صراحه ياسر التويجري انا معجب بشعره
وفيه حماس وألقائه ممتاز يعني شاعر شبه مكتمل
لكن أشوف فيه غرور بكلامه بالاعلام

إقتباس الرسالة الأصلية كتبت بواسطة BOY NJD

مو انت الي تقيم ياسر ..

ياسر اكبر من هالاشكال ..

ما ينزل نفسه للاشكال ذي ..

فديتك والله يابو محمد .. يا ولد العم ..

أنا أستغرب من بعض الأعضاء هنا تهجمهم على ياسر التويجري..!!

مدري وش حارق رزهم وبصلهم؟َََ!!!

ما ودي أطول.. لكن الرجاء من العضو يكون محترم ويبعد عن التهجم غير المبرر..!! <<< دورت بالقاموس لين حصلتها


أما بالنسبة اللي يقول أن شعر أهل الجنوب ملحن وعادي؟!!!

أقول له وما دخل اللحن في قوة الشعر؟!!!!!

ثم ما رأيك في الدحة الشمالية؟ والقلطة ... وغيرها ؟!!! ما هيب ملحنة؟؟؟؟؟

يا حبيبي شعر أهل الجنوب معروف منذ الأزل... فقد اشتهر أهل الجنوب بالشجاعة والشعر قديماً وحديثاً..

ولكن الإعلام له دور بالتأكيد في جهل الكثير من أمثالك هذه الحقيقة..!!

انظر إلى شاعر المليون على سبيل المثال... تجد أن الكثير من الشعراء السعوديين أصولهم ترجع للجنوب..!.!

ويكفي القول أن منطقة الجنوب هي أكثر منطقة سعودية خرج منها الشعراء السعوديين المشاركين..!!


وأريد أن أفاجئك أيضاً بالقول أن شاعر المليون ابن فطيس المري.. يرجع أصله لجنوب المملكة العربية السعودية

حيث أنه من قبيلة مرّة التي يرجع نسبها الى قبيلة يام...!!

فهل هذا يكفي....؟!!


تحياتي لكـ وللجميع... وعذراً على المداخلة أخي بريماكس الضراسي المحتل

(( إن أكرمكم عند الله أتقاكم ))

وبس هذا اللي عندي

ويامن تسب بأهل الجنوب
الله يهديك

إقتباس شعرهم معاق . ليس له مذاق . ليس له اعماق . ليس له اشراق .

إقتباس ماهو شعر اهل الجنوب ؟؟؟ قصائد ملحنه كلمتها لا يفهمها الا اهل الجنوب واصل الشعر من شمال الجزيره العربيه والشعر العادي في الجنوب ما ضهر الا في الا ونه الاخيره ,,,,

والله استغرب من اللي يقولون ان ياسر متكبر..!

وين اللي متكبر

والله انه شعره يجنن ولا فيه غرور ولا شي

واللي مايعرف الصقر يشوية

اقووووووول ياسر اكبر مهايط في التاريخ

طرار.. شحاذ..

شايف نفسه

واكبر دليل المقابله ذي

وماصنعه الا الاعلام... ولا فيه شعراء اطلق منه لكن مالهم اعلام

واقول لايكثر لاتقعدون تدافعون عنه ...والله مادرى عنكم ابو ضروس!!

^^^
إذا كنتي مصممة على انه طرار...

فبأسألك من اللي من فطاحلة الشعراء قديماً وحديثاً موب طرار؟؟؟؟

المتنبي أعظم شاعر عربي كان طرار..!!

وغيره من كبار الشعراء قديماً نفس الحالة..!!


وحالياً: ياسر لا يختلف عن غيره من الشعراء... لا يفعل سوى ما يفعلونه.. فإذا كان شحاذاً فكل

الشعراء شحاذين..!! فهل وقفت على ياسر بس؟

أما على المهايطة... فمن حقه يهايط يالبى قلب قلب قلبه

هالأيام ما يعجب الشخص إلا كاريزما الشاعر وحركاته في المسرح وإثارته في الإعلام...!!

ياسر شاعر كبير... وإذا وجد من هو أفضل منه فلا داعي للتهجم عليه.. فلا يوجد شاعر إلا ويوجد من هو أفضل

منه ولا يعني ذلك الاستنقاص من أحد...!!

ريم9: هدي أعصابك.. والصلح خير

اقول ريم ..

ومنو انتي اصلا .. عشان تتكلمين عن ياسر ..

معليش احترمي نفسك اول .. وخليك عن الشعر واموره .. وخليك في المطبخ اصرف لك .. و اعرفي من تكلمين ..

واتمنى من لا يحب ياسر .. انه يحترم نفسه ازين له ..

مو انتم الي تتكلمون عن بو محمد ..

إقتباس الرسالة الأصلية كتبت بواسطة ريم9 اقووووووول ياسر اكبر مهايط في التاريخ طرار.. شحاذ.. شايف نفسه واكبر دليل المقابله ذي وماصنعه الا الاعلام... ولا فيه شعراء اطلق منه لكن مالهم اعلام واقول لايكثر لاتقعدون تدافعون عنه ...والله مادرى عنكم ابو ضروس!!

ياختي يحق له يشوف نفسه

وهو اصلا مب شايف نفسه ;)

بس اذا اغتر يحق لـــــــه ;)

تكفيك قصيدته اللي بشاعر المليون بس هذي تكفي

واللي مايعرف الصقر يشويه

إقتباس الرسالة الأصلية كتبت بواسطة فزاع الاجيال كل واحد يحترم نفسه .. ويعرف قبل من يتكلم عنه .. وياسر اكبر من هالاشكال .. والي ما يطول العنب .. حامض عنه يقول .. بريماكس يا ولد العم .. ما قصرت .. والله يعطيك الف عافيه على النقل ..

والله انك صادق

ووالنعم والله بيآسر الآسر

^^^
مسوي يفزع

إقتباس انت احسك زي واحد عندنا بالمدرسه الشعر يمين و هو شمال ,, عاد يبي يسوي نفسه راعي شعر و جاء يقولي شفت شاعر المليون ؟ قلت له ايه , قالي و الله ابن فطيس ما يستاهلها اللي يستاهلها الشاعر اليماني الاهدل ! قلت ما غيره اللي يهدي حبيبته لبانةً و يبوسها على خــدها قال ايه و ربي ذاك الشاعر اللي عليه الكلام

صدق هالمدرس كلامه سليم وماحد ينكر إن الأهدل شاعر كبير
^^^
جاك أبو يمن خخخخ

بس يا أخوان كلن بذوقه يعني الشعر فن وذوق

كلن له شاعر يعجبه والناس تختلف
لكن ماحد ينزل من قدر الشاعر الفلاني ماعجبك قل ماعجبني وخلاص هذا رايك

ونبقى بلآخير كلنا أخوان
(الإختلاف في الرأي لايفسد للود قضية)

تقبل مروري

الحضرمي

وش فيكم ياشباب
خلاص تراكم مصختوها
اركدوا
دعوها فأنها منتنة