نادي الهلال السعودي - شبكة الزعيم - الموقع الرسمي

إقتباس:

الرسالة الأصلية كتبت بواسطة هلالي الظهران (مشاركة 4949382)

مساء النور والسرور والبلور المكسور والموعد المهجور وادام الله عليكم كل سرور وحبور وسعيكم مشكور وذنبكم مغفور وهلالكم منصور وعدوكم مدحورٌ مدحورٌ مدحور..

اووور
تسلم تسلم مالي عدو غيرك :razz:

إقتباس:

الرسالة الأصلية كتبت بواسطة هلالي الظهران (مشاركة 4949382)

أخبار الحلوين والطعمين؟ ايش عاملين؟

انا من الاولين ولست من الثانين ربما لست ادري :D

إقتباس:

الرسالة الأصلية كتبت بواسطة هلالي الظهران (مشاركة 4949382)

حياكم الله جميع.. اعنبوا ابليسكم والله اني مشتاقلكم حيل يا البايخين!:D

ندري ندري مشتاق طبيعي الكل يشتاق لنا حنا اعضاء منتدى المجلس العام انت ما تدري :D

إقتباس:

الرسالة الأصلية كتبت بواسطة هلالي الظهران (مشاركة 4949382)

طالت الغيبه واتمنى تعذروني وسؤالكم الكبير عني والله أحرجني ..مكانكم والله بالقلب ولايغركم كلام العذال بس ظروف الوقت عنكم ابعدتني:) ..

عادي نتمنى استمرار الظروف والعذال زعلانين دايم يقولون الله يرجعه الله يرجعه انت ما تدري ان رجعتك خساره :razz:

إقتباس:

الرسالة الأصلية كتبت بواسطة هلالي الظهران (مشاركة 4949382)

لكل من سأل واستفسر وارسل ..لكم جميعا شكرا من القلب .. ودوكوا هالبيتين اللي فاضت بهم القريحة:p ..

يامن غـدا شوفكم كما حبـة الكـوع ×× لمسه قريب وبوسته مستحيله:D
أرفقوا على خويٍ لكم غدا مصروع ×× ضاع وقته مابين ديره وديره:D

اشوى اني ما سالت ع هالبيتين :D

إقتباس:

الرسالة الأصلية كتبت بواسطة هلالي الظهران (مشاركة 4949382)

تمهيد

قالت العرب قديماً.. خذ الحكمه من أفواه المجانين..!!

الهرطقه في اللغه: البدع اوالخزعبلات ..

وفي الاصطلاح: "لاتوجد كلمات بحث مماثله":D

شوف اخ فهد مدري خالد :rolleyes:
انا اعترف اني مالي بالثقافه والفهم يعني شرواك شرواك الطيب :D
لكن ما تلاحظ ان في فرق بين المعنى في اللغه والاصطلاح :dead: يعني شجاب البدع لا توجد كلمات مماثله:D

إقتباس:

الرسالة الأصلية كتبت بواسطة هلالي الظهران (مشاركة 4949382)

والهرطقه في مفهوم هلالي الظهران قدس الله سره هي مجرد سواليف وبربسه ربما تحتوي بعض الفائده وان كنت مقتنع بأن ضررها اكبر من نفعها .. ولتكريس معنى الهرطقه ناظروا الشده بالعنوان وين راحت:D ..اللي قفل الصفحه من الحين مسموح:D ..

ما ضيعنا الا مفهومك حسبي الله ع بليسك :mad:
اصلا ابليسك متقاعد لقاك ما تحتاج من يخربك ويغرر بك قال هذا العن مني خذ تقاعد مبكر جدا نخبر ان ابليسهو اللي يغرر بالواحد بالنسبه لك اخ محمد انت اللي تغرر به :D

إقتباس:

الرسالة الأصلية كتبت بواسطة هلالي الظهران (مشاركة 4949382)

Ladies First

ليديز فيرست او السيدات أولاً .. ليه؟ وبالبنط العريض لماذا؟ << سؤال يفرض نفسه صح:D

كل ابو دايم يقولون السيدات اولا.. وفي روايه اخرى "سيداتي آنساتي أمهاتي حماواتي خادماتي....." واذا طاح اللي براسهم قالوا "سادتي" !!:confused:

طيب ليه السيدات اولا؟! وليه حتى بالاتيكيت تقدم الحرمه قدامك؟!

الحين بيجيني واحد يقول المرأه نصف المجتمع وهي أمك واختك وبنتك وزوجتك وخويتك.. وبتجيني وحده تقول الجنه تحت أقدام الأمهات.. وبتخش وحده عرض وتقول "البنات البنات ألطف الكائنات" .. وبتجي عاشره رافعه خشيمها وتقول احمدوا ربكم اصلا خليناكم بعدنا!!:rolleyes:

لكل هذول وغيرهم ابقولهم العنوا ابليس واستريحوا وطرطقوا اذانكم واستمعوا مني أثابني الله واياكم..

معليش لا تحاول تكرهني ف البنات ع الاقل احسن منك انت وخشتك :razz:
مااقصد داجات الرساله المشهوره اقصد البنات الي مو داجات الرساله المشهوره :D

إقتباس:

الرسالة الأصلية كتبت بواسطة هلالي الظهران (مشاركة 4949382)

أعزب دهر ولا أرمل شهر!!

يُحكى بأن امرأة ذهبت الى القاضي لتشكي زوجها وتطلب من القاضي تطليقها منه..لم يجد القاضي من زوجها أمراً يدعو الى التفريق بينهما..

استمر الحال عشرون عاما والمرأه تطلب الطلاق تارة من زوجها وتارة من القاضي وزوجها صابرٌ محتسب حتى أراد الله بأن يتوفى زوج هذه المرأه..

بعد عدة أيام ذهب القاضي الى المقبره لتشييع احد الجنائز.. وكانت المفاجأه بأنه رأى هذه المرأه واقفة على قبر زوجها وهي تصيح وتلطم!!

فبادرها القاضي قائلا..أفقدتي عقلك يا امرأه.. هذا من تطلبين الطلاق منه طوال العشرين عاما؟!!

قالت المرأه.. بلى ياشيخ ولكني سمعت حديثا بان البكاء واللطم على الميت يزيد من عذابه في القبر!!:upset: :D

فقال القاضي..أعزب دهر ولا أرمل شهر(صح ولا لأ يابو عبدالله :D )

وتاره علمني وين بيقبرونك فيك خل اصيح ع قبرك :D

إقتباس:

الرسالة الأصلية كتبت بواسطة هلالي الظهران (مشاركة 4949382)

عصفور باليد ولا عشرة على الشجره

اي والله صح اخ احمد :razz:

إقتباس:

الرسالة الأصلية كتبت بواسطة هلالي الظهران (مشاركة 4949382)

كان يامكان في قديم الزمان وسالف العصر والأوان.. يروى ان هناك عائله بسيطه مكونه من الأب والأم وطفلهم(رشيد) يسكنون احد قرى منطقة الرياض..
كبر الطفل وبلغ أشده (عاد اللي مافهم بكيفه:D ) .. وكعادة أهل القرية قرر الاب تزويج ابنه رشيد..

جاء ابو رشيد يفاتح ولده في موضوع الزواج ويقوله..رشيد أنت لازم تعرس..وش رأيك ببنت عمك هيله؟!

رشيد: قصدك هيله باولو ديسلفا ماغيرها.. تدري انها لاعبة معنا امس جناح يسار.. ولمعلوماتك انا عندي استعداد انام معك مع البقره بسرير واحد ولا أنام معها:D ..

قفلت مع ابو رشيد وقال لام رشيد..تفاهمي معه ولا أجي الا وانتم لاقين له حرمه!

رشيد: حشا يبه تدور يوزر أنت:D ..

بعد صراخ وهواش وحالات اغماء..

أم رشيد: حسبي الله عليهم .. انلعب علينا وانا امك مو بهذي اللي شفتها بالعرس..

رشيد وخانقته العبره: يمه هذي اللي تشق القمر شق! هذي لو شافها سعد خضر انحاش..والله ياهيلة ديسلفا تسوى مثلها عشر مرات..

أم رشيد: ياوليدي شيفه باليد ولا عشرة على الشجره:D ..

ومع مرور الوقت صار عصفور باليد ولا عشرة على الشجره..

مو صحيح كلام سليم غير موزون اصلا تدوير يوزر اصعب :rolleyes:
نعنبو بليسهم اعضاء شبكه الزعيم خلصوا اليوزرات هب ع سيرفرهم مدري رسيفرهم :D
انا مستعد ادور عشر يوزرات في كل شبكه ولا يوزر في شبكتنا ;)
^
^
^

دعايه تنتظر المقابل تحت يوزري مفكر المجلس العام وتحت يوزر بوريمان عضو موقوف او يكفي ترجعونه مميز :p

إقتباس:

الرسالة الأصلية كتبت بواسطة هلالي الظهران (مشاركة 4949382)

اذا كان صاحبك عسل لا تلحسه كله

يقولون والعهده على الراوي أن فيه شلة شباب متقاطين باستراحه ووضعهم اخر حلاوه..

كان واحد من الشباب حبوب ودمه خفيف وينادونه "عسل" لكن هالادمي عنده صلعه غير طبيعيه.. وفيه واحد ثاني من الشباب غث راعي الصلعه وكل ماشافه قاله "ياخي شفلك حل خل بقره تلحس الصلعه كود ان الشعر يطلع":D

وفي مره من المرات وبعد مباراة طائرة والشباب منهد حيلهم وفي لحظة خمول..قام البثر يقول لخوينا راعي الصلعه "رح لبقره وخلها تلحسها"..

التفت عليه راعي الصلعه وحط صلعته عند وجه البثر وقال "الحس":D :D ..

فما ان كان حتى اطلق احد الشباب المقوله الشهيره ..اذا كان صاحبك عسل لا تلحسه كله..

الله يحوم كبدك :mad:
انت ماتدري ان نفسي شينه وادني حكي مثل هالحكي يخليني اعاف الاكل ثلاث دقايق بلياليهن :D

الموهم اعترف انت اللاحس او الملحوس اما عقلك انا اعترف انه ملحوس :D

إقتباس:

الرسالة الأصلية كتبت بواسطة هلالي الظهران (مشاركة 4949382)

قبة الشيخ علي جعلها هدامه

في يوم من أيام الاجازه الصيفيه.. عود ابو صالح الى بيته مبكر قبل صلاة الظهر..وريح شوي الين اذن الظهر..قام وتوضأ وصحى ولده صالح علشان يصلي..

راح أبو صالح للمسجد وماشاف ولده هناك.. رجع ابو صالح للبيت ولقى صالح على حطة يده.. صحاه وتله مع فانيلته وساله.. ورى ماصليت؟!

قام صالح ويحلف سبع ايمان انه مصلي ورجع بسرعه ونام(الذمه وسيعه)

ابو صالح: وين مصلي فيه؟

صالح:بالمسجد(ذمته وسيعه وبجيح بعد:D )

ابو صالح: طيب وش قرأ الامام؟

صالح:انا ادري وش قرأ هذي صلاة ظهر

ابو صالح: ايه صح.. طيب من اللي مصلي جنبك؟

صالح: جنبي باكستاني ومن الناحيه الثانيه الجدار..

ويتل ابو صالح ولده ويسويله حركة سوبليكس ويقوله.. اجل يا الكذوب مصلي بالمسجد وجنب الجدار وكل اللي صلوا صف واحد وما اكتمل بعد.. ويكمل ابو صالح حركته ويمسك صالح مع قفاه ويلزخ وجهه بالجدار..

راح صالح لأمه وقالها.. يمه ضرسي هذا من لزخة ابوي يرقل ويبي يطيح:p ..

