اقتداءً بسعد الحارثي !! الخوجلي والصقور وماساماسو بعد يخصصون لهم جوال (ادخل واضحك!! )
بســــــــــم اللــــــه الرحـمــــــــــن الرحيـــــــــم
هذي المره الأولى لي اللي أكتب فيها مشاركه في قسم الرياضه السعوديه !!!! وأتمنى انها ماتكون ثقيله عليكم .......
وقبل ماتقرأون أي شئ ..... أقولها علـــى بلاطه
( كانك مشغول ولاأنت فاضي لاتكمل الموضوع
)
زي مالكل عـــارف أن نجمنا ونجم آسيا وسفير النوايا الحسنه الكابتن سامي بن عبد الله الجابر طلع له جوال خاص فيه وأشتمل على اخباره الخاصه وانجازاته الخ ....
وهذا شئ طبيعي قياسا باإنجازاته وأسمه ومركزه وثقافته !!!!!
بس المشكله
وعلى ماسمعنا أن سعد الحارثي بيطلع له جوال خاص فيه
!!!
وأنا للحين ماأدري وش بيشتمل عليه هالجوال .... هل هي انجازاته ولا اخباره !!!
ولا زي ماقالوا الاخوان هنا ( يمكن راح تكون القنوات كالتالي ( طلع الحارثي من النادي !!! دخل الحارثي للنادي !!!!! راح يعبي سعد الحارثي من المحطه اللي جنب بيتهم بنزين
!!!!! حمل الحارثي مادة سلم 104 للمره الثالثه على التوالي في كليه التربيه
!!!! )
وعلى ماسمعنا بعد !!!! ان سعد الحارثي خصص جميع ارباح ومدخلات الجوال لحفل اعتزاله
!!!! لأنه عارف البير وغطاه !!!! وعارف ان مجودي وهو مجودي ماحطوا له حفل اعتزال !!! عشان كذا ميئس الولد من الوضـــع !!!!!!!
المهم ........ يوم سمعوا لاعبين النصر ان سعد بيحط له جوااال
قالوا اجل حنا وش ينقصنا عنه !!!!! طوالي بكره كلهم راحوا للاتصالات السعوديه طالبين لهم جوالات خاصه
!!!!!!!
وللأ سف كلهم انطردوا !!!!! لا وفوق كذا وعلى ماسمعنا هددت الاتصالات السعوديه نادي النصر السعودي بعدم التعاون مره اخرى معهم اذا ازعجوهم مره ثانيه هالكديش
!!!!!!!
المهم ...... يوم انكرشوا هالكديش ..... وعلى رأسهم الخوجلي وشراحيلي واحمد سعد والصقور وحتى ماساماسو كان معهم
قالوا مالنا إلا موبايلي !!!!!!! طبعا اللاعبين يوم شافوا ان الوضع صعب قالوا ورى مانخصص جوال عند موبايلي ويكون لنا جميعا
يعني جوال لخمس لاعبين !!!!!
راحوا لموبايلي وقالوا القصه كيت وكيت !!!!!! بالبدايه رفضت موبايلي الفكره شكلا ومضمونا
!!!!
لكـــــن .... بعد بكاء أغلب اللاعبين
قالت موبايلي ياللـــه نكسب اجرهم على الاقل !!!!!!!
وبعد ماوافقت موبايلي على الفكره ...... مابقى الا التنفيذ
!!!!
المهم .. اجتمعت موبايلي بالاعبين واتفقت على انشاء خمس قنوات تكــــــون كالتالي !!!!
وكانت مسميات القنوات كالتالــــــــي !!!!!!
القناة الاولى .... وهي الخاصه بمحمد الخوجلي ...... كيف تعرف مقاس احذيه المهاجم الذي امامك
القناه الثانيه .... وهي الخاصه بشراحيلي ..... كيف تتفادى الاصطدام بالسيارات الاخرى ( خاصه اذا كان موترك اكسنت
)
القناة الثالثه .... وهي الخاصه بأحمد سعد ..... أسرع طريق للنجوميه في خانه الظهير الايسر
القناة الرابعه .... وهي الخاصه بحمد الصقور ..... كيف تتحول من رأس حربه ناجح إلا قلب دفاع ناجح ايضا
على فكره بدايات الصقور كان يلعب راس حربه !!!!! اللحين ماأفلحت بالدفاع تفلح بالهجوم
القناة الخامسه ..... وهي الخاصه للمدعو ماساماسو
..... كيف تكون مصدر نكبه في خانه الدفاع
عفوا ........ خطأ مطبعي بسيط !!!! القناه الخامسه بأسم ( كيف تصبح مصدر ثقه في خانه الدفاع
)
والآن يعيش هؤلاء اللاعبين اوقاتا عصيبا قبل طرح هذا الجوال !!!! خوفا من الفشل الذريع !!!!!
على العموم الله يوفقهم ان شاء اللـــه ..... وعقبال اشرطه الفيديو الخاصه فيهم بعد
اسف على الاطاله .... على فكره الموضوع هذا مايقلل من اللاعبين كاأشخاص خارج الملعب .... وانا احترمهم واقدرهم برى الملعب .....
لكن داخل الملعب
اسمح لي !!!!!!!!!
تحياتـــــــــي ...........