#1  
قديم 27/03/2007, 05:32 PM
موقوف
تاريخ التسجيل: 05/02/2006
مشاركات: 216
سبب إنخافظ مستوى الاعب ياسر القحطاني ؟؟ وسعد الحارثي احسن منه !!

السلام عليكم ورحمة الله وبركاته

طبعاً هذا اول موضوع لي بشبكة الزعيم جماهير ( نصف الأرض )

لي سنه مسجله بالمنتدى وكل يوم اتصفح ودائمً اجرب اشوف تفعل او لسى

وادخل اليوم الثلاثاء وصار مفعل ,, جاء التفعيل صادفه مع إجازة ابو متعب

الحمدللله حظي حلو ,,

المهم بصراحه انا طبعاً يومياً ادخل منتدى الزعيم واتصفحه اقل شي ثلاث ساعات

طبعاً الأوقات تكون متخلفه ,, المهم الأيام الأخيره لاحظت كل المواضيع

(( سبب إنخفاظ ياسر القحطاني ))

وناس تقول الله يستر لا يصير مثل (( سعد الحارثي ))

اول شي بتكلم بالنقطتين هذي وراح اطرح لكم وجهة نظري ,,

طبعاً قابله لصواب وقابله للخطاء , وتأكدو ياجماهير الزعيم إنه كلكم صعبه تقتنعون بكلامي ,, لكن الكل راح يحترم (( وجهة نظري ))

ومسألة الأقتناع تختلف من شخص لشخص ,, والأختلاف بالرائي لايفسد من الود قضية

بسم الله الرحمن الرحيم

بالنسبه لأنخفاظ مستوى ياسر القحطاني

انا اقولكم ياجماهير الزعيم ,, إنه اي لاعب بالعالم معرض لمرحلة (( إنخفاض )) المستوى ,, وتختلف طبعاً الأسباب ,,

وبالنسبة لياسر ,, مالومه لو إنخفض مستواه ,, والاسباب واضحه ,,

طبعاً ياسر ثلاثة ارباع مبارياة الموسم كان يلعب مهاجم لحاله قدام ,, ولعب مباريات قويه ,, مع الزعيم ومع المنتخب ,,

فطبيعي إنه يكون السبب (( الأرهاق )) ,, ياسر إنسان وعنده طاقه ترى ويحس ,,

والأن اهو مرهق ويحتاج لراحه لأقل ولأكثر حتى يرجع لمستواه المعروف طبعاً ,,

وياسر لاعب مهاري درجه اولى وهداف من طراز نادر ولاعب كبير وفكر إحترافي

و ( الكبير كبير ) مهما كان ومهما صار ,,

وصدقوني لاتسوون ضغط علا ياسر وإصبرو عليه حتى يرتاح شوي وإن شاءلله يرجع لكم مثل اول واحسن بكثير بعد ,, كلها مسألة وقت (( راحة )) لأقل ولأكثر ,,,


# ملاحظـة :- لاحظة من خلال متابعتي الأيام اللي طافت كلام كثير من الجماهير الهلالية إنهم خايفين يصير لياسر مثل ماصار لسعد ,,

وانا هينا بوضح لكم شي ,, وانا ادري صراحتي ممكن تزعج بعض الجماهير الهلاليه

لكن تحملوني انا اللي بقلبي علا لساني وماني متعصبه واقول الصدق والشي الواقعي والمنطقي واللي اشوفه قدامي ,,

بالنسبة لسعد الحارثي \ اللي يقول لايصير لياسر مثل مايصير لسعد ,, كأنه سعد

لاعب عادي مثلاُ او إنه مافيه فائده ,, هذا واضح من اللي ذكرته لكم ,, لكن انا اقولكم

سعد الحارثي لاعب كبير ومستواه كبير الفني والأخلاقي والكل يشهد له بالشي هذا ,,

الأن سعد الحارثي يلعب مع فريق النصر مع إحترامي الشديد له فريق (( متهالك ))

واهو اللي شايل النصر لحاله تقريباً ,, إنتو لاحظو إذا لعب سعد مع النصر كيف يصير المستوى ؟؟ وإذا مالعب وش يصير لمستواهم ؟ فيه فرق او لا ؟؟

