بأسم جميع الطلاب المغتربين هنا في أمريكا اطالب اخواننا المسؤلين في القناة الأولى ببث المباريات كامله (طبعآ في أمريكا ماتوصل القناة الثانيه) حتى ولو كانت مسجله بحيث يعاد بثها في ساعه متأخره من نفس اليوم مثلآ. هل هذا بكثير علينا خاصه ونحن نعاني الأمرين...فنحن لسنا مغتربين وفي رمضان فحسب بل نقضي اغلب الأوقات بين اربع جدران تفاديآ للمضايقات.

تكفون يااعضاء الزعيم اكسبوا فينا أجر...كلها مكالمه وحده للتلفزيون وان شالله ماتبخلون علينا.

سؤال للأعضاء:
إذا كان احد يعرف هل القناة الأولى بتنقل مباراة الهلال و الأتحاد تكفون عطونا خبر. اشوا ان القناة السوريه توصلنا هنا ولا كان فاتتنا مباراة الهلال و تشرين...ربعنا الله يسامحهم ناقلينها عالقناة الثانيه هل هذا يعقل؟؟؟

حبيبي/ هلالي كليفورنيا

السلام عليكم ورحمة الله

أتفق معك في مطالبتك تلك, وياليت الاخوة المغتربين يضعون مطالبتهم هنا, لا واللي كمل الناقص أن الـ ART توقفت عن نقل المباريات المهمة في الدوري السعودي ( يعني يبي يرتاح زميلي في الجامعة من لزقاتي عنده )

الا على فكرة ليش ماتتصل على الـ ART من عندكم, ورقمهم هو - (4581278 - 1888 )فانا إتصلت عليهم ولم يكن تفاعلهم جدي مع تساؤلي وأخبرتهم أنني أعرف كثير من المبتعثين ماركبوا الدش الا من أجل المباريات وليس من أجل أفلام إسماعيل ياسين أو فاتن حمامة,,,

ولك تحياتي,,,

الله يعينكم ويوفقكم

وربي حاس فيكم ياهلالي كليفورنيا انت والأخوان المغتربين ... لاكن ماهقيت ان المسئولين يتكرمون ويسمعون كلامنا لو حكينا للسنة الجاية . و بصراحة انتم اولى مننا بشوفة المباريات .

وشرهتك كبيرة ان القناة الثانية توصل امريكا ؟ يشيخ تراها للحين ماهي موجودة ببعض مناطق المملكة .
لاكن الله يعينك مالك غير هالمنتدى ... والشباب ان شالله مايقصرون ابد .

والمباراة والله العالم انها منقولة على القناة الثانية ....الساعة 10:30 مساءً بتوقيت المملكة ... لتعارضها مع برنامج مسابقات على القناة الأولى .
وعلى قناة orbt ESPN الساعة 1830 بتوقيت قرينتش . يسبقها برنامج تحليلي بالطبع لمدة ساعة .

تحياتي لك يا زعيم

القناة الاولى واوربت ESPN

كل المباريات منقوله على اوربت الرياضيه....اشترك فيها واترك عنك التلفزيون السعودي والقناة الاولى.

The Polite :

اشكرك على اهتمامك ...والله توني ادري منك ان ال ART توقفت عن نقل المباريات على امريكا كنت مأمل عليهم اذا الأولى ما نقلتها...أتمنا ان الخبر مو صحيح. وعلى رايك ال ART هنا ذابحينا بأفلام ابيض وأسود محد يناظرها وبخلانين علينا بمباراة ولا مباراتين في الأسبوع. لولا الحيا كان كتبت فيهم اسواء العبارات.

حبي تيماوي:

شكرآ لك بس المشكله الأوبت ما تجي في امريكا

هلالي الجوف:

اشكرك على مشاعرك الطيبه واهتمامك يالحبيب انا ماقد جيت الجوف بس متأكد ان اي زباله في الجوف تسوا أمريكا كلها.

كلامك صحيح عن المسؤلين في التلفزيون وغير التلفزيون... يازينهم عند الحكي والتطبيل "نحن نهتم بأبناءنا ورعايانا في الخارج" ولين طلبناهم شي بسيط زي كذا ويخفف عنا هالهم اللي انا فيه مانشوف الا الضعوي. اخوانا الأماراتيين ما يجي عددهم ولا ربع السعوديين اللي في امريكا لكن مستانسين قناة رياضيه متخصصه وقول وفعل...الله يخليلهم زايد.

سامي عبدالله:

شكرآ لك...بس عسى ماينتقلون للقناة الثانيه في الشوط الثاني.

ولد النعمه:

شكرآ لك...بس مااااااااااا فييييه أوربت في امريكا...ولا كان اشتركنا فيها من زمااااان.

الاخ هلالي كليفورنيا :

وبقية الاخوه الكرام خارج الوطن ....
اولاً الشهر عليكم مبارك والله يردكم لاهاليكم سالمين غانمين باذن الله ...


بأذن الله اوربت ستنقل المباراة ونحن من هنا شبكة الزعيم سنكون معكم لحظه بلحظه مع احداث اللقاء ...

فقط ابقوا معنا ونتمى ان تلتمسوا لنا العذر علي اي تقصير يصدر منى ...


تقبلوا تحياتي اخواني والسلام ختام

اذا بيغينها يمين جابوها شمال ......
اللي يبنا عيت النفس تبغيه (( القناة الاولى ))
------------------------- واللي نبيه عيا البخت لا يجيبه (( اوريت - والقناة الثانية))

انا عندي اقتراح :p :p
ورا ما يخصون قصدي يخصخصون التلفزيون وخلونا ثلاث او اربع قنوات وهي كتالي :-
.........................................ز
2- قناة للرياضة
3- قناة تشششششششش فاضيه
ولاحد يزعلعلينا ولا فيه من بعد هذا بحكم نحن الطلبة السعودين كابووووس اسمه (( اعزاءي المشاهدين سوف ننتقل )) .................
وفي السلام ختام

أسأل الله العظيم في هذا الشهر الكريم أن يكون مع أخواننا المغتربين من السعوديين وغيرهم من المسلمين وأن يحميهم من كيد الأعداء وأن يعودوا الينا سالمين غانمين .. قولوا آمين .... زودونا بآخر أخباركم ونحن معكم بقلوبنا ودعائنا . أما نتائج المباريات فستكون كالمعتاد أولاً بأول عبر المنتدى والليله منقوله في الأوربت ولكن ما أدري لو كانت مشفره .. واقنعوا بما يصلكم من نقل المباريات واصبروا عن ما يفوتكم وعليكم بالإجتهاد في العبادة في الشهر الكريم وكثرة الدعاء ......... أخوكم