بسم الله الرحمن الرحيم

.
.

في المباراة الأخيرة أمام الأهلي كان الفريق _بلا استثناء_ في أسوأ مستوى ..

لم يُفلح الحارس في إنقاذ المرمى ..

ولم يمنع الدفاع دخول الأهداف ..

ولم ينجح وسط الفريق وهجومه في تسجيلها ..

ومع ذلك .. أصابع الإتهام تتجه إليه فقط!

إنه المفرج .. ولا عجب!

..

إن أحسن .. سكتوا ..

وإن أخطأ .. نهشوا لحمه وشحمه!

خسارة حماسه فيهم!

..

الله يعين المفرج بس

تبي الصراحه مهما قلت المفرج هو نكبة الهلال

كلام من ذهب .. وروعة سطرت بعقلية الكبار ..

سلمت يمناك .. لاعدمناك ..

رائع ..ومبدع ..يعطيك الف عافية ..

ومسكين يا مفرج .. تعمل لهم فيدحرونك ..وتخلص معهم فيرجمونك ..

أكرر لك شكري وامتناني ..


أرق التحايا .. صادق الامنيات

إقتباس الرسالة الأصلية كتبت بواسطة شنيشني تبي الصراحه مهما قلت المفرج هو نكبة الهلال

والله ثم والله عن نفسي اشك بهلالية اللي يدافع عن المفرج

الكلام اللي قاله الاخ شنيشني هو الصح مهما تدافعون عن اللاعب المنتهي هذا

راح يبقى هو نكبة الهلال

المشكلة في موقع كورة الشهير يوجد موضوع عن المفرج ونجد دفاع مستميت من الاعضاء النصراويين عن المفرج ليس حبا في المفرج بل كرها في الهلال يريدون المفرج ان يستمر لكي يسرحوا ويمرحوا في الدفاع الهلالي


الله يعينك ياتفاريس على اخطاء المفرج القاتلة

اخي العزيز

اولا اشكرك على الطرح العقلاني ولو اني اخالفك في وجهة النظر

الجماهير ليس بينها وبين المفرج اي عداوه حتى تتهجم عليه بعد اي مباراة يخطيء فيها !

لكن اخطاء المفرج كثرت واصبحت فادحه جدا

وعالم الاحتراف لا يعترف بالمجاملات , المشكله انا نتكلم بالعاطفه احيانا قبل العقل

صحيح ان فهد يحاول بكل جهد وحماس انه يخدم الهلال ولكن فاقد الشيء لا يعطيه !

والحماس لا يغني عن المهاره

وبعدين حرام انك تقتل موهبه مثل المرشدي وتحطها في الاحتياط وهو بنظري افضل من المفرج بكثير واصغر منه بالعمر

نحتاج لإعطاء الفرصه للمواهب الشابه لا لقتلها من اجل لاعب اعطى الكثير للهلال لكن لم يعد عنده ما يقدمه

في النهايه الكلام هذا كله ليس الا حبا في الهلال وخوفا على مصلحته

وان شاء الله مهما كان اختيار المدرب ان يكون في مصلحة الزعيم

وشكرا

الزبدة ياشباب ان الفريق يمرون بأزمة نفسية وأنا أؤيد كلام اللي قال يحتاجلهم طبيب نفسي وبالنسبة لفهد المفرج انا الحقيقة ما الومه اذا كان المحاور من البداية فاشلين ومو في مستواهم وبالنسبة لخالد عزيز غلط وصلح غلطته في ا لمبارة كان في احسن لاعب واما كابتن المنتخب السعودي (عمر الغامدي ) انا انصح انه ينام في الاحتياط ويكبر المخدة ويجي الغنام ولا البرقان اذا رجع من الاصابة لأنهم وخصوصا البرقان وانا ما اتكلم عن الغنام لأن اصاباته كثيرة فأقولكم البرقان الحقيقة كان مشروع افضل محور في السعودية وللأسف تحطم
وعلى العموم يوم لك ويوم عليك تعادلنا قدام الكويت الكويتي خذينا فيها نقطة وهم خذوا نقطة وكلنا الاول واللي نحتاجه فوزين بس عشان نتأهل ونضمن التأهل وماهي بعيدة اما كأس ولي العهد ودي ان الكلام يوصل للمسؤولين ويخاونهم يلعبون الاياب بالفريق الرديف ويستغنون عن هالبطولة ويركزون على البطولتين الاهم مثل مالفرق الاوروبية تسوي لأن لعيبتنا ذبحتهم كثرة المشاراكات والفريق معدل اعمار لاعبينه كبير وطبيعي ينخفض مستوياتهم كثير مثل ياسر القحطاني اللي جاله مرض وحسه كره ام الكورة من كثر المباريات اللي لعبها هالسنة مافي مباراة الا لعب فيها اساسي ومعذور على مستواه غيره يقعد فترة طويلة لين يرجع لمستواه بعد الارهاق واكبر مثال روناليدينو ولامبارد اللي الى الآن مو قادرين يرجعون لمستواهم وعلى العموم الخطأ مو ان الفريق يخطئ الخطأ انهم يستمرون بالخطأ ومثل هالمشاكل لابد انها تتعالج من البداية
واحد المشاكل الهلالية اللي راح تنتهي انهم يقشعون ذا المدرب لأني الحقيقة ان ما ادري وش فيهم المفرج وتفاريس ناشبين قدام مع كل هجمة هلالية والدفاع اللي يكون موجود فيه الشلهوب وشو ذا وعلى العموم انا عن نفسي كمشجع هلالي قنوع اللي ابيه بالهسنة بطولة اسيا وبس
اما باقي البطولات شبعنا منها ومهما اخذنا منها ماراح نرجع نفرح زي ايام اول لما كنا ناخذ كاس اسيا ونكسر رووس اللي ماتتكسر

وبالتوفيق (f)

11

المفرج الله يعين

كلامك صحيح
اللاعبين جميعهم مبدعين ماعدى المفرج لماذا؟ماادري
كأن المفرج يلعب لوحده
لابد ان يتعاون اللاعبين جميعهم لكي يبدع المفرج وغيره
لابد ان نناقش اخطائنا بعقلانيه بعيدا عن السب والشتم بلاعب دون غيره

وينك يالمرشدي وينك