بسم الله الرحمن الرحيم
السلام عليكم ورحمة الله وبركاته
من وين ابدى ومن وين انتهي وياقلب لاتحزن قبل يومين اتصلت على جميع اصدقائي نروح لوكالة سوني بالفيصليه صباح الخميس موعد اطلاق الوحش الاسود (p l a y s t a t i o n 3) وكنت من شدة شوقي للجهاز تحلمت فيه بالليل وشفت اني داخل احد الالعاب القتاليه . المهم نمت تقريبا 3 ساعات وصحيت الساعه 8:20 صباح الخميس واروح لاقرب كوفي شوب واخذ واحد شاهي وادعس على الفيصليه المهم يوم جيت بدخل قالي الحارس ( لو سمحت ممنوع عوايل ) على طوول رديت عليه بكلمه وبدون تفكير قلت ( اهلي داخل ) قال طيب اتفضل وكان مصفط شباب على جنب ومانعهم من الدخول ( تدرون ليه دخلت . لأن سوني 3 ينتظرني من 6 شهور) عموما . طلعت للدور الثالث وعلى طول (دزيت ) لوكالة سوني (التعبانه ) اداره وعمال) .المهم : دخلت ولا احد الموظفين (الظاهر سوري) فاك العملاق من كرتونه وحطه على طاوله سودا بجنب تلفزيون سوني بلازما 40 بوصه hd وقاعد ابو الشباب يشبك اسلاك الوحش الاسود بالتلفزيون من الخلف . شوي الموضف الضعيف وهو قاعد يحاول بالسلك يدخل بغى يجيب العيد ( وكاد ان يقع التلفزيون على الارض) <<< يتكلم فصحى لاكن ربك ستر على الضعيف وجا صديقه السوداني الموضف الاخر وساعده برفع التلفزيون على الجدار وتركيب الاسلاك صح . المهم جابو لعبة motorstorm لعبة اصليه قيمتها 240 .المهم اشتغل الجهاز بعد جهد جهيد من العمال وجا عامل ثالث منهم ومسك يد اللعب وبدى (يفغص ) ولاهو بداري وش السالفه <<< اللغه الانقليزيه تعبانه عنده غير انا ما جيت وساعدته على تخطي العقبه وهي يجب ادخال وصلة usb بالجهاز وقعد يشكرني من الفرحه . المهم بدت اللعبه وكان عرض الفيديو حق اللعبه (_ رووووعه) .اختار ابو الشباب من بين السيارات دباب ابو كفرتين وعطا اليد احد الاطفال الي بغى يصيح عشان يلعب والله لايوريكم انواع الحوداث . وااااااه لو شفتو الرسومات حقت اللعبه والله غير تشرونه لو تتسلفون قيمته (رهيب رهيب رهيب) الرسومات والاصوات والاثاره والتحدي . المهم انا في ها الوقت كنت انتظر الشباب (الزقرت ) يجون ويصفون بالعشرات للجهاز .تتوقعون منهو الوحيد الي جا ( اربع بنات بالعشرينات اعمارهم ) و (حرمه كبيره معاها احفادها اثنين وقالت للموضف وين playstation 3 ) وجا (شاب بعمري تقريبا معاه ولد اخوه ) لاكن جاه احباط من رسوم اللعبه يقول ما اعجبته <<< بكيفه هو حر . تصدقون بس هذولا الي جو يشوفون الجهاز . والله بغيت اصيح قلت بنفسي وين الشباب وين اصحاب اللعب الجنوني وين وين ....وين الي يعشقون التحدي . وتذكرت وقتها الشباب الامريكي والياباني لما نزل الجهاز عندهم كانو جايبين بطانيات ومفارش وكانو ينامون عند محلات بيع سوني 3 قبل لاينزل وينتظرون المحلات تفتح وكانت اعدادهم ب الالاف . اااااااه يا شباب الرياض صدمتوني صراحه من طريقة استقبالكم للجهاز واحباطي والسلالالالالالالالالالالالالالالالام عليكم

::غالي ::
.
.
.
::أخوي غالي سعره::