الدلخ استبسل في الذود
عن ورقتي اللي معه وبعد شد وجذب راح المدرس يقول أنه بينادي المدير... وكان قصده اني ارجع ورقتي من الدلخ.
أول ما طلع المدرس التفت أنا على الدلخ أبغى أرجع له ورقته... إلا والغبي أشوفه يشطب على اسمي
قلت: يا غبي الله ياخذك وياخذني معك ان غششتك ثاني مرة بعدها عرفت اننا رحنا فيها.. فقلت خربانة خربانة
ورحت أنا مثله آخذ طامس وأعدل بالاسم -خلاني دلخ مثله-
طبعاً رجع المدرس بسرعة وما نادى المدير ولا شي..!! بعد ما انتهت الحصة وسلمنا الأوراق شاف الأسامي مغيرة
وقال: (أصفااااااار)
طبعاً بعدها رحت عند المدرس واعترفت له بالخطأ وعطيته من الكلام الحلو.. وذكرت له أننا بثالث ثانوي واننا مثل عياله
وأننا أخطينا وما تهمنا الدرجة قد ما يهمنا رضاه عنا << ايه هين
بالأخير رضى يعيد لنا الاختبار... وجاب نفس الأسئلة بالضبط..!! أنا أخذت درجة كاملة .. والدلخ أخذ 8 من 15
والله لا يعيد علينا ذاك اليوم


__ __ __ __ __ __ __ __ __ __ __ __ __ __ __ __ __ __ __ __ __


&) ما يستفاد من الموقفين:


1) أن الغش حرام وعاقبته تكون وخيمة.. قال -صلى الله عليه وسلم-: "من غشنا فليس منا"..!!

2) أن الغش وإن أتى بنتائج وقتية ولكن نتائجه فيما بعد تكون ضارة وتقتل الاعتماد على النفس.. واسألوا مجرب ;)

3) إذا كنت بايعها وما اقتنعت بكلامي ومصرّ تغش..!! على الأقل لا تحاول تغشش دلخ ينكبك وتروح فيها معه

4) أن أكل البراشيم على الريق بعد الانتهاء منها يسبب المغص الشديد..!!

5) الدنيا مالها أمان... المدرس الدلخ ممكن يتحول بين ليلة وضحاها إلى أسد مفترس... فخذ احتياطاتك للغش مبكراً..

6) أني دافور.. والمادتين اللي ذكرتها لكم أخذت فيها 15 من 15... اذكروا الله لا تنظلوني




مـلاحـظـة هـامـة: أنـا تُـبـت مـن الـغـش..!! فلا أشـوف أحـد يـوطـوط هـنـا يـقـعـد يـغـثـنـي ويـتـفـلـسـف عـلـي..!!

أتمنى أن تكونوا استمتعتم معي بهذين الموقفين من اعترافات غاش ومغشش..!!
ودمتم في رعاية الله..!!

المشاغب

إقتباس الرسالة الأصلية كتبت بواسطة ღكلي هلاليღ استغفر الله من غشنا فليس منا ,, صراحه أنصدمت طلعت غشاش؟ بالله أقطع العلاقه اللي بينا خخخخخخخخخخخ ايام زمان,, أحسن فترة غش عندي الثانويه كنت أجي أختبر العصر أدهن سير هالمدرس المصري ويعطيني ورقة الاختبار واحل عنده واذا ماعرفت شي حل الاسئله عني.. أذكر أخر سنه لي بالثانويه ,, كان علي اختبار بس ناسي وش الماده بس هي بالاختبارات النهائيه,, المهم أخبر أن أخوي خلص الاختبار وطلع ومادريت الا جوالي جايته رساله,,واتلفت يمين ويسار عرفت أن محد سمع صوت النغمه,, واطلع جوالي واناظر الا رساله من أخوي وفيها كل الاجوبه وخذلكم غش <-- ونعم الاخوه :p واستمرينا على عالحال بكم أختبار,, ,, المشاغب لاتسهر ثاني مره ,,تعرف الفيوزات تضرب

أوووووووووخس ياللي ما تغش

أنت أكبر غشاش في الشرق الأوسط... يا دب!!

أنا إن كنت غشيت زمان... فعلى الأقل أنا ما أغش وأرشي المدرسين مثلك

شكلك تقرب لأبوالبلاوي؟ أنا من زمان كنت أحسك مندس بس ماحد صدقني

تحياتي أخوي سلووم... وتشرفت بمرورك يا غشاش

قسم بالله شوي وأموت من الضحك .. يالمشاغب

آآآآآآآآآه ما أدري وش أقول بطني يعورني من الضحك ..

تصدق إني قعدت أكثر من ربع ساعة أضحك لحالي تقل مهبول

وإلى الحين ما لقيت رد إلا هههههههههههههههههههههههههههههههه

. . . لكن أبرد عليك بعد شوي عشان أجيبلك رد محترم . . :p


وسلااااااااااااااااااام . . .

إقتباس الرسالة الأصلية كتبت بواسطة القيصر بكنباور قسم بالله شوي وأموت من الضحك .. يالمشاغب آآآآآآآآآه ما أدري وش أقول بطني يعورني من الضحك .. تصدق إني قعدت أكثر من ربع ساعة أضحك لحالي تقل مهبول وإلى الحين ما لقيت رد إلا هههههههههههههههههههههههههههههههه . . . لكن أبرد عليك بعد شوي عشان أجيبلك رد محترم . . :p وسلااااااااااااااااااام . . .

إن شاء الله هالضحكة دووم يا رب..!!

تشرف بمرورك يا قيصرنا... وبانتظار ردك المحترم..!!:p

تحياتي

إقتباس الرسالة الأصلية كتبت بواسطة 20 ياسر الجابر 9 هههههههههههههههههههههههههههههههه الله يرج بليسك يالمشاغب أجل تاكل البراشيم ههههههههههههههههههههههههههههه تسلم هالأيادي صراحه وكل موقف أحلى من الثاني ,,

ويرج ابليسك انت بعد

ترى أكل البراشيم مفيد للصحة إذا ما كان على الريق.. بيخليك دافوور

تسلم يالغلا على مرورك الجميل..

تحياتي

إقتباس 2) أن الغش وإن أتى بنتائج وقتية ولكن نتائجه فيما بعد تكون ضارة وتقتل الاعتماد على النفس.. واسألوا مجرب

عليك نور
ومن شبّ على شيء شاب عليه

إقتباس الرسالة الأصلية كتبت بواسطة الجاحظ عليك نور ومن شبّ على شيء شاب عليه

صدقت أيها الجاحظ أثابك الله... وجزاك الله خيراً..

دمت بحفظ الذي لا تنام عينه..!!

تقبل أصدق الأماني من بنيّات قلبي وحشاشات جوفي يا أخا العرب..!!

<<< ترون ما انهبلت بس لازم أتكلم الفصحى مع الفلاسفة..!!

ههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههه
ههههههههههههههههههههههههههه
ههههههههههههههههههههههههه
هههههههههههههههههههههه
هههههههههههههههههه
هههههههههههههه


الله يرجك اقسم بالله بغيت اموت غصيت بالفطور حسبي الله عليك

اخوي سلطان بدون زعل
لو لي ولد عم مثل ولد عمك كان انتحرت


ذكرتني بمعاركي وبطولاتي ايام الثانوي

اتذكر ايام ثالث ثانوي يوم من الايام كنت مفاخت (( اي ما دخلت المدرسه)) وطالع مع الشباب للثمامه الجو كان روعه
وانا ما ابي الواد يدري عني فطرح واحد من العيال فكره مثل وجهه وانا سويتها من دلاختي ايضا
دقيت على الوالد قلت له يمكن يدقون عليه المدرسه لاني تعبان ابي اطلع قال الوالد انزين
عاد جلس الوالد حدود ساعة ما احد دق عليه قام وراح للمدرسه يحسب ان فيني شي
دخل وقال له الوكيل (( لو اشوف الوكيل توطيت ببطنه )) طبعاً الوكيل ما يواطني بعيشت الله
قال ولدك ما درس اليوم وسرد له ملفي الاسود كله
عاد انا رجعت البيت بس تصدقون ابوي ما توطئ ببطني

إقتباس الرسالة الأصلية كتبت بواسطة الـمـشـاغـب تكفى سلطان تكفى!!