والشي الثاني سعد \ انا شفته بصراحه في مباريات مع النصر ضد الشباب وقبلها بعد ومباراة الأتفاق ,, بصراحه بلعكس الاعب مستواه حلو جداً ولاعب لياقته عاليه وفكره كبير ولاعب كبير لكن الفريق اللي موجود فيه إهو للأسف مايخدمه كثير ومع هذا كله مقدم اللي عليه واكثر ,, يرجع يساند مع النصر يصنع ويسجل ,,

تبون تتأكدون من كلامي ( شوفو مباراته ضد الشباب والأتفاق ) شوفو مستواه

وشلون يلعب ( يرجع يغطي ويصنع بالوسط ويتقدم ويسجل ) إرجعو شوفو الهدف

اللي جابه علا المرمى الأتفاقي ماعتقد لاعب عادي يجيبه مستحيل او اي لاعب يجيبه

الهدف هدف جميل جداً ولايجيبه إلا لاعب كبير ,,

ولاحظو إنه سعد الحارثي مع الفريق المتهالك حتى الأن (( هداف بطولة العرب ))

هذا ومامعاه وسط مثل (( التائب - الشلهوب - عزيز - التمياط ))

ولا اظهره ولادفاع فريق فاشل جداً ولا اجانب فريق متهالك فريق حواري بصراحه ,,

ومع هذا كله بصراحه انا اتوقع لو سعد يصير مع ( الهلال - الوحده - الشباب - الأهلي )

راح يسوي هوااااااااااااااااااااااايل ,,,


وانا اقولكم شي وتذكروه ياجماهير الزعيم

راح نلعب مع النصر إن شاءلله بعد كم إسبوع ,, إذا لعب الحارثي راح نشوف

وش يسوي ضدنا ؟؟؟ وإهو مع الفريق المتهالك !!


# إمنية \

اتمى إدارة الهلال تتعاقد مع الاعب سعد الحارثي ( إعاره ) في البطوله الأسيويه
خصوصاً إنه النصر مو محتاجه ولاينافس علا شي ابداً ,, ويكون بديل لياسر
سبحان الله توقف إصيب ,, كل شي جايز ,, ولاتقولون عندنا مهاجمين
انا ادري عندنا لكن اللي عندنا سعد افضل منهم من جميع النواحي ,,

والشي الثاني \ لاتقولون إدارة النصر مستحيل توافق ,, الوقت هذا زمن الأحتراف
إدفع فلوس يجيبونه .. ونادي النصر الأن محتاج لريال الواحد يعني لو دفع الهلال
راح يوافقون ولهم الشرف بعد إنه لاعبهم سعد يلعب بالهلال ....


اضافة رد مع اقتباس
  #2  
قديم 27/03/2007, 05:49 PM
موقوف
تاريخ التسجيل: 29/04/2006
مشاركات: 1,854
حياك في أول مشاركه بس تبين رأيي بدون تعصب سعد الحارثي لاعب جيد بس مو مثل ياسر من جهة أنه هداف دوري أبطال العرب فأغلب أهدافه قدام الفريق الجيبوتي نقطه مهمه سعد لاعب يحب الأنا كثيرا ومهارته عاديه جدا وسعد له اربع سنين مع النصر وياسر برز قبل ما يجي الهلال يعني كان مع فريق القادسيه وهو من الفرق العاديه ولا تنسين قبل سنتين بأخر سنه له مع القادسيه شلون تأهل القادسيه على حساب النصر وشوفي القادسيه من يوم راح ياسر وهو يصارع الهبوط .
نقطه مهمه سعد لعب أغلب مباريات الدوري وماسجل الا 3 أهداف هدفين من ضربتي جزاء وهميتين وهدف في مرمى الاتفاق وللامانه هدف جميل على فكره نقطه أهم ياسر أساسي بالمنتخب من بطولة العرب 2002 يعني من يوم كان بالقادسيه وهو أساسي المنتخب.
تقبلي مروري
اضافة رد مع اقتباس
  #3  
قديم 27/03/2007, 05:58 PM
الصورة الرمزية الخاصة بـ R A M O S
زعيــم مميــز
تاريخ التسجيل: 13/12/2006
المكان: الـريآض :)
مشاركات: 3,236
سمعتو اخر نكته يقولك في هلالي قال ل نصراوي مفروض لاعبكم

يقول اذا خذنا بطوله بعتزل !!

فهمتم يعني سعد الحارثي

ههههههه

نرجع لموضوعك يالغاليه

اول شي مبروك المشاركه الاولى

ثاني شي عن سعد ذا لاعب النصر مب معطينا اياه

بالعربي صالح بشير ولا القحطاني اللي مع الاتفاق افضل منه بمراحل

ثالث شي اتكنى التعاقد مع مالك

وسلامتكم
اضافة رد مع اقتباس
  #4  
قديم 27/03/2007, 06:01 PM
زعيــم فعــال
تاريخ التسجيل: 18/08/2006
مشاركات: 300
بصراحة ياختي انا معك ان سعد لاعب ممتاز لكنه ناظري لعبه ولعب ياسر ..

وإذا كانت الأدارة بتستعير سعد اتمنى انها ماتستعير فيه مالك معاذ افضل منه...
اضافة رد مع اقتباس
  #5  
قديم 27/03/2007, 06:23 PM
زعيــم فعــال
تاريخ التسجيل: 28/05/2005
مشاركات: 300
أما مسألة الإرهاق لياسر تكون جائزة
ولكن ما استغربه من الإدارة لماذا لم تعطي ياسر إجازة أسبوع وغيره من اللاعبين
--------------------------------------------------------------------------------
سعد الحارثي لاعب جيد ولكن ليس بمواصفات ياسر
--------------------------------------------------------------------------------
ياسر يتميز عن كل مهاجمين الفرق السعودية بمزايا لا يمكن حصرها
--------------------------------------------------------------------------
ممكن أن يحسم لقاء بمفرده بمهارته العالية وتركيزه والحس التهديفي

أما إعارة سعد فأعتقد أنه لن يضيف للهلال أي شيء يذكر .
مهارات سعد محدودة ولن تفيدنا بشيء

الباشا
اضافة رد مع اقتباس
  #6  
قديم 27/03/2007, 06:33 PM
زعيــم فعــال
تاريخ التسجيل: 04/12/2006
المكان: السعوديه
مشاركات: 290
مانبي سعد عندنا مهاجمين افضل منه بمراحل وان احتجنا لمهاجم فيه اللي افضل من سعد الحارثي مالك معاذ صالح بشير
اضافة رد مع اقتباس
  #7  
قديم 27/03/2007, 06:42 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
طيب خلي ياسر يلعب ضد الفريق الجيبوتي وشرط ان يجيب 40 هدف ..!!

سعد الحارثي انا صراحة اشوف انه فاشل وما يقنعني اداه ..!!

وبعدين اكثر النقاد والمحليين يقولون ان سعد الحارثي صار يلعب وهو رافع خشمه ..!!

يعني حاط نفسه ان معصوم عن الخطا ..


والحارثي كان لاعب مبدع وفنان ... لكن البحث عنا لشهرة والانانية دمرته ..!!
اضافة رد مع اقتباس
  #8  
قديم 27/03/2007, 06:56 PM
زعيــم مميــز
تاريخ التسجيل: 15/01/2001
المكان: بريـــده
مشاركات: 2,752
مسأله انخفاض مستوى ياسر تعتبر نسبيه وكل شخص ممكن يعزوها الى اسباب يراها من وجهه نظره ولست في صدد نقاشها الان , الذي اريد ان اقوله هو ان سعد الحارثي لاعب موهوب وماهر وهذه لا اختلاف عليها ومسأله انه افضل من ياسر قد تدخل فيها الميول والتعصب لكن الواقع ان ياسر قبل فتره كان في قمه توهجه وكان يسجل الاهداف في كل مباراه تقريبا بينما سعد الحارثي كان العكس ورغم ذلك لم نخرج ونقول ان ياسر افضل فالذي اريد ان اقوله هو ان الحكم بأفضليه لاعب على الاخر لاتقاس بعطاء اللاعب بفتره معينه التي قد لاتعكس مستواه الحقيقي فالمفروض ان ينظر الى كل لاعب وهو في قمه مستواه ومن ثم ينظر الى جميع الجوانب الفنيه فقط

