#1  
قديم 04/03/2007, 01:34 AM
زعيــم متألــق
تاريخ التسجيل: 10/07/2005
المكان: Canada
مشاركات: 1,257
Cool اسباني احرجني !... ماحدث بعد المباراة ... موضوع للوناسه !

تحيه طيبه للزعماء ...

اول شي مبروووك فوز الهلال على الحزم وعودة الذيب سامي لمستواه

نطب في الموضوع ...

الموضوع يااخواني صار كله بعد مباراة الهلال والحزم ... وتتمحور (مدري وش معنى تتمحور اصلا ) هذه القصه على... مـــــصري وهـــنـــدي واسبــــــاني ...

نبدأ ...

بعد ماحضرت مباراة الحزم وقعدت على اعصابي 114 دقيقه ! وفجرها سامي وهبلنا هبال مب صاحي ! (ماقصرت يابو عبدالله ) صارت السالفه ...

المهم ... وانا طالع وصلتلي واحد من العيال وقلت ياولد خلنا نمر هارديز (دعايه ! ) ... وقفت في طلبات السيارات وانا متوشح (كهكهكه اموت باللغه العربيه) شال الهلال على رقبتي ... جاني مصري يشتغل في هارديز وناظر في الشال وقال مبروك الف الف الف مبروك (حسيت ان الهلال اخذ كاس العالم) قلتله الله يبارك فيك قال مين اللي جاب القون التاني (ادري لاتعايرون قون هو قالها كذا!) قلتله ساااامي قال ماشاءالله لااله الا الله ماالكبييير كبييير برضو :p قلتله اكيـــد ... عطيته طلبي وراح ...

مشيت شوي الا وجاني هندي يناظر في الشال قلتله هلا والله امرني ؟؟ قال انا في هلال ! قلتله شلووون ؟؟ قال انا اهب هلال ... قلت ياسلااام ياحظ الهلال فيك ياشيخ ! قال هازا هلال ميه في الميتين (ليه ميه في الميتين لاتسألوني!) وسوالي بيده بالاخير قاللي انتا فيه زي هازا تاني ؟؟(قصده يبي الشال ) قلتله يفداك قال كم فلوس هازا قلتله عشرتريل قال لا انتا في يجي هنا بعدين جيب واحد ثاني قلتله تامر امر ! (يصير خير ان شاء الله) وراح وخشته مفتوحه للاخير ! ...

اخيــــرا رجعت البيت(شكلكم تقولون وين الاسباني :p ) وطقيتها نومه بعد عناء يوم طويل (كلها مباراه ) ... عاد واشوفلكم ذاك الحلم الفله ^^ ... كنت قاعد في الاستاد ويجيك اسباني ويجلس جنبي ويلتفت علي وقام يبربر بالاسباني مدري وش يقول (شكله يعاير ) المهم وتتحول المباراه الى برشلونه وريال مدريد ! في استاد الملك فهد ! والجمهور هلالي ويشجعون البرشا ... شصار عاد ... بويول اخذ الكوره وقاعد يتفلسف عند الدفاع ويقطعها ميخيا (لاعب ريال مدريد من قلة لاعبين) ويدخلها قووول! واناظر الجمهور الهلالي معصب ويقوم واحد ويسب في المفرج (يحول يالمفرج ) وش جاب بويول للمفرج ! الاقام حقوي يهدي علينا والجمهور يشجعون ...
الــكـل غـنـا والــكـل قــااااال .... يــــاهــــلاااال يـــاهـــلاااال
هذا الزعيييم صــعــب المـنـااال ... يـــاهــــلااال يــاهــــلاااال

والاسباني ورااه ... الا شوي كذا والميكروفونات تقطع (مثل اللي صار كم مره في المباراه) والاسباني عصب على الميكروفونات ! شوي ويلتفت علي ويسألني ليييه في فراغات هناك ويأشر على ورا المرمى تفشلت صراحه ولا عرفت ارد عليه خخخخخ ... وانتهى الحلم على تفشيلتي ذي ...

ماذا نستفيد من الاسباني ...
اول شي الميكروفونات والله ماقدرنا نشجع كل شوي تقطع تلقى الجمهور متحمس وينقطع الصوت والله قهر
بعدين ياللي ماحظروا الملعب والله حرام الفراغات اللي في الملعب هذي ...الجهة اللي فوق ماامتلت والواجهه ماامتلت كلها ! من شدة القهر حلمت فيها بعد ! ...
خويي يقولي موفرينها لمباراة الكويت الكويتي اتمنى يكون كلامه صح ونشوف الملعب ممتلي خصوصا انه مجانا !

الحلم بالاسباني والسوالف ذي يعلم الله انه صارت زي ماقلتها بالضبط بدون أي اضافات

أتمنى الموضوع يعجبكم ... تحياتي لكم !
اضافة رد مع اقتباس
  #2  
قديم 04/03/2007, 01:40 AM
زعيــم مميــز
تاريخ التسجيل: 08/09/2006
المكان: في قلب الهلال
مشاركات: 6,022
قال انا اهب هلال ... قلت ياسلااام ياحظ الهلال فيك ياشيخ

لوووووووووووووول


والله موضوعك رووووووووووعة يوسع الصدر

اما الحلم شي
اضافة رد مع اقتباس
  #3  
قديم 04/03/2007, 01:42 AM
زعيــم مميــز
تاريخ التسجيل: 19/04/2006
المكان: في مكان لايراني فيه الناس ولكن الله يراني
مشاركات: 5,117
اول مبروك فوز الزعيم والله يعطيك العافيه عل الموضوع اللي يوسع الصدر


ياحبي لابوعبدالله .. الكبير كبير

والله ماتصدقون يوم جاء القول الاول !!
من حيني متحمس للقول وزياده على كذا يجيبه سامي [له طعم خاص صراحه] ..
.
.

ماشاء الله عليك شكلك راعي حلوم مثلي انت [احلام سعيدهـ ] ..


إقتباس
بويول اخذ الكوره وقاعد يتفلسف عند الدفاع ويقطعها ميخيا (لاعب ريال مدريد من قلة لاعبين) ويدخلها قووول! واناظر الجمهور الهلالي معصب ويقوم واحد ويسب في المفرج (يحول يالمفرج ) وش جاب بويول للمفرج !

والله للامانه والله ان المفرج مظلووم جماهيريا ..

وكلامي هذا استدليت عليه من خلال حضوري لمباراة الهلال امام الاتفاق لااعلم بالضبط

كنت جالس انا وصديقي وكان خلفنا اربع شباب من اول المبارة الى اخرها وهم
لعن بالمفررج .. واستهتار فيه من خلال .........

لكن الله يخلف ان تصل بنا الكووره الى التطرق الى الاستهتار بشعائر الله !!


[صراحه والله ماشوف لاعب يلعب باخلاص وحب للنادي حاليا مثله] ..



اخر تعديل كان بواسطة » بريماكس في يوم » 04/03/2007 عند الساعة » 02:03 AM
اضافة رد مع اقتباس
  #4  
قديم 04/03/2007, 01:44 AM
زعيــم فعــال
تاريخ التسجيل: 13/02/2006
المكان: فوق الناس
مشاركات: 240
ياخي انت فله ويعطيك العافيه علي الموضوع
اضافة رد مع اقتباس
  #5  
قديم 04/03/2007, 01:44 AM
الصورة الرمزية الخاصة بـ ea32
زعيــم نشيــط
تاريخ التسجيل: 25/11/2006
مشاركات: 905
اجل قووون
اضافة رد مع اقتباس
  #6  
قديم 04/03/2007, 01:46 AM
زعيــم نشيــط
تاريخ التسجيل: 04/04/2004
مشاركات: 646
اضغاث أحلام
اضافة رد مع اقتباس
  #7  
قديم 04/03/2007, 02:02 AM
زعيــم متألــق
تاريخ التسجيل: 10/07/2005
المكان: Canada
مشاركات: 1,257
إقتباس
الرسالة الأصلية كتبت بواسطة بنت الزعيـــــم
قال انا اهب هلال ... قلت ياسلااام ياحظ الهلال فيك ياشيخ

لوووووووووووووول


والله موضوعك رووووووووووعة يوسع الصدر

اما الحلم شي

والله ردك اللي يوسع الصدر الف شكر على المرور


إقتباس
الرسالة الأصلية كتبت بواسطة آل جابر
ياخي انت فله ويعطيك العافيه علي الموضوع

وانت فلتين ;) يعطيك العافيه على المرور


إقتباس
الرسالة الأصلية كتبت بواسطة بريماكس!!
لي عوده

في انتظارك


إقتباس
الرسالة الأصلية كتبت بواسطة ea32
اجل قووون

عقبال مايجيب سامي اقوان كثيره


إقتباس
الرسالة الأصلية كتبت بواسطة Czech Republic
اضغاث أحلام

بالراااحه اضغاث احلام بس فله ^^
اضافة رد مع اقتباس
  #8  
قديم 04/03/2007, 02:11 AM
زعيــم متألــق
تاريخ التسجيل: 10/07/2005
المكان: Canada
مشاركات: 1,257
إقتباس
الرسالة الأصلية كتبت بواسطة بريماكس!!
اول مبروك فوز الزعيم والله يعطيك العافيه عل الموضوع اللي يوسع الصدر


ياحبي لابوعبدالله .. الكبير كبير

والله ماتصدقون يوم جاء القول الاول !!
من حيني متحمس للقول وزياده على كذا يجيبه سامي [له طعم خاص صراحه] ..
.
.

ماشاء الله عليك شكلك راعي حلوم مثلي انت [احلام سعيدهـ ] ..




والله للامانه والله ان المفرج مظلووم جماهيريا ..

وكلامي هذا استدليت عليه من خلال حضوري لمباراة الهلال امام الاتفاق لااعلم بالضبط

كنت جالس انا وصديقي وكان خلفنا اربع شباب من اول المبارة الى اخرها وهم
لعن بالمفررج .. واستهتار فيه من خلال .........

لكن الله يخلف ان تصل بنا الكووره الى التطرق الى الاستهتار بشعائر الله !!


[صراحه والله ماشوف لاعب يلعب باخلاص وحب للنادي حاليا مثله] ..



والمفرج مظلوم من الجمهور كثيير وماطرا في حلمي الا لاني شفت هذا على ارض الواقع في الملعب على أي شي ينسب ...

وألف شكر على مرورك الرائع
اضافة رد مع اقتباس
  #9  
قديم 04/03/2007, 02:27 AM
زعيــم متواصــل
تاريخ التسجيل: 11/12/2006
المكان: الخبر
مشاركات: 189
انشاء الله مايتحقق الحلم
بس بسبب المفرج حبيبنا
يعطيك العافيه (ومازولا)
اضافة رد مع اقتباس
  #10  
قديم 04/03/2007, 02:36 AM
زعيــم مميــز
تاريخ التسجيل: 07/04/2006
المكان: BuRaYdAh
مشاركات: 10,468
تسلم على الموضوع الخفيف

بس ما علمتنا من فاز بالحلم وانت وش كنت تشجع
اضافة رد مع اقتباس
  #11  
قديم 04/03/2007, 02:42 AM
الصورة الرمزية الخاصة بـ زعيم زعيم زعيم
زعيــم مميــز
تاريخ التسجيل: 01/05/2005
المكان: الرياض
مشاركات: 2,411
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ


أما بويول تنقطع الكورة منه والعالم تسب المفرج خخخخخخخخخخخخخخخخخخخخخخخخخخخخخخخ قوووووووويه

الله يوسع صدرك والله اني قعدت اضحك يالمنسم .. مسيكين ابو مفرج لو يغلط فالديز قلبوا عليه ..
اضافة رد مع اقتباس
  #12  
قديم 04/03/2007, 02:48 AM
الصورة الرمزية الخاصة بـ الصقر الهلالي
زعيــم مميــز
تاريخ التسجيل: 24/12/2000
المكان: ][وهل غيـر الشمـال أعشـق .!!.][
مشاركات: 10,798
تسلم على الموضوع الخفيف

بس ما علمتنا من فاز بالحلم وانت وش كنت تشجع
اضافة رد مع اقتباس
  #13  
قديم 04/03/2007, 02:54 AM
زعيــم متألــق
تاريخ التسجيل: 10/07/2005
المكان: Canada
مشاركات: 1,257
إقتباس
انشاء الله مايتحقق الحلم
بس بسبب المفرج حبيبنا

يعطيك العافيه (ومازولا)

للاسف الحلم متحقق ونشوفه كل مباراة ... سب بالمفرج ! مشكور على المرور


إقتباس
الرسالة الأصلية كتبت بواسطة @[email protected]
تسلم على الموضوع الخفيف

بس ما علمتنا من فاز بالحلم وانت وش كنت تشجع

مامداني اشوف المباراة كلها للاسف ... والجمهور الهلالي كله كانوا يشجعون برشلونه ... تسلم لي على مرورك

إقتباس
الرسالة الأصلية كتبت بواسطة زعيم زعيم زعيم
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ


أما بويول تنقطع الكورة منه والعالم تسب المفرج خخخخخخخخخخخخخخخخخخخخخخخخخخخخخخخ قوووووووويه

الله يوسع صدرك والله اني قعدت اضحك يالمنسم .. مسيكين ابو مفرج لو يغلط فالديز قلبوا عليه ..

كهكهكه ادري في دلاخه بالموضوع بس وش نسوي ... يحوول يالمفرج
مشكور على مرورك الحلو

إقتباس
الرسالة الأصلية كتبت بواسطة الصقر الهلالي
تسلم على الموضوع الخفيف

بس ما علمتنا من فاز بالحلم وانت وش كنت تشجع

جاك الرد ومشكور على المرور
اضافة رد مع اقتباس
  #14  
قديم 04/03/2007, 05:08 AM
زعيــم فعــال
تاريخ التسجيل: 14/07/2005
مشاركات: 343
اما حلم مفهي

برشلونه وريال مدريد باستاد الملك فهد ؟؟؟؟؟

خير ان شاء الله ؟؟؟؟؟؟

هيييييييييه ولد احلم على قدك
اضافة رد مع اقتباس
  #15  
قديم 04/03/2007, 05:19 AM
زعيــم نشيــط
تاريخ التسجيل: 05/09/2006
المكان: جــــــــدة
مشاركات: 743
يعطيك العااافيه على الموضوع الحلوو
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:05 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube