كان هناك سؤال يدور في مخيلتي والآن عرفت إجابته ومن الموضوع ستعرفون ماذا كان يدور في بالي وستعرفون ماذا كان الجواب !؟
قبل أيام عده صادفت شخص نصراوي كان صديق إبن عمي فقال لي ولد عمي ( لاتقول شي عن النصر قدام خويي لأنه نصراوي مجنون حيييييييييييييييل وتراه يتعب بسرعه لأن عنده ربو وقبل قد طاح علينا ووديناه للمستشفى ) ،، قلت له ( الله يشفيه ويصير خير ) صراحه بغيت أصيح ،، المهم نغمة جوالي كانت زعيم نصف الأرض وتوني بغيرها إلا جوالي يدق من ذا النشبه اللي داق علي إلا واحد من أخوياي ما يدق علي إلا في الوقت البدل الضائع المهم كلمته وقلت له الله يرجك مشغل خدمة رنان قالي رد علي وقالي وينك فيه خيو قلت باي بعدين أكلمك نشبتنا الله ينشبك ،، سألني صديق ولد عمي وش خدمة رنان قلت له هذا واحد يدق وهو يحط لك النغمه اللي هو يبيها سألني سؤال ثاني إنت هلالي ؟؟ ،، ترددت مدري أقول لكن قلت لوقلت نصراوي بيقول ونعم لكن لو قلت هلالي قلت أكيد بيسوي >>>
فولد عمي يغمز لي ثم شافه النصراوي وهو يغمز قال وش عندك قال لا أبد سلامتك هاذي عاده عندي مثل كذا ،، قلت في نفسي طيب إذا هلالي وش بيصير فتجرأت وقلت هـلالـي والـراس عالــــــي لا تقول إنك نصراوي لأن الميول أقسام ( هلالي ) ( لاهلالي ) فقط لاغير وقال لي كم عندكم من بطوله قلت في خمــ50ــسين عام خمــ45ــسه وأربعين بطوله ،، فقال إحنا عندنا 82 بطوله ** بغى يجيني صرع يوم قال كذا قلت له طيب كيف قال عندنا 34 بطوله مسجله في الفيفا بغيت أموت بعد شوي قال و48 بطــ بعد ما قال حرف الـ ط تمنيت حاجه وحده إن الله يطول في عمري بس لمدة ثانيتين حتى أسمع الباقى وأموت مرتاح الضمير فقال 48 بطوله شخصيه مسجله عند الفيفا فقلت له وبشغف الـ 34 بطوله اللي قلتها مصدقها بس الـ 48 كيف ؟؟ قال مو إحنا فزنا عليكم 48 مره وإنتوا 46 مره قلت كلامك صحيح قال خلاص قال إذا إجمع 34 + 48 = 82 بطـــوله ،،، فسكت غصب عني
سؤالي الذي كان يدور في بالي هو لماذا النصر أمام الهلال لعبه يختلف مع لعبه مع الأنديه الأخرى ،، والجواب كان بسبب أن فوزهم على الهلال بطوله رسميه ،،
ملاحضه الموضوع ليس للشماته لكن لأوضح لكم بأن الهلال كبير على لسان نصراوي قالها بالغلط ،،

احلق شنبي اذا قصتك هذي حصلت فعلا. صح النوم يالله دوام
بعدين يابنو هلال احنا مانحتاج نألف قصص والله العظيم ان نادينا احسن نادي فليش نلتفت للغير

دمت بود

أقول قله كيف الحال؟.

اول شي عدد بطولاتهم 19 بطولة...وبعدين هو ماكذب الفوز على الهلال بطولة لأي فريق مو عاد النصر

وشكرا

iiiiiiiiiiiiiiiiiiiiii وبالعربي ههههههههههههههههههههههههههه

إقتباس الرسالة الأصلية كتبت بواسطة the minister احلق شنبي اذا قصتك هذي حصلت فعلا. دمت بود

أتمنى تكون قد كلمتــــــــــك ..
ومستعد أحلق شنبك مادام
إنـــــــــــــــــي
صــــادقــــ

فقراوي

يعتبر الفوز على الهــلال بطوولـــة

هــذا واقـــع لا يمكن أن يتغيـــر

هههههههههههههه

ذكرتني يقصة معاناة نصراوي

ألعب غيرها

مستحيــل اي نصراوي يقول هالكلام

صادق لا احد يهمك كلام سليم بس19مو34 مشكوور أخوي

انتم ياليي فوقي ما اعجبتكم القصة ترا موب غصب ترد ...!!!

مشكور

وذا كان الفوز على الهلال بطوله هذا يعني ان الهلال نادي كبير

وهو كذالك

يعطيك العافية

غريبه إلى الحين فيه نصراويين يشجعون النصر ؟؟؟

مسكين هالفقراوي

اجل معاه ربو وخايف عليه اذا قلت له انا هلالي

ههههههههههههههههههه