وبصراحه لا اتمنى استعاره سعد الحارثي من النصر ليس لانه لايستحق بل لاعتبارات اخرى ليس لها علاقه بالناحيه الفنيه وهو بالمناسبه افضل من مالك معاذ بمراحل
اضافة رد مع اقتباس
  #9  
قديم 27/03/2007, 07:04 PM
زعيــم نشيــط
تاريخ التسجيل: 01/04/2003
المكان: الرياض
مشاركات: 512
ياليتهم مافعلوا اشتراكك

وش قال مابقى الا راؤول النسيم تقارينه بسعد
اضافة رد مع اقتباس
  #10  
قديم 27/03/2007, 07:21 PM
زعيــم متواصــل
تاريخ التسجيل: 27/04/2005
مشاركات: 157
سعد افضل من ياسر <<=-=- ماني مصدق في احد يقدر يقول كذا

حتى النصراويين معترفين صراحه غريبه

والله والله مو تعصب ولاشي بس اقول الحقيقه مافي اي وجه مقارنه بينه وبين ياسر

ياسر افضل بكثير
اضافة رد مع اقتباس
  #11  
قديم 27/03/2007, 07:25 PM
زعيــم متواصــل
تاريخ التسجيل: 05/12/2006
مشاركات: 50
نصراوي متستر ..
اضافة رد مع اقتباس
  #12  
قديم 27/03/2007, 07:26 PM
زعيــم متألــق
تاريخ التسجيل: 20/04/2006
مشاركات: 1,338
سعد الحارثي
والله كان يصير حديث النصراويين لمدة عشر سنين وما نفتك من منتدياتهم وجرايدهم
سعد جاب لكم البطوله
سعد جاب النقطه
سعد كان سبب في التعادل
سعد انقذ الهلال
سعد افاد الهلال
سعد حرك لعبي الهلال وتاثروا فيه
سعد جاب للهلال الدوري العام الماضي لانه لعب السنه هاذي
سعد علم الهلال الكره
سعد جاب جماهير جديده للهلال
سعد اشهر الهلال اسيويا
سعد خلى الهلال عالمي
سعد جاء للهلال وهو ضعيف فنيا وافادهم
سعد وسعد وسعد
فكونا عندنا
الذيب وياسر والفان والصويلح والخراشي كلهم نجوم
وان بغينا احد ما فيه الا مالك او الشمراني اي شي من النصر ما نبيه لو كان ذهب
ولو ما فيه احد
نحط الهليل راس حربة ... بس سعد لالالالالالالالالالالالالا
اضافة رد مع اقتباس
  #13  
قديم 27/03/2007, 09:37 PM
الصورة الرمزية الخاصة بـ العسيري الهلالي
زعيــم مميــز
تاريخ التسجيل: 18/09/2003
المكان: عروس ( ج ـدة) البحر الاح ـمر
مشاركات: 2,386
اقوول

اتركوو سعد في ناديه مانبيه

عندنا العنبر أحسن من سعد الحارثي

شوفوا العنبر كم سجل هدف مع الهلال ومع المنتخب ...!



اتركوونا من اي لاعب نصراوي مانبيه مانبيه
اضافة رد مع اقتباس
  #14  
قديم 27/03/2007, 09:46 PM
زعيــم متألــق
تاريخ التسجيل: 06/07/2005
مشاركات: 1,477
وش جابـ لـ جابـ


سعد الحارثي لاعبـ عادي جدا ولا يمكن ان يقارن بالقحطاني

سبب شهرة سعد ان افضل الموجدين في النصر فقط


اما مسألة انتقاله للهلال او اعارته ما راح تفيدنا بشي

عندنا لاعبين أفضل منه و اذا بنجيب لاعب من خارج أسوار المنتدى ياليتـ يكون معاذ او او بشير
اضافة رد مع اقتباس
  #15  
قديم 27/03/2007, 11:54 PM
الصورة الرمزية الخاصة بـ ابوفي
زعيــم مميــز
تاريخ التسجيل: 01/05/2005
المكان: تبوك+مكه
مشاركات: 2,854
بيرجع الكااسر ان شالله بس انتظرو عليه ولاتقسوا عليه تري الكااسر بشر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:55 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube