بسم الله الرحمن الرحيم

الشاعرابن فطيس موهبة راسخة استطاعت توظيف كل ملكاتها الأدبية والشعرية بطريقة رائعة
يحرص الشاعر حمد فطيس المري أن يكسي قصائده وشاح الحكمة وقوة المعنى وعمق التأثر بطريقة القدامى في نسج قصائدهم على طريقة وصف الأطلال والربوع
وهذا ما يفتقده بعض شعراءنا الحاليين

حكّم ضميرك بين الاثنين واختّـر
لاهل العلا جرّه .. وللـدون جـرّه
الطيـب ماحـدد ابّحـرٍ ولا بـرّ
من جا على دربه من الخلق سرّه
يوم اللقا ما انّصف ضعيفٍ ولا سرّ
اللا مع مـن جـاد كـرّه وفـرّه
لو كان شفت النّاس ببشوت وغتّر
كم من محارٍ مـا لقـي فيـه درّه
الحلقه ان زرّت ابطان الجمـل زرّ
ما استرّ من لا عزوةٍ لـه تسـرّه
الجمره ان ماتت فلا ينّفـع الكـرّ
مافادهـا الشبّـاب لـو زاد كـرّه
كم واحدٍ يضحك وهو يضمر الشرّ
عرق الشري ما انّباك لونه بقّـرّه
ما كل من يضحك بوجه الفتى بـرّ
من يصدق الصاحب بالافعال بـر


يتمتع الشاعر بلغة شعرية تلامس بناء القصيده التراثية كمفردات موروثة كما إن ارتباط حمد المري بتراثه القطري ، والذي يشكل أحد المصادر الرئيسة في تكوين لغته الشعرية جعله يخرج لنا بمفردات غاية في الجمال الشعري وإذا قرانا قصيدة (أدب فاشل) وغيرها من القصائد سوف نجد لغة شعرية تقودنا الي لغة الشاعر و تراث أدبي راقي


البايع الشاري مع النـاس مقبـول
بيع وشرا عااادي.. قبول وتراضـي
الى اجتمع مرهي وشاعر ومخبول؟؟
خلطة ادب فاشـل تثيـر امتعاضـي
تشرى الذمم واتباع بالعرض والطول
والكـل ينظرهـااا بعينـه وراضـي
المال خلاّ غير معقووول؟؟ معقوول!!
مااالوم نجم الاغنيّـه قـام ياضـي
ياللاسف.. ما كل منقـول مقبـوول
ثوبٍ مشجّر جنّب ثوبٍ ابياااااضـي


إن ما استوقفني في قراءتي لشاعرنا وهي وجهة نظر شخصية إحساسي من خلال قصائده الغزليه أنه لم يكن ممن شغف بشعر الغزل ، فهو يتغزل كي يرضي سامعيه، لا كي يرضي نفسه
ولعل قصيدة باب الغلا
قصيده لتحدي اللغة والقافية اكثر منها وجدانية


في غيبتك ما الـد منّـا ومنّـا
ذكراك تملى وحشتك في غيابك
بالوقت في شوفة حلاك اتهنّـا
في وقفتك في مشيتك في ثيابك
لاجل العيون الناعسات اتغنّـا
الله يخلي لي غـلاك وشبابـك
البوح لك في شوفتك ما تسنّـا
مثل الكفوف الى شغلها التشابك
نسيت نفسي بين خنـه وحنّـا
بين العيون وبين صافي عذابك


ومما لا شك فيه ان بن فطيس المري يملك في معظم قصائدة صور شعرية في التعبير عن أبعاد وجوانب تجربته الشعرية وخلق جواً من الجمال الشعري الذي يطيب للقارئ التلذذ بقراءته وسماعه
ولعل في قصيدة تعذرونه تصاوير شعرية وتوجد رائع ينقل لنا صورة شعرية غاية في جمال التصوير يقول :

الا ياوجودي وجد مـن فاجـأه ديّـان
برغم اعتزال الناس من كثرة اديونـه
بعد ما فضى جيبه وكفه وحاله شـان
تناسوه ربعـه كنهّـم مـا يعرفونـه
تناسوا مواقيفه ولا كـن شـيٍ كـان
على غير ما ترضى الكرامه يحدونـه
وهو كان منقع طيب منهل وفا واحسان
فلاشـك عّـوان الزمـان ايتحدونـه
رفع كفه الخالي الي الخالق الرحمـان
عقب ما تصافوا كلهم ظلم مـن دونـه


ويقول في قصيدة أخر زيارة ولاحظ تشبيه الجميل في البعاد والفراق


ابعدت مثل الحرف لا فارق شفـاه
ثم ضاع باحضان الفضا في العباره
ماهو بفرض اني على طول ويـاه
الكل منّـا عـز راسـه شعـاره
لو كان من راسه الى حد ماطـاه
زينه يزيّن خطوتـه فـي مسـاره


