قرقاص !! صورته لمن لا يعرفه !! - نادي الهلال السعودي - شبكة الزعيم

قرقاص · #1 20/02/2007, 11:29 AM

القرقاص .... فائدة .... ومتعة .... ونشاط .... وحيوية

هل شربت من مشروب القرقاص الرهيب ......... حلوه الرهيب هههههههه

اذا مابعد شربت من مشروب القرقاص فاعلم انك مابعد شربت اي مشروب وانك ناسي عمرك

تعال معي وشف كيف يضبّط مشروب القرقاص وتدعي لي

اولاً / قم بغسل كمية من القرقاص غسلاً جيدا كما هو موضح بالصورة ادناه

ثانياً / قم بوضع الكمية المرغوب فيها من القرقاص المغسول بحسب كبر او صغر بريقك وظع معه سكر حسب الرغبة كما هو موظح بالصورة ادناه مع ملاحظة انك كل ماكثرت كمية القرقاص كل ماصار احلى وألذ وتحس بطعمه الاذع وريحه الطيب ياسلالالالالالالالالالالالام

ثالثاً / قم بتفويح البريق على النار واتركه يطبخ له شوي مع التحريك بالملعقه لأنه يطلع فوق القرقاص ولابد تغمسه وتحركه من اجل يطلع مافيه من فوائد

رابعاً / تقهو وعين من الله خير وادع لكاتب الموضوع وترى ملاحظه بتحس بنشاط عجيب وحيويه يعني خلك حول البيت او هاه بالديره على الأقل لاتقولون ورطنا

الله يحفظكم ويرعاكم

تنبيه ...... تنبيه

ترى هالبيله الي تشوفونها بالصورة اعلاه بدون زعفران ولا حاجه سبحان الله زعفرانه منه وفيه الله يبارك

وترى فوائد القرقاص ماتعد ولاتحصى منه منشط (( هذا بلى ابوك ياعقاب ))... مقوي للدم عموماً ... والدورة الدموية بالخصوص ... ومناسب لمرضى فقر الدم ... واذا خلط مع الشيح فهو نافع بإذن الله لمرضى السكر ... ويكفيك يخوي ريحه الطيب يوم ترفع البيله عند فمك وتشم الريح الطيب ياسلالالالام

وتسلمون يالغالين

الأسئلة

-1-

ماذ عن طعمه

الجواب : -

وبالنسبه لطعمه فطعمه رهيب رهيب بمعنى الكلمه ومع ذلك منشط وحرارة القرقاص غير مؤذيه تحس بس بلذعه رهيبه يارهيب و عليك بعطايا الرحمن ولاتشرب الا شي طيب ياطيب

والله ياله خنة مجنونة تجي في الراس منطلقة عبر الأنف

-2-

وش الفرق بين القرقاص والبابونج؟

الجواب :-

الذي لم يعرف القرقاص من قبل قد لايميز بينه وبين البابونج

والبابونج يختلف كثير عن القرقاص

البابونج زهرته اصغر من زهرة القرقاص وتكون مدببه اكثر من زهرة القرقاص وتميل للأصفر الباهت

واوراق البابونج ايظاً دقيقه شوي وشكلها في العموم تختلف كثيرا وتستطيع تمييزها اذا قطفت هذي وهذي والشرح صعب شوي

وشكل ورقة القرقاص اكبر من ورقة البابونج وكذلك شكل الورقة تختلف قليلاً من ناحية الشرشرة شوي

البابونج يصلح للــــعـــــزاب - يــعني خــــطر عــــلى المتزوجــــــين ,,,

القرقاص يـــصلح للمـــتزوجـــــــين - خطر كبير على الـــعـــــزاب ,,,

=====

المهم جبت لكم طريقة تفجيرية جديدة
الا وهي طريقة جديدة في أعداد القرقاص

وهي انك تآخذ قرقاص شجرته كامله تآخذ لك (( غمطة في يدك وانصحك كثر ))

وتحطها في الخلاط حق مولينكس تعرفونه

وتطحنه مع مقدار كاس ماء وتخليه ينطحن بس قد مايتقطع ولا تطحنه مره زين

ثم صبه في الأبريق وضع رغبتك من السكر ولا انصحك تكثر من السكر لأنه السم الأبيض كما قالو

ثم فوحه بالنار ثم اذا فاح زد عليه ماء الي أن يمتلي بريقك

ثم تعال اشرب

وهذي بيالة نمونة منه

والي يبي يشرب بكيفه

الله الله الله

شف بس القرقاص منتثر وسط البيالة والله شي لايوصف وطعمه على طول في قاع ... راسك

مفعوله على طول سريع سريع ماتحس به الا في هامتك

عموماً الصورة خير برهان

خاتمة: الموضوع منقول للفائدة ولتعريف الكثيرين ممن يجهلون نبات القرقاص البري

ابويارا المغترب · #2 20/02/2007, 11:35 AM

الله يعطيك العافية.......

انا سبق وشربته وهو ماخذ من اسمه كثيييير..

مغرور حدي · #3 20/02/2007, 01:15 PM

نجربه ونحكم .. والله يستر هههههههههه

منور ياباشا ..

تحياتي
أحمد...،،،

سهل · #4 20/02/2007, 01:17 PM

طيب فيه نباتات سامه تشبه القرقاص اخاف نشربها همن نروح فيها .
الا ما نلقى قرقاص ببنده

فهد عاشق البرسا · #5 20/02/2007, 01:21 PM

اييييه
علشان كذا مسمي نفسك (قرقاص)
شكلك تحبة؟؟؟؟

alhawey · #6 20/02/2007, 01:31 PM

هلا بقرقاص

يا مال العافيه..

إقتباس


	القرقاص يـــصلح للمـــتزوجـــــــين - خطر كبير على الـــعـــــزاب ,,,

طيب واللي عزاب بس شياب قربوا من الثلاثين وما بعد تزوجوا زي بعض الناس؟!

تدري عاد قرقصنا ولاّ ما قرقصنا حنا دائماً وضعنا خطير

عشان كذا انا انصح العزاب باكثار الشرب من هذا القرقاص وان مانفع ماضر

سمو الهلال الملكي · #7 20/02/2007, 01:33 PM

إقتباس

الرسالة الأصلية كتبت بواسطة سهل


	طيب فيه نباتات سامه تشبه القرقاص اخاف نشربها همن نروح فيها . الا ما نلقى قرقاص ببنده

الكلاسيكي · #8 20/02/2007, 02:00 PM

ماشاء الله جيت داعس ابغى اشوف القرقاص ..

انا قد ذقته اولصراحه في البدايه احس انها يعذب اللسان ..
بس مع الايام ولما كنا مع اعمي الله يرحمه كاننا حبيناه ..

وهو مش بطال.. حتى في ناس تاكله كذا .. بدون مايسوونه مثل الشاي ..
سهل . اذا تبغى رح لنده مثل ماقلت .. ههههههههه

شكرا ياقرقاص على الطريقه ..

قرقاص · #9 20/02/2007, 05:42 PM

شكرا للجميع على مداخلاتهم

إقتباس


	الكــلاسيكي ماشاء الله جيت داعس ابغى اشوف القرقاص .. انا قد ذقته اولصراحه في البدايه احس انها يعذب اللسان .. بس مع الايام ولما كنا مع اعمي الله يرحمه كاننا حبيناه .. وهو مش بطال.. حتى في ناس تاكله كذا .. بدون مايسوونه مثل الشاي .. سهل . اذا تبغى رح لنده مثل ماقلت .. ههههههههه شكرا ياقرقاص على الطريقه ..

هلا بالكلاسيكي

انا مثلك ماقد جربته شاهي !! بس انصحك تجربة اذا كنت متزوج يمدحونه

إقتباس


	alhawey هلا بقرقاص يا مال العافيه.. طيب واللي عزاب بس شياب قربوا من الثلاثين وما بعد تزوجوا زي بعض الناس؟! تدري عاد قرقصنا ولاّ ما قرقصنا حنا دائماً وضعنا خطير عشان كذا انا انصح العزاب باكثار الشرب من هذا القرقاص وان مانفع ماضر

العزاب اللي قربوا الثلاثين مايضرهم اذا خذوه بالعكس يمكن يشجعهم على العرس

إقتباس


	فهد عاشق البرسا اييييه علشان كذا مسمي نفسك (قرقاص) شكلك تحبة؟؟؟؟

ومن مايحب القرقاص والبر والربيع

إقتباس


	سهل طيب فيه نباتات سامه تشبه القرقاص اخاف نشربها همن نروح فيها . الا ما نلقى قرقاص ببنده

في بنده مااظن !! بس يمكن تلقاه في محلات بيع الزهور بس بحجم اكبر >>> بيورطه

إقتباس


	مغرور حدي نجربه ونحكم .. والله يستر هههههههههه منور ياباشا .. تحياتي أحمد...

جربه وادعي لي

إقتباس


	ابويارا المغترب الله يعطيك العافية....... انا سبق وشربته وهو ماخذ من اسمه كثيييير

يقولون قرقاص بيعطيك جوانح

[QUOTE]سمو الهلال الملكي

إقتباس


	[/QUOTE

]

هلاليه سدير · #10 20/02/2007, 05:55 PM

يااااازين القرقااااص زينااااه

حلاته تاكله >> لزيز

يعطيك العاااافيه

20&الهلال حبي&9 · #11 20/02/2007, 06:44 PM

تصدق عاد كنت ابسالك وش الفرق بينه وبين البابونج
انا اول احاسبه بابونج
وترى حتى البابونج حلو
مشكور على الموضوع

البارق · #12 20/02/2007, 10:05 PM

يا هلا ومرحبا بك يا ابو جنى ..

الله على القرقاص وريحته وطعمه ..

تصدق كل ما أشوفه أتذكرك ..والله أقولها من جد ..

طبعا بالنسبة لي أشرب شاهي القرقاص أو القريص وهو فعلاً لذيذ ومميز ..

وكذلك قد أكلته على طول وآخرتها يوم الخميس الماضي ..

عليه لسعة للسان حلوة ..

طبعا آكله وأشربه قبل ما أدري عن الفوائد .. جايزن لي منذو مبطي ..

الجهة الغربية للتنهات وكذلك خريم ..مليء بالقرقاص ..وهو واضح ..

يا مال العافية يا ابو جنى على هالموضوع ..

تقبل تحياتي ،،،

الـرايـــق · #13 20/02/2007, 11:47 PM

والله انا ماقد جربته كمشروب
بس بيني وبينك غطيت على ريد بول بها المواصفات
والحقيقه من زمااان عن القرقاص خابر من زمان نطلع حنا والوالد للبر
ثم نتقصوى شوي عن محلنا ونقعد نعلف من هالقرقاص

يله ايام<<تخبر ابو ستين سنه

والحقيقه انبسطنا يوم شفنا يوزرك ولاتحرمنا هالطله