الحمد لله ان الهلال خسر .. الحمد لله الحمد لله الحمد لله !! - نادي الهلال السعودي - شبكة الزعيم

روحي الازرق · #1 09/03/2007, 12:42 AM

ماذا لو فاز الهلال امام الكويت الكويتي ؟!!

سنفرح ولكننا سنصطدم بالامـر الواقـع وفي نهاية المشوار ربمـا نكون خارج المضمار عطفا على مستوى الهلال الان
الهلال ماهو الهلال اللي نعرفه ونجومنا مرهقين واقدامهم ثقيله ولا هذا مستواهم المعروف ..
الحمد لله ان الهلال خسـر لكي تكون هذي الخساره جرس انذار يقول انتبهـوا وعالجوا الاخطاء قبل ان تخرب الامور
تو الناس وبامكانكم التاهل بالراحـه .. لكن وين " اللي يسمع هالجرس " ووين اللي يعالج .

خلال الـ 90 دقيقه لم ارى كورة صح ولا جمله رائعه سوى 3 الهدف والهدف الملغي وفرصة نواف .. غيرها لعب فردي
ممل واستعراض وكرات مقطوعه وعدم تركيز والتمريرات اغلبها خاطئه اما ان تكون التمريره للخلف او ان تكون ضعيفه لا تساعد على بناء الهجمه السريعه او ان تكون مقطوعه ..

التايب يلعب بشكل " عرضي " ويبطئ من الهجمـه وهذا ليس في صالح الهجمه السريعه المباغتـه واللعب بشكل طولي يفقد الكره ويبطئ اللعب ويساعد الخصم على قطع الكره بسرعه والاهم انها لا تشكل خطوره بعكس اللعب الطولي
ارجو من التايب الابتعاد ولو قليلا عن هذه النقطه واللعب عن طريق الطول " العمق "

الشلهوب مشكلته انه ما يخترق سواها البارحه مره ونجح وكانت خطره .. لماذا لا يفعلها اكثر من مره اكثر تمريرات الشلهوب عرضيات وتكون كالعاده طويله الشلهوب المفروض تلعب بـ " ون تو " صدقوني انه مبدع ومتقن لهـا ولكن لا ادري لماذا لا يستخدم هذا السلاح ..

التمياط .. ؟ جعلة هالعلامه على مستواك المتدني .. نواف سر نجاحك الاول هو اللياقه والتسديد ولكن الان لا لياقه ولا تسديد اذا لن يرجع نواف 2000 مدام انه لم ينتبه لهذين الميزتين التي كان يتميز بها ..
تذكروا نواف وهدفه بالكويت ببطوله اسيا بلبنان .. وتذكروا اهدافه السابقه وسر خطورته بالتسديد ..

ياسر واضح الاجهاد والارهاق .. ما تنلام من الدوري لبطوله الخليج لكاس ولي العهد للدوري والان كاس اسيا خصوصا ان اغلب المباريات تلعب وحيدا بالمقدمه ولكن هناك هبوط خصوصا بعض الكرات السهله تروح منك وتضيع ياسر نريد اهداف بغض النظر عن جمالها .. لا تبحث عن روعه الهدف ولكن العب عالمضمون حتى لو تسجل بركبتك

الدعيع اسد ومبدع ودايم تمسح وتدمح غلطات المفرج وتفاريس لاهنت يا اسد لكنك طلعتك بالزاويه مالها داعي طبعا يكفينا انك انقذت الهلال من اكثر من هدف والله ما ندري وش بنسوي لا رحت ..

خط الدفاع تجليات تغطيه خطأ تمريرات مقطوعه التسلل ما يعرفون يسووونه والله يستر من القادم الله يستر ..

الحمد لله على الخساره لانها راح تعلمنا السلبيات .. لكي نتداركها قبل المراحل الحاسمه

اخيرا صدقوني اننا سنتأهل لكاس العالم .. واللي مو عاجبه يصك راسه باقرب جدااااااااااااااار ;)

.

الهلال حـبي · #2 09/03/2007, 12:48 AM

اي والله من شفت مستوى الهلال الباهت قلت والله الهلال مو متأهل واللي فرحني اكثر هدف التعادل الكويتي تخيلوا فرنا مثل ماقال اخوي نبي ننسى اخطائنا الفادحه ونفكر فووق لأعلى مستوى

بس الشي اللي يقهر هالجمهوور الكبيرر اللي اكيد انه يبي يفكر الف مرة قبل ما يحضــر ؛؛

حروف زرقاء · #3 09/03/2007, 12:49 AM

تدرون وش احلى شيء ان الزعيم اصبح يشوف التعادل خساره

وهذا لوحده كاف ليكون الزعيم بطل في كل الاحوال

خرج الريال والبرشا والارسنال اما نحن فما زال الطريق طويل

ولن يكون التأهل إلا لنا

EMII · #4 09/03/2007, 01:01 AM

ان شاء الله تعادلنا يكون في صالح الهلالـ ويصحح من اخطائه
وبالتوفيق للهلالـ في مبارياته القادمة,,,