مجلس مناقشة خروج القثامي والسكيبي.... - نادي الهلال السعودي - شبكة الزعيم

فهد عاشق البرسا · #1 27/02/2007, 11:07 PM

بسم الله الرحمن الرحيم

أكيد معظمكم شاف حلقة اليوم من برنامج شاعر المليون وشاهد خروج ابناءالمملكة
فهد القثامي العتيبي

وصالح خلف السكيبي

وفوز الشاعر الأماراتي عبد الله بن غريب

واحرازة المركز الأول بفارق بسيط عن القثامي يلية السكيبي

السؤال المطروح هل فقد البرنامج مصداقيتة؟؟؟؟

انا عن نفسي اقول نعم فقدها بكل جدارة.....

ياليت تتحفونا بأرائكم

ابويارا المغترب · #2 27/02/2007, 11:12 PM

أتمنى ماننساق خلف العصبية القبلية

حتى لانشوهـ الصورة في هذا المجلس....

بإعتقادي خروج ابناء الوطن في هذة الحلقة

لايعني عدم مصداقية البرنامج فهو يختار

الشاعر المميز بغض النظر عن بلدهـ....

هذا هو رأيي وان شاء الله لايفسد للودقضية..

فهد عاشق البرسا · #3 27/02/2007, 11:14 PM

إقتباس

الرسالة الأصلية كتبت بواسطة ابويارا المغترب


	أتمنى ماننساق خلف العصبية القبلية حتى لانشوهـ الصورة في هذا المجلس.... بإعتقادي خروج ابناء الوطن في هذة الحلقة لايعني عدم مصداقية البرنامج فهو يختار الشاعر المميز بغض النظر عن بلدهـ.... هذا هو رأيي وان شاء الله لايفسد للودقضية..

احترم رايك
ونستنى اراء جديدة

مجـــــــــــــد · #4 27/02/2007, 11:57 PM

بالفعل فقد مصداقيته من يوم ما طلع بن ساقان و ابن سرور و فاز فيها العتيبي

السكيبي يستاهل التأهل و بقوة بس الفزعات حاست الدنيا

و القثامي مع احترامي له أجل الموتَ

هامور البورصه · #5 28/02/2007, 12:05 AM

والله صرااحه انا قلتها البرناامج ماحطوها الا عشان التصوويت اجل بالله المطيري يطلع ويدخل .............. من غير منقوول اسمه صح انه شااعر بس والله مايصف مع المطيري معني مانيب مطيري

والقثااامي صرااحه القااه مهوب زين وقصيده مااش حتى انهم انتقدووه في القصيده الاولى

اما صرااحه السكاابي قهررررررر يطلع شاعر بكل ماتعنيه الكلمه وتوصيفه وخياله صرااحه روووووعه

وهو اخذ اكبر نسبه بس انا اتوقع بما ان البنراامج امارااتي مهيب حلووه مايصير امارااتي من ضمن المتااهلين ويستاهل شااعر السبع لغااات

اختلاف الرااي لا يفسد للود قضيه بس اشووفكم يالعتبااان متعصبين بزوود ترى الدعوه كلها شعر وانا اخووك

تشكرااتي لك

فهد عاشق البرسا · #6 28/02/2007, 12:16 AM

إقتباس


	بس انا اتوقع بما ان البنراامج امارااتي مهيب حلووه مايصير امارااتي من ضمن المتااهلين

هاذا الي ابي اوصلة مع مخالفتي لك بكل ماقلت
ابو السبع لغات جاب نسبة 25
القثامي جاب 22

الحين جا دور الجمهور ومعروف ان جمهور القثامي مثل ماقال (جيش(ن) قرومي)
وابو السبع لغات ماعنده نصهم

بس يوم تدخلت اليد الخفية قلبت الموازين ورجحت الأماراتي بنسبة بسييطة عن القثامي..

وبكذا فقد البرنامج مصداقيتة

تحياتي...

:: S3odi :: · #7 28/02/2007, 12:29 AM

في الحلقة الماضية كل اللجنة اتفقت ان قصيده الحبابي ينقصها الشي الكثير وغير موزونه

ولاول مره تجاز كصيده (وجه الدكتور غسان

) وكانت للسكيبي

بس للاسف البرنامج اصبح لايستحق المتابعة وحلقه اليوم كانت هي القشه التي كسرت ظهر البعير

السكيبي كان الاحق في مجموعته

بس عندي سؤال وياليت احد يجاوب عليه ؟؟

ليش بكل حلقه لازم شاعرين سعوديين وكبار ويكون فيه اماراتي واحد بس؟؟

لدرجة هذي مايبون يستنفدون حظوظهم؟

فهد عاشق البرسا · #8 28/02/2007, 12:44 AM

إقتباس


	السكيبي كان الاحق في مجموعته

والله لو فاز السكيبي كان ماقلنا شي ربعة صوتو وفاز بس ابو السبع هاذا ......

إقتباس


	بس عندي سؤال وياليت احد يجاوب عليه ؟؟

إقتباس


	ليش بكل حلقه لازم شاعرين سعوديين وكبار ويكون فيه اماراتي واحد بس؟؟ لدرجة هذي مايبون يستنفدون حظوظهم؟

طبعا يصفـّونهم واحد واحد
تذكرون حلقة يوسف العتيبي وابن ساقان وابن سرور ضربوهم الثلاثة مع بعض
وكانوا مرشحين بقوة للمليون

خلاص انكشفت اللعبة

بس غصبن عليهم شاعر المليون سعودي

تحياتي...

صدى الامس · #9 28/02/2007, 01:05 AM

إقتباس


	بس عندي سؤال وياليت احد يجاوب عليه ؟؟ ليش بكل حلقه لازم شاعرين سعوديين وكبار ويكون فيه اماراتي واحد بس؟؟ لدرجة هذي مايبون يستنفدون حظوظهم؟

إقتباس


	طبعا يصفـّونهم واحد واحد تذكرون حلقة يوسف العتيبي وابن ساقان وابن سرور ضربوهم الثلاثة مع بعض وكانوا مرشحين بقوة للمليون خلاص انكشفت اللعبة بس غصبن عليهم شاعر المليون سعودي

توضيح ..

الجولات اللي شفناها قبل واللي هي كانت لـ 24 شاعر بعد ما ترشحوا من الـ 48 شاعر ..

.. كلها كانت بالقرعة .. واللي اختار الاسامي الضيف اللي يجي في الحلقة ..

يعني مالهم دخل لا فكروا في سعودي ولا اماراتي ولا يمني ولا عماني ولا قطري ولا بحريني ولا جزائري ولا شي ..

لو متابعين البرنامج من البداية كان عرفتوا هالشي ..

ومانبي نظريات المؤامرة ..

هم غلطوا انهم اعطوا الجمهور نسبة اكبر من اللجنة لكن هالشي كله عشان الكسب المادي .. ومحد بيلومهم ..

فهد عاشق البرسا · #10 28/02/2007, 01:13 AM

إقتباس


	واللي اختار الاسامي الضيف اللي يجي في الحلقة

اخوي البلا مهب من الي يسحب البلا من الي يقرا....

إقتباس


	لو متابعين البرنامج من البداية كان عرفتوا هالشي ..

والله متابعه من اوله والحين تأكدت وعرفت الطبخة

إقتباس


	هم غلطوا انهم اعطوا الجمهور نسبة اكبر من اللجنة لكن هالشي كله عشان الكسب المادي .. ومحد بيلومهم ..

صدقت والله

تحياتي...

بعقلانيه · #11 28/02/2007, 01:58 AM

خروج ابن ساقان وابن سرور والسكيبي بعدهم
موافقد المصداقيه الا اكد على عدم وجود مصداقيه
والا اذا كان التصويت على القبايل ابن ساقان قحطاني والحبابي الي اليوم قحطاني؟
وعبدالرحمن الشمري والسكيبي من نفس القبيله ؟
ويويف العصيمي والقثامي ؟؟
يعني هل يعقل انهم بيصوتون ل واحد وبيخلون الثاني؟؟
المساله فيها مجاملات و....الخ
البرنامج فاشل لما فيه من العصبيه القبليه والتلاعب بالننائج

:: S3odi :: · #12 28/02/2007, 02:23 AM

إقتباس

الرسالة الأصلية كتبت بواسطة صدى الامس


	توضيح .. الجولات اللي شفناها قبل واللي هي كانت لـ 24 شاعر بعد ما ترشحوا من الـ 48 شاعر .. .. كلها كانت بالقرعة .. واللي اختار الاسامي الضيف اللي يجي في الحلقة .. يعني مالهم دخل لا فكروا في سعودي ولا اماراتي ولا يمني ولا عماني ولا قطري ولا بحريني ولا جزائري ولا شي .. لو متابعين البرنامج من البداية كان عرفتوا هالشي .. ومانبي نظريات المؤامرة .. هم غلطوا انهم اعطوا الجمهور نسبة اكبر من اللجنة لكن هالشي كله عشان الكسب المادي .. ومحد بيلومهم ..

اذا كان عندك علبه فيها 24 ورقه واعطيت لـ الضيف وقلت اختر شي طبيعي راح يكون الحظ يلعب فيها

بس اذا كانت كل الـ24 ورقة الموجودات في العلبه هي بالاساس 4 اسماء فقط مختاره قبل البرنامج !!!

قبل كم حلقه انتبهت لـ روضة تخطف الورقة خطف من يد الضيف واعتقد كان السعيد ؟؟

نظريات المؤامرة بشي اكبر من هالبرنامج

علي فكره عندي مقطع راح ارفعه وهو صوتي "يفضح" برنامج مشابه لشاعر المليون وهو برنامج نبض القصيد وعمليه شراء الاصوات علانيه

انتظرني ارفع المقطع فقط

هلاليه سنعه · #13 28/02/2007, 03:42 AM

البرنامج صار برنامج فزعات كلن ينخى قبيلته كنهم بحرب
البرنامج وضع للمواهب الشعريه في الشعر الشعبي
وفيه بعض يفوزون من غير استحقااااق بالتصووويت
تمنيييت انهم الغوو التصووويت وخلو الحكم للجنه
بس هم يبوووون يكسبووون من المشاهدين ..
اتمنى فوووز الأفضل ..

LBa your heart · #14 28/02/2007, 04:31 AM

يعني اذا مافاز ولد ديرتك أو شاعر نفس قبيلتك تشكك في مصداقية البرنامج؟

ياخي بقولها بصراحه السعودي يبي كل شي له..

...

زبدة الموضوع أن البرنامج بنفسه فاشل ..بالله جايبين لي لجنه مايعرفون يجمعون اربع او خمس كلمات ويحطونها بجمله؟

وبعدين فيه شعراء خربوا على أنفسهم زي اليامي

لو أنا شاعر ولي شعبيه ..ماراح أفكر بالمليون..

العنفوان الازرق · #15 28/02/2007, 08:38 AM

البرنامج سالب للجيوب شاحذ لهمة العصبية القبليه

خدعوا المشاهد الخليجي من خلال استحداثهم لمثل هذا البرنامج البرئ بزعمهم ومحاولة سحب عقولهم واقناعهم بانه هو البديل عن برنامج الانحلال الاخلاقي ستار اكاديمي بينهما هما وجهان لعملة واحدة الاول يدعوا للانحلال الاخلاقي والاخر يدعوا للجاهليه والحمية المنتنة والتخلف

يدعون بان برنامجهم لا يقارن بستار اكاديمي ومذيعتهم تستعرض السفور والتبرج

هذا االحبابي الذي فاز على الشاعر السكيبي فاز ليس لانه شاعر بل لانه رئيس لجمعية خيرية باسم الشيخ زايد رحمه الله

عبد الله عبيان اليامي كان معه بالمسابقه الاولى ونزل تصويت والحبابي فاز بترشيح اللجنة له قمة الظلم

محمد السرور خرج من المسابقه وهو الاجدر بالبقاء

عضو من اعضاء اللجنة يحمل شهادة الدكتوراه استغرب كيف وافق ان يكون عضوا وقراره = 30% تقسيم اربعه بالله كم يطلع له هذا

بصراحه

الواقع يقول هؤلاء الفرسان

بن فطيس المري

عبد الرحمن الشمري

عبد الله بن عبيان اليامي

هذا الاخير اذكركم اذا ما طلع مثل طلعة السكيبي في حلقة البارحه

بينما الايدي الخفية والواسطة تقول الحبابي الاول