آهـ آهـ آهـ ياابو بندر


خليت العذال يتشمتون فيـــك

والله قهررر اللي قاعدين يسبون نواف
عيب
عيب عليكم وربي عيب

ابو بندر قدم لنا البطولات والمهارات والفن الكروي وحنا لازم نوقف معه في الحلوه والمره

يكفي انه تحاامل على اصابته التي كادت ان تعيبه الى الابـد
والآن تنكرون مافعله نواف ؟؟

انا اجزم بأن من يتطاولون على نواف لاينتمون للوسط الهلالي

نواااف

نحن معـك وننتظرك وانا كلي أمل بأنك عااائد بقوه لتلجم هذه الافواه التي لاهم لها الا التفرقه بينك وبين بيتك الثاني وجمهورك المحب في نادي الهلال ..

نوااف

ثـِـق بأنك نجم لن تنسااه الجماهير الهلاليه وهذه الجماهير التي تطاولت عليك هم مجرد حثااله لايعلمون مالذي قدمه نواف ومن هو نواف التمياط وماهي امكانياتك ياابو بندر

مكااانك في القلوب وانا وااثق بأن الاغلبيه من الجماهير الواعيه تعلم ماهي الظروف التي تمر بها

كلي ثقـه بأنك سترد على هذه الحثاااله دااخل الملعب وستلجم افوااههم قريبا

في انتظارك ابو بندر

شكرا لكاتب الموضوع على غيرته على النجم نواف التمياط

الصراحه اكبر غلط سوته الاداره الهلاليه هي التجديد مع نواف ..

الاعب خلاص راح فيها ..

وبعيدا عن العاطفه نواف خلاص ما صار نواف 2000 ..

اما من ناحية انه قدم للهلال الشيء الكثير .. فهذا لا يختلف عنه اثنان .. نواف كان افضل لاعب سعودي ان لم يكن الافضل عربيا واسيويا ...

لكن خلاص نواف طاح مستواه مره ... ولان المفروض مكانه هو دكة الاحتياط ..

اااه لو كان المفرج بداله كان شفت صفحة المنتدى الاولى كلها عنه .. لا وياليت ينقدونه نقد هادف بل تجريحه وقد تصل الى سبه ..

لكن هاذي هي عادة الجمهور وللاسف ..


وانا اتمنى من اعماق قلبي ان يرجع نواف 2000 ..لكن مااتوقع ..

تحياتي ..

أخوي العزيز صدقني ان لاعبي المفضل بعد سامي والثنيان هو نواف

لكن نواف لكل اسف بعيد عن مستواه بل هذ ليس نواف هذا شبح نواف الذي لعب في مباراة اليوم

نواف كان يتمشى في الملعب

انت تقول ان الجمهور الهلالي ناكر للجميل

صدقني يا اخي نواف التميا أخذ من الهلال اكثر من ما اعطى


لا تنسى أنه أخذ 3 مليون ريال في فترة الأمير عبد الله بن مساعد وهو مصاب وبعدها عندما غنتهى عقده ساوم النادي وجدد ب10 مليون ريال لمدة 5 مواسم يعني 2 مليون عن كل موسم


وبالبع هذا مبلغ كبير جدا جاد

ويجب على نواف أن يرد الجميل للإدارة الهلالية والجمهور الهلالي

وأن يحاول إستعادة مستواه

صراحة من الصعب ان يلعب نواف ويوضع الشلهوب إحتياطي على نواف مراجعة حساباته

شكرا

اصابع يدك ماهي سواء
فعلا هذا المثل ينطبق على جمهور الهلال
هناك جماهير ذواقة وواعية
وايضا هناك جماهير متعصبة وغافلة
للامام يابو بندر وهبوط المستوى مو عيب
لكن الغرور هو اكبر عيب وما اتوقع ان نواف
اصابه الغرور غيمة سودا وتعدي ان شاءالله

أي نكران للجميل وهو يعني يلعب بببلاش يابوي هذا محترف ياخذ فلوس يايلعب صح ولا يتوكل على الله

تحيتي ...

قسم بالله اخر ماتوقعها....
ياناس وش فيكم تجحدون كذا.؟ حرااام عليكم وربي
هذا ابو بندر.؟
يكفي انه افضل لاعب اسيوي فيما مضى.؟
والله مبزررة من جد

نواف لاعب كبير وما يختلف عليه اثنين ومافي هلالي يقدر ينكر اللي قدمه نواف للهلال
الكل وقف معه وشجعه عشان يتخلص من الإصابه ويرجع للزعيم ولازلنا نقف بجانبه
ومتأكدين من رجعته بس هذا مو معناه اننا نغالط أنفسنا ونوهم نواف انه جالس يقدم اللي
يرضي الزعماء , نواف أبدا ماهو في مستواه ومحتاج يراجع نفسه..
صدقني كل اللي ينتقدون نواف نقد هادف بدون تجريح هدفهم مصلحته >> لأن القسوه
أحيانا تنفع<<
الكل مشتاق لابداعات نواف واحنا بانتظاره

تقبل مروري

إقتباس الرسالة الأصلية كتبت بواسطة عنترة الهلالي الحين صار نواف هو عالة الهلال الحين صار هو الكحة مهب انتم الي جلستوا تعقدون امال عليه وتشجعونه عشان يتخلص من الاصابة والحين كل المنتدى سب بنواف نسينا وش سوى نواف أقربها آخر بطوله هلالية كانت بفضل الله ثم بفضل نواف بصراحة مازال يثبت نواف بأن الجمهور الهلالي ناكر للجميل

احنا ننقد نواف او اي لاعب هلالي لأننا نحبهم
يعني تبي تقنعني ان نواف يقدم شي هالفتره ؟
بالعكس نواف اذا هو لاعب اعتبري الهلال ناقص لاعب لأن تأثيره للاسف الفتره هذي لا يذكر
نواف كبير ولكنه يلعب بأسمه فقط
احنا نحضر مباريات من عشرين سنه واكثر لذلك نعرف الي ينفع الهلال والعكس
لذلك اتمنى ماتسيطر علينا العاطفه ونمدح اللاعب الفلاني على حساب الهلال
الهلال اولاً وثانياً وعاشراً وبعدين يجون اللاعبين
نواف محترف وهذا شغله ومطلوب منه كلاعب كبير يقدم مستوى كبير والا الله يستر عليه لحد مايرجع مستواه
الشلهوب نجم كبير حرام احرم الجماهير منه ونواف اساسي في وقت نواف يلعب بالاسم فقط