ام صالح: رح جب الابره اللي فيها خيط شفني غازتها بجدار المقلط..

ومسكت أم صالح الخيط اللي في الابره وحطته في ضرس صالح وسحبته الين انقلع وقالت لصالح..خذ ضرسك وناظر في الشمس وارمه صوبها وقل" خذ ضرس حمار وعطني ضرس غزال":D ..

راح صالح وتعلق بالدريشه ورمى ضرسه وجلس ينتظر ضرس الغزال.. وبهالاثناء انتبه صالح ان فيه عمال يشتغلون على المسجد(مسجد الشيخ علي) ويركبون له قبه.. استانس صالح يقاله يبي يحجر ابوه اذا ساله مره ثانيه وجلس يناظرهم..

استمر هالوضع وكل مانادوا صالح مارد عليهم.. حطوا أهل صالح الغداء ونادوا صالح وهو يقولهم"بناظر قبة الشيخ علي" .. نادوه مره ثانيه وصفطهم..

وبعد فترة جاع صالح ونزل من الدريشه يدور الاكل ومالقى شي.. سال صالح امه عن غداه.. قالتله خذه من عند قبة الشيخ علي اللي عندنا قضى..
قال صالح.. قبة الشيخ علي جعلها هدامه:rolleyes: :cry: ..

هالقصه مثل وجهك ما فهمت منها شي صح اني ماقريتها بس مدري وش تبي مو مثل الباقيات :D
اللهم لك الحمد تحمدو الله ترى عمر ;) كلشن يجي منه :razz:

إقتباس:

الرسالة الأصلية كتبت بواسطة هلالي الظهران (مشاركة 4949382)

عنزه ولو طارت

يقولون ان فيه واحد مهايطي وعنيد وراسه يابس.. طلع خوينا هالعنيد مع واحد ثاني يقنصون وشافوا من بعيد شيئين لونهم أسود..

قال خوي العنيد..أكيد هذول غرابين!

قال خوينا.. لا هذي شكلها عنزه

قال خويه.. طيب وحده عنزه والثاني ايش؟!

قال خوينا..هذا الظاهر زلدها حتى شوف شكله ينفع للمندي لأنه مابعد أعرس<< مدري وش يقصد:D :D

المهم أصر كل واحد على رأيه ويوم وصلوا لقوهم غرابين شافوهم وطاروا..

قال خويه.. شفت ماقلتلك غرابين..

قال خوينا.. لا عنزه ولو طارت .. <<اعنبوا ابليسه هو وهياطه.. يعني فرق والله بين الغراب والصقر لو انه قايل صقر معليش:D ..

شوف اخ عادل غير عادل كلاسيك
الباردايم حقك لازم يكون مفتوح خلك (اوبن مايند) معناتها بالانجليزي open mind :dead:
يعني ليه ما تطير العنزه :rolleyes:
يعني بالله ماتزعل انت لو قالك احد انت ما تطير :D
ياخي خلك عادل << غير عادل الاستشاري خلك عادل مع نفسك شوي :D

إقتباس:

الرسالة الأصلية كتبت بواسطة هلالي الظهران (مشاركة 4949382)

من فاته اللحم عليه بالمرق

بعض فتياتنا-هداهن الله- أغواهن الشيطان ولحس بعقولهن وتفسخن من الحياء وبدأن بتفسيخ ملابسهن ..

يعني ليه كذا؟ من جد والله ليه؟ وش ذنب الشباب يتعذب بهالمناظر المؤذيه:D ؟

يعني ما نقول خلكم مثل جدتي وجدتك.. والله ماطلبنا أنكم تلبسون دراعات وتحتها دراعات داخليه وشراريب داخليه:D وشلحه وتحت الشلحه سروال سنه او تكميله:D ..

لا والله ماقلنا كذا .. البسوا وخذوا راحتكم وامشوا على الموضه بعد لكن اختاروا اللبس المناسب للمكان والزمان.. لكن اللي يصير الحين عيب والله عيب.. والعذر الجاهز انها الموضه!!(اجل تنوره قصيره وتحتها برمودا:D :D وش خليتوا للهنود:D )

اعنبوا الموضه اللي تسمعون فيها.. المشكله انكم قمتم تقلدون اخواتنا الفاضلات بمصر ولبنان:D والمصيبه انكم تقلدونهم وهم مسكينات ماعندهم ملابس..شوفوا كيف ملابسهم ضيقه عليهم من حقات العام:D وناظروا شلون سرهم طالع وأكمامهم مشمره من كثر الغسيل:D ..

يعني وش ذنب الشباب وين ماراحوا يشوفون هالعبايات اللي من ضيقهن مايدخلن الا بفازلين وتشوفها كأنهم نازلين ببراشوت حتى ملابس صارت أوسع:D والادهى والأمر تشوف هاللحوم والشحوم طبقات طبقات لو وزعناها على احد هالقبايل اللي تاكل لحوم البشر صار عندهم اكتفاء ذاتي:D بعدين تجيك الوحده طاقه اللثمه والعيون لو تشوفها تحلف ان كحلها بقدر على التسريحه وتغرف منه بزبديه:D وخذ ذيك الشفايف المزمومه زم واللي ماتوقف حركه فوق وتحت كن الشفايف ماخلقت للكلام:D والله من القهر مدري وش اقول وش أخلي .. بس الغبنه اذا جاتك تتمخطر بهالممرات ولا كافخه الطبلون والعبايه تقول شراع مركب وان احد قالها كلمه التفتت باستغراب وقالت ياربيييييييييييه عمى عمى وش جاه ذا!!
يعني من جد فرق والله.. زمان الواحد يوخر الملابس علشان يشوف الجسم وهالايام صاير العكس..<<مابي اكمل اكثر حتى لا اجيب العيد:D

لهذا أخي الشاب اذا فاتك اللحم لايفوتك المرق:D وانتي أختاه يارعاك الله هل ترضين بأن تكوني "مرقه" أم ترتقين بنفسك الى "لحمه":D

خلهم بكيفهم خلهم ياخذون راحتهم تبي تفصخ مثلهم تفصخ محدن رادك :D
يعني يقالك ما جبت العيد الحين :mad:
جبت ام العيد وابوه بعد عبايات بفازلين واول يوخرون الملابس عشان يشوفون الجسم :mad:
يعني الحين وشو :confused:
يوخرون الجسم عشان يشوفون الملابس :eek: مو صحيح مو صحيح هذولا مو بناتنا اللي عليهم الكلام :yes:
هذولا بناتنا اللي ما عليهم الكلام :p
طيب واللي فاته اللحم والمرق :D

إقتباس:

الرسالة الأصلية كتبت بواسطة هلالي الظهران (مشاركة 4949382)

مخرج

يوجد للبيع امثال عربيه اصيله لم تستخدم من قبل لا تصلح الا لأصحاب السمو فقط .. خفيفه على اللسان وساحرة في البيان .. لها معنى عميق جدا ومغزى فريد جدا..

سعر الحبه بـ 5000 ريال ..للاستفسار/ مراجعة أقرب شارع تحليه:D

ملاحظه: في حال الاتفاق الرجاء عدم اطلاع اي شخص عليها.. وفي حالة ما اعجبتك مو ضروري تشتريها ومابين البايع والشاري يفتح الله:D

ف جده اقرب شارع تحليه تحليه جده وبالرياض اقرب شارع تحليه الرياض الشارع الذكي وكلهم فيهم امثال ;)
يارب لك الحمد من عقب الشارع الذكي وهلالي الظهران كلما دخل شارع غير شارع التحليه هيه يا غبي :D

عمر افندي تدري انك انت الوحيد اللي تخلينا نستفيد وحنا نضحك وموضوعك مهما كان طويل ما نمله :yes:
تحياتي لك قد مالفو الشباب في شارع التحليه :D