#1  
قديم 23/02/2007, 02:59 PM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
مهما فعلتوا حاضرين حاضرين .. رساله لك ايها الجندي

بسم الله الرحمن الرحيم


اسعد الله اوقاتكم بكل خير ..


ادخل بالوضوع ع طول لاني منقهر من امس ...


وصلنا الملعب الساعه 5 العصر .. شريت ثلاث تذاكر ووقفنا سرا عند (( نقطة التفتيش الاولى )) ..



وصل دورنا واول عسكري فتشنا واخذ شال مكتوب عليه ...!! ليه يالغالي ..؟ قال ممنوع

قلنا طيب امرنا لله ..

وصفينا سرا عند (( نقطه التفتيش الثانيه )) .. << حشى خط الرياض الشرقيه

هنا عاد التفتيش الذاتي اللي ما جرب التفتيش الذات يجي الملعب ويشوف بعينه ..

فتش خاويي اللي قدامي .. قلت لخاويي شف المهبول (( واحد معاه كيس حب _ فصفص _ )) تقريباً كيلو
قال خاويي حشى طالع بر رد عليه اللي يفتشه ليه انت راعي بر ؟؟
قال ايه حنا اهل البر
رد عليه العسكري قال ماهوب باين
^
^
ينكت هو ويا وجهه

المهمه يوم جاء دوري فتشني سريع سريع لانه كان معه اتصال

قال يا عسكري تعال فتش ويجي واحد ثاني يفتشني ودخلني
^
^
طبعا هذا العسكري ما بقى مكان مالمس فيه

دخلت واشوف خاويي يفصخ كنادره .. وانتم بكرامه ولا العسكري جالس يفتش

جاء وناداني قاله خاويه خلاص فتشته قال لا خله يفصخ كنادره

فصخنا الكنادر وانتم بكرامه ..
قال ارفع سروالك قلت له طيب ونرفع
قال افصخ شرابك .. وفصخنا

والله لو داخلين جمارك كان ما فتشونا هالتفتيش

طبعا غير اللي مركبينهم بالجيب ... ليه كل هذا ؟؟

صح ارتفع ضغطي بس قلت لعيون الزعيم يهون .. كل شي

وندخل عند بوابة المدرجات والتفتيش المليون ..

وادخل وناظر يميني ولا مقسمين المدرجات .. كان تقفل الاخلاق مليون

تقريبا جلست ع هالاحال ساعتين وانا ضايق صدري من هاللي جالس يصير

واخويااي يقولون بالله يا طارق وسع الخاطر لا يهمونكـ

قلت كل اللي جالسين يسونه عشان ما نحضر مره ثانيه ...؟؟؟

قال خاويي وش نسوي لعيون الزعيم

انا من داخلي مولع نار ..

ظلم ظلم ..

يا عساكر ابي واحد يفهمني ليه كل هذا اللي جالس يصير نعم انت مالك دخل .. لكن ما توصل المواصيل انك تجي ما بقى شوي وتفصخ الجمهور .. اجل المباراه الجايه نجي مفاصيخ عشان ترتاحون << اعذروني ع هالكلام

لكن جد خلاص كل شي وصل حده .. تبون نخربها معكم عشان تركبونا الجيبوب وع القسم ع طول وتحرمونا من المباراة ......؟؟؟؟

ترا هذا جمهور الزعيم يا ...........


لو حطيتوا حواجز وتفاتيش واهنتونا وفصختونا داخلين داخلين ..

خافوا ربكم باللي جالسين تسونه ..

رساله لكل المسئولين في الملعب خافوا ربكم ..

سؤالي لـ الامين غير الامين .. ليه مباراة النصر فتحتوا لهمه الواجه وجمهور الزعيم قسمتوا بيينهم ...؟

كل هذا عشان تبون الشغب يتطور لكن معصي .. ومن فوق خشومك حاضرين لو حطيتونا وراء المرمى

واتمنى من ابو سلطان وكل مسئول في النادي وكل من له كلمه ان يوجه رساله لكل عسكري لكل مسئول في الملعب بانهم يحترمون المشجع الهلالي .. مثل ما احترمناهم مع انهم لا يستحقون الاحترام
ما اقول الا حسافه عليك البدله ايها الجندي السلتوح ..


لكن الحمد لله الفوز لنا وحرقنا اعصابهم .. ومبروك الفوز يا زعماء
وسامحوني والله اني من امس وانا منقهر ومافيه غيركم افضفض له ..

واتمنى اتمنى إذا تبون الجمهور يحضر نوقف المهازل اللي جالسه تصير بالملعب

وسؤالي .. ليه الاعلام اللي عليها كتابه لا تدخل المدرجات ...؟ ماهو السبب ؟؟

المدرجات ما يحليها الا الجمهور والاعلام .. ليه ما تدخل جاوبوني يا مسئولين ....!!


وفي الختام .. اشكر الجمهور اللي حضر واشكرهم ع وقفتهم مع الزعيم ..

وعقبال الكأس ان شاء الله ..

