بسم الله الرحمن الرحيم
بالبدايه يجب ان نقول قدر الله وما شاء فعل

من اصداء الهلال والكويت ليلة امس

اولا: دخلنا المباراه ونحن جماهير الزعيم نمني انفسنا بدرزن اهداف ومنا من قال اذا النصر فايز عليه ثلاثه
فاكيد حنا نبي نجيب الدرزن وهذي مهي من عوايدنا يازعماء ان نقلل من خصومنا . وانا اجزم جزماً قاطعاً
اننا كنادي الهلال لا نقارن بنادي الكويت الشقيق من كل النواحي وطبعاً الافضليه لنا
لكن يجب ان نحتفظ بهذا الجزم ونسخره بما فيه احترام لنا اولا وللخصوم ثانيا.


ثانيا : انا لا الوم ابو سلطان على تصريحاته فالرجل معروف بصراحته وهذا اللي جعله رئيس مميز وسوبر ستار و قدم كل شي من اجل الهلال
لكن المشكله ان اللاعبين لم يردوا جزء من دين هذا الانسان فقدم المكافات والرواتب دون تاخير كبير من اجل اللاعبين وتهيئة المناخ المناسب لهم
ووقف معهم وأمن مقدمات عقودهم وتصادم مع الجميع من اجل مصلحتهم لكنهم أبو الا ان يقولوا نفسي نفسي او ( الزم ما علي جيبي)
سبعين الف احتشدوا وكذلك ما جابو اللاعبين لهم خبر واستمروا بلعبهم البارد وانعدمت القتاليه وكانهم فايزين سبعه صفر !!!
فأصل بنهاية هذه النقطه ان ابو سلطان معه حق بتصريحه والله يلوم اللي يلومه.


ثالثاً : اللاعبين : مشكلتنا يازعماء ( وليس الكل ) ان هناك من يرى ان بعض اللاعبين فوق مستوى النقد والادهى والأمر ان
هذا الشخص يلقي اللائمه على لاعب قد يكون من نجوم المباراة لكن ماله احد يفزع له من الجمهور او بالاصح مهو نجم شباك
والدليل ان من أسوا لاعبين المباراة (الشلهوب - ياسر) لكن بحكم انهم نجوم شباك فغض الطرف عنهم ونصبت المجازر
للمسكين او احب اسميه ( حمال الأسيه المفرج ) وايضا النجم الفذ طارق التائب اللي ذنبه الوحيد انه دخل مقارانات مع التمياط والشلهوب
ومشجعين اللاعبين ( التمياط والشلهوب) طبعاً وليسو مشجعي الهلال ككيان ارادوا ان يلقوا باللوم على التايب لتغطى حال نجومهم المفضلين.
نعم المفرج اخطأ خطأئين بالمباراة لكن تفاريس اخطا اخطاء اكثر فداحه منهما لكن كونه المفرج فصار ما يسوى ولا بيزه !! خوفوا ربكم يالزعماء
والتايب حرث الملعب وصنع الهدف وصال وجال من الدفاع للهجوم لكنه اخطأ بكورة تقدم الفضلي فصار ما يسوى ريال !! خوفوا ربكم يالزعماء
( للهلالين شوفوا التايب اذا انقطعت منه الكوره وش يسوي وشوفوا التمياط اذا انقطعت وش يسوي - عدوا كم تواجد التايب بالدفاع وكم تواجد الشلهوب ونواف بالدفاع!!)
يا زعماء ضحكنا على النصراويين وقلنا انهم جمهور لاعب وليسوا جمهور نادي وصرنا اسوء حال منهم !!!


رابعاً : نجوم الهلال بالترتيب بلقاء أمس :
1- الدعيع
2- التايب
والباقين فنايل بس مش اكثر .



بالنهايه
كلامي هذا مش اني ضد لاعب محدد فوالله العظيم اني مع كل اللاعبين واحبهم حب جماً لكن اذا كان اللوم لا يقع على
من يستحقه لكونه نجم شباك ويتحمل غيره عبء اخطائه فهذا ما لا يطاق
وانا واثق تمام الثقه ان لاعبي الزعيم سيعون الدرس وأن هذه المباراة كبوة جواد وسيعود الزعيم زعيماً لاسيا باذن
الله ولن يخيبوا ظن ابو سلطان والجمهور الوفي.



قفله:
متى ما لعب اللاعبون بحماس و قتالية (تفاريس والمفرج والتايب) فسيكون هلالنا الهلال الذي لا يُقهر


والى ان نلتقي لكم ارق التحايا