#1  
قديم 26/03/2007, 06:31 PM
زعيــم مميــز
تاريخ التسجيل: 08/09/2006
المكان: الرياض
مشاركات: 2,059
Talking الرجال حرمه والحرمه رجال <<<< ياليت

مساء الخير/ صباح الخير على الجميع..... وأليكم المزيد من التخيلات والمزيد من الهبال

تخيلوا الحرمه رجال والرجال حرمه هذا موضوع اليوم


الأمثله:--------------------------------------------------------------------------------

تخيلو العكس الحرمه تقوم بنفس اعمال الرجال والرجال يقوم بنفس اعمال الحرمه... علشان تعرفون اننا مقصرين في حقهم ...
1
ــــــــــــــــــــــــــــــــــ
سعد عمرة 26 سنة خلص دراسته وقاعد ينتظر بنت الحلال الي تضفه (الله من واحد بيقعد بها لو الوضع كذا )... سعد تعبان نفسيا كل ماجو ناس يخطبونه لبنتهم وشافته بنتهم راحو ومعاد رجعو (وجه واحد رايح في خرايطها)...واخر وحده جتهم ام فهد تبي تخطب سعد لبنتها نوره ... نوره شارطة انها لازم تشوف سعد (الحمد لله على النعمة الي انحن فيها )... جت نوره وقعدت في المجلس ودخل عليها سعد ومعه العصير ... حط العصير عند نوره ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت نوره تشوف غيره... وجلس سعد اسابيع ينتظر رد نوره ؟؟؟؟؟
ـــــــــــــــــــــــ
2
ـــــــــــــــــــــ
ابو محمد يقوم من الساعة 6 الصباح …. ويسعى في فطور ام محمد واذا زهب الفطور راح لام محمد يصحيها …
ابو محمد/ قومي يا ام محمد … قومي يابعد عمري افطري وروحي للدوام …
وبعد ربع ساعه من التدليع والتخقيق قامت ام محمد ….
التفت عليها ابو محمد وقال/ صباح الخير ….
ام محمد/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي يالدبشه والا لا ….
ابو محمد/ يرد ويقول نعم ياحبيبتي كلش زاهب ….
ام محمد / طيب اقلب وجهك عني ابغسل وجهي واجي افطر هاالحين ....
ابو محمد/ شوفي يا ام محمد هذي الوريقه فيها بعض المقاضي للبيت
ام محمد / هذا الي انت فالح فيه يالثور
ابو محمد / الله يسامحتس ياام محمد ويخليتس لي ولعييلتس … وش انحن بدونتس.
ام محمد / المهم بكره انا عندي مشوير قريب وبوديك عند اهلك يومين .
ابو محمد / وين بتروحين … (خايف تعرس عليه )
ام محمد / ابروح لجهنم … هماني اقولك لا تسالني وين ابروح وين ابجي … وان عاد سمعت كلمة وين رايح منك … ترى والله مايردك الا بيت اهلك …. والا والله لاصك لك جار او ضر اعصر به قلبك .
ابو محمد / العذر والسموحه طال عمرتس … وش تبين اصلح لتس على الغدا طال عمرتس …
ام محمد / صلح سم … طرقع (لطخت بالباب وطلعت)؟؟؟؟
ــــــــــــــــــــــــــــــــــــــــــ
3
3
ــــــــــــــــــــــــــــــــــــــــــ
ناصر قاعد في غرفته ... منسدح على بطنه يقرا مجلة سيدي ولك انتَ ...وفجئه التلفون ترررررررررررررررررررررن
ناصر / الو مين
ساره/ هلا ومرحبا بها الصوت .. انا ساره
ناصر / عفوا من تبغيين
ساره / ابغاك انت
ناصر / قلة حيا … مالتس اخوان تخافين عليهم وعلى سمعتهم بعدين ترضين وحده تكلم اخوانتس يا قليلة الادب طوط طوط طوط
ترررن ترررن
ساره / اسمع لاتسكر السماعه انا اعرفك واعرف كل شي عنك … وانت بعد تعرفني زين
ناصر / انا ما اعرفتس ولا ابغى اعرفتس. طوط طوط طوط
تررن تررن
ساره /الو اسمع انت تتذكر رسايلك الي عندي وصورك ايام الثانوي … تراها موجوده لحد الان عندي محتفظة بها كل ها السنين
ناصر / ارجوتس انا عرفتس هالحيين ارجوتس انا كبرت وعقلت وذيك الحركات كانت ايام المراهقه … ارجوتس رجعي صوري ورسايلي ارجوتس والله لو يدرون اخواتي ان يقطعون راسي .
ساره / انا ابعطيك كل شي بس ابغاك تواعدني في محل اعطيك فيه الصور … والا والله لانشرها في كل مكان …
ناصر / ارجوتس لا تفضحيني … ارجوتس … وين طيب اواعدتس علشان تعطيني الصور والرسايل .
ساره / اسمع انا اعرف ان عندكم زواج الخميس الجاي بتروحون له … سو نفسك مريض ولا تروح معهم وانا اجيب الصور والرسايل لك
ناصر / طيب خلاص الخميس (مكسور الجناح)
وفي يوم الخميس ماراح ناصر مع اهله للزواج تعذر ان هدومه خربها الخياط … وقعد ناصر لوحده في المنزل …. وفي تمام الساعه 10 واذا بجرس الباب
تررررررررررررررررررررررررررررررن
ناصر بخطوات متثاقله وبصوت يشوبه الخوف من المجهول يرد ويقول / مين
ساره / انا ساره افتح الباب
ناصر / لا استطيع لايوجد في المنزل سواي … ادخلي الرسايل والصور من تحت الباب
ساره / اذا لم تفتح الباب فستندم طول عمرك وبتصير سمعتك على كل لسان هذا اذا ماذبحوك خواتك .
فتح ناصر الباب … ودفعته ساره بقوه …. ودخلت المنزل لتستفرد بهذا الضعيف المسكين اللذي لاحول له ولا قوه … اخذ ناصر يرجع للخلف وهو خائف من ساره حتى دخل الى داخل المنزل هربا منها ولكنها لم تتركه في حاله … وبعد ان اخذت مبتغاها … همت بالخروج … وقال لها ناصر والدموع ملىء عينيه لماذا لماذا انهيت حياتي ماذا تريدين مني ارجوك اخرجي اخرجي ولكن قبل ان تخرجين اعطيني الصور والرسايل …
ساره / أي صور واي رسايل … هل جننت حتى اعطيك اياها ؟؟؟؟؟
لقد اصبح ناصر ضحية استهتاره ايام المراهقة ؟؟؟؟؟؟؟؟؟ــــــــــــــــــــــــــــــ

4
ـــــــــــــــــــــــــــــ
الساعة 3 من الليل …. أبو محمد سهران ماجاه نوم … محمد مريض مرتفعه حرارته وملتهبه لوزه … والصغيره حصه جيعانه ولكن ثمها منفر ماتقدر ترضع … وابو محمد ضام بزرانه لصدره ويصيح معهم مايقدر يسوي لهم شي … يوم جت 3.15 اليين باب البيت يفتح ام محمد توها جايه من الاستراحه …
ام محمد / اسمع انت ووجهك ضف بزرانك … ورح نم انت وياهم في الغرفه الثانيه انا تعبانه وواصله معي مافزت في الورقه ولا مره … وابغى انوم وما ابغى احد يزعجني .
ابو محمد / سمي طال عمرتس ما لتس الا طيبة الخاطر …
وخذ ابو محمد بزرانه وراح للغرفة الثانيه … وهو يبكي بحرقة على حاله وحال اطفاله … ووضع الصغيرة حصة في حضنه واخذ يهزها علها تنام … وفي يده منديل مبلل يضعه على راس محمد لخفض الحراره .
ام محمد قبل ان ينام اخذ يتحدث مع ام راشد في التلفون … اسمعي ياام راشد بكره تكفين لا يفوزون علينا … واستمرت المكالمة اكثر من 20 دقيقه كانت الضحكات تتعالى وكأن المرضى الموجودين في البيت لايعنونها بشيء؟؟؟؟؟؟؟

ــــــــــــــــــــــــــ

5
ـــــــــــــــــــــــــ
ابو خالد يترجى ام خالد انها توديه لهله …. يشوف اخوه مصخن … ام خالد رافضه ... تقول انا تعبانه وماني فاضيه لك ... وفجئه رن التلفون
تررررررررررررررررررررررررررررن
ام خالد/ الو مين
ام حمد / هلا ام خالد انا شاريه نخلتين خلاص من الحسا وابغى نروح انا وياتس نجيبها بكره على سيارتس
ام خالد / ابشري والله لو تبين للقمر ؟؟؟؟؟؟؟؟

ـــــــــــــــــ
6
ــــــــــــــــــ
ام عبدالله جايه من العمل … حطت شيلتها على الكنب … وقعدت تقرا الجريده … ثم صرخت … ابو عبدالله … ابو عبدالله ابو عبدالله وينك وجع يوجعك وراك ماترد علي ….
ابو عبدالله / هلا ام عبدالله كنت في الحمام افرك ركيباتي واشيل يدياتي ورجيلاتي …. مادريت انتس جيتي
ام عبدالله / وش تشيل وش تفرك يا رامي عياش
ابو عبدالله / الله يكرمتس ياام محمد تقارنيني بذولي الي مايخافون الله .
ام محمد / اقول احمد ربك بس انهم مانعين الزواج من الخارج ؟؟؟؟؟؟؟؟؟

ــــــــــــــــــــ

هههههههههههههههههههههههههههههه


تحياتي



.
.
.
بنت عبد العزيز
اضافة رد مع اقتباس
  #2  
قديم 26/03/2007, 06:41 PM
زعيــم نشيــط
تاريخ التسجيل: 04/03/2006
المكان: حبيبة قلبي سدير
مشاركات: 592
هههههههههههههههههههههههههههههههههههههههههههههههههههههههههههههههه
الله يرررررررررررررررررررررررجك رجا مبرحا
والله وناسه
اضافة رد مع اقتباس
  #3  
قديم 27/03/2007, 03:30 PM
زعيــم مميــز
تاريخ التسجيل: 22/11/2006
المكان: قلب تفاريس ...!
مشاركات: 1,895
خخخخخخخخخخخخخخخخخخخخخخخخ

لاتفرحون كثير راح تبقون سحااااالي<<<<<حتى بالاحلام حاسدهم

مشكوره اختي على الموضوع الفله
اضافة رد مع اقتباس
  #4  
قديم 27/03/2007, 05:03 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
ههههههههههههههههههههههههههههههههههههههههههههههههههههههههههههههههه


والله احلامكن واجد يا سحليات ..!!


