و و و السعودية 9 9 9 - نادي الهلال السعودي - شبكة الزعيم

مرسول الهلال · #1 27/02/2007, 08:41 PM

السلام عليكم

عمتم مساء \ صباحا زعمائنا الاعزاء ...

بدون مقدمات ولا متبلات ندخل بالموضوع

صراحة حاط هالموضوع ببالي من فترة وكثير مانسمع عن اللوحات المميزة وعن اسعارها الخيالية اللي تشرح الصدر ويجي ببالك ان فيه ناس مساكين والله <--- مساكين مو ماديا الا نفسيا وعقليا ..

عنوان الموضوع قد يكون غريب بعض الشئ وملفت للنظر <--- بدينا بالمدح

الدعوة ومافيها وبدون تطويل قبل فترة كنت اقراء جريدة الـ ؟؟؟ وفيه خبر عن مزاد للوحات المميزة ..
الحين بنزل لكم اللوحات وبعدها بعطيك الاسعار بس بعد هذي النصيحة

( مرضى السكر والضغط والكلى واللي يمغصهم راسهم وعيونهم يحولون على موضوع ثاني )

اللوحات التاليه بيعت الاسبوع الماضي :
و و و 999
و و و 666
و و و 111
و و و 222

الاولى شراها واحد من الشعل السعودي رفض ذكر اسمه بـ 320 الف ريال سعودي فقط ..؟!
الثانية شراها واحد نسيت اسمه بس هم ذاكرينه بالجريدة بـ 200 الف وعليها شوي بس نسيت

الثالثه والرابعه بيعت بنصف سعر الاولى يعني تقريبا على 150 الف ريال

ذكر احد المشترين ان سبب دفعه لهذا المبلغ الخيالي هو حب لاقتنائه الشئ المميز <---

الحين يالربع ويالربعات

نبقى في نفس الموضوع ( لوحات السيارات ) بس بذكر لكم سالفه صارت لي بشهر رمضان ..

السالفه ومافيها كنت اتمنى قبل لاشتري سيارتي لوحة حروفها ق م ر <--- لا تسألوني ليش ...
جاء واحد من اخوياي وقالي لقيت لك سيارة اكل الزمان وشرب عليها لوحتها ق م ر 66؟ .. انبسط يا مرسول الحروف اللي تبيها ولا بعد فيها ستتين

رحنا يم صاحبها وعلى بالي بدفع له 2000 ريال او اقل ... لكن المصيبة يوم سألته عن السوم قالي بـ 15000 ريال ..

من بعدها شلت من بالي لوحة مميزة خلينا على و ع س <--- مافيه ازين منها ..

عاد خويي الاقشر يبي يرفع من معنوياتي قال ترى المرور قاصدين و ع س ل بس الحرف الاخير سقطا سهوا <---- بالله ..؟

هذا مافيه جعبتي لهذا اليوم ودمتم سالمين

عسيريه · #2 27/02/2007, 09:00 PM

صراحه مجانين هالناس مدري وش يبون اجل لوحة سياره بــ320
وتطنزون علينا إذا قلنا بأشتري هالفستان والاّ أبي أشتري ميك أب من الماركه الفلانيه
كــلنا سوا

بس اعتقد ان فيه ناس تهمهم المظاهر والفشخره الزايده عن اللزووم
أقووووول مرسول خلك على و ع س أحسن لك
شكرا أخوي موضوع حلوووو

مع التحيه
عسيريه مصرقعه

ابوندى الهلالي · #3 27/02/2007, 09:53 PM

ياطويل العمر هذولا قريشاتهم زايدة
مايدري وش يسوي بهن الله يحفظك
واللي معه قرش محيره يشتري طير ويطيره

صدى الامس · #4 27/02/2007, 10:40 PM

هذولا بكل صراحه مرضى .. عندهم نقص في شخصياتهم ..
ويبون يكملونها بهالاشياء .. بإعتقادهم انها تكمل شخصيتهم ..
وما يدرون انها تزيدها نقص فوق نقصهم ..

مشكور مرسول الهلال ..

:: S3odi :: · #5 28/02/2007, 12:03 AM

ايه اللي ماعندوش مايلزموش

لو عندي رصيد ماينقص كان اشتريت كل الـ ووو وحطيتها علي سياراتي

ناس تستفيد وناس تستهبل علي ناس والناس كلها عايشه مع الناس <-- ناوي يتفلسف

فوتكم بعفيه

هامور البورصه · #6 28/02/2007, 12:01 AM

اعرف وااحد لوحة سياارته

س ع د 999 جاايته صدفه وشاايب وباعها باربع الاف يوم درو عنه عياله زعلوو عليه

من جد نااس متدري وين تودي فلوسها فيه انا يوم جيت بطلع جوال قعد يوريني ارقاام مميزه

وكان معي فلووس يمديني اشتري ارقاام مميزه بس فكرت فيها قلت يااولد استفد بالفلووس هذي تساافر لك سفريه تخت لك خته

اما اني اقعد ادفع الفين عشاان رقم قلت وعطااني رقم مميز XXXXXXXXXXX <=======مين شال الارقاام هههههه

انا اقوول المفروض يتبرعوون بفلووسهم الزاايده بدال مايضيعونها على لوحة سيااره والمشكله انها ثلاث مية الف

يعني تخيلو المدرس كم يقعد يجمع عشاان يحصل ثلاث مية الف <========== تفكيره باايخ لا جد والله وضيعها على حديده عشره سانتي في خمسه ساانتي والله العقل نعمه

البارق · #7 28/02/2007, 12:07 AM

يعني وشلون .. الحين الآدمي اللي هو بني آدم ومسلم وسعودي وأنواع المرجلة ..

ديته 120 ألف ريال ..

يعني اللوحة المميزة أغلى منا ..

أقول الله يخارجنا .. يعني قيمة اللوحة عن ناس مثل ما تقول إنك شاري سفن أب ..

لنا الجنة إن شاء الله ..

F I N A L · #8 28/02/2007, 07:36 PM

إقتباس

الرسالة الأصلية كتبت بواسطة البارق


	يعني وشلون .. الحين الآدمي اللي هو بني آدم ومسلم وسعودي وأنواع المرجلة .. ديته 120 ألف ريال .. يعني اللوحة المميزة أغلى منا .. لنا الجنة إن شاء الله ..

إن شاء الله

الماسه الزرقاء · #9 28/02/2007, 02:33 AM

المشكلة مو في إلي يشترونها لأن بعضهم مطخطخين ما شاء الله يعني ما تضرهم ولا تنقص من فلوسهم شي ,
لكن المشكلة في الناس العاديين إلي يشترونها بهالأسعار بس عشان المظاهر الخداعة ,
ويقولون عنه إنه ولد عز ؟!!
وهذا يُعتبر إحساس بالنقص , والقناعة كنز لا يفنى ,

مشكور اخوي مرسول الهلال على الموضوع الذي يناقش ظاهرة انتشرت في مجتمعنا ,

وننتظر جديدك ,

:: S3odi :: · #10 28/02/2007, 02:45 AM

إقتباس

الرسالة الأصلية كتبت بواسطة الماسه الزرقاء


	لكن المشكلة في الناس العاديين إلي يشترونها بهالأسعار بس عشان المظاهر الخداعة , ويقولون عنه إنه ولد عز ؟!! وهذا يُعتبر إحساس بالنقص , والقناعة كنز لا يفنى ,

هنا نقدر نقول نقص لانه لما تستغني عن اشياء انت بحاجتها من اجل نظره الغير لك وقتها تحاول ان تغطي على عيوبك/نقصك

الماسه وضعتي قلمك علي الجرح

موضوع يستحق المتابعه بمداخلاتكم

سكره هلاليه · #11 28/02/2007, 02:50 AM

اقول يازين لوحة سيارتنا

والله ناس متخلفين
والله نشتري سيارهـ جديدهـ احسن من لوحة

الزعيمتهم · #12 28/02/2007, 03:22 AM

انا اقول ان التميز بالاخلاق موب لوحة سياره

والله عالم فاضيه ورايقه وفلوسهم زايده

LBa your heart · #13 28/02/2007, 04:34 AM

لو فلوسي زايده..كان سويت مثلهم.

سندريلا الهلال · #14 28/02/2007, 06:10 AM

الله يعطيك العافية ..وبصراحة اسعار اللوحات اسعار خيالية ..

طيب اللي فلوسه زايده ويشتري سياره سعرها .. 350 ألف هذا شيء عادي ومقبول لأنها ماتعتبر اساساً اسراف..

لأنه قادر على هالشيء وزايد عن حاجته ويقدر عليه .. واذا كان عنده نعمة من رب العالمين يبينها عليه .. ويشكر رب العالمين عليها ..

لكن يجي واحد راتهبه 5 الالاف ريال شهريا .. ويشتري لي سياره ب200 ألف هنا الاسراف وهذا التبذير.. لانه مايستطيع توفير هالمبلغ .. ولا هو زايد عن حاجته .. وشاريها من باب المظاهر ..

اما مسألة اللوحات .. فالواحد يخاف من العقوبه .. 350 االف في لوحة .. وهالمبلغ ينقذ قرية كاملة من مآسي ..

يعــني صحيح احنا نحب نتميـز .. لكن فيه تميز بعقل ورزانة مو ادخل مزادات في لوحة سيارة !!!

يعني والله الواحد يخجل من نفسه .. تصل حالته لدرجة ان لوحة سيارة تشغل جزء من تفكيره ..!!

والله يوفق الجميع ..

س ا م 6 · #15 28/02/2007, 07:36 AM

لو عندي فلوووس سويت مثلهم و أعظـــم

سـلـ111111111م