يتمتع الشاعر باسلوب شعري رزين فلا يخلو بيت شعر له في قصيدة من هدف معين وكأنة يرسم لنا لوحة شعرية مكتملة الألوان
ولعل بئية الصحراء التي ينتمي لها الشاعر أوجدت لنا قلم شعري يكتب ما يمليه واقع التجربة التي يخوضها الشاعر
ولو راجعنا لقصيد الشاعر بن فطيس لوجدنا ان بين كل قصيدة وقصيدة سالفة وحكاية
فالمدح والرثاء والوطنيات والغزل والفخر كلها عوامل جعلت شاعرنا يتاثر بها
فنجده في المدح يمدح بغير ابتذال وبلغة شعرية رائعة وقوية
فيقول في قصيدة ابو ماجد والمسنده الي عبدالله ماجد المنصوري


لك حق تشره لو اني جيت ما جيتك
لاشك يامسنـدي تاتـي ولا تاتـي
في غيبتك لاحصل طاريك حييّتـك
واحمّل الغربي السـاري تحياتـي



وفي الرثاء اعجبتني قصيدة يتحدث فيها عن واقع الامة ولهوثهم وراء الحضارة
يقول في مطلعها :


الحضاره غيّرت بعض الرجال
وانتهج طبعٍ على طبعه دخيل

وعموماً فإن أسلوبه يتسم بالإيجاز فجمله الشعرية واضحة و تؤدي المعنى المقصود في بساطة وعفوية
أيها الأخوة الحديث عن الشاعر بن فطيس المري حديث عن تراث شعري وادبي ولن ابالغ لو قلت ان الشاعر يحمل ريشة فنان يرسم من خلالها بئية وموروث قطري راقي
فهنيئا لقطر وشعب قــطر وجود قامه شعريه يرتكز عليها الشعراء القطريون ويستند اليها شعراء الخليج عامه اترككم مع ابن فطيس وددر مختاره من جزيل شعره

،؛، .. ســـولفـــــوا .. ،؛،


سولفوا تكفون لا عاد تسكتون ..
.. قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
.. مرةٍ قدامي ومرة وراي


وإن سكتوا جا وهو طيفه يمون ..
.. رحت أهوجس له وأبين له ولاي


مكسب عيوني من الفرقا مزووون ..
.. تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
.. وإلا أنا فيه أمتلك نظرة وراي


كان حبه لي على خبري مصون ..
.. والله ان كني بقدري .. وبغلاي


ذي بقايا الحب وأطلال الجنون ..
.. والله أعلم في ضميره وش بقاي


غير طيعوني ولا عاد تسكتون ..
.. ولا والله إن أسمعكم بكاااي




----------------------------------


،؛، شــــطـــر حفـــــظتــــــه ،؛،


ماني بمن ياتي ولا يدري به ..
.. شطرٍ حفظته ما أعرف كتابه


شطرٍ يناسبني لمثل الليله ..
.. وآشوفني في ذا المكان أولى به


أبا أتكل بالله ونعمٍ بالله ..
.. اللي ما يوصد دون خلقه بابه


باقول واللجنه تقيم قولي ..
.. ومن كثرة الشعار ماني آبه


الحمد لله واثقٍ من روحي ..
.. وإن كنت ذيب فالرجال ذيابه


ما أقول أنا أشعر واحدٍ في العالم..
.. لكن قصيدي كفو وأنا أدرى به


الشعر جمعنا لو تفرقنا ..
.. حدودنا وظروفنا الغلابة


الله يبيض وجه راعي الفكرة ..
.. عز الله انها تنحسب لحسابه


والله يبيض وجه من يرعاها ..
.. محمد الله يحفظه لأحبابه


محمد ولد زايد عريب المجنى ..
.. ولي عهد الديرة الخلابة


الشعر تاريخ لنا من مبطي ..
.. وإعلامنا يوم السنين نهابه


الشعر بيت والوزن عمدانه ..
.. معناه طنب وقافيته حجابه


الشعر وادٍ فيه صيد واجد ..
.. وكلٍ على الوادي يهج ركابه


والأفكار صيد وكل شاعر قانص ..
.. وكلٍ يدسم شاربه مخلابه


أحد خياله حر .. وأحد وكري ..
.. وأحدٍ خياله كوبجٍ بقطابه


وأنا خيالي كل ما هديته ..
.. حول على الوادي وصاد عقابه


شاركت أمثل ديرتي وربوعي ..
.. وكل يمثل ديرته وأقرابه


والله إلى الله راد والله قاله ..
.. إني لا أسلمها الفخر وكتابه


داري قطر .. وأنا هنا أمثلها ..
.. المجد مطلوبي وأنا طلابه


عهدٍ علي إني لا أشرف داري ..
.. ترك صبي ما يعز ترابه


شوفوا دمي من حبها عنابي ..
.. وحماستي من ضوها شبابه


شاعر خليجي والعروبة بيتي ..
.. والبيت ما ياقف بدون أطنابه


وإن عودت بين القبايل فزعه ..
.. أنا أشهد إني في اللوازم لابه


لي في القبايل ربع .. وأقدرهم ..
.. ماني بمن يجهل مقام أصحابه


وإن عودت لأصلي .. فأنا أصلي مري ..
.. من صلب يام أهد القنا وخضابه


قومٍ لنا فوق المعالي بيرق ..
.. والسيف قوة سلته بنصابه


الشعر طوقني وأنا طوقته ..
.. قمت آتمشى به وأفك أبوابه


يا بنت ياللي تفرقين بعودج ..
.. ما ألومهم لو كثروا الخطابه


لامر بج دربج على خلق الله ..
.. قالوا كذا بالأصبع السبابه


زينج يزينه فعل أبيج وجدج ..
.. وإنتي بدورج للنقى كسابه


قومي تباهي بي .. وفلي راسج ..
.. عليج من ستر الشرف جلبابه


وإن ما سترتج بالفعول وباسمي ..
.. فعقبني الفنجال يا صبابه



-----------------------------------------


،؛، .. يا قـــو قلــــبـــك .. ،؛،


ياقو قلبك على الصّـده ويـا صُــــــبـرك
وياوسع صدري على صدك ويا صُبري



وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري



والله لون حمل صبري فوقـك..ان تبرك
والله ولو تعتذر منـت بعلـى خــــــــبـري



ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري



تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري



طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري



امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري


------------------------------------------------


،؛، .. في شاعر المليون .. ،؛،

في شاعر المليون للشعر مضمار ..
.. والسابقة في الشوط تظهر بيدها


امضمرين أبكار الأفكار شعّار ..
.. وكلن يحضّربكرته في وعدها


واللي تردت لا يدور لها أعذار ..
.. معذورة ما دام قد ذا جهدها



واللي تعوص وتضرب الحاجز يسار ..
.. تشلّ ف الدنة وترجع بلدها


وأنا ذلولي بنت صوغان الأشعار ..
.. من حبها عندي تفحم وحدها


إن جاره الله من تصاريف الأقدار ..
.. جاتك وجاك الجيش كله بعدها


الله عليها من مقاريد الأنظار ..
.. وصلت تحست ما غشاها زبدها


وتلقوفها بالعلم رمز وإشعار ..
.. وصفق لها منهو بعينه شهدها


ومن روبها أول ما تنصخ تمطار ..
.. ياللي تزعفرها من الطاس زدها


شبهت بالهجن الأصيلات الأشعار ..
.. وقصيدتي تراث أهلنا مددها


أعتزبه وأقبله إجلال وإكبار ..
.. واحة شرف يا سعد منهو وردها


أغلبنا في موجب الضيف والجار ..
.. يحلب لبنها قبل يذبح ولدها


وتراثنا من دونه نبيع الأعمار ..
.. وبأفعالنا روس المعالي صعدها


واليوم ضاق الجو من كثر الأقمار ..
.. تبث حقد لي لحقده رفدها


غزا الشعر قبل أمس غازين الأفكار ..
.. قومن على الساحة دفعها حقدها


تلفقوا ثم جاؤوا من كل الأقطار ..
.. هذا يصبحها والآخر هجدها


هذا يحرف في الأسف سر وإجهار ..
.. وهذاك يذبح موهبة في مهدها


وقفوا علم للشعر في وقت الأسحار ..
.. غاروا على الساحة وعروا جسدها


وصاحت بعد ما شافت سترها طار ..
.. ووقّف ولد زايد محمد ساعدها


قال أبشري بالستر وبردة الثار ..
.. وأضفى عليها سترها ما نشدها


واستل سيف في المواجيب بتار ..
.. واطلب وردن في العلا من فقدها


على خطى زايد خطاويه ما بار ..
.. والحاجة اللي في خياله وجدها


أغنى العرب من شوف أكاديمي ستار ..
.. ومن شوف أمر من السخافات وأدهى


شفت الشعر بستان وأبوابه أزهار ..
.. وقطفت ما يسقي المشاعر شهدها


قطفتها من ديرة تنبت أحرار ..
.. من دار بو مشعل ذراي وسندها


--------------------------------------


،؛، .. يـــوم المزايـيـــن .. ،؛،

من لابتي مّره الى جـدي افطيـس ..
.. ربعي مطوّعة الصعـب بالصمايـل


ناموس ياللـي تكسبـون النواميـس ..
.. ياهـل العلـوم الغانمـه والجمايـل


اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل



انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل



يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل


منصا الرجال اللي على ضمّر العيس ..
.. وفالحرب نطّاحة شبـا كـل عايـل


هواجـرٍ لاجـات قدهـي مقاويـس ..
.. ركب الضيوف امن السرا والقوايـل


تنصـا ربـاع امتعّبيـن المحاميـس ..
.. مروين حـد المرهفـات الصقايـل


يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل


وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل


تفوز في يـوم المزايـن وفالريـس ..
.. من كـل منعوتـه تسمـى وحايـل


ولو حصل للبل من النـاس تفليـس ..
.. يكفيكم انك فالعـرب مـن لاوايـل


تلبس من العنّـاب زيـن الملابيـس ..
.. يوم المزاين مـع ارجـال الحمايـل


يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل


ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل


الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل


------------------------------------------
،؛، .. لا ضاقت الدنيـــا .. ،؛،


لا ضاقت الدنيا عليك وتشاويت ..
.. خلق الله اللي فالرخا كان واجد


ومن العرب والصوت والثوب مليت ..
.. وقامت عليك هموم بأقعا تراجد



فارفع يديك لخالقك لا توضيت ..
.. وادعو تراك أقرب إليا صرت ساجد


ووقت من أوقاتك للأوقات توقيت ..
.. وسجل لنفسك في المساجد تواجد


وأبشر بفزعة حامي الدين والبيت ..
.. إليا هجدك من الهواجيس هاجد


اللي يميت الحي ثم يحيي الميت ..
.. لرضاه شف كثر البشر بالمساجد


----------------------------------------


،؛،.. الــبـارحـــة ..،؛،


البارحة ربي كتب لي ومريت ..
..دربٍ عليه بروق الأحباب لاحت


جيت المكان اللي جمعنا وخفيت ..
.. وقامت جروحي للجوارح وصاحت


ياليتني في لفة الدرب زليت ..
.. كان العيون من الدموع استباحت


التم غيم الدمع من يوم لفيت ..
.. وورقا القصيد لشوفة الغيم ناحت


وضحكت ماأبغي الناس تدري يبالفيت ..
.. لكنها غصبٍ على العين ساحت


حارت دموعي في عيوني وصديت ..
.. وأرمشت مابيها تبين .. وطاحت


وعقبه برق في العين براق .. واسقيت ..
.. خدي ووناتي بصدري تلاحت


وأنا أحسب إني في فراقه تشافيت ..
.. وان عبرتي من مدخل الزاد زاحت
مع التحيات
حمودي99

مبروووك لابن فطيس و جميلة بادرته بالتبرع بالمليون


لكن ابسألك اذا عندك فيديو او صوت لقصيدة العتيبي العراقي اااخر وحده اللي عن العراق ؟

كفو والله يستاهل مليونين مشاء الله علية شعر وعقل وثبات وحكمه اما العراقي يوسف بن رزاق العصيمي العتيبي فوالله العظيم اني بكيت من قصيدته الاخيرة فعلا معبرة وياليت الكل يتحرك ومايكتفي باالاستماع فعلا العراق راح ياليت تكتبون القصيده

إقتباس الرسالة الأصلية كتبت بواسطة ارسنال بوي لكن ابسألك اذا عندك فيديو او صوت لقصيدة العتيبي العراقي اااخر وحده اللي عن العراق ؟

تفضل
شاعر المليون من نصيب محمد بن فطيس المري من قطر ..

إقتباس ،؛، .. يا قـــو قلــــبـــك .. ،؛، ياقو قلبك على الصّـده ويـا صُــــــبـرك وياوسع صدري على صدك ويا صُبري وياطول عمـرك بذاكـــــــرتـي وياكُبـرك وياشيب عيني بشيّب عــــاد ذا كــــُبـري والله لون حمل صبري فوقـك..ان تبرك والله ولو تعتذر منـت بعلـى خــــــــبـري ان ما جبرك الغلا ما اقدر على جـــبـرك ياللي على ارض الوفـا ما شبرك بشبري تـــزعل وترجع وتـلقانـي عــــلـى خبـرك وانا انكسر لك واجـــــيـك ادوّر لــجبـري طـــيفك وذكــــراك طـيلـة غيبتـــك سبـرك وشـــــوقي لشوفتك طيلة غيبتـك سبـري امـــــحق وليف ومحبه والا اقــول ابـرك حسبي عليك اعشقك وانت اتحفر قــبري

ما شاء الله عليه ابن فطيس
شاعر جزل ومتمكن ورائع .. وذو اخلاق عاليه
الله يوفقه ويستاهل اللقب وبجداره

ماكأن الموضوع منقول

العفوووووووووووووو أخواني و أختي على الردود الرائع

^^^

الله يعطيك العافية على القصائد الجميلة لشاعر الملايين محمد بن حمد بن فطيس...

يا لبى قلبببببببببببببببببببببببببببببببه....!!