يا شباب ترا اسم المشاااغب الحقيقي سلطااااااان <<<< جاب شي جديد هو ووجهه

إقتباس الرسالة الأصلية كتبت بواسطة ღ سيموღ المشاغب يالدب ..! تو أدري أنكـ غشـااش .. بروح أعلم الأستاذ ..! موقفين حلوووين ..والغش أكيد له سلبيات وأول السلبيات عدم الأعتماد على النفس ..!! ويكفي حديث الرسول صلى الله عليو وسلم " من غشنا فليس منا " ,, بالنسبة لي ماعمري بحياتي غشيت ولا غشيت أحد أو علمته ..!! لأنه كلما حاولت أتذكر حديث الرسول عليه الصلاة .. وبعدين أنا دااااااااااافور ليش أغش !! الله يعين بكرا اختبار رياضيات ..!! الطلاب بيقولون غششنا يا سليمااااانـ .. وأنا مستحيل أسااعدهمـ ..! أقول لهم .. " وحديث الرسول مافهمتوه ..!! " عاد همـ بلحظة يعصبون ..!! والله ! مايدرون ! عللى كيفهم .. ! يعني لازم أغششهم ..!!! ودعواتكمـ لنا يا زعمـاء " لطلاب الثالث ثانوي " !! دمتـ بخير ميشوو ,, " سليمااااااانـووووه "

هلا وغلا بحبيب قلبي سليمان الدب

أووووووخس يالبريء ياللي ما تغش :p

يا حليلك يالدافور اللي ما يغشش

لو أنك كنت معنا بصفنا كان سوينا لك مقاطعة جماعية ماحد يكلمك ولا يناظر فيك

بس أحمد ربك أنك مع ناس طيبين!!

بس إذا ما كنت مطوع يا سيمو... ساعد أخوياك المساكين

حرام يرسبون وأنت تقدر تساعدهم

شكلي بأخربك؟

ترى أمزح معك.. لا تحملني وزرك :p

أسعدتني يالغالي بمرورك الجميل.... لا عدمنا تواصلك الحلو يا حلو

تقبل تحياتي..!!

إقتباس الرسالة الأصلية كتبت بواسطة هلاليه@ميلانيه هههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههه لحظه لحظه ماخلصت هههههههههههههههههههههههههههههههههههههههههههههههه لحظه لحظه باقي اخر مررررررره :p ههههههههههههههههههههههههههههههههههههههههههههههههه والله عليك مواااااااقف خطيييييييييييييييييييييييييييييره من جد والغش انا والله عن نفسي مااغش ولا اغشش وبماأني دافوره -ماشاء الله علي- كل البنات الي بفصلنا اذا كان عندنا إختبار يقولون لي اغششهم وانا اقوول :لالالالالالالالالالالا انا مااغشش;) عاد يقولون : شكلك إلا الحين ماطلعتي من الابتدائي والله شكلك الا الحين بزر <<<<انرحم صح الحين صار الي مايغشش بزر حتى لو كان كبير والي يغشش كبير حتى لو كان بزر يعطيك الف الف عااافيه اخووووي والله لايحرمنا من مواضيعك الحلووووه

هلا والله بهلالية ميلانية..!

عساها دووم هالضحكة يا رب..!!

بس إذا تبين الصراحة؟ وما تعلمين أحد؟

المفروض أنك تغششين خوياتك.. عشان ما يكرهونك..!! ساعديهن وما بيضرك شي..!! وصدقيني راح تكبرين في
عيونهن..!! بس لا تغششن أي واحدة؟ غششي بس خوياتك اللي تمونين ويمونن عليك

الله يعافيك يا رب..!!

ولا يحرمنا من تواصلك الجميل والرائع خيتووو...!

إقتباس الرسالة الأصلية كتبت بواسطة الـمـشـاغـب هلا والله بهلالية ميلانية..! عساها دووم هالضحكة يا رب..!! بس إذا تبين الصراحة؟ وما تعلمين أحد؟ المفروض أنك تغششين خوياتك.. عشان ما يكرهونك..!! ساعديهن وما بيضرك شي..!! وصدقيني راح تكبرين في عيونهن..!! بس لا تغششن أي واحدة؟ غششي بس خوياتك اللي تمونين ويمونن عليك الله يعافيك يا رب..!! ولا يحرمنا من تواصلك الجميل والرائع خيتووو...!

ههههههههههههههههههههههههههههههههههههههههههه

هذي المطلوب بس

سم طال عمرك ...

تامر أمر والله ...