والله ان المفرررررررررررج مو سبب الهزيمه الكل واول الاعبين ياااااااااسر

إقتباس الرسالة الأصلية كتبت بواسطة الرحال الهلالي لا تطمن قاري العنوان زين .. وشلون تقول الشوتات من خارج الـ 18 وين اللاعب اللي يغطي والمتفرج كان ثغره واستغلت .. والهدف الثاني اللي صلح الكوره لمالك هو المتفرج وارجع لشريط المباراة .. وبعدين اللي حط كوبري بتفاريس هو كايو مو الثقفي .. أما بخصوص مدرب الفريق فالدليل على انه مايدري عن اللعيبه كلام طارق التايب في حواره مع الجزيرة ان المدرب مايعرف أسماء اللاعبين عشان يعرف مستوياتهم .. شاكر لك رحابة صدرك ؛ بس انك تدافع عن فهد بالطريقه هاذي اذا أخطأ واذا أصاب هاذي صعبه شوي ..

يا اخوي انا ما أدافع عن المفرج لو أخطأ

أنا أدافع عنه ضد التجريح وأن نمسح كل تاريخه بسبب خطأ قد يقع فيه أي مدافع

بخصوص الكوبري كايو ولا الثقفي المهم كوبري وطريقة ساذجة في التعدية

شكرا لك مرة أخرى

إقتباس الرسالة الأصلية كتبت بواسطة هلالي وراسـي عالي الســلام عليكم ورحمة الله وبركاته أولا مسـاء الخير للجميــع وهاردلكـ الهزيمه وان شاء الله نعوضها في الرياض باذن الله راح اتجادل معكمـ في مباراة الأمس وابين وجهة نظري والاختلاف للرأي لا يفسد للود قضيه ... نبدأ بالمفرج (( أنا لا ألوم الجماهير بلومهم للمفرج وتحميله الهزيمه فكلنا بشر وكلنا نخطئ وجل من لا يخطئ ولكن المفرج قدم وأعطى الهلال كل مجهودهـ في ما مضى واخرهــا العــام المــاضي فنرجو اراحته حتى تكون محبته في قلوبنا ولا تنقص بسبب أخطائه المتكررهـ )) تفاريس (( اعتبرهـ هو الوحيد الذي يلعب بروحه في الهلال وكأنه من أبناء النادي فيحــاول مساعدة الهلال ولكن المشكله في اللي جنبه وأكبر دليل على ذلكـ انه الوحيد في الدفاع الذي يحصل على الكروت بسبب تغطيته لأخطاء المفرج )) المدرب (( يثبت للمرهـ الألف انه فــاشل ومجـــامل على حساب الهلال فلا يوجد تنظيم في لعب الهلال فابقاءهـ للمفرج رغم اخطائه المتكررهـ أكبر دليل وأخراج عمر الغامدي يدل على افتقادءهـ للتركيز والمقدرهـ الفنيه )) المحاور (( عزيز والغامدي من أفضل المحاور في المملكه لكن ما نلومهم والله يعينهم )) مشكلة الهلال الفنيه (( تكمــن مشكلة الهلال وفق ما أراءهـ شخصيا في الأطراف وقلب الدفــاع فهجــوم الهلال لايجد فرصا للتسجيل بسبب التكتل الدفاعي فلا نجد الأطراف يتقدمون لمساعدة المهاجمين وهذا أكبر سبب لضعفنا الهجوم وبالنسبه لقلب الدفــاع فأنــا لا أرى الا تفاريس << يثبت انه يعشق الهلال وانه من ابنائه بعكس البقيه >> )) الوسط (( طارق والشلهوب هما الوحيدان الأفضل في مركزهما فربع مستواهم أفضل من البقيه بصراحه مع احترامي للبقيه )) ياسر (( افتقدناهـ بعد مجئ رودريقاو فلا نفعنا ياسر ولا نفعنا رودريقاو << وينكــ ياقوارو والله اشتقنالكــ >> )) هذا ما اراءهـ شخصيا وتقبلوا تحيـــاتي

برااااافوووو

إقتباس الرسالة الأصلية كتبت بواسطة أبو صالح 1377 أسامه عزيزي أولا أهنيك على مصداقيتك وحبك للزعيم ، وهذا الشي الوحيد اللي يخليني أكمل النقاش معك ولأن وجهة نظرنا حول المفرج مختلفة ، ما يمنع نكمل نقاش منطقي ورزين لحد ما نوصل لنقطة التقاء راح تكون مفيدة لي ولك وللمتابعين المتعقلين .. * بالنسبة للهجمات الخطيرة على الهلال واللي تسبب فيها عدم وجود مهارات فردية عالية للمفرج تخلي زملائه يعتمدون عليه في الانقضاض على الخصوم .. ولاحظ يا أسامه أن جميع التصويبات على الدعيع ناشئة من هالمبدأ .. اطلع معي على معادلة اللاعب الفنان واللي نحتاجه بجانب تفاريس: (( عنده مهارات + عنده ثقة بهذي المهارات )) = (( يتنقل في أنحاء الملعب بكل ثقة + يسمح لزملائه يتنقلون في الملعب بكل ثقة )) لكن إذا مهاراته الفردية ضعيفه ، والتحكم بالكورة ضعيف + قراءته لاستراتيجية الهجمة ضعيفة ، ومتى يتقدم ومتى يرجع ومتى يساند زميله ومتى يغطيه بمسافة كافية ... في الحالة هذي إذا لعبت ضد مهاجمين عندهم مهارات عالية ممكن ينتج لك فراغات مثل الفراغ اللي أنشأة مالك معاذ لنفسه خصوصا وان موهبته الفكرية الكروية تساعده على استحداث مثل هالفراغات بشكل تلقائي ،،، هذا سبب تحمل المفرج للهدف مالك معاذ فنان وصنع الهدف لنفسه من لا شيء ( ما اختلفنا ) .. لكن لو لقى اللي يقفل عليه (( مثل تفاريس )) ويقرأ تحركاته خطوة بخطوة ... ماراح يحصل لفريقنا تسحيب جماعي مثل ما صار بالسيناريو اللي شرحته قبل .... * وبالنسبة للضغط أنا ما تكلمت عن الضغط على الدفاع ، ولكن إذا بنتكلم ، خلنا نتكلم عن الضغط على الحارس لأنه هو اللي واجه ضغط بعدم تغطية المفرج للتصويبات من خارج الـ 18 ... * هجومنا ما كان نائم بل حاضر واقترب من الشباك ، ووصل لها بعد - إذا اعتبرنا الهدف الملغي وصول جميل من التايب - أيضا اقترابنا من خط الـ 6 أكثر من مرة (الشلهوب+بلنتي) ، (التايب ) ، (ياسر) ، وما راح أقول (التمياط) و (سامي) لأنه ما كان فيه اقتراب فعلي وإنما مجرد فرص خطيرة ضاعت .. هجومنا ضيع هجمات ؟ أي نعم لاعبينا حاولو يستعرضون بمهارات فردية نجحت أحيانا وأحيانا ما نجحت ؟ أي نعم لكن أيضا هجومنا بكل صراحة كان أدائهم أحسن من مالك معاذ ، وتخيل هجومنا لو واجهو لخبطة زي لخبطة المفرج ، وتباطؤ وقراءه خاطئة ، صدقني كان ما عاق معهم (( وأنت فكر فيها أكثر من مرة أرجوك )) ،،، لكن اللي حصل أنهم واجهوا حظ سيء + تنظيم دفاعي من الأهلي وتكتل وتراجع حتى والنتيجة (( صفر - صفر )) .. * ومن ناحية المنطق اللي أكلمك منه خلني أوضحه لك لما قلت لك الهزيمة بهدف واحد (( تترقع )) وأما الهزيمة بهدفين ما تترقع ... أقصد فيها : 1- فرق انك تلعب للتعادل ، وفرق انك تلعب للتقليص ... فرق كبير ... 2- مو شرط تترقع في المباراة هذي ، لكن ممكن يطلع مهزوم بـ 1 أحسن مما يصير مهزوم بـ 2 ، أكيد متفق معي .. وهدف جا عن طريق (( شبه لمسة يد )) ما يعتبر غلطة ولا يعتبر قلة مهارات ولا يعتبر سوء تكتيك ، ولا يعتبر دافع اننا نطالب بمحور غير عزيز .... وبعدين نفسيا وومنطقيا ..... الجميع يقبل الهزيمة بـ 1 ويعتبرها شي عادي ، بالعكس يمكن يعتبرها أحيانا آفة على الفريق الفايز ويقول : الوعد مباراة الرد ... لكن بـ 2 ؟؟؟ تعتبر هزيمة صعبة ،، وتخليك تعيد حساباتك وتخليك تفكر في البطولات الثانية مثل الدوري والآسيوية .... وتركز عليها أكثر من هالبطولة لأنها صارت بعيدة عنك ...... وهذا هو الزعيم متعدد المشراكات ويبي له لاعب متعدد الأنظمة ... (( المرشدي مثلا )) *بالنسبة لأخطاء الأوفسايد وغيره ،، والله كثيرة جدا يا أسامه ، ولا تقول لي المفرج مبدع ، لأني ترى كنت واقف معه وأرفض انتقده ، لكن لما جلست أحسب وأحسب وأحسب مليت والله وبغيت أطلع من طوري وتغيرت نفسيتي .... والناس اللي ينتقدونه صدقني بعضهم ما عندهم حق ، لكن بعضهم والله يدركون تماما أن المفرج ماهو في مستوى الهلال ..... واحنا نطالب بالمرشدي لأننا توسمنا فيه خير ن ممكن نلعبه يغلط في البداية مثل غلطات المفرج ، لكن على الأقل يتطور ويتحسن مستواه ويصير خليفة النعيمة .... لأنه فعلا لاعب ماهر ... ما نبي نحرقه في الدكة يا ناس وبعدين نتندم ان ما عندنا دفاع أفضل من المفرج ، ونروح نشتري لاعبين بمبلغ وقدره مثل ما شرينا الشريده وخليل وأشرف قاسم ودي سلفا وليتانا وأخيراً تفاريس ... أفهموني يا عالم .... وإذا بغيتني أكون دقيق أكثر معك (( ومن حقك اني أكون دقيق معك )) أنا ما أحمل المفرج اي خسارة للهلال ،،، لكني أعتبره شريك رئيسي ومن المؤسسين لأي مشروع خسارة يخسرها الهلال ..... ولا أنكر انه في بعض المباريات القليلة يبدع ويعطيك إنتاجية غريبة ... ولكنها مرات معدودة لا تشفع له باللعب أساسي على حساب المرشدي أو خليل ..... شاكر لك تفاعلك حبيب قلبي سلام

أولا أخوي أبو صالح أسمح لي أن أبدي إعجابي الشديد وإحترامي الفائق لشخصك الكريم
صدقني لو كل الأعضاء ينتقدون بهذا الأسلوب الراقي دون تجريح كان ما تجدني أكتب وأدافع

أنا لي وجهة نظر في المفرج ومقتنع فيها لكن أنا ضد التجريح وهذه العبارات ( مخرج 17 النكبة النكسة وغيرها )


أخوي أبو صالح لي عودة صراحة ردك طويل شوي سأعود وأرد عليه بالتفصيل نقطة نقطة لكن أعذرني الآن لا أستطيع الرد لكن الرد سيأتيك اليوم إن لم يتم حذف الموضوع تقبل تحياتي وفائق إحترامي

وأتمنى من جميع الأعضاء أن يقرأو طريقتك في النقد تقبل تحيات أخوك أسامه

وإنتظر ردي

ياأسامة ريح راسك وإكسب الجميل ولاتتنقد من العالم إلي حولك إنت جالس تصب في قربه

مخرومه - وربي بعد موضوعك هذا تأكدت إن لك علاقة في المفرج لا وبعد علاقة قوية

أكثر إنسان يدافع عنه في المنتدى - ياخوي عيب والله الهلال المتضرر من طريقتك هاذي

شوف لا تحاول ترقع لــ مخرج 17


انا من الناس اللي كنت ادافع عن المفرج لكن بعد مبارة الاهلي فألف لا


مع كامل احترامي للمفرج الا انه مكانه في اندية الدرجة الثانية وليس في نادي كالهلال



وبصراحة اكثر بوجود مخرج 17 انسوا البطولاتـ

إقتباس الرسالة الأصلية كتبت بواسطة هلالي العوالي اتمنى من ادارة الهلال انها تصرف لتفاريس راتبين لأنه يغطي خانتين

صــدقـــت والله مابرد حرتي الا ردك الجامد يسلم كيبوردك

لا نريد فهد المفرج يقود الدفاع الهلالي


كفايه محاباه كفايه مجاملات



اتق الله في نفسك يا اسامه انت تتكلم عن كيان هلالي كبير



فنحن نحضر ونؤازر ويإتي المفرج ويجعلنا نخرج حزنين ولديك اكبر دليل



3\0 تبع الشباب



وامام الإهلي ما قصر كان اكبر ثغره في المباراة كلها

إقتباس الرسالة الأصلية كتبت بواسطة المشتاق 6665 ياأسامة ريح راسك وإكسب الجميل ولاتتنقد من العالم إلي حولك إنت جالس تصب في قربه مخرومه - وربي بعد موضوعك هذا تأكدت إن لك علاقة في المفرج لا وبعد علاقة قوية أكثر إنسان يدافع عنه في المنتدى - ياخوي عيب والله الهلال المتضرر من طريقتك هاذي

طيب أخوي أول شيئ نصيحة أنك تكفر عن يمينك لأني ليس لي علاقة بالمفرج لا من قريب ولا من بعيد أبدا أبدا

إنت حلفت وانا أقلك أقسم بالله العظيم يمين أحاسب عليه أمام الله عز وجل إن شاء الله إذا كنت أكذب أن تنشل يدي التي أكتب لك بها هذه الكلمات إن شاء الله إذا كنت أكذب أن لا أوفق في حياتي أنه ليس لي بالمفرج علاقة لا من قريب ولا من بعيد ولا أعرف أي أحد من طرفه ولم أقابله في حياتي ولم أشاهده إلا من المدرجات وان كل هذا الدفاع من واقع قناعة شخصية بأن مصلحة الهلال في جود المفرج

نصيحة كفر عن يمينك الي حلفته هذا لأنك لو نسيته فربنا سبحانه ماراح ينسى فاهمني ؟

أنا أكثر واحد أدافع عن المفرج هذا وسام على صدري وشهادة منك أعتز فيها وإن شاء الله ستجدني أدافع عنه مش عباطة

ولكن حتى أقتنع أنه لا ينفع وأنا أنظر إلى الاعب من ناحية أدائه للمباراة كاملة وليس من ناحية غلطة واحدة

اخوي ااساامه ..

مشكلة فهد المفرج انه يلعب في خانه الدفاع ..
يعني لو كان مهاجم كأن ما احد ركز عليه ....

الدعيع لو اخطأ صدقني ماراح احد يرحمه ..

مانفول الا الله يوفق الزعيم ..


وان شاء الله ان حال الزعيم ولاعبينه يتعدل للاحسن ...

ومابقى من الموسم الا المباريات المهمه ...

إقتباس الرسالة الأصلية كتبت بواسطة هلالي العوالي اتمنى من ادارة الهلال انها تصرف لتفاريس راتبين لأنه يغطي خانتين

كلام صحيح .....

المفرج اخلاق وكل شي ونحترمه ومخلص بس معليش نبي دفاع نطمئن عليه مع تفاريس بعيدا عن العواطف