وسامحوني ع كل كلمة قلتها .. وإلى اللقاء

اخوكم الشوق الازرق
اضافة رد مع اقتباس
  #2  
قديم 23/02/2007, 03:16 PM
زعيــم متواصــل
تاريخ التسجيل: 16/11/2005
مشاركات: 108
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الى هالدرجة والله شيء يقهر
اضافة رد مع اقتباس
  #3  
قديم 23/02/2007, 03:25 PM
الصورة الرمزية الخاصة بـ hamad9
زعيــم نشيــط
تاريخ التسجيل: 10/02/2006
المكان: الرياض
مشاركات: 632
والله انك صادق امس صراحة عذاب في عذاب ذبحونا حسبي الله على الظالم
اضافة رد مع اقتباس
  #4  
قديم 23/02/2007, 03:56 PM
زعيــم مميــز
تاريخ التسجيل: 05/03/2004
المكان: تايه في دنيا الران
مشاركات: 3,404
ياليتهم يفتحون المجال للبنات والله لتشوفن التكفيخ على اصوله من شبيهات مهمد نووور واصدقائهم


والله حنا بالملعب ننذل ونتبهدل وكله في سبيل الهلال يهون
اضافة رد مع اقتباس
  #5  
قديم 23/02/2007, 09:26 PM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
ياليت والله يشوفون لنا حل .. من جد ترا الشي اذا وصل حده ينقلب ضدهـ

والله ندخل بس للمدرجات بطلعت الروح والعذاب ترانا محنا مجبورين نحضر لكن كله عشان الزعيم

ومشكورين ع الحضور
اضافة رد مع اقتباس
  #6  
قديم 23/02/2007, 09:36 PM
زعيــم مميــز
تاريخ التسجيل: 15/04/2006
مشاركات: 3,231
ايها الجندي السلتوح ..
حلوه ذا الكلامه خخخ
لايهمونك اخوي
وحاضرين حاضرين
اضافة رد مع اقتباس
  #7  
قديم 23/02/2007, 09:45 PM
زعيــم متألــق
تاريخ التسجيل: 08/12/2006
مشاركات: 1,346
حشا والله لو انكم على معبر رفح مافتشوكم كذا .. الله يعينكم
اضافة رد مع اقتباس
  #8  
قديم 23/02/2007, 09:59 PM
زعيــم نشيــط
تاريخ التسجيل: 01/07/2005
المكان: الكويت
مشاركات: 904
والله ظلم
اضافة رد مع اقتباس
  #9  
قديم 23/02/2007, 10:25 PM
زعيــم متألــق
تاريخ التسجيل: 07/09/2005
المكان: الرياض
مشاركات: 1,054
ياليت والله يشوفون لنا حل .. من جد ترا الشي اذا وصل حده ينقلب ضدهـ
اضافة رد مع اقتباس
  #10  
قديم 24/02/2007, 04:40 AM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
الحل ان شفت سلتوح يستقعد خل دمك بارد

<< مشكلته عصبي والله خوفي اصطر واحد كف بعدين انحرم من المباراة

لكن نحضر لعيون الزعيم واسمع يا بو سلطان انهان اخر اهانه لكن لعيون الزعيم

واتمنى يوصل هالكلام لمسؤول قدها وقدود

يعني بتفتيشهم ينقال لك انه راح يمنعون الالعاب الناريه ودخلوه الشعب الهلالي

يعني بكره تشوفونهم يحطون غرفه تفتيش ذاتي يسونها والله ما عندهم مانع ..
اضافة رد مع اقتباس
  #11  
قديم 24/02/2007, 04:49 AM
زعيــم مميــز
تاريخ التسجيل: 01/09/2005
المكان: نبض إنسان
مشاركات: 9,002
إقتباس
الرسالة الأصلية كتبت بواسطة تمياط 2000
حشا لو انكم على معبر رفح مافتشوكم كذا .. الله يعينكم

^^^^^^^^^^^^^
اضافة رد مع اقتباس
  #12  
قديم 24/02/2007, 06:31 AM
زعيــم مميــز
تاريخ التسجيل: 17/08/2000
المكان: الرياض
مشاركات: 2,643
لا حول ولا قوة الا بالله

عساكم عالقوة يا زعماء
اضافة رد مع اقتباس
  #13  
قديم 24/02/2007, 04:22 PM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
ن و س 7 7 0
تفتيش رفح اهون من ملعب الاستاد بكثر



هلالي الرياض
الله يقويك.. شفت شلون بكل الطرق يبون يوقفون الموج الازرق .. لكن معصي والله
اضافة رد مع اقتباس
  #14  
قديم 24/02/2007, 04:27 PM
زعيــم نشيــط
تاريخ التسجيل: 04/04/2004
مشاركات: 646
و يقولون ليش ما في حضور جماهيري !!


شلون يبون جمهور و هذي سواياهم !!
اضافة رد مع اقتباس
  #15  
قديم 24/02/2007, 04:36 PM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
Czech Republic

هم يسون الشي هذا مع الزعماء بس ..

شوف مباراة النصر او الاتحاد شوف الاعلام اللي تدخل والشالات

الا لجمهور الزعيم ممنوع ... بس والله معصي وحلم ابليس بالجنه ..

بدخل لو سوو مليون حاجز وتفتيش وضايقونا بحضر .. ونكسر خشومهم بعد

بس انا اقول ترا الشي إذا زاد عنه يا سلطان ويا نواف ويا ابو سلطان انقلبه ضده ..

ترا ان السلاتيح ما توقفت عند حدها ترا نقدر نوقفها ونخربها ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:33 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube