الف شكر

عزيزي هذه كورة...وش دخل اليهود والنصارى وهالخرابيط!! الناس لها حق تتفرج على اللعب اللي يعجبها
انا مو من متابعين البطولات الاوروبية لكن ما اقدر اقول لاحد لا تتفرج لانهم كفار!!!!
كان بامكانك تطالب بالحضور الجماهيري بعيد عن هالاسلوب الاقصائي واللي فيه مع احترامي همجية
بالتوفيق للزعيم

مباريات الشامبينز تبدء احد عشر الا ربع يعني بعد المبارات بساعه الا ربع يعني في وقت يشوفونها

كلامك سليم بس ان شاء الله يمتلي الملعب

طيب وش دخل اليهود والنصارى بالسالفة ؟؟ الديانات اخوي بعيده عن الكورة

ياخي انا لي فتره مسجل بالموقع...ومع هذا ماكنت اشارك رغم متابعتي اليوميه لشبكة
الزعيم الرائعه
ولكن ردك نرفزني وخلاني ارد...

أخي الكريم...

وش دخل ابو اليهود والنصارى بالموضوع؟؟؟؟الى متى حنا نفكر بالطريقه الهمجيه
هذي؟؟تراهم والله مافتكروا فيك....وربك خلقنا شعوب عشان نتعارف...مو عشان
نكره!!!
شكلك والله اعلم كنت مع جماعة المكتبه...وتوك مركب تلفزيون بالبيت...عشان كذا
الالفاظ هذي للحين راسخه بعقلك

احترم عقول الناس...فأنت في الشبكه العنكبوتيه ياأخي في الله

سجل عندك 5 تماسيح جايين من القصيم *_*

وشوي بنمشي

إقتباس الرسالة الأصلية كتبت بواسطة هلالي طول عمري صدقوني اني ما اصدق ان فيه ناس تفكيرهم كذا ؟؟ بتقولون وش السالفة ؟؟ اقول لكم اني سمت جمهور هلالي يقول ماني بحاضر المباراة عشانها تتعارض مع الشامبينز ليق ناس يقولون نبي مانشستر وناس الريال وناس ارسنال و الخ وا اسفاااااااااااااااه بالله عليكم هل هذا جمهور هلالي جمهور يشجع اليهود والنصارى ويترك فريقه الحلي المسلم عرضه للخساره في عقر داره ؟؟ فعلا مدري وش اقول ؟؟؟ لكن صدقوني ان اي واحد مايحضر المباراه وهو قادر على الحضور انه ماهو بهلالي ولا في قلبه ذرة من حب الهلال اللي يحبون الهلال صح يساندونه ويحضرون من مدن وهجر وقرى بعيدة وناس في الرياض وما جاورها يتسدحون على مباريات الشامبينز لا واكثرهم يروحون لها في المقاهي وخساير مادية وصحية ( من دخان المعسل ) ومباراة الهلال بكرة مجانية وهامة ومصيرية و ان سألتهم وش تشجعون قالو هلال يا شيخ العن ابو التشجيع اللي تعرفونه بعدين يا اغبياء مباريات الشامبينز تبتدي بعد نهاية مباراة الهلال بنصف ساعة يمدي الواحد يرجع البيت او يروح المقهى بالراحة... وتجي تسألهم عن سبب تفضيلهم للمباريات الاوربية يقولون لك متعة يعني الهلال مايمتع ؟؟ التايب مايمتع؟ ياسر ما يمتع؟ سامي مايمتع؟ الشلهوب مايمتع؟ الهلال كله متعه حتى رابطته بقيادة ابو خليل صاحب الاهازيج الممتعة استاد الملك فهد بحد ذاته متعة واربعاء و ويكند وش تبون بعد؟؟ ان ماحضر 70 الف فارحل يابو سلطان فنحن لا نستاهلك واخرج ياهلال فنحن لا نستاهل ان تتأهل واعذروني على العصبية بس هذي الفئة من الجماهير قهرتني ورفعت ضغطي سلام !!!!!!

والله هذا اللي حاصل ماهجم مايعرف يشوت كوره وش هذا المهاجم فرصتين جته ولا عرف مشكله

تقول لا تابعون المباريات الخارجيه والله متعه وفن وحتراف على اصوله مهو عندك هنا

تقول لا تبعون غير الهلال واذا خسر انوع الكلام وتجريح وهذا مالعب وهذا المفروض على دكة الآحتياط وهذا المفروض يعلب

ناس اللي برآ تفكر صح وتعرف تلعب كوره وتعرف اذا مالعب الاعب زين بعد مده يتحسن وتقولي لا تابعون المبارهـ

ثم وش دخل اليهود والنصارى

انا اشوف كوره ماشوف ديانه

وبعد هذا كله الظاهر ان كوره يمين وانت يسار تقارن لعب الي بره في الهلال


( الهلال يبيله مئة سنه على ميوصل ربع اللي موصوله الآنديه الخارجي)


وتجي تسألهم عن سبب تفضيلهم للمباريات الاوربية يقولون لك متعة
يعني الهلال مايمتع ؟؟

يومين يمتع وسنه مايمتع



التايب مايمتع؟
هو لاعب الوحيد اللي يتحرك في ملعب
ياسر ما يمتع؟
وهذا مضيع فرصه لين شبع وقدام المرماء والله شي يخجل ولا جايبين معه لقاء يقول انشالله في مباريات القادمه نمتع ايه متع وضيع قدام المرماء وصيد عصفير والمصورين اللي خلف المرماء وين متعه معه
سامي مايمتع؟
هذا ماعنده نيه يعتزل كبير في سن وآكل حقه وحق غير في هجوم
الشلهوب مايمتع؟

هذا خلوه متكي يشرب عصير في الحتياط يكون افضل

نواف اللي عطئ وسوئ للهلآل شياء كثير ويطلعون بعض العضاء يقلون لو ينتقل بنظام العارهـ

تقولي الهلال افضل من مباريات الآروبيه

شكلك مسخن او فيك شي

الهلالي يحضر والي موب حاضر با الطقاق هو الخسران وعلى العموم جو ولا ماجو ال 70 الف مشجع راح يكونون موجوديين بأذن الله

حياك الله يااخ هلالي ..

الهلال ليس في الحاجه لهذه المجموعة ..

فنادي تزعم اسيا ولازال وسيظل .. ووتتركه لاجل نادي لايعلم عنك اي شي وفوق ذلك من خلف شاشه تتابعه !!

بينما جمهور الهلال الواعي يقدر هذه المسؤلية الكبيرة التي على عاتقه فيبادر بالحظور منذ الساعات المبكرة لذاك الزعيم المتجدد

واكرر ... جمهور الهلال الواعي على علم ان الحظور هو الدافع النفسي الكبير للاعبين لتقديم اقصى مالديهم

اسف على الاطـالـة .. لكن اشكر فيك غيرتك على الهلال وانا إن شاء الله ابصلي وابتغدا وراح ابادر للحظور للملعب لاني في مدينة الدمـام والحظور لابد منه حتى لو كنت في دولة اخرى تقديرا ً لنجومنا المميـزةتحياتي

كلامك سليـــــــم . .

بالنسبه لي أحب الهلال وأشجعه وبنفس الوقت أشجع نادي أوروبي , ولكن اذا تعارض مباراة الهلال مع المباراة الاوروبية أفضل الهلال بالتأكيد , طبعا مباراة اليوم لا تتعارض مع مباريات دوري الأبطال الاوروبي ولله الحمد .

أما بخصوص موضوع اليهود والنصارى فأعتقد أن الجماهير تتابع لاعبي اوروبا لفنهم الكروي وليس لديانتهم أو شيء من هذا القبيل , فلماذا نقحم الأديان بالرياضة ؟!!
ملاحظة لأخي كاتب الموضوع : اللاعب الذي تضع صورته في الصورة الشخصية (بيرلو) هو مسيحي كاثوليكي فهل من اللائق أن نقول عنه كافر ونستنكر اعجابك به ؟!!!
أرجو الارتقاء بالفكر يا عزيزي .

اعرف كيفيه وضوع عنوان للموضوع
وثاني شيء ياخي الناس بكيفهم
وان جيت للحق مباره الشامبين ليق ما تقارن مع الاسيويه