الله يعطيتس العافية ع الموضوع ..!!
اضافة رد مع اقتباس
  #5  
قديم 27/03/2007, 07:12 PM
زعيــم مميــز
تاريخ التسجيل: 05/05/2005
مشاركات: 1,523
لا حول ولا قوه إلا بالله

اش ذا التفكير

الله وضع حدود بين الرجال والحريم يجب ان الجنسين ما يتعدونها

والحين تخيل
اضافة رد مع اقتباس
  #6  
قديم 27/03/2007, 07:17 PM
زعيــم نشيــط
تاريخ التسجيل: 04/03/2006
المكان: حبيبة قلبي سدير
مشاركات: 592
^^^^^^^^^
عادي وسع صدرك عارفين ان الله خلق وفرق خلق القمر ( البنوتات ) عن البقر(التامسيح)
اضافة رد مع اقتباس
  #7  
قديم 27/03/2007, 08:52 PM
زعيــم متألــق
تاريخ التسجيل: 21/06/2003
المكان: الرياض
مشاركات: 1,362
إقتباس
الرسالة الأصلية كتبت بواسطة هلاليه وبكل فخر
^^^^^^^^^
عادي وسع صدرك عارفين ان الله خلق وفرق خلق القمر ( البنوتات ) عن البقر(التامسيح)




مـلاحظــــــــــــات


البقـــــــر = انثى


التامسيح = التماسيح
اضافة رد مع اقتباس
  #8  
قديم 27/03/2007, 11:00 PM
زعيــم مميــز
تاريخ التسجيل: 01/09/2005
المكان: نبض إنسان
مشاركات: 9,002
إقتباس
الرسالة الأصلية كتبت بواسطة فكسار





مـلاحظــــــــــــات


البقـــــــر = انثى


التامسيح = التماسيح

لا تدقق واجد

خلها تعيش أحلامها
اضافة رد مع اقتباس
  #9  
قديم 27/03/2007, 11:10 PM
زعيــم مميــز
تاريخ التسجيل: 08/04/2006
المكان: عــــــ سبيـــــــــــــلـ ــابر
مشاركات: 1,948
موضوع فاشل مع احترامي

مع كامل احترمي لـ بنت فهد
اضافة رد مع اقتباس
  #10  
قديم 27/03/2007, 11:42 PM
زعيــم متألــق
تاريخ التسجيل: 21/06/2003
المكان: الرياض
مشاركات: 1,362
^^^^^^^^^^^^^^^^^^


اوافــقـــك الــــــــــرأي
اضافة رد مع اقتباس
  #11  
قديم 28/03/2007, 07:56 AM
زعيــم نشيــط
تاريخ التسجيل: 04/03/2006
المكان: حبيبة قلبي سدير
مشاركات: 592
ماعليتس يا بنت فهد تمااااااااسيح ومنقهرين منتس
عادي بقره ولا ثور
اضافة رد مع اقتباس
  #12  
قديم 28/03/2007, 08:05 AM
الصورة الرمزية الخاصة بـ سينمائي الزعيم
مصور قناة شبكة الزعيم
تاريخ التسجيل: 15/11/2006
المكان: خلف الكواليس
مشاركات: 1,683
إقتباس
الرسالة الأصلية كتبت بواسطة ن و س 7 7 0
لا تدقق واجد

خلها تعيش أحلامها

اضافة رد مع اقتباس
  #13  
قديم 28/03/2007, 09:14 AM
زعيــم مميــز
تاريخ التسجيل: 08/09/2006
المكان: الرياض
مشاركات: 2,059
ترى اللي كتب الموضوع بنت عبد العزيزمو أنا



بنت فهد
اضافة رد مع اقتباس
  #14  
قديم 28/03/2007, 09:50 AM
زعيــم نشيــط
تاريخ التسجيل: 04/03/2006
المكان: حبيبة قلبي سدير
مشاركات: 592
^^^^^^^^^^^^^^
طيب وشلون ما فهمت مكتوب بنت فهد
اضافة رد مع اقتباس
  #15  
قديم 28/03/2007, 11:03 AM
الصورة الرمزية الخاصة بـ روح الـهـلال
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 04/04/2006
المكان: مــحــــمــــد
مشاركات: 6,286
ههههههههههههههههههههههههههههه

حلوه خاصه خدوده صارت حمر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:43 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube