08/03/2007, 01:30 PM
|
| زعيــم فعــال | | تاريخ التسجيل: 12/09/2002
مشاركات: 409
| |
|
من أرض الواقع ( الهلال - الكويت )
من أرض الواقع
* للمرة الثانية يظلم الدعيع بعدم وضع أفضل لاعب للمباراة..
* لا اعتقد الارهاق هو السبب الرئيسي لكنه التخاذل، يعني ما أشوف الإرهاق أثر على الشباب في الإمارات.
* الإدارة تتحمل جزء من الخطأ عندما اقنعت اللاعبين بأنهم مرهقين ، أنت لاعب محترف وين لياقتك وش دخل الارهاق وينكم عن حسن معاذ اللي لعب مع المنتخب اساسي و مع فريقه بأربع بطولات 3 محلية و اسوية أساسي ، ولعب مع المنتخب الاولومبي كمان اساسي ورا ماطلع لنا وقال انا مرهق.
* فجأة قرر دفاع الهلال لعب دور الوسط وتمرير الكرات للهجوم بتمريرات خاطئة تتحول لمرتدات خطيرة ، من الأفضل تركيزهم على واجبهم الدفاعي التي كثرت هفواته في المباراة.
* في مباراة الحزم كانت هناك مقابلة للياسر بعد المباراة وقال اننا ماادينا كويس عشان بالنا بمباارة الكويت، وهذي مباراة الكويت جت ياياسر بالك مشغول في ايش اللحين؟
* الشوط الثاني دخل اللاعبين ضامنين المبااراة تمريرات خاطئة أخطاء دفاعية استعراض ماله داعي أنانية هجومية ضياع فرصات .
* اكثر ماآلمني الجماهير الكثيفة التي حضرت المباراة وخرجت حزينة، من جد شكرا..
* طارق التايب ، رغم أنه أبدع بالشوط الأول و كان ماعليه بالشوط الثاني ، لكن لازم يضبط أعصابه شوي وإذا ضاعت منه الكورة ماياخذها بالقوة.
* دخول الصويلح كان شوي متأخر فالصويلح في وقت يبي يثبت نفسه وسريع ومراوغ .
* بدر الدوسري لا يتحمل الكثير من الأخطاء نظرا لقلة خبرته لكن أعتقد بعد مشاركاته بالمنتخب الأولمبي هذا العذر لن يقبل .
* تفاريس و المفرج ماكان يومهم ، واللي قاموا على المفرج ونسوا تفاريس ، أقولهم اتقوا الله تفاريس بغى ينكبنا أكثر من المفرج ستين مرة.
* شاهدت مباراة العين والشباب قبل مباارة الهلال ، بصراحة صابتني صدمة لمستوى العين من لاعبين وجماهير ، هل العين لا يلعب بكل تلك القوة ولا تحضر جماهيرة لتغطي الملعب إلا إذا لعب أمام الهلال. (كبير ياهلال)..
* لماذا ألغي هدف الهلال الثاني ، لا أعتقد أن التسلل له علاقة بالموضوع ، وين الهدف وين التسلل.
* شكر خاص للاعب خالد العنقري ، اللي ظلم في مباراة الحزم لأنه كان الأفضل، وقدم مجهود طيب في مباارة الكويت.
* من الخطأ ياجماهير الهلال أن (تطيروا بالعجة) فألقابكم وإعجابكم ومبالغتكم بالتايب وألفن قد تنهيهم مبكرا.
* إذا استلم لاعب الكويت الكورة تلاقي كل لعبية الهلال رايح له و فاتحين اللعيبة الثانية فيمرر على راحته.
* ألفن ينطفئ الشوط الثاني ، لاأعرف لماذا قلة اللياقة ربما.
* التايب بالشوط الأول أدى ماعليه وأكثر فهاجم و غطى دفاعيا.
* لكل من طالب باعتزال الدعيع ، شاهدوا المباراة مرة آخرى ولن ترضوا إلا إذا لعب أساسيا في المنتخب.
* الخثران ، انا من أشد المعجبين بهذا اللاعب لكنه في المباراة اختفى.
* خالد عزيز إن شاء الله تقوم بالسلامة و ما تشوف شر.
* اتمنى من الإدارة عدم إعطاء إجازة للاعبين ، واللعب بالأساسي أمام الفيصلي في مباارة الدوري المقبلة مع وجود ياسر بالتشكيلة الأساسية.
* الأمير محمد بن فيصل ، والله ماقصرت و أعتقد الجماهير ستأزر اللاعبين والنادي مهما حصل فجماهير نادي النصر ليس أفضل منا.
* ليس هناك تشكيك في اللاعبين وإخلاصهم وولائهم للنادي ، ولكن التخاذل مرفوض.
* لازالت آسيا تنادي ولا زلنا جميعا نجاوب ( جاينك ، فليس هناك من يستحقك إلا الهلال)
* نعم أتباهى بك أيها الهلال في كل مكان وزمان ، ولا زلت أتباهى.
* نادي الهلال بصفة عامة واللاعبين بصفة خاصة، عتبنا عليكم ليس إلا حبا لكم ، والله لكم في قلوبنا الشيء الكثير ولم نتوقف يوما عن حبكم ولن نتوقف، تفداكم المباراة فكم اسعدتمونا سابقا وستسعدونا إن شاء الله لاحقا، لكن يجب معرفة السبب الحقيقي لهذا المستوى لتصحيحه.
* مهما اختلفنا نتفق على حب الهلال.. |
، وتسلم لمرورك.
الوضع العادي
